今日...我心情大好呀!!!^^~

因為睇到自己既血報告既發炎指數有一個回復正常...ESR6.6...好開心呀!!但第2個CRP都仲係高....65..^^如果咁計法....下星期好可能有得出院了~~

頭先皮膚科醫生離過,佢話"19"呢種野一定有敏感...但未知係咩?佢要番去check就話我知...>﹏<"唔知係咪我個金屬鉸既金屬呢?

原來...今日已經係5月5號了....仲有一個月...我就21歲生日.....

時間過得真係快.....我既生日...好似係尋日既事咁!!

記得上年生日..我又係岩岩做完手術出院都未拆線....個日家俊同我去銀座睇戲,行街街...夜晚就係個度同媽咪仲有賴皮,細佬同我係酒樓打邊爐.....

今年....唔知有無生日蛋糕食呢??上年都無得食...無許過願...=﹏=''

唉~今年家俊有時間陪我嗎?

我會係出面過生日,定係係醫院過呢??

做了皮膚測試...今日係第2日了~~

有些少反應,有幾點位置有點痕痕的....有一點是又痕又有點痛的.....

有反應看見,是好是壞??

黃醫生前日同我講,係英國搵到個新金屬鉸了....個鉸外面是塗了一層保護金屬鉸的東西.....而個鉸係用一些更少機會敏感的金屬造的.....

依家暫定打多兩個星期的抗生素,看看發炎指數如何,便可以出院了!!!可能會到到6月12日做換鉸手術!!呢個手術的風險都好大,因為有機會會整碎我本身自己小腿那拆的人骨,黃醫生話手術相當困難同麻煩.....

不過...我對黃醫生相當有信心呢~~因為佢係全香港做換鉸手術最好最精湛最細心既醫生!!!!

另外...尋日發生一單令我覺得很心痛心寒的嚴重車禍,而且仲係係西貢發生!!!我一聽到姑娘同我講,知唔知西貢撞車撞到好犀利呀??我話..下??我個心第一時間就諗家俊會唔會有事呢??因為佢會離探我,我好驚佢半路中途有咩意外><".....

今次車禍造成18個人死...而且全部都係女人....我一路睇住d新聞,真係忍唔住想喊出離~我覺得佢地真係好慘好慘....好多人係同一時間無左個媽媽,無左個女女....無左老婆.....我好希望,各位死難者會得到安息......

我依家等緊3點就落去做皮膚檢查喇!!!

貼塊有唔同金屬物質既野係背脊,只要test兩3日就知結果了~~

心情.....已經都唔識再緊張同唔開心了!!!因為依家點....我都只係留係醫院,邊度都唔去得...唔做得.....^^"嘻嘻~~

黃醫生前日再我個泡泡擠到依家有個"lone".....埋唔到口....只有室住個"lone",但佢仲係流好多野出離....佢話室佢到星期5先算....唉~~~

我好擔心佢埋唔到口....點算???

不過...我都預左佢一定要換過我個教了~~~

今日係我過我最淒涼的一日.....

因為姑娘成日驚我打嗎啡針打上癮,所以我痛到係咁喊佢地都唔幫我打.....

真係痛到好慘,佢地話我個樣都唔似痛...唔通我真係成日係你地面前喊咩??

我由今朝10點開始忍痛忍到依家....好辛苦.....個泡泡愈谷愈大,淋巴個個位又谷到好痛.....隻腳唔知點放先岩....

尋日,醫生搵到少少方法了!!佢話外國都有人好似我咁對金屬過敏排斥,所以病徵都一樣,都有出曬疹,淋巴漲起曬,發炎搵唔到菌,不過佢地嚴重過我,就係差點死!!之後佢地食左抗排斥藥(肥仔藥),依家好番了....

所以黃醫生想用係我身上,如果真係好番就唔洗換鉸了!!!!

唉~~最不幸既消息,終於知道了......

黃醫生今朝11點10離到同我講...."証實左係金屬鉸排斥!!"

依家既做法就係搵英國既金屬鉸廠搵下有無一個唔會敏感既金屬鉸,再試多一次!!

"換鉸".......

尋日,同黃醫生終於傾到我喊左出離了!!我問佢如果放棄斬左隻腳會點?

佢即刻好快咁話"係咪呀??你想呀??"比我既感覺,佢都係等我開口....

但佢又話,"你又唔係腫瘤復發,我覺得唔值得囉!!無左就係無左架喇!!救都救唔番!!有咩方法都試下啦!!!"

岩岩12點半拆曬所有線了,一共39針,最長的疤痕埋得好靚,一d都唔覺開過刀,但..........個泡泡.....差一點就爆出來了!!黃醫生即刻同我抽曬d野出離,好似變魔術咁,一抽佢就凹左入去.....wow~~

依家我係香港第一個對金屬鉸排斥既人!!!!如果....我真係醫得好番,就可以成日醫學界既貢獻!!向創先例~~~對香港有貢獻,對國家有貢獻...

嘻嘻~~我心裡一直都有一個目標,就係想成為"香港傑出青年"

所有人都叫我唔好放棄,一定要堅持到底!!!每個機會都要嘗試,做到好為止....

我都明白....但...有無人感受過成日做手術都做極做唔好既滋味??身理同心理上既痛苦.......一個人去面對又怕屋企人唔開心既痛苦......

放心啦!!依家既大頭雯係非常非常之硬淨架!!!I'AM打不死無敵大頭雯~~

呢兩日....真係發生好多事係我身上.....

全部都...好唔開心...好唔開心....直頭喊到fi le shu ar~~

前晚...家俊離左探我!!仲買左我都想食既麥當當餐,,嘻嘻~我好想食薯條好耐了!!

之後............佢一離到...坐係我隔離(即床邊)好close...我感覺到佢既溫柔,佢既溫暖...好舒服....我一邊食,....一邊打機,佢就好溫柔咁問我,你隻腳點呀?有無事呀?而我.....無答佢,只係以笑避過了.....當作聽唔到!!

我食完野之後.....鼓起勇氣,呢件事,始終都要面對,我就話..."講番D正經野先!!"

佢就..."唔"

我問佢....."如果我....無左隻腳,你依家仲會唔會唔想同我一齊呀!!"

佢就沉默左一陣,之後就話,"我一早都估到你隻腳有事了!!你之前個message咁講!"

我又問佢...."會唔會?"佢就開始講了.......

內情唔想講禁多.....答案都係.....如果我真係無左隻腳....佢...真係會離開我!!

因為佢所以屋企人關係.....

我聽到...當然係喊到好犀利啦!!今次我喊,佢無發我脾氣,只係緊緊咁攬住我,安慰我...........

之後話,醫生都唔放棄,你都唔好放棄呀!!!!

我問佢...."如果要分開,嘜你捨得咩?"

佢話"唔捨得就緊有啦!!但你要明白我係呢個屋企真係好大壓力架!!"

其實..佢表嫂一早就唔認同我地,佢問家俊.."唔通你為左一paul樹,放棄整個森林?"

直至尋日我睇到鍾嘉欣拍個套野,我....都好似佢咁,佢生唔到BB,而佢奶奶就要佢同馬俊偉分開.....一刀兩斷......

我睇到之後,又開始喊.....究竟....依家我應唔應該好似佢地咁,愈早分開愈好,免得大家愈離愈唔捨得??

我真係好驚呀........日日都係咁喊....我真係真係好驚無左隻腳....好驚家俊離開我呀!!!我好唔甘心~~點解要咁對我呀!!!我對你地禁好?點解你地禁現實?

尋晚真係發生好多事,有件事令我到依家個心都仲係好唔舒服...

原來我一直信任既朋友....佢一直都有野門住我,佢呃了我對佢既信任,我感覺到又被人出賣了!!!所以...我同佢斷絕來往....因為...我接受唔到一個我非常信任佢既朋友呃我任何野,我覺得只係好少事而已...但.......

我已經被一個好朋友出賣過了,,,依家又....多了一個.....

到了現在,隔了一晚,我個心仲係好唔開心,好唔舒服!!點解呢?

岩岩...我又喊到pk...痛到pk.....

黃醫生一早離又講左d野...佢話化驗醫生驗到我d淋巴有色素...如果驗到出離係有金屬成份..咁....就......唉~~~

一個人承擔一切真係好辛苦,要做一個好嚴重既決定就更加難....

隻腳一日比一日差落去.....成日都要打止痛針!!Cindy姑娘話都唔覺我痛既,打針都仲要笑住離打,唔通我成日喊苦喊忽對住你地咩??

我依家禁差既情況,一路都無同家俊同佢媽咪講過....每次佢地問起,我都話好好...無事.....唔想令佢地擔心.....失望.....

我send左個sms比家俊...內容係...."家俊...其實呢幾日我都好唔開心...每日我都喊...一路我都係你地面前扮無野!係我裡面,只有你先可以分擔我既唔開心,但我唔敢同你講...唔知點面對你同你屋企人!我覺得好大壓力,我都好想快d好番...但事實並唔係你所想!我都好驚呀!我真係好驚會無左你,我係好愛你架家俊...我好辛苦呀!!"

打呢個sms,我喊得仲犀利......

之後...佢都有打番比我,好溫柔咁問我.."你隻腳點呀?"

聽到佢把聲,我更加唔敢喊....而且仲要笑住同佢講野~~係電話度,我都係無講到我依家既情況......

這兩天....心情都像苦瓜一樣....這樣"苦"....是痛苦.....

昨天早上見了黃醫生,他說我的傷口還是很差,再也想不到用什麼辦法了!!他說我的化驗報告全都出了....全都是沒有任何細菌和癌細胞!!

但我的傷口還是腫起了一個泡泡.....所以他說會找化驗醫生開會研究。

如果...還是找不到任何細菌,就會斷定為"死症"...即是放棄隻腳....不要了.........

但他說是不會放棄的,因為大家都努力了這麼久,不可放棄吧!!我又不是腫瘤復發!!

我又問.....可以放特別一點既金屬鉸入去嗎?他說...如果對這一種最簡單的金屬敏感的話,即是對所有金屬都敏感了.....

我還說笑...不如放銀吧!!很多人都是戴銀耳環防敏感的!!!

他只是對我傻笑,又說...是呀!!我會替你貼上星星月亮太陽呢~~~

他走後....物理治療師就來到要我做運動了....><"做得我痛死了......

事後覺得太痛不舒服了...叫姑娘替我打止痛針,,那個平時很衰的姑娘一拖再拖,她是有空的...但都還是說等等....等等....我等了一個多鐘,她還沒有來替我打止痛針....我就找第2個姑娘,她又是說"我唔得閒呀!!"

那時,我一邊想就一邊哭出來了...想想....自己的腳又不好,很害怕會無了....那時又很痛.....又沒有人可以幫助到我,真的很可憐~~

幸好Esther姑娘聽見,即使她不是負責我這間房的病人,她都抽少許時間替我check針和打針....我真的很感激她....(因為她和我很好朋友,我很喜歡她的!!最喜歡就是她替我洗喉仔!!)

哭了一會....我又再重新振作起來~~

過了不久譚姑娘就來了探望我,我把一五一十都告訴給她....竟然是她心情比我還低落,我還可以對著她笑,但我心知....這只是強顏歡笑!!

她說我又消瘦了....叫我即使一次過吃不下,都要每次吃少少,少少.....說了一句說話,我記了十多次都記不起來...每次都說錯!!她說"山大斬埋都有柴"

嘻嘻~~我終於記起了!!!

今次慘慘了.....

起泡泡的那個傷口好像愈來愈惡化....它一直滲出少許液體....看像難以復原!!

我的心....受它影響至無法提起開懷的心情,心..痛極了....擔心極了!

黃醫生一點表示也沒有,亦沒說下一步的做法...

今天早上...我的大懶豬又再睡到不知他來過了,直至中午媽媽來到,我才懶懶地起床,走到廁所,洗面....刷牙.....我開始感覺到身體沒有力了!!手腳軟軟呢~~

我並沒有理會...一直忍著回到床上躺下來...想著休息一下就沒事了吧!!

到了吃完午飯,媽媽陪我到廁所洗白白,誰不知!!我走到姑娘的護士站後,開始頭暈手腳無力喘氣!!!路程只有床至門口十多步,就已經頭暈無力了!!原本我是想問姑娘拿防水膠布的,但姑娘見的講也講不出,就知我有事立即番回床了~~

量了血壓正常....可能是太急著起床,耳水不平衡吧!!又或是血糖不夠呢??

現在,休息過後沒事了~~

我很不開心呀!!!!

因為...今早黃醫生替我洗第2次傷口,我看見傷口情況很差,皮膚乾燥得結了一大範圍的死皮......而且....起泡泡那個傷口的位置,又再腫起了......

我即時想哭起來,一個苦瓜般的臉兒.....

黃醫生又說,所以報告都出了,並沒有任何細菌和癌細胞....

這可說是好消息還是壞消息呢?

黃醫生說現在唯一可以做到的,就只有打著抗生素,等待發炎指數慢慢下降回復至成常水平,如果都是不太好轉,就斷定為金屬排斥了.....到時候再想第二種辦法處理....

我的腳還是痛得不得了.....昨晚痛得要醫生再開嗎啡止痛針,打了之後雖然舒服一點,但是...痛楚又很快回來了....令我整晚也痛得睡不下.....

天呀!!!究竟你想我怎樣??究竟何時可以令我完全康復??

雖然今次我表現得很堅強,但你都不可以一次又一次打擊我吧!!我真的快要受不了....現在.....每當我靜靜地自己一個人的時候,都不禁流出幾滴傷心,失望而又擔心的眼淚.....

儘管更堅強的人,也會流下可憐的眼淚兒........