唔知第幾日未食過一餐正餐,未食過一碗白飯落肚....點解 ?

係我問題....呢件事只有家俊知,我呢家人知...唔知我呀媽有無同其他人講.....我都唔想講...所以禁多日都無野日記...

話說星期一我去左家俊度,食完飯都11點了...佢媽咪話唔好成日禁夜番去,留係度訓,(我番到屋企要成兩點),因為第2日又要出離食飯,留低啦 !!家俊又留我...當然我緊係想啦...但我知道屋企家規女仔未到結婚既一日係唔可以係出面過夜,除非有特別理由,如果唔係...會死得好慘....

依家...我就係死得好慘個個喇!! 個晚無話佢地知,因為已經12點幾了..佢地都訓曬...而且我真係好累,唔想再行,所以....我冒左一生最大既險,選擇留低...

當然爸爸媽咪嬲左我,第一日番離就比爸爸鬧,內容不便...總之又係佢個味啦...什麼斷絕父女關係,仲有一d威脅性的說話...媽咪就無同我講過野,只係我個日第2朝打比佢,佢竟然唔聽我電話,我用家俊屋企電話打比佢,佢竟然話邊位呀?我話.."我呀!!"之後佢"超"左我一句就cut我線...我有send番sms比佢道歉架喇...但到到今日呢分呢秒佢地都無同我講過一句野,一隻字都無,我都係...我就連眼都無望多佢地一眼,我有我,佢有佢.....佢地食飯我就唔食...依我呢種硬頸既性格,我講又講過,做又做過,錯又認過,佢地仲係唔同我講野唔彩我都無計架...至多係我無飯食姐....

我真係好錯嗎?真係唔明白,點解人地咁樣就得?我就唔得?點解??係咪永永遠遠我都係你地心目中係一個永遠唔可以大得既細路女,永遠受你地保護?由細到大都係咁.....

我自私?我任性?我硬頸?點解我唔可以做我想做,我鐘意做既野?因為我仲係有呢個病?仲唔可以番工?所以你地就要禁保護我?

20年離....我都算係乖乖的,只係今次做錯一次....你地就發我禁耐脾氣?仲要嬲幾耐?

呢次可以拍戲了...戲名可以叫 "家變" ..."牛皮之戰" or "冷戰".......

禁多日都無食過d嘜野....好頭暈...食野既份量拍得住化療個時....一餐都無....呢件事....我都有唔開心,無心機自己煮野食....所以頭個兩日都係食餅乾咁就過一日,尋日我都算食好d,食左包媽咪麵同一個雪梨...無了.....咁咪攪到依家行兩步就頭暈暈,轉轉下....

另一件事,尋日有個真係好無聊既人打離玩我電話....佢就係我呢一生人中最憎既一個人..."XX聰",如果大家知道我既歷史就知道佢係邊個架喇!!開頭第一個電話無來電,打離唔出聲...隔左一陣,打離響左幾下收左線,我都無為以,無理到佢,到家俊打比我,我先見到有個未接來電係佢(xx聰)間房打離....所以我開始覺得奇怪....無可能無拿拿打錯呀?之後接二連三幾個電話打離玩,呢次終於有來電喇...係6事頭,打離佢係係街度,又係唔出聲..我打番比佢,係一把老牛咁既男人聲聽..我話"邊個呀?"(好惡的)...佢話唔好意思打錯呀...再隔左幾分鐘,又有個無來電野離,今次係把細路聲13,4歲到...打離又唔識講,係度扮唔知咩公司@@"小姐..呀你好呀...我呢...係呢...咩...."講到口77咁,點知比我串番佢,"玩咩呀?講都未識講,白痴"比我串完後佢就唔敢再打離喇!!我即刻話比Jennifer知....幫我話下佢....

唉~~真係好心啦...xx聰...點解禁大個人仲係禁白痴,諗既野同做既野仲係禁低B,嘜都一事無成,去完英國讀書讀左咩番離?番到離讀埋個酒店課程又點??咪又係得個玩字....晒曬你呀爸呀媽錢同心機...太過錫你變左寵得你更壞,我諗你依家個女朋友對住你都好辛苦...你依家係點我都好清楚,個時我成日話你係想你好....唔聽人講,仲扮大佬 ?成熟d啦!!!

短短呢兩個星期,當中真係發生太多事,真係嘜都有....喜怒哀樂樣樣精....講都講唔曬...最開心都係同家俊一齊既時間...其餘唔開心既野我都唔理了.....我終於同家俊影左身第一次既貼紙相了...哈哈....

每日金句:"開心又係咁過,唔開心又係咁過"