| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2007 年 8 月 28 日 星期二  |
作文篇.."怎樣令人接受和喜歡你"  |
分類: 未分類 |
接受和喜歡一個人，可說是很容易做到的事。
但如何令自己的父母接受我所愛的人呢?又如何令我愛人的父母喜歡我呢?這說是滿困難的事，要一個人完全接受你已不簡單了！現在要對將有機會與你共下半世子的半個爸媽一起，我想是我一生中最痛苦最艱難的事。
我有時候會問媽媽，當年你與爸爸一起時，
(爺爺&gr m唔識打)怎樣看你?他們喜歡你嗎?有沒有反對你與爸爸一起 ?很多的問題忽然洶湧出來。媽媽便說：『沒有什麼模樣，如正常般，因為他們不會過問。』那我立即追問爸爸那兒，媽媽說婆婆就有反對，而且不太喜歡爸爸呢!還說仔是窮光蛋，"鄉下佬"。
婆婆是上海人，最愛面子，不可被人看不起，而且思想較野蠻和不說道理的老太婆。她每逢有什麼消息，或好是壞，轉眼間便會街知巷聞，每經她的金口一出，我們日後便糟糕了！
我亦十分欣賞和崇拜爸爸呢!若要討得婆婆歡心，便要抓著她的喜好。爸爸得知她喜愛吃什麼，便買回來。得知她最喜歡打牌子，便每逢假日與她作樂，受盡她的奚落也沒半點怒言。可見爸爸是一代偉人，世界傑出女婿大獎也非他莫屬，能夠抵抗一等一的慈禧太后。
真棒！
所以我藉著機會從媽媽裡學習媳婦之道—"偷師"！古語有云：『要入得廚房仲要出得廳堂』我敢說以上能夠做到，現在要學習了解愛人爸爸媽媽的各樣性格。依我的聰明才智，不太困難罷！
依我的個人立場來看，要討好愛人的爸媽，必須做到……讓人覺得你是正經的女孩，第一個感覺是舒服的，看見你時很自然地顯露笑容，想進一步了解你的人。第二從交談入手，有空便與他聊聊天，關心他們的一切，近期的舉動，就如親生父母一樣，如常讓他們覺得你亦是他們的女兒，這樣便可把各人之間沒有隔膜，常常有說有笑，令氣氛調和。
對於討好愛人的爸媽，我亦有另一套的小把戲。就是由其中一人著手。首先要得到媽媽的歡心才可進行第二步，因為討好媽媽是緊要的一環！在家中媽媽的勢力也相當高，如能夠得到媽媽的歡心，日後相處也輕鬆得多，不須為婆媳之間煩惱。只要成為媽媽心裡的寵兒，也不怕愛人欺負。
至於家中的其他成員，只要花少許時間的相處，互相遷就，就算是少許的誤會也能化解。這樣，不論說是別人要接受你或喜歡你，就連變成為他們心中最寵愛的乖女兒也可以。只要你對自己有信心，什麼事也能解決！
所以，由這分鐘開始，我會為了愛人，了解、關心、遷就、包容、愛錫……他的家人。
|
血光之災  |
分類: 未分類 |
 鳴鳴...今朝一出門口就血光之災,我"生"門時左手第1隻手指比度鐵閘夾親呀!!即刻十指痛歸心........眼淚在心裡流,痛到無聲出,只係咋住隻手指,望一望...成隻手指即刻紅曬,內出血...即係"魚"左...腫到發發下咁痛...又唔可以放底,放底充血仲痛...我諗第日就會變紫...到依家都仲係好痛,唔用得呢隻手指....打字都有困難....
今日一早10點就出門口番醫院,本來都唔洗禁早,我3點半先覆診,因為約左譚姑娘1點食lunch,而且我又整左個蛋糕同cookies比佢同kc wong...要早d出門口囉比佢......
但點知.......今日譚姑娘無收到我個蛋糕呀,佢話老世唔比....只係要左我個cookies....又係慘慘....我只好送比5d班姑娘食啦....唉~~~我比左好多心機整架....佢食唔到,其實真係有點失望.... 算罷...無謂令人難做...總有一日,譚姑娘會食到我親手整的蛋糕呢 ...哈哈...今日最開心就係kc wong收到我送比佢的蛋糕開心到偷偷地笑,佢係班姑娘面前幾驕傲呀...仲好hill咁講..."你睇我..幾大壓力"(笑住囉住袋蛋糕講)....哈哈....唔知佢鐘唔鐘意食呢?
仲有一樣仲更加開心既事呀!!哈哈....真係中六合彩都無咁開心...
我番到離一開個blog打日記...點知...見到家俊有上過離睇我個blog,而且仲留埋言...我當時真係開心到由個心笑到甜出離.... 真係真係百分百覺得好sweet.....因為家俊從來都唔會主動上離睇我d野...哈哈....今次....真係開心到唔識講嘜 可以見到家俊離我個blog,就算比10度鐵閘再夾親都值得架.....哈哈 ~~~~ 愛死你呀~~家俊
每日金句: "血光之災 and 開心到死"
|
2007 年 8 月 27 日 星期一  |
喪整蛋糕的日子....  |
分類: 未分類 |
尋晚凍親呀~~攪到夜晚有dd發燒...夜晚11點好累地就咁就訓左了,到到今朝6點半醒左一醒,見禁早就去過尿尿又訓多陣,點都訓唔得耐...10點半又醒左,再訓唔番就起身開始今日的"喪"整蛋糕之旅....
上星期我又買左本學整蛋糕書,新學識左日式芝士蛋糕,所以我今日整定聽日送比譚姑娘同kc wong食...點知...我一整再整,整唔停,整完一樣又一樣...哈哈...媽咪都話仲喪過佢....
10點半一起身就整左一盤美式麥片曲奇,好好味架!!個質感好似麥維他消化餅咁,好鬆化，第一次整算係咁啦．．．．
第２樣要整就係用Hello Kitty模的日式芝士蛋糕，哈哈．．．又係好靚好得意，我無試過味，希望成功啦．．．．
整完呢個hello kitty，就同pelpel洗白，洗完我都仲未想收手啵，又開多份材料整第３樣，就係法式迷你蜜糖餅 ，呢個甜左一點．．．
好誇張吧~~一次過喪整禁多樣野．．．．哈哈．．．依家都有d累了，整開有條路．．．．最衰聽日要番醫院，如果唔係我會整埋芒果豆腐"毛"士蛋糕or榴槤"毛"士蛋糕唯有睇下星期３，４點啦．．．
每日金句： "每日一整 " |
| 2007 年 8 月 26 日 星期日 |
| 番去周年大會 |
分類: 未分類 |
今日番去醫院參加生命小戰士周年大會,除左有我睇下個話劇同食,其他時間都係.....@@"訓得著,又悶,又凍.....仲黎左個超人...但我無得同佢影相,無嘜特別呢~~
最開心只係,爸爸番離個時車左我去元朗糕鋪買蛋撻摸同蛋糕材料,真係平呀!!20蚊有8個蛋撻摸,我樓下街市賣5蚊個....我仲買左個Hello Kitty蛋糕模,真係好得意...哈哈,整左個蛋糕一定好靚架呢~~
聽日我一定好忙呀,又要幫pelpel洗白,又要整兩個日式芝士蛋糕,我諗住整離送比kc wong同譚姑娘,嘻嘻~~無所謂啦...我呢排最鐘意就係整蛋糕....就算幾辛苦,只要人地食我開心就得喇!!
 超人黎喇
 送比我的大頭公仔..好似我呢^^~
每日金句: "心滿意足 " |
| 2007 年 8 月 25 日 星期六 |
我係大陸番離喇~~~  |
分類: 未分類 |
尋日夜晚6點出發番大陸食雞2日一夜豪華之旅....認真辛苦@@"好玩度同滿足度只有65分...因為尋晚爸爸話揸車番去屏山食下個度d咸雞,媽咪同爸爸話好好食喎~咪試下囉....點知....其中一味.."梅菜扣肉"食到近尾媽咪發現有隻曱甴... ..初時我地每個人都望下望下,我以為佢係豆屎,但係爸爸一用隻手反轉佢就見到佢有兩隻腳义左出離喇!! 個時我地每個人口裡仲食緊一舊豬肉,之後媽咪去廁所嘔到嘔唔切, 我都想嘔..但我食左半隻雞唔想晒....死頂..但已經反曬胃了...我地即刻叫個經理離睇,佢就囉上去比佢大佬睇,番到落離就講曬唔好意思,又即刻cancel個碟豬肉再打個8折比我地,又囉埋西瓜離...但你認為仲有胃口咩?只有爸爸幫襯佢....於是我地即刻走,番淡水嘔嘔再食過....
我覺得個度所謂的屏山雞都唔係好好食....而且仲差過其他地方好多,又貴過人...
 "屏山"豬肉有曱甴的第一餐雞
之後我地起行番到去淡水,首先係"星都"租左房,今次又爆曬,無曬3人房,得番打雀2人房,只好屈就一晚,入到去就有張自動洗牌ma雀枱,我已經好累了...點知我地4個都覺得好新奇,於是就打左10幾鋪先落去"不夜天"食宵夜....
"不夜天"d雞真係真係好好好好食架....
 
超級靚又超級好食的淡水咸雞,仲有右邊只係賣5蚊的大大碟炒米粉..就係宵夜了...又一雞餐
食飽飽....見到街邊的燒雞亦檔一定要試下架....又好味又靚又平
 
我見全淡水的小販女人,呢個係最靚女的一個,所以我都不禁要同佢影張相,我同佢影佢都唔知,突然閃光燈嚇親佢tim 隻雞亦燒得好靚呀,辣辣地,急不及待咬佢一啖
買完之後我地背著累累的身軀番番酒店沖涼訓覺了....當時已經1點....
呢一晚我真係訓得辛苦,因為隻腳好痛,食極治痛藥都訓唔到,而且又三寶床訓唔慣....so,玩數獨玩到3點幾....第2朝8點幾又痛醒訓唔番了....
起身係房影左好多相...哈哈...有d真係好好笑特別係爸爸...
  
 
 呢個廁所沖涼個度有得桑拿架
 (偷影)洗面阿叔
大家攪掂就checkout,又到"不夜天"食早餐
又係有咸雞,仲有白粥,炒凋菜,蘿白餃,客家"池巴"....又一雞餐
 
食飽飽,又起程買茶葉,之後就去橫崗的所謂公園玩,要比15蚊入場,入到去咩都無,仲未開發的,好在有得玩高卡車...但都要另外比多35蚊玩10mins,so expensive.....
 高速公路經過見番以前買落的"lan尾樓"依家嘜都無了..
 
去到公園,後面個個唔知係嘜水? 一個好靚好特別的佛
人面的山,佢好似有個口食緊草咁
 一隻落車見到的蝴蝶
 
 玩高卡車...超好玩...哈哈
全個所謂的公園,係未開發的...只有呢個高卡車場,其他什麼泳池,公園係嘜都未有....蝕本比佢,玩完諗住番去東門買整蛋糕的模,但去到深圳就落狗屎,只好失望地番番香港了....番離途中大陸真係咩都有,係一條高速公路見到奇景,有個無著衫好瘦既男人係條公路度行,佢一隻手拉住自己條褲,但佢條褲係著得一半,我見到佢前面一咋黑色既野,仲有佢個pat pat,爸爸架車開得太快,我影唔切相,如果唔係比大家大飽眼福...
呢個男人就咁係馬路邊開檔,賣的就係污joe joe無人食的菠蘿,真核特
就咁樣,呢個兩日一夜的艱苦食雞團就完左了.....
|
2007 年 8 月 24 日 星期五  |
| 眼腫腫.... |
分類: 未分類 |
呢幾日因為唔夠訓,而且尋晚飲左一大碗媽咪靚湯就即刻去訓,攪到今朝一起身就眼腫腫面腫腫.... 加上呢d天氣真係令人好似仲係好眼訓咁,咸咸濕濕.....唔多想旭.....
今日成個朝早已經做左好多野了....出出入入.....又係超級累的一個早上....
今晚可能有得跟媽咪番大陸食雞呀!!依家...番唔番去好呢?好想番去食雞同呠仔飯,但番去賴pel無人陪....好慘架...
番，唔番，番，唔番，番.....
今日知道９月２號無得去船河呀><"...個日有野做，唔做唔得，我好想去好想去好想好想去真係好想去呀．．．．．
去，唔去，去，唔去．．．．．
chick入去睇下啦!!我放左賴pel段video上去...多d睇呀!!http://hk.video.yahoo.com/video/video.html?id=257795
每日金句: "左右做人難 " |
| 2007 年 8 月 23 日 星期四 |
覆診日,超累日!!!  |
分類: 未分類 |
Today...係超累日....因為我連續3日都出街...訓又唔夠訓...so...超級超級累累累累....
真係累死人喇~~~ 成身好似千斤重...行都行唔旭了....
尋日同左家俊去旺角睇"阿森一族",我覺得好低能...家俊覺得仲超級低能....有嘜禁好笑呢?家俊都無嘜笑過...我笑既地方佢都唔笑...佢做咩呢?平時佢都唔係咁架!!呆呆的.....食飯個時都係...我問佢做咩會咁...佢話自己都覺得呆呆地...可能精神上好累呢...hehe...尋日其實佢可以係屋企休息唔出離架....但佢話放假緊係陪我啦^^~因為佢知我想同佢睇戲...家俊真係錫我...哈哈...大傻瓜....
食左幾舊魚生...個肚有d唔舒服
今日番去覆診見番好多以前一齊化療既小朋友,依家個個都大個左,仲好得意,特別係羅GIGI,佢隻衰妹我睇住佢大...依家衰衰格咁好多野講....但佢D BB話我有dd聽唔明....今日我地約左羅GIGI飲茶,因為佢太耐無見過我,而且我依家又靚左禁多...呵呵呵~佢唔認得我呢個火星人....我地一齊坐左2兩鐘,一路都有話佢知我係寶雯姐姐,我媽咪行去廁所,佢話寶雯姐姐個姨姨去左邊呀?到最後臨走我坐佢隔離,佢竟然問我:"你係邊個呀?" @@"....之後我聽到佢講呢句野真係訓低...我話我係寶雯姐姐呀..跟住佢仲自己介紹話:"我係GIGI呀!!" 你話吹脹嗎? 佢真係好得意好可愛....
今日知道有兩個小朋友走左(去了天國)...真係唔開心...兩個我都識...我地都係一齊化療,一齊住係醫院,一齊住係麥當勞叔叔之家....
其中一個令我有深刻印象...佢係"蔡俊熹(熹熹,Brian),3歲,佢非常之鐘意Thomas火車頭,據知佢係好似有腦癌,已經兩年幾了,佢須接受化療同電療,但都未如理想,本來要入骨髓房換骨髓,但有好多種種原因都未幫到佢入去...依家...他的"天國"要接他回家了,令他不用再受病魔的折磨....或者..對他or對他的屋企人都有幫助,希望...日後熹熹在另一世界得到快樂,有更多Thomas陪住佢....
另一個就係麗姨姨個BB..未夠1歲,佢個bb仔又係好得意架...本來佢同我一齊化完療出院,但過左2個月佢又話復發要番去再化療同埋入骨髓房換骨髓,本來佢係用母體骨髓架,但後來醫生又話唔用得,又無適合佢既臍帶血......今次唔知咩原因佢就走左了...我無問...今日見到佢媽咪都無心機,我都唔想提起佢傷心事了....
兩個天真活潑的小朋友,好地地忽然間可以離開呢個世界,所以每個人的生命都好奧妙,我們要更加珍惜生命,活得更精彩!!
每日金句: "不可想像 " |
| 2007 年 8 月 22 日 星期三 |
| 又有得去街街.... |
分類: 未分類 |
Wahahahaha.......我又有得去街街喇...
今日家俊要睇隻手,番唔到工...所以我地會出去旺角拍拖拖.....巧開心呢!!
家俊話同我食壽師,而我就話要睇"阿森一族".....
依家我要出去了....今晚一定好好好開心呢....
每日金句: "熱情如火 " |
| 2007 年 8 月 21 日 星期二 |
| 開心的一天 |
分類: 未分類 |
登登登登....你估我依家係邊度??? 嘻嘻~~就係....家俊屋企喇!!
今日家俊check完防鯊網好早就可以收工,佢又想有人幫佢執房...我又係屋企無野做....隻腳又ok,咁咪出左離囉!!
又可以見到家俊...開心到唔知講嘜?
佢依家訓係我後面覺覺豬....望住佢熟睡的樣子,真的很像一個大BB,靚仔得離又有點可愛!
每日金句: "暈得一陣陣 " |
| 2007 年 8 月 20 日 星期一 |
| 心意堅定...不再猶豫 |
分類: 未分類 |
今朝一起身...就有種好強烈既感覺....
今次...我可以好堅決同堅定即刻話你地知,我係唔會放棄家俊!!!我唔會再見一個愛一個...因為我已經肯定了自己個心.....我鐘意佢,就要一心一意....唔再係好似以前咁了....
點解無拿拿一早起身禁肯定?
因為有好多實驗証明,係我同家俊一齊呢一段時間,我身邊一樣出現過不少異性物體,但我都對佢地無興趣,唯一有興趣就只係想知道佢地叫嘜名?That's all~之後...都再擦唔起我想再進一步了解同認識佢地個團火....
有兩個好好的例子就可以証明我個心係點了....
第一個"菜頭",由做酒樓開始識佢,佢就鐘意左我,個時因為我有男朋友唔可以同佢一齊,到依家我地都有keep住聯絡,佢話會等我...(我先唔信)就憑佢呢一句,我只當佢係我好朋友....絕對唔會諗Y....同佢根本無可能....因為我心裡已有家俊..."他"只像一個一直守護著我的天使~~
第二個"阿源",係中三開始識佢到依家,曾經我們相愛過對方一段時間,但後來我發現佢太多大話,背後又做左好多對唔住我既事,所以我無選擇到佢...相隔一段時間都無搵到大家,到呢一排佢又搵番我.....我對佢依然保持距離,佢話就話仲鐘意我,想同番我一齊,叫我同家俊分手,但我覺得似係佢水泡呢!! 呢段日子,佢做過d嘜,過住咩世界我都唔知,亦唔想了解...而佢...亦都唔了解我現時呢一刻既情況,我唔想再晒時間去令另外一班人接受我,接受我有呢個病....因為...其他人根本完全唔了解....加上佢係咩既人我最清楚,我唔想再倒頭離自己後悔...因為我已經失去左一個對過我好好既人....呢一次,我更加肯定同佢根本無可能....因為我心裡已有家俊...."他"只像一隻企係我隔離等食,而食完就飛走既頹鷹.....
呢兩個實驗就可以一一証明我個心係係邊個度了~~
有人問我..."寶雯,如果比你依家同家俊結婚,你會唔會後悔呀?"
當時既我,即刻呆左,停左一停,諗左一諗....唔敢答...(其實佢一問我個一刻,我個心已經有左答案,就係"我會後悔")....我答.."我會後悔..掛....."點解我要停,諗左一陣?因為我愛家俊,邊有女仔唔想嫁比佢男朋友架?但依家....值得嗎?結婚係一生一世既事...點可以亂答架?
p.s(家俊好了解我,只要人地問我野,如果我諗都唔諗即刻答就即係真既,如果個一刻我係猶豫左幾秒先答,就好可能講緊假話or唔肯定既說話了....)
Now...我可以好肯定答大家...如果依家要我嫁比家俊,我真係會後悔....因為,家俊仲未係我心目中既好老公,現時佢只係我的好情人,但我...並無後悔過同佢一齊既日子....如果家俊改左dd壞習慣的話(懶惰)...我願意嫁比你....佢都係一個好老公好爸爸離既~~
家俊...我對你既一心一意,你又感受到嗎?
每日金句: "心意堅定...不再猶豫 " |
« | 11 | 12 | 13 | 14 | 15 | 16 | 17 | 18 | 19 | 20 | »
|
