今日第一站係清明上河園，丫....唔係.....係宋都卸街先啱，不過可惜，只係坐車經過，沒有下車拍照，可惜呀......
緣份真是奇妙，昨晚先講完童軍，今日又係清明上河園見到佢地
你地睇下
清明上河園係1比1仿照清明上河圖而建
還在加建中，真帥，園來有很多表演節目，有個團員自告自奮勇參加，我命名為『甩頭甩骨拜拜子孫根飛斧表演』，真勇敢
褲浪冇濕
搭車期間俾個識得我嘅UNCLE點出去唱歌.........今日唔想屈人機，因為呢D場合...........會死人的.......
任長霞紀念館，個女仔講解又係講得好快...........我地係南方人團........聽到兩成......郁悶........
任長霞，女中豪傑，其他團好少有得去的，她也是一個偉大的共產黨員，死前對國家的愛比對兒子的愛還多
天下武功出少林，本來以為是古廟，但是外觀真的是很現代化，最緊要係，個廁所香架，大陸竟然有香的廁所，奇聞呀。功夫表演冇得睇，唯有週圍睇，哇靠，兩旁好多電話亭，不知要那麼多電話幹嗎，跟住睇睇個外觀，有個佛像喺個頂度，哦，我知喇，用黎同佛祖傾偈，唔怪得咁多個啦。張入場卷冇寫幾$，唔問由自可，一問，差點在佛門聖地爆粗，$100/1個人..........心諗咁貴唔通可以跟方丈學少林絶學？少林絶學外面小檔口冇得賣，果然係寶。
少林寺好多古蹟
仲有原來我係三教九流的人=.=
終於俾我搵到方丈喇..........，佢真係想收我為徒，難道真係我骨骼精奇.......
不過要睇下我有冇緣先得...........緣份費成惠$9000...冇錯係$9,000(其實係套書)........睇黎我冇緣喇........絶世武功果然係有緣人先學到.......
此書介紹少林絶學
之後旅遊公司另外安排左一場武功表演，都幾精彩，本來今晚有坐談會，但係大家每個境點都樂而忘返，攪到好夜，所以今晚有機會夜遊洛陽，河南人都係早睡嘅人九點鐘全部關門，剛好夜店還未關，但係晚飯食太飽，食唔到D乜，班後生仔仲約埋房玩，真有精力
|
