今日瞓到8點幾...我家姐突然打黎叫我阿媽叫我起身聽收音機..因為有關淑怡訪問...嘩...成兩個鐘都係佢....不過我開始聽既時候都已經過左一半..

之後去左飲茶...跟住去左做gym，成兩個星期冇做喇..不過今日個狀態又ok喎...冇退步到..反而進步左...有d機可以舉重左添...

跟住去左銅鑼灣行左一陣...買左2隻cd，之後傻一就打黎...之後我就去左搵佢....同佢食野..之後行左一陣...落雨天其實都幾好呀...不過行去同回程都見到一個顛佬...佢係公廁附近出現...係咁係度打眼色....叫我上公廁..頂....好鬼死嘔心....佢之後重跟住我地..我啤住佢都冇反應喎...我都係第一次遇到d咁既人...都唔知係開心定唔開心...我同傻一咁有吸引力?

之後我同傻一返左屋企...落返黎個顛佬已經失左蹤...好在....跟住我就返屋企....

食完飯就聽返關淑怡個訪問既前半part...佢都係係呢10年黎第一次正式出黎回應呢10年既傳聞...都係聽完就算架喇..

呢兩日聽左一首新歌....梁靜茹既「我還記得」，雖然歌詞唔係我既心聲..不過首歌就真係好好聽..