嘩嘩~~我呢排日日真係忙到爆炸,日日都好唔得閒,由星期一至日,你想我抽多少少時間比你都唔得!!唔.....就由星期日11月11號開始講番啦!!

11月11號,家俊生日大日子,我地順利去左海洋公園玩呀,個日我都覺得自己好犀利,原來去玩既動力係沒法擋架!!我竟然可以由一早7點半起身開始行行行行,我地玩到6點先走....家俊都覺得我好犀利...因為佢正常人都覺得好累,但我....我傻架...哈哈..我發出無比既火星人力量,無人可以阻到我既....個日雖然好多人,而且又無行曬成個海公,但....隻腳禁乖乖聽話,我可以玩到越擴飛車同埋餵海獅仲有睇埋水母館,我真係已經好開心好滿足了!!!

好了...睇完5畸最後個場海洋劇場就走了.....番到屋企...我地見到隻好大好大白色毛毛既大舊飯呀~~~~我改左佢個名叫..."毛毛",不過...佢好似有點白痴呢,嘜都唔識,又唔識聽人講野,打佢都係搖尾...傻架....因為佢成日係廳呵尿呵唔唔....而且又怕黑,又唔困得,又luck毛luck到成屋都係,我聞到條條管好辛苦,我地好想養佢,因為佢真係好得意...但可惜...佢又禁大隻,又成日同pel pel打架......所以...佢過左一晚夜媽咪頂唔順叫佢走了....

之後.....岩岩星期2,11月13號,家俊農曆生日...家俊媽咪叫左我出去食飯,食完之後我同家俊去左旺角影貼紙相呀^^又係超開心

到到尋日,我又係一早8點幾起身,kc wong要我番醫院抽血,本來係今日有南非班醫生離睇我架....依家佢地趕唔到離.....所以要聽日再番過去....又攪一日...好累呀...........星期六家俊表哥表嫂結婚,我有得去飲,又忙一日......星期日又有野做....去跑馬地馬場同Twins同台許願同唔知玩咩....唔知個日又有無Eason呢?

行程報導係禁多.....今晚要開始睇電話了...我個廣告今日出街呀~~~

頭先嚇死我喇!!!因為尋晚開始姨媽到,今朝起身個肚已經好痛了,食左粒治痛藥,點知仲更加反效果,媽咪又番左大陸唔係度....得個無嘜用又非常粗心大意既細佬....慘喇....個時我係開始整緊蛋糕,等今晚家俊離,點知整整下,行多兩步就出事了...個頭暈到睇野白濛濛,而且無曬力,開始聽唔到同睇唔到野.....而且仲透氣透得好辛苦,我以為自己堅持繼續整就無事,點知愈離愈無力,面又青曬,咀又白曬.....好恐怖....之後用緊餘既力氣囉部量血壓機暈血壓,原來我血壓超低,上壓得84,下壓得39,心跳得47下....我好驚.....

之後合埋隻眼慢慢摸番入房訓係床度休息一陣,一路訓一路想即刻起身整埋個蛋糕佢,因為唔可以等得太耐,(開曬d材料係度)......但係見到自己禁辛苦,另一隻魔鬼就叫我唔好整,放棄啦!!掉曬d野咪算囉!!

我訓訓下,見好番dd諗住再繼續整....點知一行到去攪d芝士又開始暈到睇唔到野....真係好辛苦,死得啦....要唔要入醫院呢?

最後我都係要靠個粗心大意既細佬幫我.......我叫佢囉粒朱古力比我,一粒止暈藥,可樂仲有水...我好番dd,又再堅持整埋個蛋糕,整完又即刻要訓番係度,佢經我既指指點點之下,幫我執埋d手尾,到最後都係因為佢我先好番好多....不過,佢真係咩都唔識,而且又好蠢架....要我粗聲粗氣先識...哈哈...總之多謝你啦!!冠銘

依家個蛋糕仲焗緊....到到今晚家俊離就有得食架喇.....希望聽日我地既海洋公園之旅會順順利利完成啦~~肚呀肚...今日痛曬佢好了....聽日一d都唔好痛,唔好影響我呀~~~

聽日真係大日子呀~~一來係家俊生日....二來就係...我家會多個新成員呀,賴皮同事有隻銀狐唔要,比我地收養,我覺得呢隻狗..唔係好合我眼緣,不過...佢係咪以前我養過既銀狐Billy化身呢?我好掛住Billy呀....

隻狗聽日離到,我怕pel pel唔鐘意,因為pel pel驚有人同佢爭地盤,如果佢地兩個鬥呵尿,點算呢????

好緊張呀~~我依家等緊黃精甫導演打番電話比我(即係拍"阿嫂"同"江湖"個個導演)......頭先Jams哥哥send 個sms離問我想唔想依家多謝佢一句....我就緊係好,即刻打番比佢啦...但佢地過緊隧道驚收唔到,而且又太嘈!!所以佢話過一陣打比我啵!!所以我好緊張囉....因為我又未見過佢,又唔知佢係咩樣,又唔知佢相處好唔好...不過....唔緊要啦...佢送左部鋼琴比我,點都唔會係一個相處難既人呢!!

遲下...我要整番個蛋糕送番比佢做答謝禮物,除左整蛋糕,無一樣野係最適合不過了~~~心意搭夠~~

尋日....我做左眾人中的千古罪人呀~~~因為我無去到同劉德華拍MTV,而且又無同佢囉簽名同影相,個個都問我做咩唔去,,我話好累呀.......佢地就話我曬晒自己d機會,有幾多人有機會同劉德華一齊拍野呀!!......我...........唉~~~~算了....

今日已經係11月9日喇!!仲有兩日....就係登登登登....家俊生日呀~~

佢會聽晚食完佢大姑丈生日餐飯先入離,訓一晚之後,第2朝我地就出發去海洋公園了 ~~~係佢聽日過離個晚,我已經諗好曬點同佢慶祝我同佢第一次過既生日了,一定要令佢禁大個仔過得最開心既一晚....

我....輸左波呀.........死人阿仙奴咁都輸得.....番鄉下"姦"田啦...踢嘜鬼野波,咁都輸得....食..............唉~~~我條4串1就咁就比你义禍左

今個星期日11月11日就係家俊生日既大日子呀!!!!!!!!

我同佢如無意外都會去Ocean Park慶祝,希望我的小腳腳會乖乖聽話哦~~仲要屈到腳就太好了!!!

我已經好乖呢幾日無出過街架喇!!就連今日去睇劉德華我都放棄左無去,對唔住喇大家,幫唔到你地囉簽名下次有機會先再囉過呢~~

好開心呀...(家俊的)媚表姐11月6號半夜生左個5磅幾既天蠍仔喇!!比我地想像中快要出世...事關bb預產期係11月23號,前日媚表姐開始陣痛,開頭係10幾分鐘一次,之後家俊打比我,我媽咪就教佢,如果陣痛開始愈離愈密,即3分鐘一次就入得醫院等生架喇...媚表姐真係痛得愈離愈密,我同家俊講唔夠一陣,佢又話表姐又痛喇,佢地都無諗住去醫院,後來再問多幾個人,個個都話安全起見去醫院check check都好...去到醫院d姑娘話佢有排都未生得呀,你地番去先啦,有表姐一個留係醫院.....點知...表姐話半夜2點幾已經開到4度,可以入產房生了....天蠍BB就係11月6號半夜3點幾同大家見面喇!!

我一聽到媚表姐要生bb,我個心都緊張埋一份....^^~真係又驚又喜,哈哈...我好想快d見到bb呀~~

好得意呀

依家呢個大肚婆生完,仲有第2個大肚婆等緊生呀...就係我表姐...哈哈..佢個b女,唔知會唔會又早3個星期呢?我唔想又多個天蠍女呀

希望媚表姐個天蠍bb千奇千奇唔好似足家俊....如果似足佢就死囉,,衰衰格咁...

唉~~~我又好唔開心呀!!真係唔知佢地諗嘜?(我爸爸媽咪)我話同家俊去旅行都唔比...依家我又唔係單獨同佢一個去,我地有成班8個一齊去玩,佢都話唔得,成日嘜都偏心,點解人地做得既野我就唔做得?佢話你同邊個去都得,只係唔可以同家俊去...我真係好無奈....唔通佢有病定有毒,點解一路以離佢地都禁唔鐘意家俊?成日對人有偏見,又話唔襯,想點呀?唔係個女開心你地就開心咩,洗唔洗老公都要幫我簡埋呀.....我個心一路都好唔舒服呀,媽咪下下都玩針對,成日都張我對家俊個心360度倒轉,雖然人地話,你同邊個一齊,洗嘜理人點諗姐!

但.....呢個係我媽咪,就算我唔理佢點話我,但每一句說話唔多唔少都影響到我對家俊既諗法,我成日都想用行動去証明比佢地睇,但....另一方面....家俊....唉~~~佢又......迫佢都無用架...佢要做既已經做曬,仲想我地點?

嘩嘩嘩.....我有史以離最開心既一夜,一日,什至呢一年,係我禁大個女覺得最滿足最開心既一晚.....尋晚我收到拍廣告既日文James哥哥電話,佢話有個導演想送部鋼琴比我呀!!哈哈...我一聽到呢個消息比中六合彩更加開心,因為有部鋼琴一直都係我既願望,依家終於比我夢想成真喇!!

個個導演叫做黃精甫,係拍"阿嫂"同"江湖"既導演呀!!!雖然我從未見過佢,佢都未見過我,但佢真係好好人呀,,,佢有部鋼琴唔係成日彈,佢又聽James哥哥同欣欣講我好鐘意彈琴,所以....哈哈....佢即刻送比我....而且今日我就收到tim

我覺得寶雯既人生開始轉變喇....自從有左呢個病,是福是禍?其實唔係我想像之中禁慘,我身邊真係有好多好錫我同好關心我既人,佢地個個都係我既守護神...我比其他人都好lucky...只係我要過住唔同一般人既生活.....依家..我已經好滿足喇...可以我識到一班好朋友,仲有一班好導演.....

我真係唔知點樣報答佢地....唯有就係我要更加努力做好我自己,乖乖地啦~~

Finish~~~Day 3

我呢排拍緊廣告...11月15日會係黃金時間無線播出街架喇,仲有全港M記都會見到我...大家記得睇呀~~

11月8日仲可以同劉德華一齊拍tim~~

呢排我都無得用電腦...所以...可以有一段時間都見唔到我打日記...88

現在我一切安好....大家唔洗擔心^^~

每日金句: "平穩過渡"

星期6,最終我地都係無出到海玩,只係泊係碼頭留係遊艇玩,因為個日家俊爸爸話好大風大浪,出唔到船,出到去可能會大浪到咩都玩唔到,太飄.....開頭佢地直頭講話船都唔好落了....我即刻幾傷心呀!!唔制,,我山長水又遠出到離,又整埋個蛋糕,依家一句話唔出.....真係比你玩死之後明明話係兩點出船,依家無得出,就攪到6點先落船玩...無所謂啦!!有得比我玩就得架喇!!

上到遊艇真係好舒服架!!吹住海風....全架船都比我走過曬!!哈哈!!因為我都係第一次上去架咋!!去到邊影到邊^^~家俊個日係咁影我...我又要影番佢...^^~

到夜晚食完飯,我同家俊,仲有仙娜一齊唱k等佢地食完....到左切蛋糕個part....家俊媽咪好開心呀^^....佢地個個見到我個蛋糕都嘩嘩聲,因為我寫左"媽咪Happy Birthday"係上面,佢地個個都話,"媽咪,快d飲得荼喇"...哈哈...個蛋糕又大又靚,有5磅,整到我手軟,當然又好食啦^^我地係咁同家俊媽咪影相,佢個日做左大明星,超級忙無停過,每個人都影過曬咁制....之後就唱左首中西合壁既生日歌,我見到家俊媽咪好開心,佢都有望住我...哈哈....唱完歌,緊係我送我個份生日禮物啦~~至明貴,至靚個份....家俊媽咪即刻刷開,我幫佢試下岩唔岩,佢刷緊,個個都問係咩離?一刷個個都話" 嘩!!好靚呀!!"家俊媽咪都好開心笑到哈哈哈...家俊話貴過佢個份,因為成千幾蚊架!!我見家俊媽咪好鐘意條手鏈,個一刻我真係放下心頭大石,我未送之前晚晚都諗唔掂,驚佢會唔係好鐘意....但依家...哈哈...鬆曬~~家俊都好開心咁對住我笑,因為佢見到媽咪收到我份生日禮物禁開心,家俊都未見過係咩離架!!開頭佢都驚....但之後全場人一齊睇個一刻,比架船d射燈射落去顯得更加靚,更加高貴大方....個晚成班阿姨成晚都係家俊爸爸媽咪面前讚我好,呢個新抱真係好,又有心思,又靚女...快d飲新抱荼啦...攪到我面都紅埋,唔敢望佢地...

食完蛋糕我同家俊去左船頭吹海風曬月光望星星傾計,但可惜...個晚實在太多雲,只見到三兩粒星星同半個月亮咋...不過無所謂啦..有家俊就得了...我地訓埋一齊對住個月亮吹住海風,超浪漫....

個晚...我既人緣都好好....個個阿姨都無話我咩,家俊媽咪又好開心,哈哈....只要佢地覺得開心快樂我就開心了...

依家我又準備梳洗換衫番醫院照CT同埋kc wong約左我4點半見佢....

聽日就係8月15中秋節喇!!亦都係家俊媽咪正日生日....我一定一定要記得打電話比佢同佢講生日快樂呀!!面我地屋企就去"有义用"BBQ,家俊都會入離呀,不過佢離到都好夜要成8點了,因為尋日家俊爸爸接左生意,個日要出大細船....變左家俊唔可以早d離玩...

每日金句:"只要你開心,我便開心了"