今日星期六..記得尋晚同傑佬o係條街度hea左好耐

食左好多野..但係明明無飲酒架..點解好似飲醉左咁o既-.-

朝早11點幾起身..落鋪頭食飯..

之後hea到3點..約埋敖敖返工..

返4點..去到公司o既時候佢地已經pet好哂d野喇..

我地好無野做咁等左陣..

去到都有係咁易俾人話左2句..><

4點半行人..今日唔係光叔車呀..係一個未見過o既人..阿榮喎

4個人去..個阿輝都有去..(有佢揸旗..錯都唔關我事啦><)

去到..又係等囉..果個司機帶埋釣魚o既工具去@@!!!

等等下..同個阿榮傾開..係囉..我都未見過自動波o既貨van

原來係新車..咁都幾好喎!!!

之後佢又問我好唔好做..講講下..

原來佢覺得我係年紀好大o既人-.-

我話佢知上年考完會考..佢有d驚訝囉..

唔怪得佢問我做乜唔自己出返部車接jog啦..-.-

本身同敖敖都覺得8點前一定會返到去..

我地講o既時候係6點幾..得返2隻船未到..

點知等等下..真係成8點先返到去喎..

咁就有120蚊喇..講真..真係吹水多個做-.-

之後同敖敖食m記..食完就各自返屋企喇..

返到去..沖涼..睇波..打多個幾鍾機就訓喇..

聽日又要返8點呀..又要7點起身喇..

今日好累呢---.---

其實今朝就9點幾起左身o既..不過就look到11點幾..

唔知點解..哩幾晚都發d怪夢..不過怪還怪..但都係d好夢多..

搞到日日都唔想起身添^^

起左身..打機..今日唔係好想落街..

天氣唔係幾好><..打機打到2點幾..野都無食..

唉..都係落街啦..諗住去舅父度剪頭髮..

臨行前阿公地就返黎喇..話我知三舅父o係下面等緊佢地..

噫..咁咪有順風車搭囉^^

同舅父o係下面等左阿婆一陣..行喇..

到左之後..順便幫三舅父拎d野俾大舅父..

落到去髮型廳..見都ok多人..又見有d餓..

咪去買老麥食囉..都真係好耐無試過成個餐咁食喇..

我諗都有成個月喇..買返去食..

食完..再睇多陣報紙..得喇..到我喇..

今日有本雜誌..封面係d球星..我諗都有成30個..

我睇落去..得一個係唔知邊個..諗極都諗唔到係邊個><

最後都係要問人..好彩大舅父識o既..如果唔係就慘喇><><

剪完個頭髮..舅父叫我幫佢去太古買爆谷俾媽咪..ok

搭地鐵去..去到太古..行左陣..去麥記睇下先..見唔到佢喎!!

咁就去買我o既野喇..去到戲院門口..見到阿任婷姐(個妹個fd呢)

見到佢同個男仔一齊行..問下個妹佢係咪有男朋友先..唔係喎

係個男仔想溝佢炸喎..睇個樣..我諗就唔係好會成功喇-.-

買完我o既野..走人..搭小巴返去..

返到鋪頭..繼續睇報紙..睇睇下..

舅父仔無啦啦同我講..佢話上一次佢同個fd上去大陸o既時候..

去我地去開果間..知道左一d佢都唔知o既野..

因為我地次次去都係用中式o既..佢個fd上次就試左港式..

發現..原來佢會幫人出火架@@@@@@!!!!!!!!!

咁咪有色情成份囉^^

舅父個樣話我知想叫我同佢下次上去o既時候試下..138蚊2個鍾

噫!!!釣起哂人地條引^_____^......真係諗諗佢都好喎

繼續睇報紙..之後有幾個中學生o係門口行過..講哂粗口咁..又個個都一雙一對
喎..

之後佢地講笑咁講..個老伙計就同我講..話人地中學生都有幾條女o係身邊..

話見到我女都未帶過一條返鋪頭好睇唔過眼喎-.-

我都覺得-.-

咁我就做左佢地o既講題一陣喇-.-

6點半收鋪..放狗..返去食麵..今日煮麵..

食完..老豆地去行下..我就睇埋套錄左o既野..8點半到就返屋企喇..

返到去..還返300蚊俾阿公地..(今日無啦啦俾阿婆提返起我未還錢俾佢地..)

俾佢地o既時候..佢地好似好驚咁喎..阿婆話佢今日講下笑炸喎

我唔知呀..只係知道佢個樣好認真..我最唔鍾意就係人地成日吹我還錢架喇..
提下提下咁..超唔好受

佢地勁叫我收返..唔鍾意呀..咁阿婆就同我講話仲有果300蚊唔駛還喇bor..

我會還埋俾佢地架喇..雖然300蚊係好小o既數目..不過數還數路還路..

諗下諗下..仲要還500蚊俾舅父仔(上次幫我俾電話費..佢又係叫我唔駛還喎..)

還8500蚊俾老豆..2次整車><(同個個講都話..老豆果d唔駛還啦-.-)

之後打機..睇15/16..打機咁囉..

今晚三舅父無啦啦打俾我..問我上次o係碼頭落貨o既時候..

光叔有無同我地一齊出去..定一或得我同我個fd

光叔係有一齊出去架..問佢做乜咁問呀..

佢話喎..發達行話(幫人地定遊船出海o既一個機構..)

上次我地落d野食落船o既時候..d船亂哂喎..

但係我明明記得..我地係跟足張紙落加ma..點解呢..

佢問有無光叔在場..意思o姐係有o既話應該唔會錯啦..冇就......

聽完個電話之後..個心好似唔係好舒服..感覺唔係幾好受..

可能因為第一次返工第一次(錯)啦..

又或者..又講喇..由細到大都係大少生活..所以有少少野就唔開心囉..

不過算啦..o係人地眼中..咁o既野一定係好小事o姐..

不過..我唔係咁諗呢...............

今朝5點幾先訓..點知一早9點幾就俾一個細傑打黎o既打錯電話嘈醒左><

超痛苦><><訓返..訓到10點半..落去喇..

落到去..等左陣..食飯喇..

今日端午節..所以要做節..食雞呀..燒肉呀果d囉..

食飯o既時候同老豆飲左2支..

食完飯..好眼訓..又唔夠訓..又食飽..再加埋飲左酒><

睇完報紙就訓喇..訓到3點幾..

今日早d收..4點就收喇..收左鋪..老豆話去tea..tea完..

佢地去行街..我就好悶咁行下天悅..一條友-.-

行左陣..諗住買games..不過又無開到..

返鋪頭..落左陣..差唔多6點..

返屋企喇..行過天悅..有d想食燒墨魚丸..

諗下諗下..都係唔食喇..繼續行返去..

行行下..又行返去買喎..買左10蚊..9粒

返屋企食..食完..打機..今晚我食o既野就係最應節果樣喇..

今晚打機打到點幾..打返前2日o既日記先..

之後就訓喇......................

點幾落到去..食飯..

咁多日無上去上環..今日終於都上黎..

2點幾行人..架車咁快就整好喇..

尋日我先揸去整..個防盜壞左..

上到去..佢地o既態度就好似無乜野喇..

都係話咁耐都唔見我呀咁囉..

4點幾..走人..傑佬又話黎拎個相機今晚謝師宴用..

但係又唔見人喎..-.-

原來今日係舅父仔o既生日呀..真係唔知喎..

上完去..車架車俾三舅父..順便問埋佢聽日駛唔駛返..應該就唔駛喇..

返到鋪頭..睇報紙..老豆都知舅父仔生日..俾左500蚊佢@@

今日睇報紙o既時候..見到好多都有講上次post果單野..

睇睇下報紙..老豆無啦啦俾錢我喎..

佢俾錢我唔奇呀..不佢今次係俾..1張金牛..o姐係1千大元!!!!!!

佢未試過一次過俾咁多錢我架!!!

話五月份生意好..俾張金牛我袋下喎@@!!!

正..等我入左落銀行先..如果唔係..袋o係袋..一定勁快洗左!!!

ok啦..放完..返去睇完香港電台果套野..

今日就係講d小朋友11,2歲就要做工搵錢用..o係香港..

哇..咁辛苦..先得果少少錢..但係我今日就無啦啦都可以有......

係咪應該..要有d啟發呢..

食完飯..返屋企喇..打機..睇完15/16繼續打..

打到2點幾..睇波..5點先睇完..

之後刷牙..刷完行入去訓o既時候..

見到有隻勁大o既蜂..我諗就係竹蜂喇..又有d似大皇蜂..

以我bio..o既知識..我覺得..俾佢針到一定會好大獲@@!!!

我又唔想殺佢喎..(我不嬲都唔會一野二野咁搞掂飛入屋o既昆蟲架)

同佢對峙左好耐..差唔多半個鍾喇..

阿公都訓醒喇..佢問我做乜..話左佢知..

咁佢就用一樣叫報紙o既野..好殘忍地..KO左佢

唉..佢唔小心飛左入人類o既屋企..就會咁架喇..

5點半..訓喇..一陣間仲要12點落到去..做節..

係未打日記之前..post大家睇下一個最近香港o既全城熱話..
唔係<<達文西密碼>>而係<<巴士阿叔>>又或者叫<<未解決>>
http://www.youtube.com/watch?v=YY6JIfLrvJc
你地可以睇埋隔離果d其他版本..真係好搞笑..不過有d回應又真係好岩..我真係強烈見意大家用少少時間睇睇個網站!!!

今朝7點就要起身喇..返8點呀..

起身..野左早餐..去喇..

7點10落到去..點知果個阿輝已經pet好哂d野@@

又叫我返8點..但係又無野做-.-

8點3到..光叔到喇..走人..又去西貢喇..不過今日得我一個去..

6隻船..去到..仲有好多時間..

今日光叔同我講左好多關於溝女o既野..原來佢同三舅父都幾似架喎..

去到..又係等囉..好多人..不過都無尋日咁多..可能因為今日落雨

今日都係要打電話..11點就搞掂哂喇..

走人..要去中環車一車果個阿輝返去..

不過果個人連電話都無..打唔到俾佢..

去到..佢又走左喇..搞到要11點9先到公司..

咁仲好啦..照計鍾o姐..不11點9返到去..

因為光輝要整d野..所以12點先落車去收錢..o係車等o既時候好似搞到我係等緊
12點咁=.=

去真佢真係寫12點俾我..咁就多15蚊喇..

頭先就車到返公司o既時候..經過嘉亨灣..唉..駛唔駛咁呀!!

我見到一d多數女仔都會覺得靚仔o既男仕..當有架比較靚o既車經過o既時候..

個個好似隻狗咁衝埋去..果d地產經紀..做份工o姐..

我同光叔都話..要我地做乞丐..o係街乞食..都唔會做呢d

駛唔駛做到咁呀..一個男人..

今日返到去..d人有問我食唔食飯..唔係幾好意思o既......

做左唔係咁耐..食左2個細麵包..加多杯水就無食喇

光輝就有食飯..所以我等埋佢先走..

返到鋪頭..食飯..食完..睇報紙..之後返屋企..

返到去..睇電視..做[與我常在]..雖然我睇左一次..

不過今次睇..都有眼濕濕..雙魚係咁感性架喇!!!

睇完..沖涼..打機..8點幾開始睇電視..個美女廚房幾搞笑^^

之後睇埋X-man打多陣機..點幾就訓喇..

今日11點幾俾個電話嘈醒左..就係敖敖打黎話唔去得返工-.-

咁點呢=.=見步行步囉=.=

落鋪頭..食飯..食完飯..打俾三舅父話俾佢知敖敖唔去得..

佢話好大獲..問我搵唔搵到第2個..哇@@!!!

無乜辦法之下..周圍打俾人..好彩最後都搵到阿健幫手..

約左佢3點8等..今日返4-8..

3點4走人..去到..等左佢一陣..行去公司喇..

佢好快就知道要點做..開始pet野..

pet到4點9到..去西貢喇..今日好多船..有13隻-.-

唔怪得要多個人啦-.-去緊o既時候同光叔吹開水..

原來佢做埋呢幾日就唔做喇@@o姐係會由第2個人車我地去..

5點半去到..好多野呀!!!搬左去碼頭..又開始等喇..

今日一樣係好多人架!!咁o姐係都會有好多.......啦^^

等到6點3都係去得2隻船..光叔叫我打俾d船家話佢地知..

要打俾11個人@@我從未試過一日打俾咁多陌生人@@!!!

有d就ok好禮貌..不過有d就..好.......

今日搞到8點先走得..好彩有個人吹水o姐..

坐左o係碼頭吹左好耐水..講下近況咁啦..

8點半返到去..見到三舅父同三舅母..

太好喇..佢o係度..話哂都係佢叫我去做丫..

拎左錢之後..睇下聽日駛唔駛返..要喎@@!!!仲要係返8點@@

之後仲見到我老豆行過@@

拎完錢之後..走喇..三舅父車我返鋪頭..

不過返到去..準備去燒野食o既時候..打俾pansy先知..取消左..因為驚會落雨
喎..仲好..如果唔係返8點..我玩得幾耐呢..

咁咪打俾老豆地問佢地食左飯未囉..未喎..

又行返去西灣河搵佢地食..食完野之後

返屋企..諗住2點半睇波..不過沖完涼..打機打到12點幾就去訓左喇..

今日有太多船..好累呀><

10點幾起身..打埋個一半o既日記..煮野食..食完..差唔多2點..

打機打到3點..落去喇..

打俾pansy話佢知我傾日放8點..唔知去唔去到個燒野食..

傾傾下..佢問我借..魚絲-.-仲話而家落黎鋪頭拎-.-

好驚喎..不過我宦有o既..落到鋪頭..

搵左魚絲之後..諗住睇返果日錄o既野..

三舅父無啦啦打黎..問我會唔會有fd想做我果d喎..

話好快會唔夠人用..還掂請人返黎都係同我一(添)

咁不如請d我o既fd啦咁喎..(唔知點解..我之前都有諗過哩個問題..我諗..就黎
暑假..得我一個人做應該唔得架喎..唔知幾時會請人呢..)

點知..估中左喎..佢仲問我世盃果期..會唔會諗下返埋半夜..

做侍應..又有波睇..都係幫人拎下野飲咁o姐..

哩個呀..諗諗先啦..仲有2個星期先到世盃..

收左線之後..我第一時間諗到o既人係..敖敖

因為佢上次同我講過佢搵緊工..咪打俾佢問下佢有無興趣囉..

佢話好喎..咁咪打返俾舅父答佢..隔左陣..舅父又打黎..話聽日就有佢份..
哦..都幾快喎..

聽日又係返4-8呀!!!

好喇..我終於都可以睇返套野喇..睇左陣..5點幾果陣..

出面無啦啦同我講..話有個人搵李兆棠喎-.-

邊個呀?_?..哦..pansy姐!!!

就咁就同佢出左去..行下喎..

見到阿蚊..噫..返緊工喎..萬寧..

3條友就咁吹左陣水..吹完..同pansy姐去食左碗野..

然後再同佢去天悅..買串野果d珠珠喎-.-

佢問我知唔知邊度有..好難知架喎-.-

行左陣..搵到喇..咁2個人就咁搵珠珠搵左成半個鍾..買完..

佢走人..我都返鋪頭喇..返到去都就收鋪喇..

收左鋪..放狗..等埋個妹一齊去食飯..

食完飯就返屋企..又係打機囉..

打到3點..打埋日記..訓喇

頭先同傑佬講開..佢地聽日好似係要返學畢業禮架..敖敖都要返..3-6..咁佢點
同我一齊去呢-.-唔好play好喎-.-

10點半起身..好準時!!!

落鋪頭..好習慣-.-

落到去..等食飯..睇報紙..好一個程序..

今日食車仔麵..好飽-.-

之後好悶地等到2點幾..傑佬打黎..佢都好悶喎..

我今日又突然好想揸車..咪叫佢出黎遊下車河囉..

但係問左老豆之後話要上去賣野..果陣3點鍾..約傑佬4點啦

上到去..因為今日比較少..所以我講左句..今日好少呀..

點知..佢答我o既係..緊係啦..你地食慣大茶飯..緊係覺得少啦..

點解呢?_?佢話出黎..好有心病......

我諗諗下..知喇!!!可以真係前日上去..去第2間o既時候俾佢見到..

因為果間多數都係做(大茶飯)..唉..總之..我覺得有少少唔好意思啦..不過佢
地今日都有俾野食我拎走..

落返鋪頭老豆同我講..我地無做錯架喎..咁又係..

4點半到..打俾傑佬..都估到架喇..佢訓緊..

叫我自己兜住先喎..我都唔知去邊..車左去文理..

之後車車下..去左太古..泊好架車..去睇下火姐今日有無返工先..

噫..有喎..佢見到我..好興奮..問我點解o係度..

我點答好呢..我話..俾杯蜂蜜雪(利)茶丫..咁就唔駛答喇^^

問埋佢放幾點..佢話7點..當我心諗..傑佬多數都唔會到..

咪諗住行下..或者再兜下咁..7點接佢放工囉..

行下行下..5點幾..傑佬打俾我..話佢得喇喎..

哦..去車佢囉..約左o係我屋企樓下等..要拎野俾佢..不過搵唔到喎..

差唔多6點..佢到喇..噫..乜佢有染髮咩-.-唔覺喎-.-

搵埋佢一齊去太古..大家又行下..吹下水..食下野咁..

食燒墨魚(院)好好味!!!

吹吹下水..哇!!!!!!!!!知道左個好勁好勁o既事情

關於我間中學o既老師o既!!!!估唔到囉-.-

行下行下咁..去左冒險樂園行左轉..

又去下CD鋪..睇下人溜冰咁..好快就夠鍾喇

7點..去返M記..等左好耐..都未得..見到佢..仲工作中..

咁咪行過去問下佢幾時得囉..買左杯雪糕..點知佢話..

8點啦..等到8點啦..唔該啦咁講-.-

唉..同傑佬坐低左..佢就掛住狂send sms溝女..俾心機啦..

我就無野做地食住雪糕睇下女咁-.-

等到8點..終於收到個電話喇..得喇..

佢話換衫喇喎..同傑佬走左去睇下M記最近果個急口令點玩..5秒真係講唔到-.-

佢換完衫..又話叫我地等等..佢話有個fd都走喎..都係我個妹o既同學黎架喎..

我估中左..係一個叫任婷(唔知係咪咁打..)o既女仔..聽個名..覺得佢可能會ok
靚..

咁咪又等多陣囉..哩間  M記真係好多人做..仲好多靚女添!!!

不過肯定好多都未夠砰.......

差唔多8點4..佢出黎喇..2個都係著住校服..睇真d個樣..

點講呢..靚就真係ok得..不過又可以話佢QQ地..之但係呢..佢個樣又ok串喎..

不過聽佢講野..又係果d開郎型o既女仔..同傑佬都覺得佢好ok

唔怪得我有時同個妹出街話呢條女靚呀..果條女靚呀..佢成日都話..o係我地學
校..哩d少兒科炸咁啦-.-(佢讀o既係女校...)

見佢住o既地方..車阿火返屋企都會經過..o姐係順路啦..咪車埋佢返屋企囉..

如果唔係佢會搭電車..我話車埋佢..佢幾開心呀^^

之後一齊行去攞車..好彩我今次唔係泊停車場..係泊街o姐..如果唔係..咁多個
鍾..2個幾鍾..o係太古泊..30蚊一個鍾..就-.-

上到車..火姐爭住要坐車頭..傑佬都ok無奈^^(我後尾同傑佬講..如果好似今後
o係車咁係2對情侶..你話幾好呢..傑佬都好認同!!!)

婷姐問左個好有趣o既問題..佢問..可唔可以唔同安全帶架-.-我答..你話呢-.-

車左婷姐返屋企之後..送埋阿火走..因為大家都係住o係果個山頭..我同傑佬都
係..所以上緊山o既時候..

我刻意踏得好快..傑佬都好驚..但係阿火o既反應係..佢好鍾意..

仲叫我快d..之後仲要搞我隻手喎..(我後尾又同返傑佬講..如果我o係岩岩考完

車牌車阿火..未衰過o既話..俾佢咁搞法就大獲喇!!!)

佢係第一個坐我隔離但係會叫我揸快do既人@@

送完佢返屋企之後..同傑佬入左石澳..行行下..見到前面有架好慢o既車..

就爆過佢喇..不過因為時間o既問題..我爆爆下..見到前面有架對頭車黎緊..果
一刻..有(由而)差d就係咁先喇..

好彩我最後都堅持爆埋架車..但係爆完個心跳得好快囉>_<

爆完之後..我用左最慢o既車速行車..干時至少開60-80行..今日用左..40-50..

入到石澳..行左陣..睇下有無人燒野食

hea左陣..走喇..入左柴灣食野..又係用好黑人憎o既車速出黎..食大排檔..
正..都ok丫..

個啤酒小姐..好得..好想飲..不過..有車o係度呀>_<

食完野..要車去入油喇..唉..都唔知點解今日勁兜錯路..兜左好多路先去到入
油><

入完油..經過油站門口o既時候..傑佬發現到ada等緊小巴..

咁點可以唔車佢呢..一場同學ma..

佢見到我地叫佢上車..本身好驚訝..不過之後就好開心..

勁唔該我^^又話遲下會拎d野去我鋪頭賣..好丫!!

佢又問左我2個好有趣o既問題..一係..我識唔識去佢屋企(佢屋企咪又係頭先話
果個山頭-.-我都係住果頭架-.-)

二係..我係咪有車牌架喇-.-佢以為我揸大膽車..........

傑佬仲順便講埋我d威野..ada都話佢好多fd都考幾次先pass^^

拯救完ada之後..覺得..今晚好有意義添^^

去傑佬屋企..佢要拎野俾人..拎去西灣河一間糖水鋪..

有車真好喇^^去到..佢叫我泊正o係門口..話想俾佢之前個同事(佢話好得果
個..我都有見過)睇下佢落Benz個樣喎-.-

哦..佢拎完野俾人之後..唔知點解..我會兜入去鋰景灣..

行行下..傑佬發現到一個識得o既人o既身影..

咪shirley囉..佢應用係等佢男朋友放工啦..

傑佬話落車打個招呼喎..泊好架車之後..去囉..

見到佢講緊電話..同傑佬周圍行左陣..等佢講完..

之後佢地就吹水喇..唔知點解..我覺得我同佢..有少少相對無言o既感覺..

只係好淡淡地問左近況..其他時間都係傑佬同佢吹水..(後尾傑佬都話..我仲以
為你地會有好多野傾添......)

差唔多12點..走人..今次真係走喇..

返返停車場..泊返架車..返屋企..同傑佬行返去..好熱呀><

大家o既話題..變左講game......

菠到屋企..差唔多1點..沖埋個涼..打左一半日記..訓喇..

(今日..好似做左好多野咁..成晚都係同傑佬一齊..可能o係咁悶o既日子陪我..
真係好兄弟呀下..不過佢自己都悶o姐..揸架車出黎..原來可以充實咁多架喎^^)

10點幾起身..落街..唉..今日終都記得要去整戶口喇..

咁大個人都未有個戶口-.-經過銀行..噫..無乜人喎..正!!!

好快就整好喇..我入左500蚊入去..

開完之後..順便去埋馬會..因為上次開左個投注戶口..而家要補返個銀行戶
口..

搞掂埋之後..返鋪頭..等左陣..又食飯喇..

今日好似唔駛上去喎..o..連續上左差唔多一個月..終於都無得上><

食完飯..睇報紙..睇下電視..

3點到..家姐落黎..陪佢去食野..食完..睇到師傅..同佢傾左2句..

之後買左個(溜連)返鋪頭食^^

5點幾訓左陣..6點半收鋪..

今晚食o既野係..pizza..去買..正!!!

終於都有芝心喇!!!好飽-.-

食完..睇左陣電視..返屋企..今晚無得打機..電視有人用-.-

咁咪用電腦囉..玩玩下..雞脾姐打俾我..

問我星期六係咪去..因為之前約左今個星期六去燒野食..

不過約o既時候我都未有工返..而家情況唔同左..所以我都答唔到佢..

最快都要星期五先答到佢..不過..如果我去到就一定會去!!!

同返班舊同學燒野食..一定勁開心!!!

之後又同佢吹左陣水咁..10點半睇電視..睇完..打機打到2點幾..訓..

尋晚半夜用緊電腦o既時候..上上下now個網..

發現到..原來有好多野睇架..包括網劇..

仲有王子變青蛙..見無野做咪睇下囉..

又唔駛down落黎..又合法..點知睇左一集..發現..又幾好睇喎..ok搞笑喎..

仲要係原裝國語版個下正ma..不過睇左一集..已經2點幾喇

去訓..

今朝9點幾俾個訪問電話嘈醒左-.-

11點半起身..繼續睇..順便煮埋個麵..

一睇又睇左2集喇..差唔多2點..老豆打俾我話要上去..

落鋪頭..睇完報紙..行得..

上到去..唔係好多人..好快搞掂..就去第2間喇..

都係做同一樣野..半個鍾到..得..不過..

走o既時候..等緊舅父仔架車到果陣..俾上開去果間o既一個人見到..

死喇@@><..好彩我有急材話去完食野o姐..如果唔係..就..總之唔係咁好啦..

4點幾返到鋪頭..睇返尋晚叫老豆錄果套野..

睇完..差唔多收鋪喇..

收左鋪之後..放狗..今晚要等家姐一齊食飯..

老豆地話要去太古果頭行下..我就要去柴灣拎返d衫..上次未有貨..

7點..行人..去到..拎完野之後..行下行下咁..行左去文理..

由地鐵站行去文理哩條路..我昔日曾經每日都會至少行一次..

而家再行..百般(資)味在心頭..唔同左好多喇..

果時讀中學..日日都會經過..日日都咁行..而家再行..又諗下自己o既變化..

行到去文理..睇左陣哩間陪左我6年o既中學..

之後又行下以前去食lunch果d路..以前日日都成班人成班人咁笑下嘈下鬧下玩
下咁一日..

日日都一班人咁去食lunch..真係開心..又諗返以前o係學校o既趣事..

再睇返下而家..一個二個..都行緊唔同o既路..

好似阿sir咁話..有緣再聚..仲會有機會嗎???

再聚之時..會好似以前咁嗎..會一樣開心..一樣可以笑下嘈下鬧下玩下又一日
嗎..I..think..can..not..喇><

諗返起shine一首歌..好似叫做舊生會旅行..d歌詞..好正!!!

之後又行下以前放學會行o既路..懷(面)一陣之後..

7點半..搭車去太古喇..去到..老豆地o係m記..

咪行去搵佢地囉..順便睇下火姐o係唔o係度..好似唔o係喎..

我地就係咁坐o係度等家姐等左差唔多半個鍾..

8點半..去食野果度..都ok啦間野..

4個人食左3百幾..食完..返屋企..睇完向世界出發..

打機..打到2點幾..沖涼..打日記..訓喇..

咁又一日喇..太快..@@><><

(丫..頭先聽d新歌..發現哩期有幾首都ok喎..好似情歌的情歌, 願我可以學會放低你, 花灑, 感應,愛與被愛, 落花流水等等..都ok好聽架!!!)