尋晚到今朝...我又發夢發到喊醒喇!! 個怪講出離都係令人覺得怪怪的,好好笑...

我都只係記得少少....係兩個夢離架....

第一個,我地有一班人,有家俊同我...其他唔記得,地方好似係大陸,無拿拿有隻鬼出離話要考驗我地,bring我地去一個無人去得到既地方,去之前佢用支棒每個人由頭到腳scan下個身,佢話每scan一下就知道你個人入到去佢個度淨番幾多日命,如果係裡面死左就去唔番現實世界,一開始佢scan家俊話佢得番1日命,到我就話我有31日,之後每個人都scan完就入去個個世界了...

入到去一開始,有好多鬼追你,我地又要跑又要行樓梯,我跑唔到又行唔到樓梯,我記得個度好大,之後我大叫"唔玩喇,我要出番去...我都行唔到...."之後隻鬼比我自己一個番去現實世界,得番我一個....家俊呢?隻鬼同我講佢死左...佢係第一個死的...因為佢得一日命,我即刻喊到傻曬,係都要番入去搵家俊,一係就我都死埋去搵家俊...我係咁喊..但隻鬼都係唔比我入去...跟住我都唔記得了,只係嚇醒左,d眼淚仲流緊,望下個電話已經係今朝5點半,見到家俊2:20am send左個message比我,原來尋晚我累得制等等下家俊電話等到自己訓左了...

跟住再訓番就發第2個夢了...呢個仲離譜..."槍戰".....係個夢裡面原來家俊爸爸媽咪除左西貢間屋仲買左第2間,係比家俊第日住架...但呢間屋買左係無人知道..呢次呢個夢發曬佢成家人...我又係記得少少...個時係家俊間新屋間房度幫佢執緊房,家奇就坐左係床邊笑吟吟咁望住我,之後佢摸我背脊,佢想除左我個bra扣,除左一個我即刻好驚轉身對住佢,之後好在家俊禁岩入離,我即刻話比家俊知,佢就比家俊鬧左兩句...坐番佢自己個位,我繼續執野,今次佢仲狼到借d耳摸我個胸@@"....我就驚到走左出廳到執廳,個時家俊媽咪係坐左係廚房整緊野,我執執下,聽到爸爸媽咪把聲愈離愈近,望出個window,(d window係對住走廊,隔離就係大門,大門隔離就係好長既廚房),原來爸爸媽咪真係係度呀!!送緊佢地係以前住天耀既譚太姨姨,點解佢會搬左離呢度?我大叫"媽咪!!爸爸!!"叫左好多聲,媽咪見到我仲問我點解係呢度?我話係家俊第2間屋,之後我比家俊媽咪鬧,叫左我唔好同其他人講佢地有呢間屋,佢好嬲又好惡咁啤住我離鬧...之後我死死氣唔知去左邊,心諗死喇!!家俊媽咪唔鐘意我喇...點算?

之後.....唔記得發生過咩事了,有少少印象係有個好大浪既河,家俊爸爸要我同仙娜過去...發到臨尾個段槍戰,我記得我地槍戰完一輪,我脅持住個男人,得番一粒子彈,脅住佢行去間房,我知道一間房有家俊爸爸受左傷訓係張床度,亦都有一個男人拎住把槍貼埋牆坐左係度,家俊就係另一間房,但佢唔係幫我架!!我個刻要救家俊爸爸,所以慢慢脅住個人行近間房,一見到個個男人唔理三七廿一就開左槍,之後家俊爸爸大叫"唔好呀!!"原來個個係任達華=.="亦都係家俊爸爸既好朋友,依家我殺死左佢.......家俊爸爸好嬲,佢放左個手榴彈係間房度,要我留底等佢爆,炸死我同個女人...家俊個刻係隔一間房行出離,一望見到有個炸彈係地下度,又見我訓左係床唔敢旭,佢問爸爸做嘜?佢爸爸話我開槍打死左佢好朋友任達華,之後家俊一聽到就低下頭好無心機黑面個樣望都無望到我close左度門就走左....我又係係度喊....一路等緊個手榴彈爆,開始bon一聲好大聲了,就快爆到入離.....全間房已經著曬火,我就係咁就離比d火燒死同比手榴彈炸死之際又嚇醒左......醒左再諗番見唔到家俊又係度喊.....

唉~~你話我係咪白痴架?發埋d咁既夢.....

下個星期就係中秋節了...亦都係家俊媽咪生日,本來我地係26號一齊遊船河慶祝,依家改左22號,即今個星期6...希望我買個份生日禮物家俊媽咪會鐘意啦!!個條手鏈好大體架,去飲載得,但我知道家俊媽咪係鐘意水晶,本來我搵kitty姨媽買個條瑪瑙,但我覺得好似好粗咁...所以無買到,依家....我好想買番架...因為我覺得佢會鐘意呢條多d,但....算啦...下次先!!

我呢個星期好忙呀!!聽日9點要去到北區醫院照骨鏡,之後要番威記覆腫瘤科,都要成大日....星期5本來kc wong叫我番去比佢睇下,但我話可唔可以下星期一先呀?因為個日我又係要番醫院照CT,唔洗我出禁多次....依家佢約左我星期1...4:30pm....星期2,即係中秋節,我地一家人連埋kitty姨媽,阿姨個家人BBQ...睇下26號我自己有咩節目先...可能會搵家俊掛...都要睇下我自己隻腳先算啦.....你要乖乖呀~

仲有個好消息,我上網bid個條裙同條衫個賣家已經send番e-mail比我話今日會記出,等1-2日就會收到...哈哈!!希望可以係星期5之前收到啦^^~如果今次買賣成功,我以後都會搵呢個賣家買衫,唔洗我自己出街行到腳都斷....而且佢又平呢^^~

每日金句:"自我風格,獨立個性"