呢兩日因為無咩特別事發生....所以都諗唔到有咩打...=.="

尋晚家俊失左蹤20小時呀~~我差d想報警.....由前晚半晚兩點我地收左線之後到到尋晚11點佢都無打過比我,而且我打比佢都無聽電話...去左邊呢?擔心死了....因為佢未試過收左工or去左玩都唔打比我通知聲....

到到11點3我再試下打比佢...佢終於聽喇^^"原來佢尋晚出埋夜船....我都唔知呢!!平時佢係唔會跟夜船架..只不過佢要車番班鬼佬去白沙灣...so...一齊同爸爸媽咪做埋囉!!

尋晚我地傾電話,家俊話有咩報告比佢聽...我話爸爸媽咪玩冷戰=.="食個餐飯食到人...@@"是發原因....爸爸前幾日收左工番左離屋企,一個電話就無拿拿要即刻番上大陸,但又唔係做野架啵..媽咪就話"我又去",爸爸話"你去咩呀?阻住曬"

之後佢就番左上去...到夜晚媽咪打比爸爸聽到佢隔離有個女人係度咳...媽咪問"邊個離架?"爸爸話無呀...朋友咋媽....之後就收左線.....

跟住爸爸第2晚半夜兩點先番,第2朝又一早番工...隔左兩日兩夜都無番過離,電話一個都無...所以媽咪就嬲左爸爸....尋晚爸爸番到離佢地兩個都無彩大家....食飯個時爸爸只係係咁食....=.="你地都唔係度咋...個餐飯真難頂,細佬又咩都唔知..係咁同爸爸講野...但爸爸只係"唔唔唔..."媽咪又無望過爸爸....賴皮就同我打眼聲問咩事...之後啤住佢兩個....

到左今日....佢地又無事啵....@@"真奇怪....

每日金句: "床頭打交床尾和 "

無聊無聊.....今日係過得最無聊最悶悶的一天.....

今朝悶悶地食完早餐就悶悶地去左圖書館借書,悶悶地去埋租vcd.....之後悶悶地番屋企....

依家悶悶地唔知打嘜野好???今晚又悶悶地睇下電視食下飯...夜d再悶悶地睇埋兩隻vcd玩下NDS,咁就一個悶悶的一day了......

講左禁多個悶悶地...唔悶都覺得悶....因為...我今日真係好悶......唔想旭....日日都做同一樣野....悶悶呀 !!!!

盧政依家離緊借我部相機,其實我真係唔想借比佢,我張咭又無位...阿姨仲大大地好串咁話..."你唔識張d野放入電腦咩?"=.="佢咁講...唔借都唔得啦=.="....我連賴皮都唔借又點想借比盧政呀?自己有部又唔用....超...如果要借唔該態度好番d先啦!!! 煩......

每日金句: "一物治一物 "

今日...除左要同pel pel洗白白之外,都諗唔到有咩仲可以做.... 玩NDS?好多都唔好玩了.... 睇Top model?唉~~又睇.....  睇書?....想睇又睇唔入腦.....  洗廁所?睇下一陣點先啦!! 仲有咩可以做呢?

家俊原來今日放假呀~~(我都唔知^^因為我無問)如果我出得街就好了...好耐都無同佢出街拍拖....好期待呀!! 今日就好好比佢係屋企休息啦...日日都禁辛苦...

家俊,辛苦曬!!!

好.....一於今日就定為"清潔日"啦!!

每日金句: "全力以赴,做到最好 "

本來聽日我有得入3日2夜既camp(愛心童樂營)架!!點知敏卿尋日先話我知有得去,我就即刻打去問,佢話每個人都要有個姐姐跟一齊玩,依家我禁急未必搵到人....叫我等到今日打番比我...我都諗住如果無姐姐,都唔會強求了....因為呢兩日天氣都好差,玩都玩得唔開心啦!!但...我真係好想一齊去玩.......依家無...等下年先啦!!

真係好後悔點解唔早d入愛心童樂營.....依家對我來說已經太遲了...因為我過左19歲....

每日金句 : "成事不足,後悔漠及"

我download左成套14歲的媽媽離睇.....尋日一路睇一路喊

事後有感而發....唔係因為睇左佢堅持要生BB而我又想生....

雖然我一路都堅持同每一個人講..."第日我寧願養隻狗我都一定唔會生仔!!"....但其實內心係好想好想生BB,好想擁有有左個種感覺,其實又唔止想擁有個種感覺既,總之有一種好特別既力量我想生.....我覺得有左會多d人錫多d人緊張同關心你,但家俊話唔係架!!有左都係要番工,做野!!都係正常人一個....

比你生咁又點,只怕有心無力,無能力養到佢教好佢...我真係好怕好怕依家d細路,全部都變曬質,都唔同我地以前禁乖禁純既,全部都係小魔怪...好恐怖..加上覺得自己無可能可以依5年內生得到,隻腳又成日飄忽不定.....如果我無事,我諗依家可能已經做左人地媽咪了.....

前日我同家俊傾過呢個問題....佢一直都好想呢兩年內成家立室,因為佢呀爸呀媽幾想幾恨抱孫,又話佢自己老了=.=",計離計去如果仲唔生,第日老左個仔先得10幾歲,幾時可以退休?加上佢身邊好多細過佢同大過佢既人結婚,細過佢結婚個d當然係奉子成婚啦!!

如果係奉子成婚的人,會比人講是講非,加鹽加醋,講呢講路...屋企人會覺得你係隨便無計劃既人,睇唔起你...但家俊話依家"興"喎~~但我都過唔到自己個關,我覺得呢d唔係好事,我係唔會奉子成婚架!!我要個男人真心愛我先同我結婚,而唔係攪出大頭佛兩個慌慌張張唔知點算...

好多野唔係話結就結,話生就生....都要有計劃先得架!!!

第1,一定要有穩定既事業,唔可以靠屋企人...第2,最起碼都要有間可以組織小家庭既屋,唔理租又好買又好,都一定要有自己的屋,唔要同屋企人住....第3,有無時間去照顧bb?因為一生就要用曬下半生時間照顧到佢大,無曬自己私人時間...頭個兩樣係最重要....

你可唔可以依家成家立室,就要睇你有無呢兩個條件啦!!無就....bye bye...

仲有...做任何野凡事都要諗清諗楚,好多野做左就無得番轉頭,無謂傷害到人傷害到你自己...

每日金句 : " 三思而後行 "

媽咪今朝出去食野,見我仲未起身,就放左賴pel入廁所,點知我一起身....

Ooo....Ooo.....賴pel好似d狗仔隊咁又玩"chai"垃圾,我尋晚已經放左個垃圾桶入浴缸,佢都有本事可以隻手伸到禁長找到個垃圾桶成袋垃圾出離,實行一個地毯式搜索,緝屍....

我一開門......見到成地都係紙巾,而且仲比佢五馬分屍曬.....佢一見我啤住佢,驚到dum低頭,之後到我實行狗頭閘侍侯,比我打到飛起...(當然無禁嚴重^^",打左幾下姐)佢隻死野唔打唔得架!!日日都攪攪陣....尋日先又係sofa底賴尿....唔止呢一次,上個星期先係媽咪床尾又賴尿....真係未比人打死都偷笑.....教兒不善...成日都好似細佬咁反革命,無人睇住就倒蛋....我今日係唔會彩佢架...嬲番佢兩日,佢就知死....上次佢賴尿媽咪都嬲左佢3日無理過佢,又無摸佢....幾可憐....岩岩我入左離打日記,佢又入埋離想我摸佢錫番佢....之後我無出聲又係啤左佢一眼,佢走都走唔切....

我呢隻狗...唔知係有家教定無家教,因為好多時爸爸媽咪想比佢食煲湯豬骨,只要我"接"一聲,又or啤佢一眼,佢就唔敢行過去食,而且仲會定左形....細細聲講句"行開"仲會即刻走開...好犀利架!!佢好識睇人眉頭眼額....一有風吹草動,走左先算......我要教到佢唔比睇住人食野,成日我地食親野,邊個坐係sofa食野都好,佢都望實曬...每次我一定鬧走佢...但佢永遠都好似烏蠅咁嬲住曬...or..坐係遠遠牢視住你....

點解我要對佢禁嚴,一來就想佢聽話,有家教...第二,呢個係最大原因,佢唔可以食人既野,因為驚佢嘔,每10次有9次食左人既野都會嘔,而且佢呢隻品種係唔可以雜食,好容易有皮膚病....第三,佢要減肥,再食禁多就會變更肥的肥豬pel,肥得制又驚佢之後有咩病咩病....所以食狗糧同少少狗零食就夠喇!!!

尋日我實在太忙無打到日記呀!!哈哈.........有幾忙呀?

嘻嘻~~~~咪係家俊入左離陪我囉!!我緊係要服侍佢呢位大爺BB啦!!尋日佢禁岩入離屯門check防鯊網,又禁近我...哈哈....嘻嘻....開心到我死了....

佢過到離,陪左我打左一陣機,打打下,佢累得制又咋住部機訓著左,(因為佢朝早6點就起身),各位泳客,你地要多謝家俊喇!!如果唔係佢...我諗你地都無游得禁開心禁暢快....(今年家俊個阿叔接左check全港防鯊網呢個job),今日家俊要去香港仔10個泳灘check,所以家俊都好大功勞呢....我覺得我男朋友真係好犀利架,好多野都識.....好犀利好犀利好犀利呀!!!!!!由其是佢咋船個時個man樣,真係引死人....

家俊.... I'm very proud of you!!

尋日成日我都好似樹熊咁痴住佢...用一對好開心又好sweet又唔敢相信佢依家係你眼前既眼神望住佢...望住佢,會不禁傻笑起來,哈哈只要可以見到家俊,不論佢喜怒哀樂...我都會好開心....只要見到佢係我身邊便可了....

自從出左個新數獨之後,每一晚家俊都會打電話比我一齊同我玩,就算佢玩左而我未玩個d,佢都會重複陪我玩多次,多謝你呀!! 呢幾晚....同家俊一齊既感覺好好,佢亦都無張用好重既語氣同我講野,而且仲好溫柔,有講有笑....真係好開心

每一晚我地已經玩到點幾兩點,但家俊都唔會話收線,仲想繼續玩埋落去tim!!如果唔係第日佢要車船,我諗我地仲玩得仲夜d都得....真係實在太好了,期望永遠keep住落去....永遠不變,要變的話就係變到大家感情愈離愈好~~~

今日節目都幾豐富....首先一早10點幾比賴pel嘈左起身訓唔番,12點落左去食早餐,依家番到上離打日記,整相...then會同pel pel沖白白,玩數獨,有時間就睇埋書...之後夜晚又食飯,仲有好多好多好節目睇.....咁樣又一日了....哈哈!!我幾忙呀!!

距離倒數仲有46日就可以閉關完畢喇~~哈哈...岩岩好到中秋節,家俊媽咪生日....可以去西貢同佢慶祝....不過我驚到時無力行,因為依家有時偷偷地落一落街食野,就咁行個段路都覺得好累了...唔知第日點算呢?依家又唔可以行禁多練番.....

頭先睇報紙又見到兩單新聞!!!!第一就係外國有個女人生左個6.5kg既巨B,即係14.5磅...相等如起碼人地6個月大既BB禁重....勁勁勁...原來係家族遺傳,但個媽咪唔知食咩架呢?

第2單新聞,外國有人設計左一對無底就快插穿腳既高踭鞋...比你見到都嚇親你!!

都唔知佢點著...好似好痛咁..

餓 HI YO 餓 揸 E 媽s......(日文) 

尋日係香港第一個8號風呀!!火星人都未有受任何颱風同惡劣天氣影響到心情..very good!!

但....點解我地天水圍一點都感受唔到"帕布"既力量呢?風..無嘜....雨..又唔大...相當平靜的"風".......

我依家係度講,大家千祈唔好睇少"數獨的魔力"....因為"它"可以扭轉淡化的愛情,"它"可以令我同家俊之間的冷淡轉化為熱情,溝通都好了,彼此知道對方重要,更珍惜對方,家俊對我更重的語氣都消失了...數獨....多謝你~~

呢排...我身邊有兩個對我相當重要既朋友都為佢地屋企人既事攪到好勞氣,而我....當然係佢地身邊支持佢地,雖然比一大番中立意見佢地都無用,佢地都係當我講廢話,聽左就算,佢有佢諗個套,永遠覺得自己岩曬.....真係唔知點幫佢地好,我都只想援和佢地對屋企人的恨...

大家都大個了...思想和處事都要成熟了...

不要再令屋企人擔心,傷心,廢心....請加多一點點愛心,關心,熱心.....放下所有仇恨之心,介心,疑心.....將來就會令屋企人同所有人開心,歡心,安心同放心....

屋企人永遠都是大家心目中的第一位,希望.....大家領悟所有"心"啦!!

仲有...我前日借左書學用photoImpact整左一張靚相...哈哈..家俊愈睇愈想笑

今朝10點幾就醒左...之後同媽咪爸爸一齊落去食早餐,去埋圖書館借左3本書,租左兩隻vcd,番到離同賴pel剪毛.....睇下書,咁就充實地過左一day喇...幾easy過d時間...哈哈!!

依家打完日記我會學下再用photoImpact整靚張,岩岩借左個有兩本書係教我點用....但我睇極都唔明呢.....><"

"帕布"打唔成...家俊都揸番架船番西貢,打風無野做....大家都等運到......希望聽日開始會見番陽光啦!!

現在火星人報導一節新聞,由於熱帶風暴"帕布"集結在香港以東約350公里，預料向西移動,逐步逼近廣東，一號戒備信號仍然生效,天文台稍後或改掛三號強風信號。

家俊依家已經揸左大細船出左去避風塘了,今晚佢都會同爸爸留係船度訓,慘慘....夜晚又無野食,要捱餅乾......希望呢個"帕布"唔會令佢地有造成危險啦!!真擔心......

賴皮星期日有得去狗狗船河,依家有一個位淨,我真係好想去....但家俊話唔好去啦!!又要著泳衣又驚你"線"親....我話我都唔會游水點會著泳衣呢^^~唉~~依家就算賴皮比我去,媽咪同家俊都唔會比我去,就算佢地所有人比我去,個"帕布"都唔會比我地去^^~CANCEL~~

我會留守大本營....睇Top Model.........

最新消息...寶雯同家俊現在感情還好...亦都未受颱風"帕布"影響...

寶雯大事宣言話:

"家俊好,寶雯就好,寶雯好,家俊更加更加覺得好 !! "