尋晚家俊又為左好少事好惡咁鬧我呀....仲鬧到我喊得好犀利!!家俊唔再愛我喇!!佢一次又一次傷我個心.....我係咪真係令你禁煩呀?點解永遠我講多兩句你就話我煩?我依家唔識再分講咩係令你唔煩咩係煩喇!!因為我講任何每一句說話你都唔想再聽.....尋晚比佢鬧完我之後cut我線....

我只想為你好...我知道你都想我好....

事發前...

我:今日我拆左線呀!!你知唔知架?

俊:唔知....

我:哦.....

俊:我聽日要去睇防鯊網唔可以入離..

我:唔緊要啦,我都唔緊既..無所謂...你得閒先再算啦

俊:如果天氣好,我星期3都要車船(語氣開始好重)

我:都話無所謂,等你得閒先啦...

俊:唉~~都話我唔得閒囉,日日都有野做....唉..係咁啦 !!唔講住呀(討厭我的聲線)

因為佢係度睇緊vcd....同佢講野又無嘜反應...我又阻住佢....第一次收線

我自己就同小生and zoe傾電話,傾完又諗左一番說話想同家俊講..於是我send左個sms比佢...個時已經12點14分...內容提及"家俊,今日我睇番之前我同你影既相,仲有禁耐以離你send比我既信息,回憶番所有開心事,令我感動到喊,你話過無論發生咩事都唔可以放棄架!所以...我會努力,我要乖乖埋呢個月,如果我真係陪唔到你真係對唔住呀!你忍多忍呀 !我有信心好快我就可以陪你周圍去,飛都得!你要等我呀!"

send完比佢之後....我等左好耐佢都無野比我,之後我就試下打比佢啦!!我知道佢一定仲睇緊vcd....接通後..

俊:喂...

我:喂..(表現有d驚佢鬧又開心)

俊:點呀?(好溫柔的..)

之後我聽到佢唔係語氣重我就鬆一口氣...

我:無呀^^

俊:你禁犀利既,我岩岩睇完一隻碟想換第2隻你就打離喇!!

我:哈哈 !!係呀..我計住家嗎...好唔好睇呀?係咪好恐怖

俊:唔恐怖唔驚,只係好核特..(佢好似睇緊電鋸唔知咩)..

我:你唔係依家夜媽媽睇"鬼上頭"嗎?我好驚架..一路都唔敢睇唔敢買唔敢問人借,我想你陪睇我呀!!

俊:我燒比你呀!!(立即開電腦)

我:嘜你可以燒碟架咩 ?(我知佢無個個程式)

俊:唉~燒唔到...個燒碟程式係契妹度

之後就開始第4次世界大戰....我又提及我唔知道佢覺得煩既野...我話聽朝叫你起身呀!佢就開始發炮...我就野野都中曬...佢話我"多d休息啦...成日叫你早d訓又唔訓,唔想你禁早起身又唔聽,我想你訓多d呀"我一想講唔緊要佢就係咁發炮再我炸死左了....我低聲低氣話"咁我依家訓啦...."佢就好嬲又好惡咁話"唉...你鐘意啦"之後佢就cut左我線喇.....

當然,一收左線我就緊係喊到死去活來啦!!我問我自己,點解我為佢好對佢好,佢就話我煩咁樣對我?點解呀 ?我都係想做女朋友責任,叫你起身姐,咁都煩?

我打比zoe係咁喊...佢一路叫我同家俊分手..........我當然唔得啦!!之後同佢講左唔知幾耐我就話唔想講野了....收左線我唔想亂諗野,就玩nds隻新game....腦海一片空白的

呢幾日真係發生好多事......我依家先知道,原來好多野都係自己一手一腳攪出離,要自己收拾真係幾困難,因為好多地方我都唔知自己錯係邊?有人可以告訴我嗎 ?

頭先同媽咪一齊行新北江,我睇中左條裙想買...點知佢又聽唔到佢好似鐘意,之後我以為我幫我同個sales留起,我見到第2條花花裙又要埋.....我又bring唔夠$$,so...叫媽咪幫我pay住先...佢都話哦架....佢又買左另一件衫...

到番到離....佢話我做嘜囉左佢條裙....=.="之後我同佢嘈話係我要先,係我話要買...點知佢話係佢=.="....聲大又甲惡話我.........依家比佢"腸"左條裙....我唔彩佢...佢都無理架....明明我話我買..佢竟然話係佢既...有問題...........姨媽到...

今日拆左線,依家要真係好好休息...因為最關鍵就係呢兩個月,只要呢兩個月乖乖地係屋企等個傷口入面生番好d肉,我就可以飛去邊都得喇~~

唉~~~尋晚又係我的傷心夜....我問家俊..."依家你係咪等我開口自動退出呀?"佢話唔係既.....只係覺得我地依家好似拖住拖住...已經去到似有似無同可有可無個種感覺,到到真係無得救大家都忍唔到個時就分開......佢想要一個可以陪佢成日周遊列國既女朋友..................

我好後悔.....為左家俊放棄草餅.......人真係犯賤,永遠失去後才懂珍惜...

賴皮話"好馬不吃回頭草,好草不怕回頭吃!!"  草餅...佢真係一個好好草,佢好錫我,又對我好好,又顧家.....係一等一好男人好老公離架....只怪我自己鐘意玩....唔識珍惜人囉....依家你想同番人一齊,人地未必要你啦....

我現在可以怎樣?分開?我又唔捨得....繼續?大家又覺得似有似無.....

都係我有問題姐,如果我無事咪唔會攪成咁囉!!今日拆左線,只要我今次乖乖地唔再亂走就無事,到時飛去邊都得啦....家俊,忍多兩個月啦~~到時你想去邊做咩我都陪你呀~~

今日8月6日....其實係曾啟聰生日...(佢係我之前一有病就飛我的男友)....每一年我都有記得佢生日...雖然我好憎佢,但...已成過去...仲憎離有咩用.....佢同我分開我仲開心,而且覺得係一個解脫tim~^^....尋晚12點正,我想send個sms同佢講生日快樂架...but,都係無send...我覺得做嘜要曬$ send sms比佢...同佢好番咩 !!哈哈!!所以心照啦!!諗番佢d衰野....真係好嬲\../

尋晚.....家俊又整喊我了~因為佢話尋日車船車個班靚女其中一個係當年佢想追既一個,其他個d佢又講到幾禁鐘意....

我聽到佢咁講就緊係會唔開心啦!!之後自己忍住d眼淚....但此終忍唔住幾滴.....點解我咁樣禁容易禁少事都會喊?家俊呢排放pey曬呢段感情,亦都唔再著緊我點點點,我同男仔傾電話佢都唔緊張.....我覺得佢依家係想迫到我自動退出,但係我又......

收左線之後我大喊左一陣....又諗左好多野,我好驚...我依家根本對我自己同對家俊都無曬信心,我靚又唔夠人靚,索又唔夠人索.......點可以放心個男朋友唔會比人搶左?加上家俊依家又咁樣,下下都話呢個點個個點 !!對佢信心大減......

我喊完send左個sms比家俊話...." 家俊...我好想大家一齊維繫呢段感情,依家你就係好似放鬆曬條繩由佢任意放長放鬆,只係得我單方面好努力係咁收番好,雖然你唔睇好呢段感情,但如果一直咁落去就會好快玩完,可唔可以做好每一日直至真係完為止呀?我想同你都有段美好既回憶留比大家!如果你覺得煩可以無需理會我呢番說話....      我愛你呀! "

就係呢段野...佢直至今日一路都無回覆過我....我好怕尋晚自己會講左出離,"不如我地聽日開始唔好搵大家啦".....我真係好驚好驚.....我唔想同家俊分開....佢成日都話我唔係一個好老婆,但為左你....我會努力學做好....

因為我真的很愛你!! 家俊......

今日星座話家俊..."其實他是很愛你的，只是你對他的愛已經變了。"好準呀...我真的真的很愛家俊...但只係佢對我變左了....

我唔想每日都禁情緒化,今日笑聽日就喊...我對我自己都驚,好難捉摸...

今日星座話我"新的小飾品是你今天的幸運物物品，特別是與通訊工具相關的東西更好。 "禁岩Miss Wong尋日離左探我,佢係沖澠買左手信送比我,係一條電話繩離架!!星座真係好準,所以我今日即刻掛係手機戴出街買六合彩....希望會為我增加幸運~~

睇報紙美國有兩公婆用19年一共生左10男6女,尋日仲生多個BB女tim,勁.....唔知個個鬼婆前世係咪豬女 ?or狗女?點可以生禁多個架 ?生死人......究竟佢地係鐘意攪野點知攪大左要迫住生,定還是真係好鐘意生仔呢?

我依家又想喊喇!!家俊真係無人性架.....我已經頭暈唔舒服,要休息訓多d,佢今朝一打離唔理你訓醒未就要我即刻send番佢去長隆個張相比佢.....佢話佢個fd依家要,唔等得,個時我真係好頭暈好辛苦.....

當然...我愛佢就唔理自己生死...幾辛苦我都起身整左比佢先,要幫佢張相校番光暗....send左比佢,佢只係only講句thx .....that's all...=.="係人唔係呀?有無當你女朋友係寶架?成日都只係當我係工人....係always ar~~我愛你先會為你做所有野,但係.....你一句既關心慰問都無.....呢樣都算了.....

我同家俊做左個好準既心理測驗,我叫佢講兩個異性朋友既名,佢第一個就係講....."初戀",第2個係"彩虹"...結果就係第一個係佢愛既人...即唔係我...第2個係佢想愛又不能愛的人....又唔係我.....你話我想唔想喊....

佢之後就賴...你又無話可以係你...=.="我自己做呢個測驗,一諗到異性第1個我就諗到係家俊...有嘜可以佢無諗到係我呀?原因只得一個.....係佢心裡面根本無我,因為之後叫佢再講多3個朋友or親戚名....都係無我......咁答案已經好明顯啦!!

喊.......我依家就係最慘自己又m到,已經情緒好唔穩定...我呀媽又係咁,問佢咩都好大反應對我....變態....仲有家俊都係咁對我.......................我一諗到咁.....d眼淚又忍唔住流曬出離

我的姨媽今日朝早黎左探我,真係早黎~~人地都未訓醒明明佢話係4號黎架嗎!!點知今日2號早左兩日黎......

尋晚~~我....偷食禁果,家俊係我度訓,陪左我一晚.....好開心....好耐都未試過佢對住我禁耐喇!! 佢可以成晚都只係屬於我一個,雖然佢好快好累咁就訓左,我食左藥都好累架!!但係....我身邊多左個人唔係好慣,攪到我訓唔著,之後佢好似拍BB咁拍我訓,但我都係訓唔到,我只可以靜靜雞背住佢打比Zoe傾計,我一傾佢就...哈哈....坐起身啤住我,之後就訓番唔理我,我傾完電話,望住佢....轉黎轉去我都訓唔到,我就玩左一關數獨,玩完已經4點19分了......隻眼好累.....半睡半醒之下到到8點9鬧鐘響!!

當我打開眼.....轉個身就見到我最可愛既家俊仲好似BB咁訓左係隔離,我微笑左一會.....用一隻手指督佢塊面,摸下佢個堂賊眉,鷹鼻,香嘴....一路摸佢就一路縮,我就一路偷笑....我見到訓得禁舒服,就再校過鬧鐘到9點05分響.....

呢15分鐘....我都係一路用對星星眼望住佢訓覺個傻樣,雖然我都仲好想訓,但我知道一陣就會無得望,要望耐d ar~我仲用手機拍左短片拍佢訓覺個樣,佢知道我影佢,佢may起少少眼望下我,之後都懶得理我了,我有我笑,佢有佢繼續訓....

到左真係鬧鐘再響,佢要起身架喇!!(12點前要番到西貢,佢2點要車船)但叫極佢都係懶床,於是我去洗條熱毛巾比佢醒醒先,我一想弟埋去,佢即刻9秒9伸隻手摸下凍定熱(佢最怕凍),我話"你當我傻架咩?我似d禁唔細心既女朋友咩?"之後佢好開心咁笑左一笑,一個大爺BB咁款等你服侍佢,你對住佢真的只係識笑,頂佢唔順...我好似哄緊個大BB咁,之後佢仲會回番一個香甜既笑容比你,傻瓜!!!

心病還需心藥醫,家俊就係我的心靈大補藥,食左佢死左都會番生!!

渡過左一個開心溫馨的晚上,雖然時間短左點,但對我離講已經好足夠了!!我地大家都好開心.....好sweet sweet ar~~

愛情既魔力真偉大,我明明無訓過好眼訓但到依家都訓唔番著(加上M come),Haha..今日仲開心到買左兩件衫tim~~好靚靚架!!(兩件都係雞亦就,一件好似洋蛙蛙tim)

哈哈...比家俊知道我又買衫,實比佢鬧死,because佢成日話我買左禁多又唔係著,唔知買離做嘜?我搵多多$都唔夠你買啦!! hehe....呢個係我個病離架,我最鐘意就係買衫,唔開心仲犀利...@@"恐怖.....

我唔見左個男朋友呀?佢由星期1去左廣州到依家都仲未番,又無個電話打離 ?我尋晚10點半開始打佢第2個電話,係通左但無人聽(香港既響法)......

家俊...你去左邊呀?你可唔可以唔好令我失望,我唔想我諗既野係真架......依家已經3點喇....要番嘜都番左啦....我send左個sms比佢話:"我唔知你去左邊?亦唔知你幾時番左離,你想玩咩呀 ?"

就係咁....之後過左1min,佢就打番電話離.......=.="你地信唔信?開頭佢打番離我真係唔信,又會禁岩既?佢話依家係黃岡搭緊車番離,去到上水就過離搵我,係我多疑?之後我聽到個司機講野,我先信....

點解今次我會禁驚禁唔信任佢?我從未試過架!!尋晚我都訓唔著,之後又發夢發到佢一早番左屋企,特登唔搵我......我真係好驚....

算了....依家我知道佢番左離就安心了......

哈哈!!聽到佢把聲嘜都開心番曬啦!!真係心病還需心藥醫.....

各位,尋晚小妹差d做左有錢女呀!!因為我咁大個女都未試過六合彩中5個半字,我睇住佢開,第1個唔中,第2個開始就中曬後面.....@@"但係我分開左離買,嘩~真係堅過石堅,雖然係無中到,但我好似思覺失調係咁周圍同人講我中左二獎呀!!傻左~~我的財神爺黎到門口就走左....><"

好在今期無人中頭獎,但二獎有7個人中,得49萬幾,7個人分,每人得7萬....如果我都中左有7萬蚊....我會囉曬離幫屋企,用唔曬就留番比自己草起佢...

5個半字呀......

唔打了....家俊離緊,我要準備定.....^^"尋晚我已經整定個蛋糕等佢離喇~~

哈哈哈哈哈哈哈哈!!!!好開心.....只要見到佢,咩唔開心都唔記得曬

今日係我禁大個女有史以離最唔開心最心淡既一日.....因為,我發現呢個香港大部既人係完全唔掂,無良心不特止,仲會破口大罵埋怨別人.....

點解? 今日媽咪又係一定要用輪椅推我番醫院覆診,其實我係不情願地被佢推去,但迫於無奈....張計就計.....

一開始,我地係天恆巴士總站上276A去上水,我坐住輪椅當然要個巴士司機禁個板比媽咪推我上車啦!但個司機佬竟然好似煩到佢咁,西口X面又比說話你聽,心諗...我都係有需要先要你幫下姐!!你唔洗咁呀 ?司機.....

半路上,我地要係上水轉火車去到大圍再落車轉馬鐵去第一城落車行番醫院,火車同馬鐵都有好心人既,有人會讓個位比我放好張輪椅,然後又會有人比個位媽咪坐陪住我....咁樣都完全未有咩問題住.....

之後回程既時候.....惡夢就始發生!!同樣我地都係要番到去上水搭276A番天恆,呢條巴士隊一年365日都係禁多人排隊同有條非常之長既人龍。我地都唔係排到好後,都係第10個到....係我地後面當然仲有好多好多人啦!!

到個巴士埋站,d人急急要迫住上車,驚死無位咁....個個死人阿叔巴士佬又玩野,明知我坐住輪椅,佢竟然只開一隻單邊門,shit 佢...........攪到我又上唔到車,後面個d人又唔會停係度讓我,亦都唔會等個巴士佬開個塊板,到個個巴士阿叔要禁個制等塊落離,點知佢都唔知禁嘜,等極佢都無動於衷,我聽到後面的人已經開始有d埋怨既聲音.....媽咪唔理三七廿一就咁推我上去,當然佢係唔夠力啦!!後面個班男人女人見到一個手無雞力既女人都唔會發出佢地既好心上前幫幫手......我上到車當然係無曬位比我坐啦!!就連係人地停泊輪椅個個位都比曬班大陸人放佢地一車二車大大袋既行理。我只可停泊係上車通道度自己捉實....令我非常狼狽。

上到車個個仲會眼超超我,我好想大叫"有咩好望呀!!個個都唔係人離架!!"落左禁上下人,媽咪見到後面有個抱住bb又推住bb車既女人,媽咪都會主動話推我入d,比佢地行入dd.....我媽咪呢d先係好心人,見到有需要既人一定會上前幫,就算自己有難在身都在所不遲....唔似得其他無良心既香港人,真係影衰曬我地一班好既香港人呀!!

到埋站落車個時....我真係想媽义個巴士阿叔,佢竟然禁到個塊板落離,先頭禁唔到係咪佢玩野呀??我係有良知既香港人,我唔會同佢計較,只不過....我覺得呢班揸276A既巴士佬都有問題.......

經過今日....我發現了《香港人十大令人覺得最討厭的惡行》

1. 無良心,見人有困難都唔會出手相助。
2. 永遠驚死蝕底,嘜都掙餐死,坐任何既車都唔會先讓車上乘客落車。
3. 無愛心。
4. 無公德心,係人面前食煙。
5. 自私自利,橫行霸道。
6. 出口傷人,破口大罵,明明自己撞跌人仲"惡人先告狀"。
7. 無禮貌。
8. 非常無人情味。
9. 假仁假義。
10. 常戴有色眼鏡望人,歧視別人。

我都係香港人,香港亦都有好多好心人,但已經就快絕種了.....希望會有多d好心人。

今日媽咪推左張輪椅同我去銀座行街街,吸下新鮮空氣人都精神d,又無禁悶....
家俊今日開始去左廣州個個水上樂園玩3日.....=.=

點解佢可以願意掉低自己d工作走去玩,但都唔會掉低手頭上既工作離睇下我呢?

本來我唔知點過呢3日.....但今日出左街都成日...可以就咁就過左一日喇!!幾好~

聽日又去番醫生覆診,又可以容易地過多一日....番到離我會整定個蛋糕等家俊星期3番離,之後會睇下佢星期3定星期4過離陪我喇
 

我有個發現...有個不知明叫做"伂豪"我完全唔識佢的無聊人留言比我,仲係打曬亂碼...　　呢個係嘜水呢?有人可以話我知道嗎？

今日的戰利品:

我一見到兩條Hello Kitty橡根就即刻想買左佢了!!幾得意呀!!不過...每條都要廿蚊..算算貴呀?但我覺得值得啵另外黑色波波個條就要8蚊....哈哈...靚靚呀 !!
 

睇報紙見到個超犀利化妝的怪樣

4隻眼,超嚇人,你話邊對眼先係真?

另一睇報紙見到的人體彩繪相,係我最想學的人體彩繪呀!!!!!只可惜.....囉

有得供我讀化妝就好喇~~

依家已經無心機再每日打日記了.....因為...都無人睇....m.....其實自己的日記點解要人睇呢?係私人嗎!!我正一大傻瓜!!=.="

問為何?為何問?

現在我已無氣了.........

希望能夠堅持到底......