『寶雯 與 家俊』係最幸福架!!
maggiefkcman
暱稱: 火星人『蛇髮女妖』
性別: 女
國家: 香港
地區: 元朗區
« June 2017 »
SMTWTFS
123
45678910
11121314151617
18192021222324
252627282930
最新文章
2008-12-11
2008-12-01
原來仲有99日就結婚喇...
愈離愈似了=﹏=....倒...
極度不安,,倒數第352日...
文章分類
全部 (196)
訪客留言
Buy Discount... (Chassype)
Free Samples... (Chassype)
Propecia Di ... (Chassype)
Illegal Cial... (Chassype)
Levitra 20 M... (Chassype)
日誌訂閱
尚未訂閱任何日誌
好友名單
網站連結
尚無任何連結
最近訪客
最近沒有訪客
日誌統計
文章總數: 196
留言總數: 131
今日人氣: 0
累積人氣: 22862
站內搜尋
RSS 訂閱
RSS Feed
2008 年 12 月 11 日  星期四   晴天


2008-12-11 分類: 未分類

已經辦妥的事有....

婚紗相...."柏芝婚紗攝影"  11月20,21日影了....1月5日取相

註冊花球....自己已整好了..."白玫瑰加白桔梗"

結婚花球....西貢訂了..."紅玫瑰加粉紅桔梗"

兄弟姐妹長輩手花等等....未整(自製)

酒樓..."將軍澳晶苑金閣",約50大圍

婚紗..."薇薇新娘化妝"..包了套餐

註冊加擺酒化妝..."薇薇新娘化妝"..包了套餐(老闆娘化) 12月23日,2點試妝

唐餅..."奇華餅家" ..已買

西餅..."聖安娜"...已買

帖...酒樓供應...500張已印好..收到

註冊攝影...."我朋友^^靈靈"

擺酒攝影,錄影..."搵了幫劉德華影相的一隊"cool".."家俊表嫂用過介紹的^^...正

成長片段....本人自製=0=....仲未得閒開始!!

伴娘,姐妹靚裙..未得閒同佢地簡=﹏=大家都好忙

媽咪奶奶靚裙...."薇薇新娘化妝"..包了套餐

嫁妝...媽媽未買^^"等金價再跌多d跌多d!!!!!=0=

過大禮物資...有8成半都買齊訂齊了!!!  (1月3日過大禮)

出席名單....兩家初步的名單都完成!!

整頭髮....結婚前3日會再補色同焗油

指甲....註冊同結婚前兩3日先出旺角整

屋企裝修...完成65%

床,衣櫃..."直銷中心"12月30日送到

嫁妝被: "雅坊婷婚嫁系列----中式HELLO KITTY婚嫁套裝$1700(包繡名)"  12月23日後取...



2008 年 12 月 1 日  星期一   寒冷


2008-12-01 分類: 未分類

好耐都無上離打日記=﹏=....其實都係一個字.....懶...加上好多因素,周圍環境影響,又不合天時地理人和....@@"....真係姓"賴"架我...HAHA....

我終於等到聽日既來臨喇!!^_^....聽日可以去簡婚紗相,真係未出發先興奮!!

之前11月20,21號同家俊番左深圳and廣州影婚紗相,到依家隔左禁耐我都仲未上離大事回顧一番~~

個兩日既婚紗攝影之旅真係非常開心架...最大原因就係無比我想像之中禁辛苦....兩日既行程雖然好緊密,但兩日都可以好輕鬆,好開心咁影,之前未出發個幾日我一路都好擔心會好累好累,隻腳會痛到影唔到....成日都要搵地方坐!!

但點知....真係完全相反呀!!我隻腳一d都唔覺累同唔覺痛,^^.......可能我一早叫隻腳乖乖地啦=3=~~~

係19號個晚,我等家俊收工就同佢番上左去試衫,試完後都8點了....."栢芝"個度既人就同我地去間平平地既又幾ok既酒店,一晚都係$199.....本來我自己搵左第間酒店,但個度實在太貴.....over了預算......=﹏=  結果我地就係個度租左兩晚......    check in 完,同家俊落左樓下食小肥羊=0=...好好味呀!但家俊食得太飽,番到酒店個胃都仲頂住好痛...哈哈!!!傻佬~

第一日.......07:30.am.....

起身,大家梳洗後....同俊俊set左個靚頭.....就出發去樓下間茶餐廳食早餐.......上到栢芝,我個化妝師"小雪"幫家俊簡了兩套西裝,一套白色,一套黑色.....9點多d,大家簡好曬衫出發去廣州百萬葵園...............第一日每人影兩套衫,我簡了一件平腳婚紗,一件閃淺粉紅晚裝.....經過兩個幾鐘頭車程,差唔多11點9...至12...到達目的地!!!  因為我地所有人係車度訓足兩個鐘^^"補充精神.......

一落車...行到見到公園的門口,我個人興奮到無法壓抑.....^口^....個度真係好大呀!!!!一開始有好多小型遊樂場,全部都係個水池上面,個時仲係好早,見到好多好多小學生既旅行團係個度玩,嘩!!!轉個頭...我見到MY LITTLE BUNNY呀!!!!!!!!!!!!!!有好多隻BUNNY AND RABBIT,我同家俊講,我可唔可以唔影住....好想玩一陣先呀>口<""""家俊話...."唔得呀=.=''..."佢見到我禁興奮個樣...又見我開心到成日傻笑,佢都好甜咁笑起來~~行遠D有好多個唔同既田種滿曬唔同種類既花.....全部都開得好靚,好新鮮,所有花既顏色真係好靚,好吸引呀.....>3<.....O MY BABY~~~我來了!!!

12點,攝影師就幫我地買飯盒,而我就開始化靚妝^0^.....小雪好好心機咁幫我化....化到一半,我地就用左15分鐘食飯,之後小雪再加速完成埋個妝同個頭....第一個頭比較簡單,沒有SET起,只係用梳張頭髮削到好鬆,整左個型出離,插埋頭飾,之後換婚紗......嘩!!!家俊望住我陰陰笑...嘻嘻....佢未見過我禁靚呀....KAKAKAKAKAKA.........我對住塊鏡,個妝的鼻影同我想像中一樣,打得高高的....= ='''覺得太誇張,好似....濃左D呀可??有D似梅豔芳=口='''''家俊都換埋西裝,小雪幫佢整理下,化埋妝...同佢SET型仔個頭.....WOW....好靚仔呀....>.<...不過我無講出聲讚佢型仔...嘻嘻...因為我知道佢一定會HILL...扮曬野,又整埋D  post出離....嘔呀=0=.......

攪呢攪路,差唔多兩點先開始影相........影呀影..影呀影....我的招牌笑容一直都keep住笑到好甜好幸福的樣子.....家俊....哈哈...佢唔識點笑開心d,太生硬了.....經過一輪....我地同攝影師合作得好好...好快就影完一個花園....個度因為太靚,我又掛住周圍望,地下的路又難行,件婚紗又大件阻住左d路,結果....我隻痛腳向後一步,一义就成個人向後跌倒坐左係度....哈哈....嚇死佢地....^^"我自己都嚇親....好在唔係咬親,條裙又頂頂d位,跌落去都唔係好痛....haha^^.....我跌倒之後攝影師先知道我隻腳有事....所以佢都好錫我,就住我離影得最靚為止.....

唔同既花園都有特別有趣既事,我記得....印象最深刻就係我地行入向日葵園中間,被好多好大又高又好靚既向日葵包圍住,每一朵都大過我塊面架....^^哈哈.........而有趣的地方就係每一朵花都有6,,7隻蜜蜂係度採蜜....同我地近距離接觸,起初我行埋去見到都有d驚,就咁行埋去撞開d蜜蜂=﹏=''''幾驚佢會針我@@.....我以為可以囉一朵向日葵走,但攝影師話要罰200蚊一朵架....  之後去左個花園,唔太記得係咩花,我只特別記得攝影師叫我地行入花園中間既時候,每行一步我就嘩一聲...每行一步我就嘩一聲.............因為........我見到好多好多好大隻既老鼠周圍左穿右插=口=''隻隻都又肥又大隻.....幾步間,我已經見到幾10隻老鼠係我裙邊,面前擦身而過.....我覺得好核特呀=口=''''成個人硬曬呔,係咁諗如果佢地入左我裙底咁點呀.....><""心諗..唔諗禁多了...快快影完幾張就走了....點知................=.=''''攝影哥哥叫我地坐係個度.....我話...下.............唔係掛....之後佢話..咁算啦...走去影第度....@@....你話特別嗎???

之後換埋第2套衫,轉埋個頭,補補妝,再影多幾個地方,6點到...我們的第一日婚紗相之旅就大功告成.....等埋另外一對新人影完番離就換番自己衫開車番去深圳.....影完第一日,我都唔覺太累,心情都仲係好興奮....仲諗緊今日影相既場景^~^諗諗下,又會傻笑起離啵...kaka...

第二日.........08:45am......

因為今日只係深圳影相,所以可以遲少少番到婚紗鋪,約了10:00am番到....一去到就化妝set頭,影左兩套室內景,我簡左一套係大閃紅花晚裝,另一套就..hahaha....我地反串呀!!!我著西裝,家俊著婚紗..kakakaka.....家俊睇到條裙佢話靚..想我著,但我唔鐘意....我咪話.."你鐘意就你著啦"結果小雪幫家俊化左個靚妝,wear個小假髮,個頭噴了少少金色,成個闊太咁呀^0^.....個時佢個樣真係好似佢媽媽=口='''即我奶奶....個度所有女仔都特登走入離睇佢....哈哈...佢有個砵仔糕的胸....幾索呀!!!!佢話原來著婚紗真係好辛苦,束緊左個胃同個肚,束得非常緊.......谷到透唔到氣,影完兩套衫,12點幾,又係叫外賣食....食完就轉妝轉頭...換定件拖尾婚紗準備出去影園林同埋海灘.......3:00pm..係園林影左幾10張就轉場地去海灘,由婚紗鋪出發大約距離40分鐘車程....去到海灘....真係仲嚇死你.....成個灘有幾大就有幾多對新人係度影緊婚紗相,望遠dd,以為會無人...點知仲多!!!!!真係痴線架=口='''''無一個位置係無人....我同家俊都覺得好壯觀,所有人都唔係係個度游水同玩...而所有人都係著住婚紗禮服影緊相....@_@"

真係好舒服呀~~~吹住冷冷的海風雖然有點凍....但影相的那份熱誠同興奮的程度,令我忘記冰冷,,忘記痛楚....

經過第一日既經驗,我同家俊都識得自動擺出唔同的post,其他人都係跑住離影,有d就老公抱起老婆,有d就跳跳下.....我真係好想好似佢地咁....=﹏=但係...隻腳又局限住..........所以我要求攝影師我做假跑的動作,只係辛苦家俊要就就我^^"由佢離跑跑跳跳....哈哈!!  最誇張就係有對新人,我睇佢係大陸人離既....個女人著住條上身有d鮮紅色,下面白色紗紗好鬆好短的裙,戴住鮮紅色手套...已經好誇張得離又好"learn"了......最驚人的就是.....佢成個背脊都係一個個紅紅黑黑拔權而成的印...因為佢的大露背,令所有紅紅黑黑的印豪無補留地展示比我們看......真係頂引呀=口=''佢地仲要突登背住令轉頭離影....@@....咁樣禁核特,點可以影婚紗相架!!!!

就係咁....影下又一張,影下又一張....兩日離...我地影左300幾張相.......聽日就要去簡其中36張係套餐包了的....我另外遇左會最多簡多50張....每張$38.....50張都要比多2000蚊=口=''''哈哈....真係好想快點到聽日....>.<"....簡完之後最快要等多30日先有相囉......唉....又係等....急死人喇!!

仲有71日就結婚擺酒了.....仲有好多野都未攪好....我會努力了>.<"



2008 年 11 月 3 日  星期一   清涼


原來仲有99日就結婚喇!! 滿足 分類: 未分類

原本的300幾日...依家變到仲有99日,我就要同家俊結婚了^_^.....日子一日一日迫近....

所有野都攪得77 88....星期四要去酒樓落訂同簡帖.....

我同家俊每日都好忙呀!!我差唔多每一日都有野出去做,呢排因為要check緊d隻腳所以番得密d醫院,聽日又要番去睇kc wong同抽血了!!!!而家俊呢兩個星期2都無假放=﹏='''變左每日等佢收工先可以出去攪結婚既野....

已經辦妥的事有....

婚紗相...."柏芝婚紗攝影"  11月20,21日影

註冊花球....自己已整好了..."白玫瑰加白桔梗"

結婚花球....西貢訂了..."紅玫瑰加粉紅桔梗"

兄弟姐妹長輩手花等等....未整(自製)

酒樓..."將軍澳晶苑金閣"11月6號星期四落訂簡帖

婚紗..."薇薇新娘化妝"..包了套餐

註冊加擺酒化妝..."薇薇新娘化妝"..包了套餐(老闆娘化) 未試妝

唐餅..."奇華餅家" ..已買

西餅..."美心西餅"...12月買...

註冊攝影...."我朋友^^靈靈"

擺酒攝影,錄影..."搵了幫劉德華影相的一隊"cool".."家俊表嫂用過介紹的^^...正

成長片段....本人自製=0=....還努力中!!

伴娘,姐妹靚裙..未得閒同佢地簡=﹏=大家都好忙

媽咪奶奶靚裙...."薇薇新娘化妝"..包了套餐

嫁妝...媽媽未買^^"等金價再跌多d跌多d!!!!!=0=

過大禮物資...所有都未買!!!  (1月3日過大禮)

出席名單....我個d一早就攪掂好曬^^....只係....家俊個邊到依家遲遲都未比到人名表我= ='''''唉

整頭髮....星期3同家俊出旺角剪,我會染紅色high line^0^

指甲....註冊同結婚前兩3日先出旺角整

仲差d咩呢???

其實仲有好多細節=﹏=都唔記得禁多了....我真係驚有d野唔記得左...哈

我每日既心情愈離愈開心...係咪好事近,特別開心呢???

之前個d婚前恐懼抑鬱症無曬了!!係有時候會過度緊張左少少.....其他都ok...因為好多野都落成了^^個人都輕鬆得多!

真係仲有99日就要結婚喇!!!希望我隻腳乖乖地...唔好唔聽話成日痛呀^^錫曬你=3=

製的花球



2008 年 10 月 10 日  星期五   晴天


愈離愈似了=﹏=....倒數第351日 不安 分類: 未分類

唉~~~依家愈離愈似喇!!!點算好呀??

照依家睇,種種蹟像都好似爆波波=  ='''''唉......

真係大獲.....佢仲好笑話點解呢排無打比佢=﹏='''玩咩!!!

下星期1一早番去抽血.....星期2覆診睇報告

頭先我打比kc wong,依家我做得醫生了!!我教番kc wong點做@@"

我話下星期2覆診想早d番去抽個血驗下有無發炎....叫佢開埋抗生素...佢話睇左報告先算!!

唔知係咪上個星期尿道炎復發...走左d菌落隻腳度....加上又有試過發燒同咳!



2008 年 10 月 9 日  星期四   晴天


極度不安,,倒數第352日 不安 分類: 未分類

好驚好驚.....=﹏='''好驚佢又爆出離...

因為我前日綁奔帶可能綁得實得制,之後一屈腳個失頭左邊條根好似屈"咩"左咁....屈極都屈唔番順,格格聲....之後第朝就開始feel到有個位想爆野.....= ='''依家第3日了...雖然佢好似無咩大到,但我一日比一日驚同擔心...因為禁下佢又有點痛.........

係我自己心理作用嗎??真係唔想係真架!!!可以話我知唔係真的嗎???

如果佢真係離料....我.....咩婚都唔洗結喇!!!

一定會無事!!!心理作用姐!!!

但依我禁多次經驗表面離睇,有6成都似係.......=﹏='''唉~~~~

雖然下星期2覆診kc wong,但我唔敢同任何人講呀....點算好呀???



2008 年 10 月 6 日  星期一   清涼


咁都比我諗到條絕橋....^^....倒數第355日 開心 分類: 未分類

哈哈哈~~我實在太聰明喇!!!一路煩擾住我既問題,尋晚終於比我諗到條絕世好橋!!!

我有個fd,佢依家係做幾份報紙既助理編輯,加上佢都仲係讀緊大學...咁岩佢就係影相發燒友,番工又係影相,番學又係影相...所以...佢有一定的專業....而且都影得幾有個人風格!!!

尋晚我打完篇日記,有個啟發....係...我一定唔可以放棄註冊著婚紗同搵攝影師影相架!!諗諗諗....之前諗左好多方法都唔work....之後諗左個兩全其美的方法...真係幾perfect架!!

就係註冊個日搵我個fd..即係靈靈幫我手^^"....因為佢同我由中學開始識到依家,都有4,5年友誼...佢話唔收$...真係太好喇>.<~

如是者,家俊可以慳番4000蚊而又可以滿足到我少少的要求,慳錢大計!!!租婚紗個度...因為9月擺酒都要租衫,所以我會番番之前做間婚紗鋪度租,4988就有10套自選,咁我可以分一套係註冊用...^^呢度又可以慳一筆!!至於花球方面,我會自己買料整,維起上離都唔洗160蚊...又可以整到自己心水靚一靚,加上絲花又唔會謝,絕對無問題呀!!最後化妝個度,盡可以搵sir t哥哥個女朋友幫我化,如果佢唔得,我可以搵珍妮花幫手又得...^^...其實無人幫到我,我自己都可以自己化...哈哈...

依家total唔洗200蚊..就可以換取到我的快樂,滿足.....

我的堅持是好是壞呢?之前呢個決定都推翻過好幾次,今日同家俊講一定要租衫租攝影師,比佢ben完後第日就心死話唔洗了..簡單算罷!但到第日我又死硬頸又再要求大攪....當然又比家俊同媽咪ben啦!!....又心死了!!我個心不斷死灰復燃....呢d係咪叫做硬頸,任性,自私呀???好聽d就叫做"堅持"???

尋晚同家俊講我又有呢個決定,佢聽到好唔開心....=﹏=我一路同佢解釋清楚係唔需要點用錢!!但佢都....= ='''哈.....無計了,鬼叫咁都比我諗到呢條橋咩!!!

今朝我9點就起左身上網登記預約排期註冊,好好彩呀!!我地係第一個可以選時間的人,即係話所有時間都比我任簡先!!!

依家佢要我地10月20號朝8:45am去到沙田婚姻登記處確認資料,到時就可以知道當日既註冊時間喇!!!

依家大家都安心曬,舒服曬!!!咁樣...係咪叫"兩全其美"呀???



2008 年 10 月 5 日  星期日   雨天


十萬個為什麼!!!十萬個不可以.....倒數第356日 傷心 分類: 未分類

呢世人真係有十萬個灰...........唉..................

尋晚半夢半醒諗左好多問題......

為什麼別的新娘子可以開開心心地籌備婚禮???而我就不可以.......

為什麼別的新娘子可以有自主權???而我就不可以.......

 

為什麼別的新娘子可以註冊時穿上漂亮的嫁衣???而我就不可以.......

為什麼別的新娘子可以在擺酒同時註冊???而我就不可以.......

 

 

為什麼別的新娘子的決定可以得到認同???而我就不可以.......

為什麼別的新娘子可以做的???而我就不可以.......

為什麼你們要求我的就要照做???而我的要求就不可以.......

為什麼我可以順應你們的意願???而你們不可以....

為什麼?????

十萬個為什麼.....=﹏=我真係好唔開心.......

依家我為人設想.....但原來為人設想~是會令自己很辛苦啊!!!!

我知道得一想二是沒可能,但我只想要求係註冊當日穿上華麗的婚紗,有攝影師替我們拍照留念...

其他的,我都不敢再奢求太多了....

如果這個簡單的要求都不能給我,我怕....我真的會後....悔....

為什麼別的新娘子可以得到家人支持???而我就不可以.......



2008 年 10 月 4 日  星期六   颱風


不能自制=﹏='''倒數第357日 鬱悶 分類: 未分類

好恐怖的神經病.....=﹏=''''我又情緒又再不能自控,我會無故發脾氣,好暴躁.....

所以....成日都對家俊發了脾氣都不自覺...而我又控制唔到....

結果.....我地成日都鬧交收場....每次我都會cut佢線= =''''

其實真係好難頂.....我成日講野講到好大聲了...講左幾次佢都聽唔到...成日要我重複又重複左n次= ='''講到無氣....每一次都係咁= ='''咩問題呢??

每一次都要我重複講同一句野,攪到我痴線了!!!所以我愈講愈"文"....家俊就好話我發脾氣.....就話唔講了...

大家又停係度無出聲,我想禁熄自己把火都無用= =''so...我cut佢線.....

我就快痴線喇!!!!!!!!



2008 年 10 月 3 日  星期五   颱風


又作打風=0=''''倒數第358日 疲倦 分類: 未分類

又想打風喇=﹏='''我隻腳同條腰超痛.....

一定打得成掛...無8號都有3號啦=口='''但...最想佢聽日離到打8號,一係下星期一先離到打8號...^^"好黑心...

其實打風都唔係禁好...因為家俊要全晚係架船度,更加無得陪我...而我未來老爺更加辛苦,要揸架船出去避風塘...好危險架!!!

唉~~~唔知出年既今日呢段日子會係點呢??

希望會好天氣得離仲會有d凍啦...哈哈!!!

我的冬天!!!=3=仲有358日...呵呵呵



2008 年 10 月 2 日  星期四   晴天


haha^^WIN波呀!!倒數第359日 開心 分類: 未分類

嘻嘻....尋日有波買,所以用左家俊個AC買左70蚊波,一共兩場,一條4串1買左50蚊,一條舅父比的Trips,8串1買20蚊...頭一場已經中左了,派左200幾蚊彩....

依家等埋今晚踢完就可以知道個8串1中唔中...如果中左就太好了...差唔多有成600蚊架...嘩哈哈!!!

下個星期10月11同12日有婚紗展呀!!!我會星期日等家俊收工同佢一齊去^^

11月頭都有一次....到時一定要記得呀!!!

仲有359日就到了=﹏='''''