尋日都無落過街..仲俾老豆嘈左嘈..

搞到我決定左d野..就係..今日開始落鋪頭..

每日由10點返到6點..收返錢咁..

不過因為今日暫時未turn到個時間..

9點半起左一起身..不過就打左俾老豆同佢講今日會遲少少落去囉..

就係因為未turn到個時間..佢話ok..

咁我今日12點幾就落到去..有飯食..

不過老豆就怪我咁遲落囉..因為佢話今朝有2個講國語o既客..

佢地唔太掂..但係佢又知我ok..不過好彩最後都做得成喎..

食完個飯..我就o係度準備喇..有客咪學下野囉..睇下d野放邊呀之類果d啦..

3點幾..同老豆去左上環..都係做果d野囉..

好耐都無上過去喇..去到間野d人都話好耐無見..

諗返起果期..日日都上一次or二次..幾正呀!!!

同果度d人吹水..發現生外左好多..

搞掂之後同老豆去左九記食野..

真係食咁多年都咁正..不過就愈黎愈貴同愈黎愈細囉=.=

食完之後我地就搭返地鐵返去喇..

返到去到5點幾喇..等多陣6點半又收喇..

收左鋪..放狗..之後hea左成個鍾先去食野..因為太飽喇..

食完..返鋪頭拎返d野就行返屋企喇..

返到去..同人chat左陣..點幾就訓喇..

今晚因為發生左d事搞到我好嬲囉..點可以咁架!!!!!!

由於前幾晚又夜訓又通宵咁..

所以尋晚好好訓..

今日訓訓下無啦啦聽到紅綠燈聲=.=

原來係自己電話響..

傑佬打黎..問我係咪仲訓緊..我話係=.=

本來諗住清醒之後再打俾佢..收左線之後..順便睇下而家幾點..

一睇真係俾佢嚇死><原來..我不知不覺..訓到4點仲要10分=.=

真係好似訓死左咁..一睇完個鍾..緊係清醒哂啦..

打返俾傑佬..原來佢想上黎燒碟..哦..

起身之後down左陣歌..佢6點到上黎..

一路打機一路燒碟..時間好快就過去喇..

好快就8點幾喇..要出發喇..因為今日同佢去銅鑼灣新星打邊爐..上次食過ok!!!

搭巴士去..搭搭下有個人打俾我話有d好激氣o既野要講..

之後我就好似當左傑佬無到咁一路傾住電話一路行去喇..

(我知佢口中講到好激氣..不過我覺得好快又會無事囉..)

因為我之前都有過d咁o既fd..知道當一個人對住另一個o係佢心中有一定地位o既人o既時候..不論對方講左d乜做左d乜令佢有幾嬲..

到頭來都係會無事..哩d咁o既(戲)..我同shirley果陣.....我見得多喇..

(我講過我日記網係俾我打出自己對事情真正果個感覺..希望睇左o既相關人士見諒)

一路傾..傾到就到謙記先收線..因為我想睇睇shirley在不在..可以打過招呼ma..

不過行到去..佢唔o係度喎=.=

咁我地就繼續行去新星喇..

去到..行低左..開始勁叫野食喇..唔知點解..可以週期問題..哩期心情路都唔係幾好..

所以好想今晚飲過夠o既..點知一路食一路飲..當我飲左一渣之後..傑佬話我醉喎..

佢話唔想打邊爐同個痴線o既講野喎..所以佢就唔俾我再叫喇><><><><><><><

好慘..無得飲..我係有少少酒意..不過無醉..同個醉字仲有好遠喎==.==

不過今晚真係好飽..飽到食得好少野..可能飲得大急..

我地食到12點幾..走喇..因為太飽=.=

走之前我又打左個電話俾人..傑佬話唔緊要ma..佢話想安靜下喎-.-

咁我又同人傾喇..好似一路傾到返屋企..之後都好似一路傾到3,4點啦..

我唔係好記得喇..收左線沖埋個涼就訓喇..

今日o係2007年的第一天!!!

不過我一早..原來o係車訓緊喎=.=

因為尋晚通宵..今朝一早5點幾就訓住等老豆..

因為今日唔駛開鋪..所以我都唔知佢幾時出門口..

我係咁等..6點,7點,8點,9點..

9點半..我忍唔到喇..打左個電話俾佢..話佢知我o係門口等左佢4個鍾=.=

佢原來起左身ok耐..不過就同人嘈緊囉..

佢叫我泊左架車先..咁我咪去泊囉..之後去搵佢..佢放緊狗..

放完..返鋪頭..等左陣就出去食野喇..

食完..10點幾..我真係太眼訓..同老豆講可唔可以俾我訓半個鍾先..

不過我唔知唔知訓左個幾鍾喎=.=

起身之後就要開始抹野喇!!!

抹到2點幾..出去食野..食左碗麵..

返到去..再執下野咁..4點幾..要訓一訓喇..訓到5點..

阿公打黎..因為今日5點半我要同阿公阿婆去一個地方..所以我要去搵佢地喇..

搵左佢地之後..出發..去果度喇..

一去就由5點幾去到8點幾..搭返巴士返去..

落車o既時候我仲見到個好有趣o既女仔添!!!

真係好搞笑^^佢個樣同眼神..個樣都ok架!!!

落左車之後..買左個麥記..返屋企..

一返到去..岩岩開波..一路食一路睇..正!!!

之後睇多場波..沖埋個涼(1日無沖喇-.-)訓喇..

果陣點幾..

今日係除夕呀!!!2006年o既最後一日到喇..

不過o係哩一日..我就要等到4點幾先有節目..

(因為Rita地4點幾先黎打邊爐..)

我叫左佢地o係地鐵站等我..

我一落到去..一見到佢地..第一時間就見到一個平時好多聲下o既人士..

佢今日變成左一隻死狗=.=

阿wing姐不適喎..好似話嘔喎-.-

我覺得有點兒掃興囉-.-

佢因為不適..所以不易同我地去買邊爐野..

咁我就帶左佢地入鋪頭..(其實我都覺得好有問題..不過佢真係好唔掂.......無辦法..)

之後o係鋪頭等左敖敖一陣..(其實因為敖敖係一個我比較有信心o既人..所以......)

o姐係唔係話乜呀..都係果句囉..防人之心不可無呀!!!

同敖敖講左聲..佢都明..

之後我就同Rita加佢個fd一齊出去買野喇..

首先去左買墨魚丸先..買完..要返一返去..因為要放o係雪櫃..

之後又出過去..行行下去買..見到有得賣雞蛋仔..d人又勁話想食咁買左黎食..

之後都係買下d丸呀,肥牛呀,腸呀,湯底呀,飲品呀咁囉..

我覺得Rita個fd有d搞笑..除左成日講唔該之外..仲好(公平)^^

之後去街市買埋魚鮫呀,菜呀果d就返去喇..

返到去..sit好哂個爐之後..一路等佢滾一路去洗野..

我覺得有d人洗野真係ok搞笑囉^^

洗好哂..開始打喇..一話打就有人話要走喇..唉=.=

咁Rita咪送佢地走囉=.=

送完..現場唔計不醒人士果個wing姐..仲有5個人

我老豆6點幾返到黎..(唉..)..開頭無乜野o既

唔知點解..可能大家唔係咁熟..所以個環境..好安靜=.=

7點幾..jerry佬黎埋一齊打..之後打打下又多個人走左..我連佢乜名都未知-.-

之後無啦啦我家姐send左個sms俾我..叫我幫佢做d野..

ok啦..咁咪幫佢做囉..捉埋Rita陪我去..

搞掂左之後..返返鋪頭..一返到去..唔知點解..我見到阿mimi同我老豆..好好傾==.==(mimi係我話勁講唔該果個)

佢地勁傾KENKEN囉(我隻狗..)

果時都打得7788喇..食多陣之後..大家無啦啦開始o係度影相..

影左陣..開始洗野喇..洗野o既時候我老豆勁(哦)我囉-.-

又話佢地(fd)點點點呀..又話我唔應該o係佢唔o係度o既時候帶佢地入鋪頭呀咁=.=(不過我都認係我o既失誤o既..)

俾佢(哦)左差唔多半個鍾..

佢叫我9點清場喎..因為佢要用個場=.=

總之我就同佢嘈左陣啦..

9點到..我地都要走架..不過我又諗唔到去邊喎..

咁咪出左去公園諗囉..諗諗下..jerry無啦啦話走..

我都唔知點解..原來佢話見到尋晚o係街打過果班人喎..

話我地有3個女仔..唔想連累到佢地喎..咁又係..

咁佢話佢要走先..我地就落左地鐵站等誠呀東呀姍呀佢地囉..

等齊人之後..阿細同東就入石澳..wing就俾人接走..

咁仲有3女2男..我諗左陣..都係上我home啦..

搭的士上去..果陣都差唔多11點喇..

上到去..大家都無乜野做..Rita就開左我部電腦聽軟硬果d整蠱電話..

我就同mimi敖敖3個人玩鋤d

玩玩下都入埋去聽..11點幾..傑佬上埋黎..

其實我o係等緊架車..舅父仔話11點幾車俾我..

點知成12點都未到..

傑佬上左黎之後..同佢打左2鋪機..

11點55分喇..原來2006年o既倒數..有5條友要o係我屋企倒=.=

倒完..唔知點解心情好差..可能因為無車到><><

咁敖敖同傑佬講緊jerry俾人打果陣..又話頭先見到就打左先啦..等得佢地吹雞都搞掂左佢地啦咁..

我無啦啦心頭有火..咪鬧鬼佢地囉..

話你地好好打咩..1個打10個呀..打交..咁大個人仲打交(中間有好多粗口)

鬧完佢地..心情好左..d啦><><

之後佢地都出埋黎..佢地就打機..我地4個就玩返頭先3個人玩果d..

玩到點幾..舅父終於有電話到喇..

佢話佢o係樓下..叫我車左佢返去先喎..

我本身以為得佢一個..咪叫埋Rita同姍囉..

點知原來仲有2個人..所以唔夠位坐..

惟有叫返佢地2個上去..

我就跟車去到灣仔..之後又返去..

返到去..點幾2點喇..上返屋企..見佢地打緊機又打埋一份..

不過因為得15分鐘..所以好快要落返去喇..

兜左轉..等佢地搞掂..點知..佢地落哂街先打俾我..

仲話敖敖幫我鎖左門-.-咁岩我個鎖匙包又唔見左..

超驚囉..因為有鋪頭條鎖匙..

諗住上返去屋搵..但係敖敖又拎左我屋企條鎖匙出黎-.-

屋企都無得入..咁咪叫佢地o係車等..搵傑佬拎返條匙俾我囉..

等到佢上黎..過左15分鐘-.-(當一個鍾計..12蚊..)

頂..敖敖鎖壞左我個鎖><><

咁我又要同傑佬搞佢一陣..搞左差唔多2個字=.=

好彩都搞掂..好彩都o係屋搵返個包......

去埋個廁所..落返去..咁因為有6個人..唔夠坐..

所以傑佬返屋企..我話等我送緊走d人先搵返佢..

之後我就開始送人走喇..首先敖敖..因為近..

突然發現..部車無油..所以又要走去入=.=

入完..又有2個人話要走..叫我車佢地去地鐵站..因為今日31..所以而家2點幾3點都仲有車..

佢地走埋之後..得返我同Rita..要去搵返傑佬喇..

去左車佢..等緊佢落黎o既時候..俾Rita玩左陣..開車=.=

等左陣..傑佬到喇..佢個樣超眼訓囉..

之後都唔知去邊好咪兜左去鋰景灣囉..仲見到我三舅父添..

俾佢捉左我落車..吹左陣水..叫我做埋d咁o既野..

咁快..唔係咁好呀=.=不過唔知點解..同佢吹完水之後..諗返起d野..心情又變壞..

再加上Rita勁叫我車佢去搵阿東..其實講真..我唔係咁想..

上返車..傑佬個樣真係好眼訓..算喇..車佢走喇..

但係佢又話要買野食..咁咪去買囉..

買o既時候仲受到d人眼神o既挑釁添..

不過我地無理到..買完野食..上車食..

食完就車傑佬返去喇..我開頭同Rita講左車佢返屋企..

不過而家心情不好..只係想一個人飛下炸..勁同Rita講好眼訓..好累咁..

又見佢咁想見阿東..咪車佢入石澳囉

我諗住叫東哥送佢走之後就一走了之架喇..

開得好慢地入去..唔想開快同要似好累..

入到去..我好快就搵到阿東喇..佢講左句野=.=

[你地拍拖拍到無地方去呀..]由哩句說話o既語氣可得知..佢有d野

同東地吹左陣水..佢都有幫手叫Rita唔好再[阻]住我..

結果係決定車返Rita出去..不過係搭地鐵走喎..

咁就開車o既時候..東哥打黎..佢話可能要我幫一幫佢..

因為佢話佢都想走喎..問我有幾多個位..

咁我話有3個..咁佢就同阿細and一個我唔識o既女仔上車喇..

咁佢地都係出返地鐵站o姐..我都好順路..

我要同佢地講定先..我手車好慢..

不過我就用左我從未有過o既速度出去囉..

佢地講d野勁有趣囉..阿細又勁同我講車d野..

ok啦..出到去..佢地話要陪個女仔去搭小巴..咁我咪同Rita落地鐵站等佢地囉..

等左陣..ok喇..交左俾佢之後我就上返部車..

然後我就.......飛左差唔多一個鍾..下下過80咁..o係市區喎..我覺得..如果唔開心..咁做..真係好好好好!!!

飛完..停左o係鋪頭門口..因為果陣5點幾..我又應承左老豆今日落鋪頭幫手抹野..

所以如果我返屋企o既話..我就唔會再落黎..

咁咪惟有o係車訓下囉..

我今日除夕o既日記就打到哩度啦..

今日都無乜野做..打下機咁..

2點幾o既時候..Rita地打黎話佢地同d朋友諗左..

聽日會上黎我屋企玩喎@@!!!

打邊爐喎@@@@!!!!!!!

我屋企又亂..又細..點打呀..佢地有成10個人喎..(all女)

佢地堅持話唔緊要喎..

咁咪ok囉=.=

hea到6點幾..諗諗下..唔係好掂喎..都要執執間屋先得..

之後就開始執喇..開頭一條友勁執..

不過之後個妹都有幫下手o既..執到11點到..有波睇..所以睇波..

不過都執得7788喇..又抹野埋咁..

睇完波..都係打下機..down下野咁..2點幾就訓喇..

今日點幾起身..上網好慢..

打下日記..down下歌..又聽下搞笑野咁(之前軟硬做DJ果d整蠱人o既電話..我down左黎聽..超搞笑!!!)

2點幾o既時候老豆打上黎..話有so野..叫我地落去喎..

有so野喎..緊落啦..3點幾落到去..

心諗有乜so野..知道左之後..原來係..哦!!!!

咁都真係ok有so喎..如果真係可以o既話..

做完d(so)野之後..買左個麥記返鋪頭食..

shank shank真係好正!!!

食完..都係做下果d野咁啦..個妹5點先落到黎..

自己咁遲落..老豆已經唔like架喇..仲要發哂脾氣咁話老豆無幫佢交電話費..搞到cut左喎..

之後仲要整(興)埋我喎..

5點幾佢自己無啦啦走左出去..

可能交電話費啦..

佢交先之後又要我打上去開返..因為係我個名o既..

問佢一唔一齊食飯..又話心情唔好呀咁..

搞掂之後..繼續o係鋪頭做我做開o既野..

6點半..收鋪放狗..食飯..食食下飯..佢又黎左一齊食..

食完飯之後老豆地走左去買臘腸..

見到d臘腸..搞到我都要去整下佢地..同佢地熟哂喇..

我發現..原來榮華d臘腸真係靚架!!!

佢地買臘腸..我地又買左d零食..

返左鋪頭拎d野..之後又因為換電話o既問題同老豆有d意見分歧

搞到我都ok唔like..

7點幾返屋企..打機..打到12點幾o既時候..傑佬打黎週佢而家入南丫島喎..祝佢好運啦..

同佢傾傾下..Rita地打黎..我本身以為都係約下出街咁架o姐..

點知原來係打黎吹水喎..

佢地約我聽日去食壽司..lunch..去深水涉喎..

本來話叫多d人o既..不過有個要返工..有個又唔去..

咁最後咪決定得我地3個去囉..

wing傾傾下點幾o既時候就話好眼訓要訓喇..

叫Rita同我2個傾..

咁之後我地就開始吹水喇..話下新歌..佢話小方有首大細心超正喎..叫我去down喎..

又講下人..不過講得最多都係佢之前o既野..我開頭就好似聽故事咁..

不過之後佢又要我講我d野佢知..咁咪講下ive..呀..某人呀果d囉..(好彩佢地都無我日記網o姐..如唔係有好多野就要就住打喇..)

我地傾左好耐..由我個電話有滿滿o既電..傾到個電話無哂電..

由點幾開始傾到4點幾..真係足(失)長談喇^^

我有問過佢覺得我個樣點架..係咪好老呀..係咪好唔得呀咁架..

之後佢俾左個好激勵o既答案我..

佢話..我覺得你如果減左肥..瘦do既話..我諗你都會ok架..

佢咁答喎..就算唔係真..無論如何都減一減佢啦..(之前都有人同我講過..我瘦d會好睇好多咁)

4點幾我地就收線喇..之後就訓喇..

我好耐都無試過同人傾電話傾到咁夜喇..如果唔係無電..未必會收住囉..

唔通..雙魚座真係同水瓶座合得來do既^^

今朝12點幾起身..打機..打到2點幾..要出去喇..

因為我今日要過我大舅父果邊幫佢地整電腦..

搭地鐵去..坐左大約一個鍾..

仲落錯車添-.-

過到去佢地度..4點幾啦..

佢地因為飲完茶..所以執左少少野食返去..咁我就食左果少少野..

之後就開始整喇..其實我知發生乜事..亦都知道要點整..

不過因為要留資料o既關係..咁就要花多少少工夫喇..

所以搞左好耐..仲有少少技窮添=.=

不過好彩..整到6點幾都整到..

7點到..食飯..大舅母又煮左好好送o既一餐喇..

正!!!!!!!!

食完..睇下電視又幫人裝下games咁..

又話唔得..咁我咪搞掂..(可能部機見到我驚呀^^)

之後睇埋賭場風雲就走喇..

舅父舅母地送左我去地鐵站..等左2個字車-.-

返到去都點幾喇..沖埋涼..打陣機咁就訓喇..

@@!!!!!!!!@@@@@@@><><><><呀!!!!!上唔到網呀!!!!好慢呀><><><><><

尋日boxing day..有一份禮物囉..朱古力..

都無到去..o係屋企打機打左一日..

夜晚睇勁爆2006..我因為有新電視..所以可以睇直播

睇完..傑佬打黎..話個聖誕無見過..

出去食宵夜喎..哦..

咁我就落左去.同佢食左個宵夜喇..

佢食左個豬手囉..

我就沙律加熱狗..

食完去左食串串..

之後就返屋企喇..2點到啦..沖左涼就訓喇..

(乜今日有地震咩..@@!!!)