因預祝 CK 牛一，成班人去左深水步容記，一直都只知係一間有冷氣既大排檔，其實唔知食咩...
由於喵奇返了台灣，七劍唔齊人嚕，不過冇因為咁而少左人，因為多了 女朋友 x 3, 阿大 & 阿康, Kelly，夠數12人開一圍。我地都係叫炒餸食飯的例牌，唔錯~ 未試過咁多人食 ~ 好熱鬧，埋單每人都只係$75，抵過店小二推介既套餐。
賀牛一，我地依照傳統(幾時定架)買返東海堂豆豆朱古力蛋糕，百吃不厭 ~ 而最後餘下一大塊朱古力，阿大提議「搓輸左就指人食」，未試過咁想自己輸，最後由小yen指了小白食，因以為係佢建議玩呢個遊戲，而佢亦都由女朋友餵既情況下清晒!! 拍拍拍 勁! ~ 小插曲, 講開朱古力可以止咳，小yen就答「辣椒漿可以通鼻塞」，又押韻，仲要講埋點塗，笑到停唔到 ~ 超辛苦! 今次最後傻左，都係冇影到大合照... 下次要拍!!
佢地食蛋糕都係女朋友餵 ~ 我就在想... 如果他在也不會有這種待遇，我真是個不識趣既女朋友。昨天行街時，聽到有個女朋友講笑咁怨男朋友唔理佢，令到佢係後面俾人迫。很有趣的對話，但這些話都不會出自我口，他會想聽嗎？ ~ 哈，到底他和我一起會幸福嗎？只是我單方面接收？記得以前有本書... 會撤嬌的女子最幸福，真的... 開始明白這句了，不到我硬頸不認。
|
