其實我有考慮過睇唔睇今集既harry potter..

因為上兩集我開始唔明講咩喇..我又冇睇過原著....到依家都重有好多問號...

不過今日最後都係同傻一一齊睇左...我地去左數碼港睇...

今次個故仔基本上冇之前兩集咁複雜....冇咁多枝節..所以比較易明..不過我都有野唔明..

究竟佢地最尾搵個好似水晶球既野係咩....係鄧不利多既秘密武器?

點解個白髮巫師又要搵......????原來我都有咁多唔明咁既...

今集既主題好明顯..就係團結..朋友既力量......

係故仔既結尾harry都講得好明:「我同佛地魔最大既分別就係我有既野佢冇...」雖然冇講到出口..不過好明顯就係一班好既同伴....正所謂「一枝竹會易折彎..幾枝竹會易折難...」

而今次既片長好似明顯比之前短左..得兩個鐘左右.....

而又少左好多古靈精怪既野.....又少左一d好緊湊既打鬥場面..

最緊張係最尾個段既打鬥....但其實都係鄧不利多打.....harry都係係側邊睇...

角色方面....harry當然係最多戲..佢又成熟過上一集好多.....妙麗又靚左好多...

ron同hermione好似係花瓶咁....唔係太多戲...同冇咩內心戲....

張秋就更加大配角....出左幾個鏡.....今集佢同harry既kiss戲係賣點...不過好似過份賣弄...

完全唔知佢地點解要kiss.....冇講佢地點樣發展過.....淨係成日講張秋點望住harry....

全球係7月21日都爆發熱追harry potter大結局既情況...我都有去書局睇左個結局...haha

睇完之後...

我就同傻一去左bowie度做facial..

之後想去食明昇..

關左門...!!!!1

想食pizza hut>.....又要等

結果我地就去左新寶馬食..

好難食..

又冇啫喱...點呀!!!