今日好好天..

我一早飲完茶就去左七海中銀我家姐個friend度開戶口..

因為我想買基金...

儲多d錢..

因為係度儲錢點都好過放係銀行...

利息一d敵唔過通脹.....

做完之去左圖書館借書..

借左兩本衛斯理同一本「公主復仇記」...

之後就去搵傻一..

我地又去左九公sunbath

我都曬唔黑架...妖...

之後就去左食板前...

唔好食既...

可能魚生先好食喇....

之後就去左朗豪坊睇「色戒」

其實一路覺得呢套會係一套好悶既藝術電影

雖然係得獎電影，不過個賣點好似就係梁朝偉既床上戲..

記住...係梁朝偉..唔係湯唯...

真係世界變......haha....selling pt係男人既床上戲....

不過睇完套戲...其實3個鐘一d都唔悶....

而賣點既床上戲真係都好激...

不過我就覺得佢唔係賣弄..而真係劇情需要

要用易先生對王佳芝既荒淫來證明自己既存在...

特顯佢內心既空虛....所以一齊好激既畫面係代表佢內心非常空虛...

而呢套電影最多戲份係湯唯...不過我真係覺得佢做得好好......尢其係一d眼神既運用...

完全唔似新人...

而梁朝偉既戲份其實唔係太多...不過佢既眼神用得好好...

其實中途佢既眼神好似識穿左王佳芝係間諜....叫觀眾睇得緊張...

而王力宏其實都好好..不過就好似相比之下冇咁突出....

劇中出現左錢嘉樂....我真係唔明點解會搵佢...

用來緩和氣氛?因為我覺得佢好似好認真地做戲..

不過我仍然覺得佢係度攪笑..

最攪笑就係佢被殺時...冇聲..但又插左幾廿刀都唔死....

好欣賞呢套戲好多演員既眼神演戲......好出色...

另一樣野就係有好多懷舊既上海同香港既場面...

好逼真...我好鍾意...!!