今日同阿媽去左九龍灣食元氣同去hagaan daz攞月餅...

之後同佢返左屋企..

就去搵傻一...

點知好塞車...

之後我地去九公sunbath...

今日好好太陽

不過去到都3點喇..

我好似好快就瞓左添..

只係朦朧間有人搵水淋我...haha

我真係醒左已經4點幾....

我地之後5點就走....去左康怡買飛睇1408

之後我地去左食food court

之後就去睇喇..

其實本來唔知呢套係咩戲..睇個poster都冇興趣睇...

點知傻一個同事話好正.....咁我地就去睇喇....起初我仲以為係日本個套apartment 1303..個名好似差唔多..

起初睇好輕鬆..好似有d笑料

但自從個主角一入個1408....就開始好緊張喇..

其實我覺得一套好既鬼片最緊要係個氣氛.....多過真係見到d核突鬼樣..

呢套就係前者.....套戲其實隻鬼從來都冇出現過....只係做左好多野出黎...

好似整個窗落黎....d水突然變大滾水...突然d廁紙變返冇用過.....個床舖突然揭開左.....收音機突然開左..

呢d野比起真係見到鬼重恐怖....因為會俾你想像既空間.

而自從主角入左1408真係不斷發生....

再加插主角唔想面對既過去.....

而主角由開頭既真係想走..但係走唔到...結果變左佢要去同鬼鬥....

都好緊張...又幾驚..

不過去到一大半....當開始間房變左雪地..再有海嘯....就真係好似誇張左d....

令到個氣氛冇咁恐怖.....

最搞笑就係...當個時鐘由60分鐘倒數0既時候...個電話響問你退唔退房...佢話唔退..

間房又打回原影..又由60分鐘開始倒數..

最後主角本住一齊死既心態..竟然俾佢得到最後勝利..

基本上個cast係好簡單..都係男主角由頭帶到尾...

係好考佢演技既一套戲

不過佢都做得好好...

呢套戲都值得一睇既..