小喵返台灣既日子越來越近，我地當然唔執書，呢個星期日出來瘋狂大玩。
朝11:00相約大圍火車站，我地先去食早餐(係午餐...)，跟住揀好車就出發嚕。都未離開沙田區，喵就話要休息，後來問題都不大~ 滿晒淚水同汗水，一邊踩一邊話咁熱邊個提議踩單車，終於到達大埔吐路港，其實都係唔錯個活動，只係撞正烈日當空咁岩又冇一滴風既情況下暴曬，我地個個都熟晒，紅卜卜。本身話會再踩去大尾督，最後都係放棄，直接去喵家玩Wii算了 ~
其實今日係要同卡露 & 源妹補祝生日，有個好靚既 "豆豆" 蛋糕 (咁岩我一直都好想試)，而我地玩左Mario Party，後玩Wii Sport - Tennis，因為可以4個人一齊玩，全身運動，CK, 源, Yen & 喵激戰，最後由於小白女朋友到達，變成情侶組大戰親情組，Wii 真係用來招呼朋友一流。晚餐由沙田改了出旺角寧記食麻辣火鍋，可能太累都冇乜胃口食野，最後11點幾就散隊~
不過好可惜，最後係喵家都唔記得左影返張大合照，難得既機會~
|
