今年係多事嘅一年...好多事發生..如意不多...失意不少，歸咎都是自己太懶惰。

好多時呢個世界啲嘢真係比想象中來得簡單，好似人咁話變就就，真係好化學，但我都相信江山易改，本性難移，只係我入世未深，好多時將理想現實化。所以，接下來嘅日子，我希望自己可以慢慢再拓闊視野，呢個係我自己給自己下年嘅第一個目標！

好耐冇上來寫下D所謂見解嘅見解，有個朋友同我傾開我現在嘅生活，我話真係學到好多野，見到好多野，原來好多野都係想像唔到嘅，佢好緊張咁同我講，叫我唔好變呀，我即時反應就係話唔會，但係我思考嘅方法已經改變左好多，唔係以前咁天真，我覺得俗話講得好，害人之心不可有，防人之心不可無，雖然我啲防禦裝備都自覺不錯，但係你穿避彈衣，人家拿火箭炮，一炮都捱唔到就掛得！而且佢仲要掃射你D家人，等你一邊受折磨，一邊架高圍牆，以為仲有D渣拿果陣，佢先一炮K.O.你！哈哈，試問有幾多個可以抵擋得了？

不過今年好多事其實都有個厲害的傢伙提醒我萬事小心，但是我人本隨心而發，好多事都應驗左，雖然覺得自己明知山有虎，偏向虎山行這種愚行係不值得模仿，但係當中我真係學到好多野，我係無後悔嘅。我講落都有D為我自己嘅「粒水」(有睇過三分鐘先生才會明)而驕傲。

漸漸發覺，學校後面的菜市場不錯，一大堆士多啤利才10蚊，讚！

我家的Rio愈來愈大了，但是愈來愈喜歡在我的大腿上睡覺