由於之前幾日切緊部新電腦..所以無乜機會上網post日記

今日就整好哂喇^^





好野!!!今日去切電腦喇^^

今日都11點幾起身..之後約左敖敖..再同佢一齊落左鋪頭..因為要問老豆拎錢..

問佢拎左4千蚊..佢話聽人講..切部新電腦唔計moon3千幾ma..

拎完之後同敖敖去左食一個lunch..

食完就出發去灣仔喇..

果時點幾到啦..去到灣仔..敖敖話叫我陪佢去一去會展先喎..

哦..咁第一個目的地就係會展..去到我先知佢點解要去..

原來係睇一個叫[中小企業國際推廣日o既展覽]..

佢話要睇下中國大陸o既經濟而家發展到乜野地步喎..

順便搵下有乜商機喎=.=

老實講..我就真係無乜興趣架o姐..不過佢都幫我切機咯..我咪陪一陪佢行下囉..

入到去..立刻發現..我根本就唔係哩個層次o既人-.-

裡面係聽埋果d(如果想o係中國大陸開公司..要有d乜野法律要知..又介紹下d會計師樓咁..)

行左陣..我都唔知有乜目的地..又不停有人俾野你架喎..

之後又去埋果個乜野..[創新科技和設計博覽]睇..

哩個就好睇好多喇..因為有好多人地設計o既野睇架..

仲有好多學生哥..學生妹..又有好多ive學生喎..

我地行左大約個半鍾到啦..

4點到先去搞切機d野..

一開始行左轉灣仔電腦城睇睇先..睇下價錢ma..

之後就行左去188先..因為我好耐無買過games喇..諗住睇下有無老番賣..

去到..無..都唔知點解..而家買games真係愈黎愈難喇...

然後就去298睇喇..行左半個鍾到..大約都因到切一部機要幾多錢..

但係諗諗下..好似超哂喎..都唔知點好..

我地無o係298買呀..決定去返電腦城先..

又行左好耐..格左好耐價..都買唔到..

真到去到一間2個女仔做o既鋪頭..敖敖一次過講哂要買d乜..

等佢俾個價場我地..方便減ma^^

講完..有時如果我地知有地方賣平d..又叫佢俾果個價我地..

果間野果2個女仔都好搞笑^^

講完之後..敖敖又話行下先喎..話嚇下佢地喎..

又順便睇埋底版有無平d..因為佢地度塊版要830..減左都780

之後又行左陣..都係覺得..佢地度最抵..所以就決定o係佢地度買喇..

一來又夜喇..都7點幾喇..

我發覺..敖敖講價o既本事都幾好喎!!!

我地一共o係佢地度買左..RAM卡,底版,火牛,機(傷),18XDVD-ROM,3D卡,HAND DISE( 160G B)

咁多野..一共3780蚊(但係仲有滑鼠,keyboard,喇叭未買..)

加埋果度大約4千幾啦..咁再加埋果千6,7蚊o既19寸moon..o姐係大約6千啦..

我諗都ok啦..所以就俾錢買喇..敖敖條友o係佢地找左錢俾我之後仲要嚇一嚇果條女喎^^

佢話喎..找錯錢喎..之後我仲要笑笑口咁..嚇到果個女仔勁驚..

o係度話..係咪真係找錯呀..唔好玩啦..我要填返條數架..

我地睇得出..佢係真o既..咁我咪話..找少左呀..因為我個銀包少左錢呀..

佢話..係呀.少左幾張金色ma..我話..係呀..但係多左幾張紅色囉^^

買完野之後我地放低左d野..因為想o係第2度睇moon

行左陣..結果買左個LG..19寸o既..1750咁多啦..

之後返去拎返d野..果2條女又好搞笑咁話..

點解買LG架..幾多錢呀..我地答左..佢話..點解你地壓我價又唔壓佢地價架..

賺死佢地呀..又唔幫我地買喎..

搞到我都有d唔好意思..因為佢真係減左好多俾我地..

同佢地講多2句之後就走人喇..都8點幾喇..

去左麥記食野..食完就走人喇..因為都9點喇..

搭地鐵返去..我地決定..聽日先整埋佢..

但係因為有太多野喇..所以要叫敖敖幫我放上的士..

返到屋企之後都係睇下電視..打下機咁啦..

2回幾就訓喇..

今日又係12點幾起身..打俾敖敖叫佢上黎..佢2點到上到黎..

繼續整我地o既電腦..

開頭都好地地架..好似整得好咁..但係中間又有d意外..

我地又係咁..整整下走左去打機..

打左2個鍾..6點到先再搞埋d手尾..

不過就係哩d手尾搞唔掂囉-.-

其實部機就切好架用得架喇..但係就係個hand dies唔得..

新買果個就用到呀..不過有我d整果個整左落去電腦又搵唔到-.-

所以敖敖話聽日帶個可以用USB過o既hand dise(過整線)俾我喎-.-

咁o姐係又要等多一曰我部機先有得用囉-.-

佢今日又7點幾走..

咁我又係睇下電視咁..

點幾就訓喇..唔知點解..今晚訓左好耐都訓唔著..諗左好多野..

可能因為覺得今年乜都無做過啦..有d心寒..原來浪費左一年><><><><><><><><><><><

今日o係打日記之前..首先講一句生日快樂先!!!

因為今日係阿盈o既1x歲生日(未經本人同意..不便告知年齡^^)

生日快樂呀!!!!!!!!!!!!!!!我雖然陪唔到你..不過都衷心咁希望有人陪到你過一個難忘o既birthday啦^_______^

今日訓到12點幾先起身..一起身就打俾敖敖..

因為去買埋個喇叭同keyboard

去左天悅買..買完之後就上我屋企喇..

大家都未食野..所以o係做正經野之前都係要食左野先..

我煮左2個麵-.-不過1好好(送)架!!!

食完..敖敖就開始整喇..唔知o係咪因為我講左(技窮)哩2個字..

所以今日整左成日都未整得好-.-(雖然有d時間用左黎打機..)

咁惟有聽日先整啦..

今日一路整就一路講果2條女好搞笑^^賣d野又好抵!!!

敖敖7點幾就走喇..(機都未開到呀!!!!><><><)

敖敖話可能係隻window問題喎..因為我地裝極都裝唔到個window..

敖敖因為要去燒野食..同蔡sir地..佢仲問我去唔去添..唔喇(但係我記上年我有去囉..)

仲記得上年去完之後再車埋阿sir返屋企添..

又記得..車左阿sir返去之後..當我再兜去鋰景灣之後再見到o既野添...........

佢走左之後..我就睇下波..打下機.睇下電視咁啦..

10點幾..傑佬打俾我..問我同唔同佢食個宵夜喎..

哦..因為我都未食晚餐..

11點落到去搵佢..等左佢一陣..佢11點3放工..

之後我地就行去食宵夜o既地方喇..

一入到去..見無乜位..但係就有2個熟悉o既面孔叫我地一齊坐..

因為我地睇到..shirley同佢條仔..搵唔到位都要坐落去架啦..

我今晚咁o既環境真係唔想多講野..(除便你地點話我都好啦)

所以我好沉默地叫左個沙律食就算喇

食下野又吹下水咁(佢地)

我好無引咁食完..12點幾..走人喇..shirley條仔請喎..哦..

散左之後..我同傑佬去左買d串串野食..(其實我想去兜下架..不過傑佬話唔好喎..)

買左豬大腸,雞咩(唔識打),碗仔(次),燒賣,同埋一樣唔識打個名o既野..

買完哂之後..搭車返去耀東食..o係seven買左野飲..

再落左o係seven對開o既一個廣場食..

d碗仔(次)又幾好食喎!!!

我就食野..傑佬就打佢o既psp..食完..吹左陣水就返屋企喇..

返到去..睇左場波就訓喇..

自從我上一篇日記果日開始..我就無落過街喇..

日日都係o係屋企睇下動晝..打下機..睇下電視咁..

至多都係落下街食大家樂or7-11

今朝..7點幾起身..因為要去拜山..

8點3落到去同佢地會合..

等左一陣人就上山喇..

上到山之後..另外3個人因為一d理由..

所以要我地等左ok耐..

差唔多9點..到齊人喇..上去拜喇..

拜左差唔多半個鍾(因為d人要趕返工..所以比較快左少少..)

10點到..返工o既人返左..我就同家姐,表妹,2個舅母搭的士走..

之後叫埋阿公阿婆飲茶..因為超肚餓..所以極速拎左野食..

阿公阿婆落黎o既時候拎埋舅父仔地結婚果d相齊齊睇..

我發覺..我都ok肥-.-

今餐茶飲到11點..家姐請..食左233蚊..

食完之後我就同家姐去左買生果返鋪頭..

唔知點解..今日搵極到搵唔到芒果-.-

返左鋪頭之後..去左個廁所..之後就去左買花..

買完..o係鋪頭hea左陣..又再去買過花..

1點幾..又食過飯..我真係好飽..所以食得唔太多......

食完..同左老豆上百佳入貨..(經過我咁多日o係屋企磨..d野都食得八八九九喇..)

買完之後..睇完份報紙..然後老豆就叫左我去西灣河買野..

買完..諗住經過恆生o禁錢..點知恆生門口部機..壞左..

所以要走到去地鐵站o禁..(今晚要請食飯ma..)

搞掂之後就返鋪頭喇..

可能因為頭先出街買野..經過後巷o既時候俾d唔知乜水整左落個頭度..

所以而家..好痕..我決定..問老豆借條毛巾..我諗我要洗一洗個頭喇..

洗完頭..好好多喇=.=

之後直到收鋪我都係o係度hea多..heahea下o既時候..我見到鋪頭有一個白金o既心心鎖匙型o既吊咀

之後我o既內心就出現左d野喇...................

[如果有一天..我希望向一個我好喜歡o既人求婚o既時候..我會諗..如果我整一個白金做o既寶盒..細細個咁..個盒蓋就係一個碎(鑽)石做成o既一箭連雙心..個盒邊就搵d碎石圍住..盒o既下半部就整d好有心思o既野..例如一d說話..一d圖案呀咁..之後就整一個鎖..而果個鎖就只有哩條鎖匙先開到..咁我諗住o係我未同佢求婚之前..好意外地將條匙送左俾佢先..到時我諗會唔係吊咀..而係耳環..當我求婚o既一天到黎o既時候..我諗到時會有一部靚靚o既車..然後我會o係一個晚上..天色十分美麗o既晚上..將哩一個寶盒放o係佢o既坐位前面..買埋花哩樣野..當2個人食完一個好浪漫o既晚餐之後..我就會車佢去到海邊..向住一望無際o既大海..問佢一句..]

[你..發唔發現到架車..今日有d唔同呀..(佢應該會知)..之後我今拎俾佢..同佢講..我送俾你架..你打開黎睇下丫..佢可能會知又可能唔會知(用耳環開)..我會話..你記唔記得..我送左鎖匙俾你架..(我諗如果係想求婚o既對象..送耳環俾佢佢會帶住掛..)佢之後會發現..咁我會叫佢唔好開住..然後同佢講..]

[我記得你之前講過..希望你o既未來會活得快樂..過得幸福..我..希望有幸俾到哩d你o既男人..會係我..你講過..如果唔開心..有個人可以積刻出現係你面前..俾你對住佢喊..安慰你..借佢個肩膀,胸膛俾你..我希望..哩個肩膀係屬於我..你可唔可以俾個機會我做哩個人呀..嫁俾我丫(人名)..然後我會慢慢拎個寶盒同另一隻帶o係我耳上o既鎖匙出黎..慢慢咁打開個盒..裡面出現o既..當然係唔知幾多卡o既鑽石戒指一隻...........]一個愛情故事..咁就出現左喇!!!!!!!!!!!!

痴左線..無啦啦打d咁o既野=.=

打返日記先..6點幾收左鋪..去放狗..都ok耐無同過老豆放狗喇..

放完..返到去老豆煮飯..

因為我今晚請果餐食8點..所以食少少都ok..(老豆煮ma)

佢煲左個有臘腸呀..蝦乾呀o既飯..ok喎!!!

我食左半碗..今晚得我地2個人o姐..

食完..我又hea左陣..又去食喇..

未到8點等緊佢地o既時候..我走左去同now寬頻果d人傾左陣..

因為我想問佢地如果我要整部新電腦..可唔可以用同一條線架咁..

吹左陣..d人都到喇..

坐低之後..又等左陣人..叫送o既時候..

自己請o既真係唔同..可以有意見俾下呀..

今晚一共有10個人食..不過放左11個位..因為一個o係大家心中都好重要o既人..我地都希望佢會黎陪我地食..

今晚叫左7送1湯..一路食..我表妹就勁o係度講佢上堂要畫裸男呀裸女呀果d野..

又變態又核突>m<..不過我就對裸女哩方便有d憧憬..

今晚食到9點幾..俾錢前大家估下幾多錢..結果阿公估得最近..680蚊..都ok抵丫!!!

走o既時候大舅父同舅父仔一人俾返100蚊我..真係好呀!!!

之後齊齊上左阿公阿婆度..因為要拎d野..

拎完之後我就同個妹返去喇..

返到去..去到樓下o既時候..見到一對情侶o係度纏綿..

之後唔知點解..我o既內心出現左一個ok正o既故事情節..

唔打出黎喇..又係果d野......

返到屋企就打日記喇..

好野..我聽日去切部新電腦喇..終於唔駛同個妹爭電腦喇......(因為老豆話第時一人一間房一人一部電腦..所以所有費用由佢負責!!!)

今日11點幾先起身

一起身就要去舅父度喇..因為二舅父叫左我拎返部車走..

12點到..去到..拎左停車卡同車匙..

去停車場喇..順便打俾傑佬問佢得唔得閒同我食過lunch..

佢開頭話唔得..之後又話ok喎..仲叫我車一車佢個fd..

一個女仔..(我本身以為佢地放lunch都唔會去得遠食架啦..點知佢地話要去銅鑼灣果頭喎-.-)

咁咪車去囉..lunch時間勁勁勁塞車..

又兜錯左少少路喎..搞到佢個fd遲左少少到添..

放低左佢個fd之後我地諗左好耐都諗唔到食乜好..

終於決定叫佢落車..買完先搵返佢..因為真係搵唔到位泊呀!!!

我是但搵左個位停低等佢..

佢買左個42蚊o既集錦抄河俾我-.-o係翠華買..

買完之後..我就車左去我之前學車果度..搵住搵下師傅順便食左個lunch..

點知去到..見唔到師傅喎..咁咪是但泊低食囉..

食完都差唔多夠時間..佢lunch完喇..

咁我就極速車返佢返去..

然後我就兜下兜下咁喇..

3點幾..車返去搵佢放學..

之後2個又唔知去邊..結果去左柴灣..停左o係寶血女子中學門口..

等d女學生放學..睇下女咁啦..(我個妹都係讀呢間o既..)

之後係咁等係咁等..由3點幾等到4點幾..

佢地成5點先放..期間仲有過佢地o既老師出左黎抄我地o既車牌添..

都唔知做乜..等左都ok耐佢地出黎喇..

女校真係女校呀下!!!!!

由於佢地個老師勁釘住我地部車..

而我個妹見到部車又好似見唔到咁..

為左避免不必要o既煩惱..我決定..靜靜地睇女算喇..唔叫佢喇..

唔知點解..佢個老師好似好有戒心咁o既..(唔通驚我地車走佢地d學生走..)

5點到..無乜野做..諗起舅父仔叫要同三舅父換返部車..

咁就車左去三舅父泊車果度喇..

搵到部車之後(2條友行停車場搵..好低能)

但係我係唔知停車場出車果張卡個密碼架喎..

結果都係要搵返三舅父落黎..

開頭佢唔聽電話..打左ok耐之後佢話佢訓緊喎=.=

之後佢落左黎..換左車之順便去買左幾隻空碟..因為要上佢屋企燒碟..

o係佢屋企停留左1個鍾到..走喇..

車左傑佬返工之後..我就去搵老豆地食飯..

車左去西灣河果頭食..食完..佢車左我地返屋企..

之後我叫佢泊返部車..我返到屋企就..都係睇下電視呀咁啦..

11點幾..傑腐打黎話佢想出車喎..

本身我都賀d累架..不過佢一講..我又手痕喇..

落左鋪頭拎車匙..去搵佢..之後入左石澳..仲見到有抄車事件添..

兜兜下佢都訓左..1點到..車左佢返去..

自己入左50蚊油玩左半個鍾極速傳說..

之後泊返部車..返屋企喇..

打左陣機..睇左陣電視..沖完個涼就訓喇..

今日要出下街喇..要去交電話費ma..

交錢果度好近傑佬返學o既地方..所以順便約佢食飯..

約佢12點3..不過因為有交通意外..封路..

搞到我遲左3個字..今日要食下麥記先..

買左..因為無位..所以落左舅父地度食..

食完..佢就返學..我就要去太古交錢..煤氣費..

去到..交完之後..行下太古城先..行下行下..

諗迡下發現自己好似唔記得食杯留左o係舅父地度o既雪糕..

因為今日實在太想食雪糕喇..所以都係去麥遁買返杯黎食..

之後又去左冰場睇人溜冰..

2點幾..返鋪頭喇..hea左陣..睇下報紙咁..

3點幾..同三舅父去游水..好耐無游過喇..

游完水之後上左佢屋企..

因為有d好正o既野要做..搞到6點幾..

落返去搵舅父仔..之後同佢過左榮華..

要幫人買臘腸喎..揸車去..去到..同佢地吹下水..

又收下禮物咁..

7點幾..返去..舅父仔就去人地度食飯..

我就車返架車走..今晚去阿婆度食飯..

食完..再去過三舅父度..因為要繼續整果d正野..

一野就整到12點幾喇..

三舅父車返去我返屋企..沖左個涼..點幾..

見到部電腦..又繼續!!!!!!!!

正呀!!就等部電腦搞一晚啦..

我就4點幾去訓喇^^

尋晚搞到咁夜..今日2點幾先起身..

全日都唔多想落街..o係屋企睇下電視..打下機咁..

點知傑佬10點幾o既時候send左個sms俾我..話佢想去宵夜..

仲話想去打邊爐..我好耐都無打過喇..都好想去打..

咪去左搵佢囉..

佢問有無車..今日就無喇..(不過有都唔用啦..如果有車..咁咪無得飲酒..)

同佢搭車去銅鑼灣搵下有無得打..

行到去翠華對面..有喇..有間野4點半先收..不過就o係樓上o既..

好啦..照上..一上到去..立刻知道..一定係有勢力人士開架啦..

不過唔驚喎..我地係客人ma..有錢比就唔驚架啦..

今晚打左2個幾鍾..飲左4支..傑佬都唔飲o既-.-

打左250蚊..打完之後搭巴士返屋企..

返到去..訓左o係沙法..唔知乜事地訓到5點幾先去沖涼..

沖完就入返房訓喇..

第2日唔駛返工..之前講左話我今日要用車..

但係見到個天空落咁大雨..心情都唔係咁好..

o係屋企hea到5點幾..

落鋪頭..拎埋部車..

之後夜晚同老豆地食..

車左去柴灣食..

食完..上左屋企拎d衫落鋪頭洗..

今日發現..有車真係好方便^^

洗完衫..睇埋賭場風雲就開始我o既生活喇^^

拎住架車..第一時間問一問傑佬放幾點..放12..

之後車返d衫上去屋企..再去入左200蚊油(今晚就玩200蚊啦^^)

之後就兜下兜下咁喇..

11點幾..去等佢放工..今晚係咁落住雨..

之後又第一時間入石澳喇..

頂..入去都仲未大雨..點知入到去..超勁大雨..

出黎o既時候仲勁..搞到我要開住大燈加埋死火燈先得..

今晚對我黎講真係一個考驗..(諗下諗下..今日好似係我第一次o係落雨o既晚上用車..)

好驚險地o係水浸o既石澳出返黎..(真係大雨到乜都睇唔到..又驚會死火喎..)出返黎果陣仲差d因為(扇)胎而大獲..

之後就車左去銅鑼灣..兜左陣..再去埋西環..又差d去左d唔應該去o既地方喇..

返黎o既時候都點半喇..我好似約左個人出黎吹下水..聚下舊..

約左佢2點鍾..送佢放工..佢o係銅鑼灣返工..

咁我要快d喇..點知就係因為唔熟路..

行行下無啦啦有個差佬叫停我..

佢問我:[司機你知唔知哩度係全日禁區黎架]我話:[我唔知喎]佢又問:[咁你有無通行証丫]我:[無喎]佢話:[咁唔該身份証同車牌丫]

之後佢拎埋傑佬張身份証..俾佢叫停果下都ok驚..

因為話哂新牌仔..唔知佢會做乜加ma..

之後搞左一陣..唔知o係我好彩定佢趕時間收工..佢罰到我錢喎..

話做個警告算喎..

嚇左一餐之後就繼續車去搵人喇..

去到銅鑼灣..兜左ok耐都唔知佢間野o係邊..

所以就停左o係佢公司附近等佢行過黎喇..

我feel到傑佬好似唔係好like咁..

所以我就係咁易請佢食左個麥記..等佢條氣順d

買完麥記..shirley都到喇..

之後車左去一個地方食..佢地食完..兜多陣..2點幾就車返傑佬返去喇..佢要返學ma..好大雨呀!!!

車完佢走..shirley話請我食宵夜喎..叫我車去o禁錢..

o禁完..諗左陣食乜..之後都係決定返銅鑼灣食翠華食o既..

食完吹左陣水..3點幾就車佢返去喇..送埋佢上屋企..

走人..自己兜左陣..4點幾5點..泊返車..返屋企..

沖涼..(浪)埋d衫..訓喇..

今日終於都唔駛返工喇..

可能因為一連返左10日..個人有d散散地..

唔係好想落街..所以就咁成日o係屋企訓下..打下機咁過左一日..

夜晚叫左pizza食..正..好耐無食過加自己俾錢^^

好快就過左休息的一天喇^^

今日6點8到起身..

又係7點落街..搭車返工..

日日都..好累><><

去到牛頭角..又係o係seven買件三明治架咖啡..

之後就返公司喇..

今日早左d..7點8就返到去喇..

等左陣..經理返喇..

返到去之後又上左貨倉食早餐..

食完..落返鋪面..一早就要玩移位喇-.-

今日好似唔係訓得好醒咁-.-

因為今日有個人放左假..所以我朝早要o係鋪面睇..

睇到10點幾..返去剪臘腸..

之後就係咁剪..到左12點..又食lunch喇..

今日食o既係..乳豬加差燒飯..18蚊咁多喇^^

不過都ok正喎..又有一支水送埋^^

之後又返倉食喇..

食左3個字..又係時候眠一眠喇..

1點..落返去..又要睇一個鍾鋪..

2點..返去剪野喇^^

今日一路剪一路同貞姐..吹水..

講鬼野..鬼故呀之類果d啦..講到都ok恐怖..都ok毛管棟......

話咁快又5點..仲有一個鍾收工喇..

開始秤臘腸喇..今日要秤7斤..

3斤老豆..3斤阿婆..1斤蟲伯..

秤得完都差唔多收工喇..

收工o既時候勁大雨..不過好彩有阿芳遮我去地鐵站喇..

之後就big車返去喇..

返到去..首先莒左鋪頭先..俾左d臘腸老豆..收埋錢..

之後就上阿婆屋企食飯喇..

食完..返屋企..沖涼..打日記..

星期五返工o既時候..終於都有我o既fd陪我喇..

因為我搵左敖敖返..太好喇^^