我依家已經累到行都行唔到多半步了....就連訓係地下爬既力都無.....今日真係超級累呀!!今朝7點就要起身,但我尋晚緊張得制,又多野諗...所以2點幾先訓得著,到到今朝驚住起唔到身,5點幾就醒左...=.="....起身之後係一隻喪屍咁去北區醫院照bone scan,之後搭火車去沙田麥當勞叔叔之家探佢地,係個度食完少少野就番過去威記覆診,已經累到無人有了....超眼訓,如果尋日無出去屯門行街,我諗我今日都唔會禁累.....依家兩邊盆骨好似比左你咁...根本唔係屬於我既....

今日照個bone scan 即刻出左報告....唉~....我都唔知點同人講,亦都唔知點面對家俊,我好怕令佢失望,對我失去信心....我都好怕面對我自己....今日一路照我都有一路睇..都係scan到我隻腳應該有好多水,同埋腳眼上d個個位真係照到有粒野出離....依家醫生話會開會睇下點做...下星期一我要番去見kc wong....決定生死....我自己隻腳真係有苦自己知,我唔想影響到任何人,所以今次有事我都無同其他人講,有幾嚴重我都無講,我只係收藏自己,開心地笑住對著你們....放心罷,我會無事的...因為我係打不死無敵火星人....

尋日我超開心呀^^~哈哈哈...開心到sweet到笑到唔識出聲,因為....我個家俊豬無拿拿入左離我都唔知呀!!我只知佢會去屯門check防鯊網,但佢話唔入離架....因為佢話夜晚要去長洲食飯,見下佢爸爸個邊班親戚,所以我根本無諗過佢真係會過離陪我^^~,尋日我兩點仲係房上網,我見佢兩點都仲未打離咪唔搵佢囉,點知一諗佢佢就打左去我屋企,我行出去聽,聽到好似有水聲,咁都無問佢係邊...佢自己又忍唔住笑,比pel pel聽到,原來佢係我門口呀...^^我真係超開心....真係無諗過佢會離....佢仲買左盒"七星伴月"美心冰皮月餅比媽咪,(其實係我想食,佢都話中左我呀媽個女計)我地玩左一陣鬥地主,又睇"戲王之王",Zoe就打離話去屯門見工,我見未同過家俊去屯門行,所以睇完我地就出左食飯行街囉!!!佢送左我番離又玩左一陣NDS,睇埋味分高下咁就走左了....真係好想佢陪我耐多一點點.....

今日又同羅GIGI一齊覆診,哈哈...佢愈離愈得意呀^^~咩都識講,今日我同佢玩變魔術,之後佢又學番我,佢話"我變術你睇呀!!"我影左幾張相...see see....

睇完GIGI就到我家的賴pel豬喇^^~haha....岩岩佢又咬住舊骨坐係sofa度....好得意

每日金句:"紓緩神經"