今日返工..不過唔係返尖沙咀..係返奧運站..

仲要係返8點..我仲要俾佢地騙左..佢地勁話好遠好遠..叫我早d=.=

咁我就真係早左..6點半起身..返到去 7點35分 =.=

咁咪打下機囉..個店長7點11到..

都係做果d野..無啦啦..店長尖叫左一聲(佢叫阿詩..2x歲到啦)

原來..佢見到米奇=.=佢勁驚..我就無咩呀..不嬲都唔驚o既..

叫左人黎搞..

呢度好無野做..仲hea過尖沙咀..食左早餐..吹下水..

10點到..貨到..搞埋都11點幾..

點幾食飯..o係1點o既時候有個同事返..佢..有d問題..

我覺得..o係佢身上唔知點解有一種只會o係男子身上發出o既氣味=.=

我1點半食飯o既時候^^佢地勁讚我野飯..

第一句就問..你係買返黎定自己煮架^^之後又勁話香^^

今日無啦啦好想食日本野..約左傑佬聽日大吉..正！！

放5點..返到鋪頭見到家姐..佢勁問我之前做咩好似唔係好開心咁..唉..唔想講..

見到區生返左黎幫手..原來舅父仔將要放假..

同老豆地食完晚餐就回家喇..返到去睇下電視咁..12點幾..訓..

今日好累..又好悶..

丫..仲有呀..我今日終於見識到地鐵站裡面要pass入o既地方係咩樣喇..新經歷

今日day off o係屋企休息..

打下mh2g..睇下火影咁..好快咁就過去喇d時間..

其中睇到一集..係講母子情o既..我又....咩喇..(一發不可收拾添..好彩無人o姐..)

傑佬今日會上黎同我升HR(mh2g內容..)

o姐係打機..佢6點幾上到黎..我地由mh玩到winning..

不過呢個唔係重點..重點係佢問我係咪真係諗住去..

我都應該會去架喇..唉...

佢話我會唔會去左唔返喎...我都唔知..算啦..

人一世物一世..無左先會識珍惜o既..有d人(好老生常談=.=)

我地打到11點幾..佢走前o既一句話..

令我有d感動..佢話..到果日如果你真係去叫埋我..走堂都同我去喎..

8年o既友情..有時就係呢d..momant出現..

不我如果係去..都會自己去..而家唔係去玩喎.........

今日早左到公司..不過因為要開門果個人唔記得左黎開(第2間鋪o既)

所以我就o係公司門口食左2個字西北風=.=

今日一來因為天氣唔係幾好..二來又得我同森爺2個..

所以朝早都好hea..我地2個o係點幾o既時候見到天氣勁差..

又有人打黎話可能會8號..搞到我地鬼咁開心..

不過當我地聽住收音機..等下半個鍾..等下又半個鍾..

無幾耐..我地就放棄左早放o既念頭喇=.=

今日有個一炸語人黎買野..無啦啦問我野..

問我一個星期要返幾日呀..o係邊畢業呀..讀咩呀..幾錢個月呀咁..

佢話佢o係係早國果邊做之類o既研究架喎..

咁我就當係練國語咁同佢吹左陣水^^

因為又3號又黃雨紅雨黑雨咁..

所以今日好少人買野..我同森爺2個hea下hea下咁..

食完飯仲開始打起機上黎..由6點幾打到8點到啦..(我都有少少驚俾人發現架=.=)

9點又收工喇..返到屋企..煮埋飯..睇左陣波..沖涼..訓..

我真係都應該ok肯定唔做架喇..係睇下做到幾時..最遲我諗..5月11號到啦..

一來真係唔係幾鍾意呢度..佢唔係多野做..d人又唔係唔好..不過..我都唔知點解..就係唔係幾鍾意

又好遠呢..尖沙咀..森爺下個月仲要走埋添..

同埋..我上次都講過..我有d想學好d英文..

其實做呢度我本身都係諗住做到9月就讀書..

仲有一point..就係..我一開始都唔係想做長工o既><

今日一樣係要返9點..差d遲到添/_\

今日..感覺好左少少..唔知點解..一樣係做果d野..

一樣係聽903..聽到一個節目一個主持人o既一席話..令我感覺到..原來係咁o既..

話說..佢就講一個女仔同佢男朋友o既事..個女仔o既男友因為最近轉左工..對個女仔冷淡左..

呢個唔係重點..重點係..個主持人講返..原來佢都有好多朋友一轉左新工..

就會有一段時間咩都唔想做..唔想諗..咩都覺得好煩..同會有一種不安感..

因為..佢要去諗辦法適認個新工作環境..

我諗..我呢幾日都係因為咁..因為..我都係返左呢度2個星期到..

聽完之後..自己o既感覺好左好多..^^

之後我又聽到一個道理..唔知算唔算道理呢..

咁佢係來自某才子o既書..話說..個主持人又話..

有一個女仔..同時被2個男仔鍾意..a男仔同b男仔..

咁佢就先同a男仔去食飯..咁食飯o既時候..個女仔係咁感覺到..a男仔眼中係100%愛個女仔

100%都係佢..咁個女仔就好開心啦..

到b男仔..b男仔都對個女仔好好..眼中都係佢..不過..食完飯俾錢o既時候..

b男仔就同個經理講左句(你呢度係咪計多左我一樣野呀?)

咁個女仔就覺得..原來你o既眼中唔係100%屬於我..結果佢選擇左a男仔(唔知大家又會選邊個呢)

咁個女仔同a男仔一齊過左一段唔係好長o既時間..佢地就分左手喇..咁女仔就再去搵返b男仔..

咁到呢一刻..佢發現左一個道理..就係原來愛一個人..眼中未必要100%係佢..反而..

當眼中有其他野o既時候..佢會兼顧埋其他野..咁先會照顧到你..

唔知大家又明唔明呢個道理呢..我未聽之前就唔明喇..聽完..我諗我下一段感情會好一d^^

今日返工遇到一件事令我腦中起左一個我都唔信o既諗法..

話說..因為我要返尖沙咀..咁一定勁多英文人架啦..

有個英文客..係一個姐姐..佢好好禮貌咁問我有關產品o既問題..我好想答佢..

不過我真係唔明佢講咩..又唔識同佢講返..我覺得自己好無用..

結果我答左句(sorry I don't down........)><

不過佢都好有禮貌咁講左句(O I want to try it.......)><

咁佢走左之後..我勁諗..我要學好d英文..因為..我想同佢地溝通到呀...!!!

因為聽日放假..好開心咁hea到9點..放工..

之後10點半到同左傑佬去打邊爐..又一次明白左

一醉解千愁呢個道理..我飲左3枝..又唔係醉o既..有少少唔清醒咁啦..

就係咁同傑佬講左好多唔開心o既野..佢都係一樣做聽果個..

12點到..走喇..返到屋企..極速沖涼..訓喇^^

今日一樣係要返工...

唔想返唔想返唔想再返呢度..唔想做..呢d野o係咁係我腦中出現..

超唔想再返呢度喇..都唔開心..日日個人都要(行)哂咁返工..好辛苦呀..

今日就成日宦係呢d負面情緒充斥住我個腦海..好唔開心..

其實上次miss王同我講完之後我已經有個諗法o係度出現左..

個諗法除住呢d負面情緒一日一日長大..到佢成形o既時候..

我諗會嚇到好多人..包括我自己><><唔開心..

人愈黎愈大．．知道ｏ既野．．明白ｏ既道理
可以做ｏ既野都愈黎愈多
但係．．
人同人間ｏ既感情都會變改．．
知多左ｏ姐係代表．．唔可以做ｏ既都會多左．．
成長．．對我黎講．．
多左自由．．少左關心．．
多左金錢．．少左天真．．
多左想法．．少左無知．．
最後．．多左煩惱．．少左快樂．．
咁究竟．．成長係好定壞呢．．呢個問題．．我搵左３年都未有答案．．

好耐好耐都無打過日記喇..今日無啦啦想打..就打下啦^^

先講返尋日..文理開放日..咁我地毫返左去呢個好尋都無去過o既地方喇..

返到去..搵左d miss 阿sir..同miss沈呀..蔡sir呀果d都傾左好多野..好熱鬧^^

返到去都係同返d老師吹e．．不過有樣野係我有少少始料不及o既

就係有好幾個老師我記得佢係邊個..不過我估唔到佢都記得我係邊個呢^^開心

行下行下..又見下d舊同學..好開心..好懷念..讀書果時真好..而家返左咁耐工

明白左好多野..我諗..個人諗法都唔同左少少..都係果句..讀書真好..咩都唔洗諗..

最後走之前仲同王老師傾左好耐..同佢傾果d係令我最深刻o既..佢真係講岩我好多野..

唔知點解..聽佢講完好似解決左我一個諗左幾年o既問題..我o既去向......

真係好懷念..亦好感激..衷心o既感激..多謝d老師仲記得我..仲記得果時純真o既我..

最後..幫王老師o既中文學會執埋d野就走喇(我五年前o既上一次開放日都係中文學會架^^)

夜晚同家人去食飯..食完返家睇波..點幾訓喇..

今朝起身..一樣係去尖沙咀返工..遲左少少..今日返工o既時候..唔知點解..

好唔想再做..都唔係唔知點解o既..可能係聽完老師講果d野..心態有d改變..

今日諗左成朝..點做好呢..一路係咁諗諗諗..

諗到打日記o既呢一刻..好似..知道要點喇..希望唔會錯啦..

p.s.我想講..其實唔知點解..我覺得返呢度..人唔係唔好傾..野又唔係好多要做..不過我就係覺得返呢度唔係幾開心..
搞到個人都唔係好開心咁....唉...

上個星期..7月3日..終於都有工作了..

今天剛好一星期..有點累了..所以選擇了..

早放了4小時..身體有點不好過..好像有點想病..

回到鋪頭..坐了回..去買吃的..遇到了婆婆..

之後和他們去了茶樓..吃了個午餐^^

下午一直在鋪頭..晚餐和爸爸吃..吃過了就回家..

玩了會遊戲機..電腦..想起打日記就打了..11時多就去睡了..

很累...........

我其實未放棄個網架^^

而家日日放工都好累..無乜心機打日記=.=

今日無乜野做..點幾起身..換衫..去整頭..

去到見到amy姐姐..講左聽日返工d野..

之後剪頭髮..我今次無染呀..費是染太密..

搞掂..返屋企..

睇下動晝..打下機..又一日..

夜晚煮左個好多送o既公仔麵俾自己食!!

12點到就訓喇..不過勁訓唔著..

忌日就返工喇..又去果間喇..唔知會點呢!!