今日係第1個月零1日...當一個新既開始...

或者佢依家好嬲我..好討厭我...不過我都算啦...估唔到想做朋友都咁困難囉...

睇佢依家個樣..我諗好快就會鐘意人...唉,世界就係咁啦..見一個鐘意一個,呢種人大把啦~~~

上午..好快就過...除左英文堂悶到抽筋之外..其他都ok既...不過我上堂既時候..始終忍唔住望佢,所以我決定..望佢一次..就咬自己手指一下...仲要好大力咁咬..嗯嗯..希望有效啦...

lunch啦..我係派飯既..佢都係C餐..所以佢出黎攞既時候...我好友善咁遞個飯盒比佢...點知佢居然唔要..攞其他果d...

我當時真係-0-曬囉...大大聲咁話做唔到fd係因為我....依家睇下去既動作,連好心比個飯盒佢佢都唔要...仲好意思話因為我?開玩笑咩...咩錯都推我..好似自己冇錯咁..好難相處呀- -

下午既中文堂..good..又唔洗講低能笑話...過骨....跟住bio堂...原來個sir勁幽默..好好玩~~跟住全班做左個測試...我中4個...成日鬱鬱不歡啦...精神緊張啦..唔做運動啦...食肉唔食菜啦.....好明顯..前2個,都係因為佢咋~不過佢居然中左9個....唉,保重身體啦...一見到佢咁...我又即刻好擔心佢..好想趁放學過去同佢講聲''要改善身體呀..唔好咁易病呀''  不過諗下諗下...我依家對佢既關心...係佢眼中咪又係垃圾一件....唔想比佢鬧...關心,擺係心入面算數啦~

放學..返左屋企..放低書包就即刻攞羽毛球拍出去...因為又約左佢地打羽毛球啦~但係蕩失路- -...最後因為好大風下..都冇打好耐就去飲野,吹下水咁..再去book場~唉..依家呢個時候..如果唔成日同d fd傾下計..我驚我唔知會變成點- -

果d野成日係我心入面困擾我...開口埋口話我煩...其實係佢自己攞黎煩咋...係學校,我同佢傾計基本=0...就好似今日咁,一句說話冇講過...如果咁仲算係煩...咁其他有同佢講過野既人...咪煩到飛起?佢份人頑固到死..成日鑚牛角尖...唔認輸...一人讓一步..我諗唔會搞到咁疆囉...呢一步~我就讓左啦...到底可唔可以和好如初...睇佢自己啦~

就算佢依家幾憎我..時間過去,始終會有冇事既一日...因為無論點,我地都一齊過..有d回憶凈係我地先有..永遠唔會變架...

不過依家既日子..真係好難挨..除左發夢既時間,我都唔會開心...返到學校,,返到屋企..係其他人面前...就算幾唔開心..都要強顏歡笑...要笑比人地睇..笑比自己睇~今個學期..希望我,佢,都可以開開心心咁過..

點解真心話只可以寫係日記度..擺係心度- -...對人地講既話...人地一定唔信既><''