嘻嘻....今日心情好好呀!!!

因為.....哈...有家俊呢幾日係度陪住我囉!!!佢由前晚接我收工番屋企,到到尋日一齊同媽咪去接呀呠出院都係一齊^^~

今朝佢一早去左番工....都無諗過會一日再可以見到佢架^^

哈~~因為媽咪整左馬拉糕,家俊係最鐘意食架!!!媽咪特登整比家俊食...所以叫佢收左工一定要入離.....嘻~~果然皇母娘娘好利害呀!!!一叫佢就即到^^"

又可以見到家俊喇=3=...妹妹豬=3=....

我笑到傻左喇!!!

好驚險呀...今朝已經搵番呀婆...有對好心的兩公婆見到呀呠係荃灣馬路邊坐左係度,問佢野又唔識答...之後就報左警,送左呀呠去仁濟醫院....呼~~真係鬆一口氣...尋日我擔心到無訓到....就連發夢都係咁夢見呀呠=﹏=''''

依家知道佢平安無事..我個心就安落曬.....

佢係醫院釣緊鹽水...我聽日放假會同家俊去探佢了!!!

佢的老人痴呆真係愈離愈嚴重...依家開始有第一次...一定會有第2次...以後我地要小心d,睇緊佢多d了....=﹏=''''

另外....我未來奶奶叫我地1月20號註冊,個日禁岩係我未來老爺農曆生日...奶奶就話僧沖= ='''之後佢打去問師父...師父話唔會=0=''所以...

依家我地會係09年1月20日註冊,地點未知...

10月20日一定要搵人提我上網預約呀!!!!

今日係進入倒數第364日....

我成日都比我個未來奶奶攪到頭都大埋=﹏=...因為佢每日都會比好大驚喜我,仲係成日都突然之間!!今日...佢要我提早收工入去同佢補慶祝佢新曆生日...要我同家俊同佢食飯....

每一次...都係佢一諗到就要做...仲係每一次都突如其來...

比如上次佢突然打離話第日要見家長,就要即刻覆,第日即刻做...

上一次...夜晚無拿拿打離話第日出將軍澳食飯...要埋爸爸即刻覆佢第日一齊去....

又一次驚嚇=﹏=''''

仲有好多好多次.....

佢既突擊,驚喜....令我.......

不敢讚嘆!!!

知唔知..今日係咩日子呀??

呢句說話,我問了家俊第2次^^"....佢聽到之後都會停一停..諗一諗...嘻嘻咁答,仲有1年就結婚呀嗎^^....

係呀...由今日開始...仲有365日就係我地既大喜之日了....

唉...好多野真係好煩....上個排因為日日都要睇結婚既野...周圍搵資料做對比...攪到有點精神分裂....發覺自己有婚前抑鬱...=﹏=

家俊對我真係好好呀....佢知道我日日都為左呢d野係度喊....佢話...以後有d咩都係佢攪掂曬,叫我放心啵=0=''

嘻...睇下點.....

我呢個婚禮都係比所有人控制住...佢地講就話我想點就點...結果...係佢地想點我就點= =''

我想結婚個日係酒席度一齊註埋冊,唔想分開兩日...佢地就話驚無時間...要我地自己搵一日覺得係好特別既簡簡單單攪就算...\../點解要我簡單呀...結婚啵...咁我話出年1月20號啦....佢媽媽尋日又話...唔好..想係5月喎!!佢想連埋過大禮一齊攪= =''真係吹啤啤=﹏=''

影婚紗相我已經聽曬佢地話,番大陸影了...依家又話我想點就點....

都無理過我感受既!!

唉~點好呢?

其實婚期一早就有了...只係我遲遲都無上離講....婚期係..2009年9月26日(星期六)

酒樓方面都搵曬了...

係將軍澳廣場的"晶苑金閣"

我就快爆喇!!!所有人都迫到我無路可走.....

如果我個心又支持唔住...我真係好驚控制唔到自己.......

唔知會做出d咩呢.....自己都好驚....那個恐怖的病....仲可怕過有骨癌....

我要唔要去睇番醫生呀?

每次以為自己可以解決就唔理佢...其實一路一路地逃避,每次都係表面的安慰自己,以為自己己克服了...解決了....但事實....係堆積至今的令我快爆炸.....

無一個人可以同我傾到計,我最信任的媽咪...唔可以...因為每次同親佢傾,佢唔係小就嘜= ='''......家俊....呢個更加唔洗講...好煩....我已經唔知搵邊個傾計好....

我真係好唔開心呀.....點解人地結婚可以開開心心..而我就禁多野煩...

依家真係唔想結...一個人走左去算....咩人都唔想見...

你地真係好煩呀

岩岩星期2,終於相方見左家長了....

我同家俊成式訂出年年尾結婚.....但佢媽媽就想快d...=﹏=4月啵!!!

但...4月...我覺得就係太快了...咩都未準備,家俊爸爸都唔讚成禁趕^^

家俊媽咪會今個星期日去長洲搵師父擇吉日,仲有兩日,我就知道幾多號結了^^但我地都未搵酒樓,唉...酒樓個度我都無咩權話是...佢爸爸一心已經決定左將軍澳佢表妹上次結婚個間,我都唔記得咩名...

其實個個場我唔太鐘意...因為唔係好靚,而且又無咩電視機一齊播現場....我記得上次去個度飲,新人有新人講野...而我地就有我地睇電視,無咩氣分.....= ='''

但....我未來老爺鐘意個度....我咩都無意見啦^^"

個度好在就係無柱...我地兩邊加埋會有40幾圍...其實我得10圍到...係家俊個邊超多親戚=﹏=....本來佢地話只係男家個邊有40幾圍,但依家減緊d...但都要請好多人..哈

今日我老板個細佬結婚= ='''(阿成)....頂佢...無拿拿又唔見左一筆....所以我點都會繼續做落去...等到出年爆死佢地....哈哈哈

唉.....好灰呀...本來聽日家俊同我去大澳玩,依家......唉

咩都唔洗去啦!!!

佢老世要聽日出船wo~.....佢老板......

放假都放得唔開心....唔放了....

心情灰自然唔想打日記....

今日番到公司,見到阿彤個樣好唔掂...哈哈...佢兩隻眼打唔開似的...

佢話.."如果我走,你攪唔攪得掂呀?"我之後好驚咁話..."下..你搵左工拿?"

佢話.."唔係呀...我想請假...好頭暈"^^"嚇得我...如果佢唔做,我就死得了....

佢諗左好耐都唔知打唔打比妹池....哈....因為佢驚阿ken又話佢咋病,^^"

之後我比左10個膽佢打比妹池....當然請假成功啦!!

其實妹池好易話為.....只係唔太過份佢咩都得既^^...我有呢個老板娘真係好

依家公司得番我一條女....希望今日唔會有班白痴客上離攪亂擋啦~~

登登登登......我真的結婚了!!!

08年8月10日,家俊係澳門正式向我求婚...我完全無諗過佢會出現,完全無諗過佢會請到假.....他的驚喜,他的突然....令我當時像發夢一樣...

IT IS IMPOSSIBLE~~~

事發....08年8月10日早上7點半....我打比家俊話佢知我搭緊巴士去上環了....奇怪的是...家俊竟然已經起左身了!!!我就好奇怪問佢...你做咩禁早就起身...平時佢番9點,8點9都唔肯起身架!!佢話要早d番去...幫老細入貨...so...我都無理佢....收左線....

我地12點到達澳門,@@"好多人....去到威尼斯人酒店...仲多人=口=''我地等check in都排左個半鐘隊.....好了...行上房...都行了半個鐘先搵到上房的"閚"....行到我隻狗咁!!

因為我地蕩失路.....

舅父做令隊....大家都要跟住佢行離行去,因為個日有埋賴冠鉻係度....所以個個都迫住無經得賭場行....大家一齊玩遊花園.....最後行左半個幾鐘先到囉....

上到房,間房又大又靚^^''我最鐘意佢個廁所...真係好似皇宮咁架!!!個廁所可以4個人一齊用,可以各自做唔同既野...哈哈!!!p.s...大便又有間房獨立架....所以一定無比人睇到=﹏=

大家放好曬行理,一齊行落去食自助餐...個時先開始"奶野了"=口=''''''

1點半落到去,大家又係唔可以經賭場行,又係要跟住舅父...行呀行...行呀行...行完又行....從複又從複...行下...又係行番開始個度= =''''一共行左6,7次...都係行緊個個圈,救命...我已經行到面青青了.....都仲未行到落去食自助餐的出口....行上行落....都係個陰陽路度....

到最後...我真係頂唔順了...我要求經賭場行...只有舅父同賴冠銘自己搵出路....唉...真係頂佢,經賭場行都唔洗10分鐘就行到.....真無奈......我隻腳板底行到好痛=﹏=完成呢段路程去到餐廳門口個時已經係過左2:30p.m

唔理3 7 21...食左野先算....到到3點....我見到家俊囉住咋粉紅色玫瑰花,著住我之前買比佢的恤衫西褲...傻瓜似的....我一見到佢,真係好突然....大叫....點解既.....

佢笑吟吟囉住咋花行埋離.....個刻我真係發緊夢咁....究竟係咪真架???點解個人暈暈地咁既?唔通我真係發緊夢?但我真係過左離澳門架啵!!真係坐左係度架啵....家俊真係出現係我身邊呀!!!佢囉左隻介子出離....嗚嗚.....我即刻喊到個嘴扁到唔扁...d眼淚係咁流...真係好感動...我都仲一路係咁問佢地...我係咪發緊夢呀

家俊一手囉住咋花,一手囉住隻介子,跪左係度好大聲向住全場人同我講...

寶雯,你嫁比我啦!!

嗚嗚.....我喊住離接左隻介子....原來佢一早同爸爸媽咪佢地甲定既...個日原來個個都知...只得我一個唔知,媽咪前一日已經叫舅父買定多張船飛....

家俊一早7點幾起左身,原來佢係執緊行理,佢番工攪掂少少野就出發過左離澳門搵我,佢仲囉左兩日假陪住我^^個兩日,我都仲好似發緊夢咁,家俊係我身邊,我都要摸一摸佢塊面,究竟佢係咪真既呢???佢之前講過係佢媽咪生日,即係中秋先同我求婚架!!但佢想比我一個驚喜,令我更加開心,更加難忘!!!

我唔係發緊夢呀^^....所有野都係真...所有野都係事實呀!!!

雖然個兩日係地獄澳門兩日遊...兩日唔係行行企企就係排隊排隊同排隊....兜圈兜圈同兜圈...但係...所有野都值得既^^"

大家再等我好消息啦!!有日子就會同你地講了!!都係出年年尾呀!!