| «‹ June 2017 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | |
|
2008 年 3 月 17 日 星期一  |
兇多吉少  |
分類: 未分類 |
由於我隻腳愈離愈嚴重,原本係4月1日入院,3號做手術的...但今日kc wong同我抽左d野去驗,依家我仲等緊報告....如果中到有菌,我就要即刻入院做手術唔可以再拖喇!!kc wong話我隻腳好唔掂,就算換左個鉸都未必會好...我大比喇又生左舊野,唔知咩離..好痛...加上我全身都出曬疹.....又無藥食到....今次...真係唔知咩事喇!!!!
今次我好樂觀咁面對呢次手術....但...今日kc wong同我抽完之後我就開始有點驚了....其實...中到有菌好定係中唔到菌呢 ??
如果中到就要即刻入院,後果仲好嚴重....但起碼可以知道係咩事,搵藥去醫....
但中唔到菌....大家都係等...等奇蹟出現!!
|
| 2008 年 2 月 29 日 星期五 |
大家..我又要做手術喇~~  |
分類: 未分類 |
Everybody~~
3月26號我又要入醫院喇~~27號會做換鉸手術,到時手術可能需要做24小時呢!!今次手術時間係相當長啊 !!因為仲要係心口做埋喉仔....
做禁長時間,到我出番離,唔知會唔會好辛苦呢 ?
我諗今次一定又好痛了...因為我要囉左成個鉸出離,但下面小腿最長個枝針就唔會囉,囉左個鉸出離之後,醫生就會放番個骨髓泥入去,個泥係有好多抗生素用離打死我腳入而個d細菌同發炎組織....我做完手術出番離之後,隻腳會伸直左唔可以屈,仲要打8個星期抗生素,打完就可以放兩個星期假番屋企....
如果禁好彩放完假d發炎指數係正常番,就可以即刻入番手術室放番個完整既新鉸入去...出番離又再打唔知幾耐抗生素....
仲要重新學屈腳....@@"
仲有唔夠一個月既時間就要入去了...今次一入,醫生話前前後後可能要用半年既時間....哈哈...我得番呢個月去街咋!!
都唔知去得邊???隻腳又痛....唉~~
大家放心啦!希望我會平安渡過呢漫漫長既半年......
|
2008 年 2 月 12 日 星期二  |
新年了...新年又到了....  |
分類: 未分類 |
新年快樂~~~祝大家身體健康,心想事正......
今日係年初6,我到今日先得閒打日記....日日我都好忙呀!!呢度去個度去....年初1去左阿婆度拜年,到夜晚姑姐佢地離我屋企拜年,到初2朝GIGI媽一家人離我屋企拜年,我3點就去左西貢同家俊公公拜年,初3我同家俊仲有媚表姐表嫂一行6個過左大海搵發財$$,點知...哈哈...我就財散人安樂,我輸左400蚊!!但佢地每個人都有win $$,表哥表嫂加埋win左5千幾蚊,表姐都win$200,家俊都win埋我個份,千8蚊
點解我會輸?因為我咁大個女第一次入賭場賭$$架咋!!一開始表姐同表嫂佢地埋左張三公台,佢地玩左幾鋪已經win幾百蚊,,之後到表哥同我玩...@@"奶野喇!!最少100蚊鋪,係我平生玩得最既一次....我諗,算啦,,一次半次咋嗎...玩下囉!!我換左500蚊籌碼,到最後輸左5蚊,因為佢要秋水,我唔敢玩了,心臟病都發,我身邊個d人有幾萬蚊籌碼,得我成日出得最少,表哥玩下玩下都開始500蚊鋪了....
走佬.....去左同家俊玩"色"仔機....可能我真係黑住佢,每當我同佢一齊坐佢就輸,我行開左佢即刻win!! 我想佢再win多d,我就走左去玩大台既大細....係個度真係好難玩,又難估....睇佢開左10幾錦細隔一鋪大,之後又係咁開細....睇左好耐先買,就係個度輸左400蚊...因為100蚊鋪! 到我番番去家俊度,哈哈...佢win 左千8蚊喇!!佢話買中左個圍"色"犀利....所以就係佢個度比番500蚊我囉
我好黑仔呀~~~個朝出發買飛個時我又見到和尚,今次一定奶野啦!!真係...我地10去到,買唔到船飛,要等到1點10先有船,我地等等等.....過到去即刻買回程飛,但最快都要02:10a.m,個晚我地半夜4點半先番到我屋企...
不過...我日我真係好開心呀!!又可以去賭場,又可以食好多野,仲可以同家俊一齊放煙花tim ar...個晚so浪漫,就算我地唔放,都大把人放好大好大個個d...好靚呀
之後呢兩日,家俊就係我屋企同我一齊做孝順,貢獻比皇上皇后....頭一日我同家俊都輸得好金,兩個加埋起碼700幾掛?不過都輸得好開心架 !!我都無唔開心過...到到尋日我一個輸得最金...哈哈...我兩日加埋輸左700幾呀!!家俊就搵得番,兩日加埋到最後都係輸100...叻叻!!haha....我輸就一定緊左架喇!!真係好奇怪,呢個新年加加埋埋總之係賭個方面,加埋都輸左千5蚊到....但我都唔執著,仲好開心tim!
好似賣煙花個男人話,用幾百蚊就可以換取到快樂同開心...
所以....呢d係咪叫做新年快樂囉~
(我禁多日影左好多靚相架!!但我無bring條相機線離,so...下次我再過離家俊度先放上離啦!!) |
| 2008 年 1 月 29 日 星期二 |
累死我喇.....  |
分類: 未分類 |
唉~~~累死我喇!!今日係家俊爸爸生日,所以要我出離食飯...我1點幾出到離,仲買埋cuppucino比家俊...點知我一上西貢小巴打比佢...佢個時竟然去左同joice打麻雀 仲唔理我...真係小佢喇叭!!!我又唔識去joice度...所以只好打比家俊媽咪叫佢番屋企等我啦~~~ 哼~~馮家俊正衰人離架,有得玩就連老婆姓嘜都唔會知....
上到佢屋企,一睇到佢間房......唉~~例排亂話垃圾房...本來得我一個,無諗到會同佢今日大掃除架!!點知執下執下...就開始發"電"咁樣樣都執,依家間房比我攪到靚仔曬,乾淨曬坐落一都舒服d....不過換離就係我條腰就快斷了....
尋日我同媽咪兩個又係係屋企大掃除,我洗我個廁所....pk...真係仲恐怖過公廁,(p.s我無係過呢邊沖涼的),個浴缸,洗手盆and everything都係so so so dirty...都唔知個賴皮點可以忍受到....浴缸又比佢整塞左...唉~~我散個d "J"都散到我pa係度,條腰又斷左喇.........help me~~到最後我用左兩個幾鐘既努力,終於個廁所又變番靚靚仔仔,香香呢~~
唉~~有時真係唔係好想同佢計較,但....個廁所你都有份用,你係男人,好心就幫下我洗個浴缸啦!!!年年都係我.....唉~就連自己條女離,個廁所好似屎"慳"咁,佢都可以忍到,要我洗到個廁所乾乾淨淨離比佢地玩XX戲水....
你係我呀哥咋,如果唔係鬼理你.....
唉~~總之......點解我禁命苦架???生出離就係為男人服務,比班男人有風洗盡利.....可憐的我... |
| 2008 年 1 月 23 日 星期三 |
| 好耐都無打日記了 |
分類: 未分類 |
各位...我好耐都無打日記了...因為日日都好唔得閒,自從番左學之後,一個星期都有兩3日要去西貢家俊屋企借佢電腦用....山長水又遠走到出離....(同賴皮反左面,我唔會再用佢部電腦了冷巴閉~)
依家好在有我個好表姐借部notebook比我,嘻嘻~~我以後都唔洗出離了!!
唉~~今個星期既功課好難做呀!!事關隔左幾日,到到尋日開始做功課既時候就唔明白點做個個step,唉~~上堂個時又無得用電腦跟住一齊做,得個睇同抄字,真係考天才.........我到依家做左兩日,都好似無做過咩咁....點算好呢?有無人識photoshop可以教下我呀!!!我已經借左3本天書都係睇唔明...苦惱
呢10幾日,做左好多野,經歷左好左事...哈哈~~~
岩岩20號係我同家俊一週年紀念日呀~~但個日係靚女表姐bb滿月酒,所以我同家俊改左19號,即係星期六個日提早慶祝,個日我地1點幾約左係旺角E2出口等,嘻嘻~~個度就係我同家俊第一次見面既地方喇!!
個日我諗我地兩個人加埋都買左成$$千蚊衫...嘻嘻~~行到4點10我就去番學,家俊就去cut hair...放左學我地去左食"五月花"....其實個間野都唔係咁好食...一來無野食,二來都幾難食呢..... 下次我都唔會再去!!
食完之後...緊係去左影貼紙相啦今次影到家俊好搞笑....哈哈....
呢排默默努力減肥,減左個幾星期都只係好似減左5至6磅到.... 所有人都問我做咩瘦左咁多....仲話我個樣面色好差,青面鬼,我呀媽話我係白粉婆
我個新LOOK終於亮相喇!!靚靚
|
| 2008 年 1 月 11 日 星期五 |
| 2008 年 1 月 10 日 星期四 |
| 好多事情要計劃,並且實行..\../... |
分類: 未分類 |
由今日開始,我要做番個真正20歲既女仔生活,番工,讀書,行街,睇戲,食飯......
今日同zoe番左學校搵Miss Wong,Miss刁and潘sir飲茶。
傾左好多野,因為離緊我讀既設計都關於好多畫畫既野,有好多野都仲係未識,我中4中5個時又唔係讀Art,所以今日就大膽問miss wong可唔可以日日都番離旁聽,同班學生一齊上堂...讀番中4中5既野...miss wong 叫我自己問校長!!
跟住同校長傾,講得點點點....依家有公司供我讀設計,係出面又搵唔到好老師...真係好想跟番miss刁....點知校長一口就應承,而且仲話改個名叫做助教,可以光明正大出出入入啦~~haha...真係開心死我喇!!
呢個計劃就係係新年之後開始,由星期一至五都要番學....充實地過每一日,努力學好每一樣野,依家我好比心機學設計,仲有要讀番英文...不過...依家好似一次過堆曬出離,我有d handle唔到....有黠消化不良....我真係要好好計劃一下每日既野...依家根本一日24小時都唔夠我用....點算呢??
哈哈...一片光明既大路迎我而來!!come on~~yo~ |
| 2008 年 1 月 9 日 星期三 |
| 好慘呀~~急性腸胃炎定感冒菌入腸呢? |
分類: 未分類 |
我依家仲係好辛苦呀~~尋日中午食左兩件媽咪整既泡芺之後,就開始覺得頭暈想嘔..到左夜晚連飯都食唔落,嘔左唔記得4次定5次了....嘔到手軟腳軟....訓又唔係坐又唔係....無曬力....食嘜嘔嘜家俊又唔係我身邊,個刻相當淒涼...食左止暈止嘔藥之後又嘔番出離...嘔到無得再嘔先舒服一點!
夜晚訓訓下又好口渴飲左300mL水,訓係床度一係就覺得好熱,一係就好凍...著左3件衫都仲覺得好凍好凍,但尋日有成20幾度,我都係覺得好凍但個身好熱,好似發燒咁,so...very唔正常
尋晚辛苦到都無氣講野了....諗住訓覺休息下,直至家俊半夜打長途比我,我一聽到佢把聲,即刻開心到流眼淚呀!!!家俊打比我實在太好喇!!
到到今朝,我教左9點9鬧鐘起身,唔知點解可以食左藥好眼訓,禁熄左又訓番...訓到11點幾嚇醒左!!死喇,遲到了....因為我約左Monic去佢公司囉software,之後見起身好似好肚餓,食番尋晚少少菜,但食左兩條又唔想食...又覺得想嘔...但我實在太肚餓了~~尋日食左個兩個泡芺又嘔曬出離...成晚都無野落肚....唉~~到最後都係無食到野就出左門口....去到Monic公司都係忍唔住嘔左一次.....
好辛苦呀~~唔知係急性腸胃炎定感冒菌入腸呢?
今日出街一路行一路"標"冷汗,行路又飄下飄下,成日都差d就暈底咁,但我裡面有最後一淡氣同自己講要堅持唔好暈,唔好訓底....所以我就好辛苦咁出左銅鑼灣,囉完野就好辛苦地番番屋企....
依家個喉嚨好似有舊野頂住左咁,時不時又流鼻水,咳幾聲...再無胃口食野了...連平時最鐘意食野既我都唔想食...今次我真的病了!!!
死下死下....一陣仲要做功課呀!!係最傷腦汁既畫logo...今個星期6要交了,我到依家一筆都未畫過....死未? |
| 2008 年 1 月 8 日 星期二 |
| 禁快又開始熱了.... |
分類: 未分類 |
唉~~依家呢d天氣,係咪叫做春天既黃梅天架喇!!點解覺得咸咸濕濕,個人累累咁既,又升番上22度,超熱.... 氣候代常....我仲未感受完冬天好凍既feel,依家禁快又熱番...大佬!!都仲未到新年就要著短"就"出街?
家俊星期6買左隻"伊波拉病毒"比我睇...(我未睇過)岩岩睇完了....超多粗口,好多野都好核特...睇到我想嘔...禁咁媽咪又整完咆呼番離...我一路食一路睇...一路愈睇愈想嘔....
我好想掉左隻碟佢.....諗起都驚...睇完呢d戲...好憎黃秋生.... |
| 2008 年 1 月 7 日 星期一 |
| 終日神不守舍,失魂落魄...@@" |
分類: 未分類 |
今日1點,又有個變態佬打電話離屋企講埋曬d咸濕野騷擾我喇!!!
佢把聲好沙好沉....中年男人...我諗一定過40
佢每隔一段日子就會打離,每次都係講埋個d核特野,有幾次都係問"你媽咪呢?"
之後我話,:"佢出左去喎!!"(p.s開頭我未試過聽佢呢d電話)
佢就話:"出左去呀??"
我就問:"你係邊位呀?"
佢話:"你估下,(開始有淫聲,佢好似好high咁)
我再問...因為我聽唔清楚佢講咩....佢又係話:"你估下!!"
之後佢開始講"xxxxxxxx"(三級成份)
我就驚到收左線.....
到今日....佢又打離,我睇到無來電顯示,開頭我以為佢係monic公司打離,所以我一拎起電話就問係咪monic,之後個變態佬就話:"我xxxx你xx好無??"我聽到又係佢就好驚收左線.....
同媽咪講,好無佢再打離就搵xxzy小佢??一係回應佢話:"不如你都比我xxx好無??"你估個變態佬會好驚定更high呀拿??當然,個變態佬隔左幾分鐘再打離...不過媽咪叫我唔好聽.....
聽完佢個咁既變態電話之後就攪到我今日成日都神不守舍,失魂落魄....彈琴又彈到亂曬龍,出街行路好似遊魂咁....買左舊三文魚又唔識叫人切埋先包,番到屋企針水針到滿曬出離都仲唔識收....
我真係好怕呢d變態佬架!!因為....我有"童年陰影".....
家俊佢地叫我報警,但...我覺得好麻煩......真係唔明,點解佢成日都打離屋企玩我電話呢??唔知係咪都有好多受害者比佢騷擾呢??真係好想爆粗小爆佢.....
家俊依家已經過左大海(澳門)開工了....9號夜晚先番...佢千丁萬足叫我呢幾日唔好出去玩,要乖乖留係屋企...嘻嘻~~佢個傻瓜,呢幾日我都忙到無時間出去搵人玩啦!!如果係出街都係做正經野,做完就番屋企架喇!!我仲有功課仲未做呀!!又要咪熟成本photoshop CS書....死未??? |
« | 5 | 6 | 7 | 8 | 9 | 10 | 11 | 12 | 13 | 14 | ... | 20 | »
|
