今日一返到公司...就當然要起勢咁做啦~~~

    同蓮姐一齊整個Lotion架...將D Lotion全部搬過哂位...淨係整個Lotion架我地已經用1日既時間.....事關....太多Lotion啦....又有新Lotion返...唔整唔得咧~~

    終於到左工時候啦....搭車果陣撞到個山頂廣場既清潔工人...我突然間回想起有一日有另一個清潔工人同我傾計果陣同我講起佢(同我同車呢個人)...呢個工人唔單止係啞...仲係聾既~~~

    不過就係响閒談之間先知道呢個清潔工人既身世...真係估唔到...佢原來十年前係一個警察....因為一次意外令到佢從此又聾又啞...!!!...聽到佢既過去...即時令我感觸起來...!!!

    如果我係佢的話...我真係唔知會點做.??..試想想...一份前途光明...就算退左休都唔駛煩惱既工作.....就係因為一次意外令佢一個美好既生活境象完全幻滅...事隔十年....我看見他現在每日都好俾心機工作...而咁多個清潔工人當中,佢係最積極,最盡責既一個!!!

    想到呢到...真的俾佢那份工作既熱誠感染...而他那股頑強o既鬥志亦令我非常之敬佩...從佢身上,我睇到咩叫做堅強...!!!...雖然果次意外帶走左佢把聲...帶走左世界o既聲音...但...並未帶走到佢對生命既熱誠...!!!

    其實我地永遠唔知下一秒鐘會發生咩事...而當事情發生既時候...你又會用咩心態去面對整件事呢???正正係因為唔知下一秒會係點...我地係咪應該要珍惜我地所擁有既野呢...???假若我地冇珍惜過身邊的一切...若果失去了...我地只會痛心,痛哭,大叫......但若果我地有珍惜過....就算真的一下子失去了...我們也會懂得去繼續微笑!

    人生本是無常......你...會選擇最終係咩呢??係繼續微笑?!...定係...痛哭大叫呢~??

    希望大家永遠都幸福快樂!!!