| «‹ June 2017 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | |
|
2008 年 1 月 6 日 星期日  |
呢d咪叫"奶野"囉~~  |
分類: 未分類 |
今次我真係"奶野"喇!!!我報個個電腦couse上堂係無電腦用架 !!! 學就學4個software....但...學個4個software都一定需要電腦先會學得好....依家...only對住個阿sir,有個"芒"睇...佢就only講....尋日上第一堂佢兩個鐘都係講廢話...
希望第2堂開始講正題時,佢會講好d啦....亦都希望佢所講無電腦每個人都會學得ok la~~ 唉~~真係好失望....
我報名係想學電腦...而唔係上完堂叫我地番屋企用自己部電腦畫....
上完第一堂既功課就係用人手畫一幅代表自己既logo....我依家諗到個主題了...只only差個邊,我想要特別d...特別d..先似一個designer架嗎
家俊聽日開始就要番澳門開工喇...好似開幾日....而我...就有幾日放假..哈哈偷走出去玩...不過..都唔得閒玩啦!!我又未做功課,星期2我要出去整個蛋糕囉去銅鑼灣送比Monic, 唔知家俊係咪星期3番呢???我想約小生出去食飯呀!!!
|
| 2008 年 1 月 4 日 星期五 |
由聽日起...我開始好忙喇  |
分類: 未分類 |
由聽日起,我開始好忙喇!!
因為我岩岩又搵到一間學校,係工聯會開既班,讀"工商設計文憑",包括讀埋電腦好多野,聽日係油麻地碧街開始番學喇!!每個星期六都要番,番足12堂,都係$640咋!!
我覺得真係超正!!
本來我係2號開始係"大一"個間鬼打野番學架...點知個日我出到銅鑼灣佢點洋打比我話開唔到班~~ 我小佢呀,我山長水又遠出到去諗住番2點15,點知佢點幾先打離,又唔早d....晒曬我d時間....又曬車錢...依家個間野又收9到學生,話2月先再睇下開唔開到班.... 我叫佢即刻退番張票比我....真係頂佢...一個推一個...又叫我等到月中先過番太子個邊囉...真小佢!! 我以後都唔會再信呢間野了!!
係前日....番唔到學,就上網再搵第2間,係香港設計學院,呢個月23號開學,讀一年,都要成萬幾蚊架...我打去問開唔開到班,佢話仲差一半...我真係好想讀呢間架!!因為我睇佢學個d野都ok...好多野學....但可惜....佢都唔夠人 失望....
好在我有一顆堅持既心...今日上網再係咁搵學校....點知就比我搵到工聯會喇!!又開到班,唔洗再得...
嘻嘻~~寶雯!你係得既!!比個good你~~
聽日起,我要努力讀書~~奸爸爹!! |
| 2007 年 12 月 31 日 星期一 |
剪了頭髮,迎接新的一年  |
分類: 未分類 |
頭先我係銀座電左負離子喇!!仲剪左好多頭髮,依家個髮型完全唔同曬,個頭輕飄飄呢其實,個頭都唔係我心目中既髮型離既,我已經比500蚊用好d既藥水離電,開頭電完出離d頭髮仲差左好多....又厚又樣衰...成個假髮咁之後我叫個髮型c同我偷薄........so....依家頭頂有好多層次呢~~d陰又剪到超短...明明叫佢剪斜,佢剪下又多d,剪下又多d....最後....我個頭變左好似15歲靚妹咁...通街都係個d呢~ 唉~~最衰新偶像又執左.....如果唔係...個頭可能仲會靚好多
今日係2007年12月31日...係今年最後一日....我...好乖乖咁留番係屋企過,本來頭先整完頭髮會過西貢同家俊打邊爐架,但我整完頭髮個時已經7點幾,出到去都成9點了...so...只好乖乖番屋企食飯對住隻眼仔同家俊一齊倒數~~
仲有3個幾鐘就踏入2008年喇!!我希望今年一定要身體健健康康,隻腳以後會乖乖唔會痛,事業順利同學業進步.....仲有...我希望全世界既人都身體健康!! |
| 2007 年 12 月 30 日 星期日 |
喉嚨痛得要命...把聲變左個阿婆  |
分類: 未分類 |
媽呀~~我把美妙動聽既聲音無左了!!!依家變左個阿婆喇沙曬聲,想咳但又咳得好痛,一出聲喉嚨就痛到爆炸了...一係唔病,一病就@@"呢d咪叫"奶野"囉!!!
唔知點解....呢幾日個腦又試開始漫遊太空呢??做野都慢半拍.....
由前日開始,我隻腳又再好痛好痛了....到到尋日,去子康個party,都痛到頂唔順,我係半日之內,起碼食左8粒coldin...食到我超辛苦,止唔到痛之餘仲又暈又嘔...到到夜晚,我一直都申唔直隻腳行路,只可以打比David叫佢車我番屋企...真係唔好意思佢呀依家訓左一晚,隻腳雖然係好一點...但....我覺得都係要番醫院比kc wong抽水先會唔痛.....唉~~唔知kc wong係唔係香港呢?
聽日就係31號了....希望我隻腳唔會痛,我可以去到西貢同家俊倒數啦
前晚我地係又一城食意大利餐呀~~我覺得無咩特別,最好食都係佢個意粉,我地叫左3樣野,埋單都要成9百幾蚊,only一個併盤都要$380,一個好大好大既pizza要$180,另外唔記得仲有咩了...食完飯就去睇異獸戰2,我又係覺得唔係禁好睇呢 而且仲睇到黑眼訓.... (又係食左藥)
唔想再打了.....又係忽然無曬心機..... |
| 2007 年 12 月 28 日 星期五 |
| 2007 年 12 月 27 日 星期四 |
| ................... |
分類: 未分類 |
無咩心情,唔想打日記....其實個心有好多野想講...但...唉~~
算罷....只知自己像個蠢蠢的羔羊...always比人利用 |
2007 年 12 月 24 日 星期一  |
| 頭暈暈...休息一天 |
分類: 未分類 |
忽然頭暈暈想嘔,休息一天..... |
| 2007 年 12 月 23 日 星期日 |
小手術夜...  |
分類: 未分類 |
尋晚.....個波波谷到好痛,我終於忍唔住,又冒險同自己做左個小手術....抽瀧
手術直至現在都好成功,個波波無大到....尋晚我抽左3枝針筒,同自己用手禁左d出離...依家比我閘大閘蟹咁閘實左,我感覺到佢唔痛...幾乖乖...希望佢唔會阻礙到我聖誕出去玩啦!!!
聽日就係平安夜了.....我諗我會好平安咁留係屋企,如果隻腳唔係咁樣,我一定飛左出去玩姐!!!
尋日我一早11點半就出左世貿中心,搵Monic傾讀書同番工既事,佢地真係好好人,唔係呃我,我一去到,佢就開左兩張支票比我,一張$530要我自己親自去學校報名既費用,一張佢就話老世津貼我搭車既費用$300...佢仲比埋隻手指要我第日做完d功課save落去比佢睇,仲有一本數簿....走個時仲送左一架佢地公司岩岩出既搖控直昇機比我,好靚架,我仲未捨得開離玩緊係等家俊離到先開啦!!
1月開始,我就要每個星期番一日學喇!!番兩個月,讀平面設計,讀完就可以入佢公司做野了!!! 呢個香港,原來真係有好多有心人架!!
尋晚我第一次同黃精甫導演(送部鋼琴比我個個,拍阿嫂,同江湖......)msn ar~~哈哈!!我同佢未見過面,係msn中見到佢張相,佢都send左比我,原來佢好靚仔架
 超靚仔呀
Merry Christmas~~
|
| 2007 年 12 月 22 日 星期六 |
我係地獄黑仔雯  |
分類: 未分類 |
呢幾日忙到打唔到日記,而且屋企仲發生好多事.....依家七國禁亂....好多野都好唔開心.....
個日12月20日,我同家俊拍拖第11個月,仲有一個月就一週年了,但個一日,真係一世難忘,永世都記得,我地出左去賴皮公司囉版,囉完爸爸就係公司樓下等我地,之後車我地番去...
一坐上爸爸架車,行行下個門lock自動彈起左...爸爸話"禁奇怪既??可能個電路有問題,要換了..."咁我地lock番落去無理佢繼續行,時速80行到屯門公路,佢又無拿拿再彈一次上離....之後我地都覺得好奇怪...無為意之制,架車忽然好似蹗到野咁,架架架架聲.....之後爸爸話唔對路,由快線轉番去慢線最左面迫低...但一揸到埋去想停之制,架車完全不受控,我見到爸爸不停採剎車制架車都唔停,採咩制都無用,熄左車"時"架車個麼打都係咁轉到好"行",我地見到車尾同車頭即刻出好多白煙,爸爸即刻大叫跳車...
只係短短幾秒時間,成條屯門公路嘜野都睇唔到...家俊一路拖住我好快咁向前行,我好驚好驚....個心跳得好快好快...因為我係煙霧中唔見左爸爸,又聽唔到有聲....向後望只見d煙愈離愈犀利....我好驚架車會爆炸...我好驚爸爸有事....家俊係咁鬧我...叫我冷靜....但...我個腦真係一心想番番轉頭睇爸爸....因為我唔可以無左爸爸
家俊拖我愈行愈前...我聽到後面好多車係咁"呠呠呠......."我真係好驚因為d司機忽然睇唔到路攪到有交通意外,我驚佢地車撞車再車撞車撞車撞車,睇唔到爸爸係前面就撞左埋去....我一路只係好唔冷靜咁望後面向後行,但家俊只拉我向前行....大叫要我冷靜冷靜呀....爸爸無事架....
我地係條馬路覺得好無助...唔知點算好,當我想報警個時已經有5,6架警車離到,之後仲有兩部消防車同救護車.....我望到d煙開始散,終於見到爸爸了...個刻個心算係無禁驚住....有幾個警察就問爸爸咩事,有d就睇下架車....等到消防員再檢查要唔要射水救火....但好在架車無著火....如果唔係...我諗一定會爆炸,我同爸爸仲有家俊一定死硬
佢地睇左架車好耐,我同家俊行番去車度....爸爸話個車頭引擎燒左,即係成架車既心臟都死曬,架車救番都曬醫藥費依家眼見架車咁樣...我知道爸爸一定係最難受既一個,因為永遠架車一有咩事,佢都會日夜難眠,食都食唔落....架車就係我屋企既米飯班主,食粥食飯都係靠佢..........
我一路埋怨自己,如果我唔要爸爸車我番離,架車可能可以早d番屋企休息,休息下,架車可能唔會有事.....之後爸爸同家俊話唔會架,車唔同人....唔會休息下就無事,因為車有一家頂點,比如佢行到60個鐘,但依家只係行左58個鐘,仲有兩個鐘聽日先行,佢都係會有同樣事發生....係架車有問題....但奇怪,爸爸岩岩先驗完車...無可能禁快就出事.....我心諗一路都係覺得自己黑仔,影響到爸爸都黑埋一份...因為我隻腳無拿拿又腫起左個波波....每次我隻腳一有事,爸爸架車都一定有事....真係好應驗!!
我係地獄黑仔雯,唉~~~架車要4萬蚊離整....唉唉.....我隻腳又咁樣.....唔可以比佢影響到的....依家等過左年,我要上山比師傅睇下係咪仲有野跟住我....攪到我咩都不成....
算罷...唔開心唔好提了....
個日我囉左好多公仔呀!!全部都得意 仲有一隻超大Merie公仔,好似毛巾質地patpat仲有豆豆tim,好舒服.....仲有一對超重既陶瓷公仔...
|
| 2007 年 12 月 19 日 星期三 |
| 訓唔到覺....><" |
分類: 未分類 |
家俊依家跟爸爸去左開工,其實係比爸爸捉左去落貸先岩今朝7點半佢地就起身喇~~哈哈....尋晚我同家俊打機打到2點幾...依家仲訓唔夠5個鐘,真係辛苦佢呢雖然我留番係屋企繼續做豬....不過,我都係訓唔著...唔知D天氣做嘜...已經12月中了...仲係禁熱, 依家仲開始潮濕了...我諗第日唔會再有冬天呢樣野~~依家....訓得唔夠係一樣好辛苦既事....訓又訓唔番隻眼好腫呀!!!
尋日...我過左好開心既一日呀~~我同家俊訓到點半先起身出發去屯門...去個個石排公廠買釣魚用品...個度好大架...好多野買,非常齊全!!家俊買左200幾蚊野,ok la..之後....家俊同左我去市中心搵"永恆"(即係diamond),佢話想送比我,當係christmas and anniversary gift但屯門個間無左,硬住要落元朗@@"
尋日去左好多地方,屯門,元朗,天水圍都去過曬了....搭輕鐵都搭到傻了..
最後,我地番番銀座間日本野食飯,呢間野第一次去,ok啵,家俊話下次都想再離,之後就睇8點5個場"魔間傳奇",呢套超good ar~~值得一睇, 我仲睇到喊
下個月,即係1月20號,就係我同家俊拍拖一週年喇~~呢一年....真係同佢經歷過好多風風雨雨,我地先可以磨練到依家愈離愈愛對方,自從禁多事發生過之後，我一路都觀察住家俊，原來佢做男朋友真係做得好好了，佢真係好錫我，而且感覺到佢真係好鐘意我先為我做禁多野，比著以前．．．佢絕對唔會為佢d女朋友咁，同佢去呢度個度，食到邊玩到邊．．但我同佢地完完全全相反呢!!
我唔會再比媽咪既說話影響到我對家俊失去信心了，佢係有好多優點同缺點架，不過數唔到出離咋嗎！！好多野係用心感覺，用眼睇，唔係用口講..
仲有個好消息．．．我個靚靚表姐係１２月１７號夜晚８點半個寶貝"番薯"終於出左世喇!!６磅９，大頭妹．．．我要等佢滿左月先見得佢地．． |
« | 6 | 7 | 8 | 9 | 10 | 11 | 12 | 13 | 14 | 15 | ... | 20 | »
|
