好喇..一早8點起身..hea到9點落鋪頭

前幾日聽左我一個fd講左d野..令到我覺得自己應該多d落鋪頭

今日我鋪頭o個條街真係好熱鬧

好多野睇(亞視新聞都有報架!!!)

有巡遊..醒獅..功夫..民族舞..制服隊伍..(飄色)..又有司儀喎

好多好多..仲有好多人添..間接令到鋪頭生意多左d

之前d 10月1號都未試過架..

呢d表演由朝早9點幾一直到下午2點幾..

做完之後..條街又變返無咁熱鬧喇><

由於我尋..前晚都無乜點訓過..

我決定訓返一粒鍾先繼續看鋪..

3點到..老豆無啦啦去左傾電話..

咁我就同家姐2個看住鋪先喇(唔知將來會唔會咁呢..都應該..機會唔大><)

跟住一路hea下..一路好用心咁學野之下..

到6點..收鋪..

收完鋪..由於我家姐都係今日生日

所以佢男朋友就落左黎煮野食喇..

家姐地去左行街..我就幫下手hea下咁..

7點幾..家姐地就返黎喇..我之後就同左家姐去拎返部(整好)o既手提電話

去到之後..遇到d野..好搞笑..不過都ok嚇人o既事..

就係咁o既..當我地去到拎野o個陣..部機又唔得喎..

咁我咪同家姐等佢整囉..等等下..有一個金髮都ok串o既男子(20幾歲咁)..

佢好嬲咁走左入黎

因為佢同老闆有d誤會..其實都唔係誤會..只不過係佢太野蠻

咩事就唔講喇..不過o個個人鬧老闆o個陣真係好多粗口..又好難聽

又o係度兇個老闆..最後要搞到搵警察..(不過個男子..我諗佢應該無黑底..
只不過係古惑仔一個o姐)

咁點解我話搞笑呢..就係因為學左2句野..

第一句係..(及四)..係一d唔知咩用語..不過解作俾人氣弄..
(報警咪報警囉..快x d呀..x..俾人及四呀..xxxx..)

第二句係..(老闆..係無事呀下..今日精唔精神呀!!!)
我覺得呢句野都真係ok串又ok搞笑..用下佢先^^

睇完一陣野之後..返鋪頭..(結果都係未整好架)

見到三舅父開左架新車黎..我本身係諗住上車睇睇架o姐..

不過佢就車左我去佢屋企..等佢整左陣野之後..

我地就o係佢屋企樓下(跳鍾喇..)跳鍾o姐係..未有車牌但係自己o係無師傅o既情況下..o係非限制o既路上架車..

我開左陣..覺得..原來自動波..真係易過(棍)波好多-.-

不過我係考(棍)波..但係我屋企3部車都係自動波架><

然後返鋪頭食飯..因為飲左3碗湯..所以好飽..(仲要飲左枝幾卑酒喎..)好飽..

食完..等左陣..食蛋糕..之後佢地開抬..我打左一手

睇左幾手..就返屋企喇~~~

當我行到返屋企樓下個巴士站o個陣..見到傑佬..

我就悄悄地行近佢..原來佢真係可以唔知架..

如果我係去殺佢..佢已經..左喇

同佢吹左幾句..就返屋企喇..開icq同小璇傾左陣..

打機..沖涼..睇日記..回留言..留埋言..打日記

終於可以訓喇..等我訓返晚..好覺先..因為我真休好(攰)..

係(攰)..唔係(勀)..我會記住架喇~~~