三點喇, 好眼訓
近排訓得好差, 可能係比個發毛枕頭影響到

呢件事對於我黎講都叫好震撼下
果晚趕頭趕命, 諗住早D訓補充一下能量
點知一上床, 見到個枕頭有好多黑色圓點
一摸……SHIT!

我諗住最多唔用枕頭, 頭向床尾咁訓啦
結果一路係度諗啊諗,
「聽日問人借地方沖亮, 定快D死翻元朗沖亮再出發好呢?」
「點解會發毛, 因為最近落雨水浸?」
「我咁反訓, 訓訓下成個頭放左上去咪PK囉」
碌左個半到兩個鐘左右, 我發現自己根本訓唔到

於是轉陣, 去左阿婆以前間房, 即係而家細佬同阿姨既愛巢
佢地出左軍地果間屋訓, 其實呢個時候真係成間屋乜人都冇, 我可以訓晒
雖然間屋有成八間房, 六張床, 當中有三張係雙人床....

我唔想訓人地訓過既枕頭, 於是又好似之前係自己房咁
出奇地, 又訓到喎

最近都食得好飽

星期四, 自己落街食勝利牛丸
食完再食杯雪榚, 再去榮華買老婆餅食
飲多支450ml既維他奶
飽晒

星期五睇完套腳甲皮俠
tms問我食唔食埋野
結果成班人去晒食晚飯
去APM個Food Court
試左個睇落好得意, 唔知點食, 唔飽既野
點知佢好食又飽肚, 好抵死

星期六, 生日正日果日, 同班弟兄去左食自助餐
真係完全可以用飽到上心口黎形容, D野食塞到頂住頂住
對於搬完屋冇啖好食, 冇餐食得飽既我黎講
真係又幸福, 又痛苦

今日, 中午兩三點食完正餐, 四五點又食多個麵
叫左揚少唔好買爆谷, 點知佢仲要買個中size
一路睇一路狂食, 睇完又再食多餐壽司
真係食野馬拉松, 人體極限挑戰

今日睇功夫之王, 後面d人睇到好似睇電視咁
勁大聲咁吹水, 開埋福麵食, 呢世仔生到咁大, 到係第一次見
睇乜都冇味啦

肓強之前講過,
周杰倫開新公司, 將自己以前既碟都翻出過
其中將果d vcd變晒做dvd,

今日終於入翻隻「尋找周杰倫ed」
頭先睇睇下d mv, 竟然有「妳聽得到」
呢隻歌我係係b君個blog度搵翻家之前
最近先聽翻, 而家又見到, 有驚喜

於是我走去b君個blog度睇下, 搵下個歌詞, 順手望望佢以前寫既野 (其實一般上啞虎搵一禁就搵到)
點知發現我有半個月佢既日記都冇睇到, 當中仲有個tag!

個tag內容唔好玩, 要tag翻人, 而家我日記不及以前
訪客凋零到得翻小貓三四隻, 間中一星期check一兩次咁
所以就當我冇睇過啦

死亡啊...
有冇人會諗過, 想像過
下一秒, 你既人生就到此為止
再冇之後, 再冇未來
一切都會係呢一秒入面停止, 然後終結

如果係咁, 你甘心咩?
又有d乜野係會覺得好後悔冇做到?

仲有d幾緊要既野想講
但突然唔記得左,
我諗係因為佢地未有需要被寫出黎呱
哈

三點半喇, 聽日大把野要做, 仲有個試要考
訓教先