自從番左呢份工之後,個人唔開心多左,緊張多左,擔心多左,壓力多左....脾氣更加多左.....
係尋日2008年7月22日,中午6點半到....有個變態客又離偷拍我=口=
其實佢係前日都有離過....
事發經過...
7月22日...約6點半...一名身穿恤衫西褲仲戴埋黑超的男人走離整機,佢手囉住個電腦袋,其實佢一出lift我第一眼見到佢都覺得佢有問題了....
佢埋到我櫃台,我同我同事一齊跟佢有咩問題(即維修手機),佢個隻係手錶電話,佢就話開唔到機,兩粒電都開唔到,之後我地同佢試過隻錶係無問題,而係佢兩粒電根本無電係度= =''一路我都無嘜理過佢...但...我地開始幫佢試機既時候,我唔覺意望到佢囉左自己另一部手機出離,我見佢係度咁咁下,之後...個鏡頭有時對住我...我都無理佢...以為佢係睇緊電話既野...
之後...我見到佢打橫左部電話...咁我心諗就知佢嘜料啦!!!
一部正常既電話做咩要打橫睇?咪係影相影野囉!!!
途中我都有行開過....我都係無理佢,整完我d野我又坐番係度,我同我同事都一齊坐,幫佢差差舊電,叫佢企係度等等....咁我老闆佢地又禁岩係佢隔離執緊貨,大家都係等緊.....之後我老闆就唔耐煩..叫我同事快d攪掂打發佢走.....
咁ok打發佢走之後,個條友仲企係lift前企左好耐,我望到佢時不時都有望住我,而且都係一路囉住佢部電話係咁睇.....佢企左10分鐘以上都有= ='''正常等lift唔洗10分鐘嗎....好在隔離公司有個女人又要落樓,所以佢迫於無奈一齊入lift走人......
我同我同事講,"你知唔知頭先條友影我地相呀?"佢個傻婆話"有咩?"@@"
佢一點警覺性都無= =''....咁我就算啦!!
我以為呢件事就咁完結.....原來7月22日才是開始~精彩喇!!!
尋日...7月22日...又係大約6點半....
個個男人,又係同一套衫褲,同一樣衰的黑超(似踩單車個種),又係囉住個電腦袋上離,又係要整同一問題,佢一埋到離又好例牌放佢個袋係我櫃面,囉左佢d手錶電出離,就即刻囉埋佢自己部電話出離禁.....我即時醒水就走去後面我老闆娘度,佢係睇唔到我的....
我見我同事一齊行埋過雜,我就即刻忍唔住同我老闆娘講,個個人影我地相....
我老闆娘係一種敢作敢為,咩都唔驚既人^^",佢即刻走去會一會個條友,知道佢咩事之後我老闆娘就扮唔理佢,做番自己野,途中佢扮過去廁所,出去jump水等等.....來回4次....而我...都係企去後面避下,又番番去坐下.....有時又用背面對住佢....
約6點40分,我都係坐係個位度,我同事就幫佢試緊機,佢依然搵佢部電話對住我,最大問題係,佢張自己部電話放到好近好貼自己塊面(直頭係佢自己面前),足以証明佢影緊我啦!!唔通豆雞咩= =''
我老闆娘就一開門出去話,"先生,你係度錄影呀?我地呢度唔比錄影架喎!"
佢(粉腸):"無呀"
老:"你做咩影我同事呀?禁大個人做得出唔怕影囉!"
佢:開始唔知自己講嘜....前言不對後語..."係,我係影緊佢..."
老:"咁得啦,我報警囉!"
佢:"比次機會呀,小姐,對唔住..."
老:"無用囉...."之後即刻係佢面前打999
我:"我由尋日開始已經見到你用部電話對住我,我都算....今日你仲會禁過份離多次又係咁搵部電話對住我"
之後我地報左警,等緊差人離途中,條友時不時話"比次機會呀小姐!!!"我地都係無理佢....佢企企下就開始del佢影過我既野....
等左大約30分鐘之後先有差人到= =''''真係慢...如果有死人,一早死左了@@"兩個差人就開始問佢咩事....做嘜要影我?
佢竟然話:"我真係從來未見過禁靚既女仔,我想識佢囉"
當場我的反應係.....=口=''''講左句"嘔呀!!!"無奈地pa左係度............個兩個警察聽到都忍唔住想笑...之後佢地的左佢出門口照肺.....都過左20分鐘到,其中一個警察就入番離了解,又話依家備案先,會好好留意佢,起佢底.....佢地話條友已經del曬d野,所以睇唔到佢d衰野....
講完一大論,個兩個差佬其實都唔想麻煩,只係備案,但我覺得真係好嚴重囉!!!
我就問:"依家係有條法例係唔可以偷拍人"點解就咁就當無事????
個個差佬又係話備案先...叫我有咩事再打999報警= ='''''真無奈....例行公事之後....佢叫左條友除左個黑超入離同我地道歉,嘩!!!!唔見佢個樣仲好...一見到佢隻眼......我真係想嘔=口=超級樣衰and咸濕既樣...真係好樣衰x10000000000%(無盡)隻眼生埋左咁....= ='''佢本身都係戴眼鏡,個差佬叫佢向我講對唔住!!第一次佢講得唔好...就好串話,講好d啦!!!佢就張聲線提高又講多次.....佢承諾永遠唔會再上離!!!
但我就話:"佢尋日都有影過我,有離開過公司,即係佢已經有了我其中一晚的短片,我點知佢做過d咩,放上網定點"個個差佬又係唔理= ='''''
真係頂佢個肺......佢地又捉左佢出去照肺...小左佢一陣就落左樓....我同事落去送完貨番離,見到佢地仲係樓下大堂仲問緊佢....又係問番佢做嘜要影我....我同事就聽到另一板本了!!佢聽到條友話"工作需要!!"之後就無聽到上左樓了!!!
...................工作需要.......有咩需要????諗左好耐,佢無可能係狗仔隊呀!!點解要偷影我呢?根本佢所以既答案都不成理由....唯一只知佢係"變態的電車男"
尋晚佢攪到我驚到手震,幫個客試機隻手震到連張卡都入唔到.......=口='''''真係打冷震!!
我好後悔等緊警察離緊個時囉左條蛋散電話....如果唔係我就有得嘈佢啦!!!但係....係當時我究竟有無權利囉左佢部電話呢????
事後....我同我的男朋友,媽咪and朋友講呢件事,得到大家同一共識....都係叫我唔好再做呢份工!!!直到今日...家俊都係好堅持唔想我再做呢份工....因為唔止呢一次了...仲有我公司的"大淫蟲"雖然佢呢排無再對我點....但佢已經係我心目中列入為黑名單了!!
其實我真係好想繼續做落去....但呢份工話就話番partime,但自由度好低,請假都問長問短,得星期日放假,但家俊番左新工就只得星期二放假,呢兩個幾星期,我同佢都無咩見面,只得兩次...仲係得夜晚訓覺既時間....我地根本無時間去拍拖,我無時間陪到家俊,佢番工我放假,佢放假我番工.....日日如是....家俊話只係頭呢個月都開始頂唔順了....無理由要咁樣捱年幾嗎?仲要出年結婚.....咁樣真係好影響大家之間既感情....
唉~~~點好呀????我應該番去辭職嗎?
|
...哈哈...兩情都得意....愛情又有...事業又有=3=...
