今朝10點幾俾人嘈醒左..

阿公同個妹嘈緊..又係錢o既問題..

又係同老豆有關-.-好煩呀><><

我未知件事之前仲以老豆錯哂..

仲諗住一陣落去問罪..

點知清楚左件事之後..發現..誤會一場..說話o既誤會-.-

12點幾落到鋪頭食飯..

食完..開始..又hea..

睇報紙..(度)下今晚買乜波^^

舅父仔又問我聽日去唔去大陸..

我話就話因為睇波唔去..但係..其實都仲未忘記到.泰式><

下次啦..下次30號去我實去..

今日聽佢地吹吹下水..講開返大陸食狗肉..

知道左..原來如果你食完狗肉係唔可以立刻食綠豆架@@!!!

會死架喎!!!!仲真係有人因為咁死左@@

之後等到6點半收鋪..放狗..問下老豆今朝講果d野到底乜事..

發現左..真係誤會一個..

之後返鋪頭..同埋個妹一齊去西灣河食野..

去到等埋d人..7個..等緊野食到o既時候..

我同2個小朋友無啦啦玩13張..佢地..好勁@@

食到8點到..同個好返鋪頭先..

因為佢又約左阿雞整野食..老豆同alice地有野傾..

所以我睇住佢地..咁行過馬會o既時候..我行左入去..

不過最後都係唔知點解無買到寫好左果張..

等埋阿雞..返鋪頭整喇..佢真係一個好有趣o既女仔..

仲好鬼死串添..好彩呢樣野我不嬲都唔差o姐^^

佢仲好勁添呀..o係我個妹整緊曲奇o既時候..

佢好快手地就整左一d勁似(戀人)朱古力o既朱古力喇@@好好味^^

同佢傾開計..咁我就好鍾意估下人地d野o既..

都中左好多架..唔知點解呢隻獅子(座)都會對星座咁有興趣..

食正我樣強項喎..仲唔大大咁發揮下!!!

仲有..佢仲好鍾意..駛人唔駛本..仲下下大條道理咁喎-.-

不過都有唔該o既..見佢唔係咩..都ok..我先幫下手炸!!

整到11點幾..要走喇..不過今日多數失敗-.-

佢地話聽日再繼續整喎..哦..

咁走前佢無啦啦話我隻手..滑@@@@!!!!!!..仲..咩左幾野><

咁我緊係不廿(是)弱啦..咪玩左佢d頭髮好耐囉..(唔知點解我鍾意玩長頭髮女
仔d頭髮-.-)

咁行緊返屋企o既時候..佢叫我由第一個星座講到第12個星座俾佢聽..

講下好野..唔好野..性格咁..

哇..呢下野真係難到我..因為..我多數都係睇fdo既星座..

咁我唔係刎星座o既fd都有喎..點o姐..咪惟有記下之前睇過o既囉..

好彩都似(毛)似樣o姐..至少佢都有講..呀!!阿邊個邊個係咁架..

佢走左之後..我就同個妹返屋企喇..

返到去..無無聊聊地..咪睇下今日想買果3場波個塞果係點囉..

><唔睇都好d..睇左..好難過..

因為..中哂><我買3場過關..o姐係我買3場都主場果隧win..

我就有錢收..一場2.10陪..一場1.85..一場1.75

咁如果過哂..就2.10*1.85*1.75=6.7xxx咁多陪..

咁我唔係買得好大..諗住買20蚊o姐..咁20*6.7xxx咁多..

咪有差唔多130蚊囉..減返20蚊..都有110蚊收丫..

食餐飯都好丫..都唔知點解自己寫好飛..入埋馬會都唔買><

正傻仔><..舅父話..買3串1..有6陪幾..好多架喇..

如果買50蚊..(我買波一注自己同自己講最大o既成本..)就會有300幾蚊喇..><

不過算啦..唔算都要算><

12點幾..睇左陣電視..沖埋涼..打日記..訓
(今日咁俾人考左我一考星座o既野..唔得..要上網溫返下先得!!!)

唉唉唉><><><><><

今朝早我11點幾起身..落去食飯..

老豆叫..落到去..食完飯..

就開始坐o係鋪頭喇..

3點幾o既時候..有個老豆o既熟客..

佢係做運魚o既..所以有架魚車..貨車黎..

咁老豆無啦啦叫我上車..睇下係咪好好睇位喎@@!!!

雖然我個車牌係可以揸呢d車o姐..不過.......

但係我最後都係出於好奇之下..上左車

玩左陣..(可能-.-我黎時就係咁搵食架喇><)

一直到6點半收鋪都無乜特別事發生..

不過鋪頭今日o既生意就唔係幾好-.-

收鋪之前..個妹返左黎..一返黎就同我講佢有條數唔識!!!

係圓形果d><你知啦..我咁耐無睇過..d公式都唔記得啦..

咁我用左好耐好耐時間..都計到><><

如果會考用咁耐先計到就一定死緊!!!!

收鋪之後..去放狗..食飯..

同老豆地食食下飯o既時候..我問alice..

o係外國係咪真係會有人o係高速公路叫hello咁希望有人車佢架..

佢話..電視毫有得做..如果係真實..

多數都唔會車..因為唔知會發生乜事..

除時殺左你..拎埋架車走都唔知><@@!!!

佢仲講左好多情況!!!(好恐怖呢)

等我仲一路以為會有d咁o既情況添=.=

食完飯..同佢地去左買衫..alice買左2件什我..一件俾個妹..

之後我就同個妹返屋企喇..打機囉..

打到10點半..睇電視..向世界出發..

今日睇..又有d野..可能係因為由羅家英---一個有絕症o既人講..

我總覺得好有道理..要人去反思..

好似佢話..人係求生..唔係求死o既..(等我仲成日諗住個死字><)

有好多我唔識講呀..你地可能o既話..自己睇下丫..

我諗..一定會令你地有所得著..一定會令你地o既生活有d改變..

佢尋日講咁多..最最令我有感覺o既係..

一個人..佢未經歷過大病..未試過入手術室都唔知有無命出返黎o既時候..佢從
來都唔會知生命係點..

佢從來都唔會覺得死亡離自己咁近..由其係香港人..從來都唔會諗..可能聽日
就會死..可能下一分鐘自己就唔o係哩個世上..

佢又話..自從佢經歷左死亡之後..先發覺自己活左大半世人..先明白..原來最
重要o既都係珍惜眼前人..(好似成日聽咁..不過..可能係因為我而家唔知自己
做緊乜..所以都好有感覺..)

又話..一個人..當佢40歲之前..佢都仲會好有衝勁..但係當佢50歲,60歲o既時
候..佢慢慢會覺得..死亡..其實離自己好近..

已經唔係好耐好云之後o既事..咁到時..

日子一日一日咁過..佢就會覺得..唉..我又少左一年喇..慢慢慢慢就會..唉..
我又少左一日喇..之後係..我又少左一分鐘喇..

佢係一個過來人..佢明白呢種感受(我都有咁o既感覺..我係日日都睇住我媽咪
一日一日咁......><死喇..又講><)

佢話點解唔可以..呀.我又多左一年喇..我又多左一日喇..陽光仲係咁美好

咁我聽完之後..突然有好多野諗..

我諗我自己..雖然而家我得19歲..但係..

當我50,60歲o既時候..日子一日一日咁少..我會覺得..我仲有幾耐命呀..

如果就咁死左..人生咁多年..乜都會無哂..如果當時我仲有遺憾o既..仲點可以
改變..

到時只可以帶住遺憾離開..到時o既我..

唔知會唔會諗..我而家唔夠時間喇..19,20歲o既時候..仲日日o係屋企打機浪費
時間..乜都唔做..

到時我會唔會後悔而家呢個唔知做緊乜o既李兆棠呢!!

我諗..我會><><><><

(咁..到底我而家係咪要做d野呢..)

如果到死先發現自己一生..乜大事都無做過..無無聊聊咁過左..我覺得種感覺
一定會好難受!!!

反思左一陣..搞到機都唔想打..咪睇電視囉..

睇到2點幾..睇完套戲..去訓喇..

點知..o係上左床未訓著o既時候..自己又諗野喎..

我諗..到或由我開始學車到而家..發生左d乜野呢..

慢慢諗..一個一個月咁諗..有好多野都唔記得左..不過好彩..我有打日記..可
以睇返^^

不過我唔係想講呢d呀..我係覺得..由有讀書變無讀書..做埋雙失

由多(資)多彩o既生活變到而家咁頹廢..

由有車牌o既意氣風發變到而家o既唔敢揸車..

由果陣時發緊個夢..好開心變到而定個夢醒左..連朋友都唔想做

由我仲覺得自己可以溝到女變到而家好似電車男咁(笑)

由日日揸車出去玩..變到而家做隱蔽青年..

這些..就是我的改變..我是希望變成這樣嗎..有人希望變成這樣嗎..

我就好似放棄左自己咁..最恐怖o既係..過左咁多個月..

其中有個幾月o既時間..係無左..2月尾至而家..

無左..係無左記憶..點解..我諗大家都知..

因為我日日都咁過..打機睇電視打機睇電視..無變過..咁又點會有記憶呢><><

我就覺得自己好似浪費左好多時間咁..好唔應該..

果陣時2點幾..我真係諗到好唔開心..好唔開心..好想打俾fd傾下..

但係..諗到咁夜..一定訓哂..所以最後都無打..不過就勁亂諗..諗到訓左..

當時..我最想打俾佢o既fd..唔係傑佬..而係......妳(但係我應承左自己..唔
會再搵妳..哩個信念好強大)

我以為訓左會無事啦..點知第2朝起身..打日記o既時候..o姐係而家..

又黎..今次我諗..可以因為我尋日教左個妹一題數..

我就諗返自己..會考前都仲好有衝勁咁準備會考..仲係一個識做數o既人..

而且當時我亦都以自己有超好o既中文成績,中文水平為榮..

但係今日打打下日記..我發現自己d中文水干唔見哂..尋日做數..發現自己d努
力亦都除住頹廢o既生活而變得蕩然無存..

好似乜都無哂咁..學過o既野..數學..中文..經濟..好努溫過o既..無哂..乜記
憶都無..

果種感覺..好空虛..好難受..就好似一場夢咁

由我出世到而家..就好似一場夢咁..有乜野我係成功咁做過..有乜野我係為左
自己而真心想去做..有乜野係要留戀..

(好似講到自己就要去殺左自己咁添><><)

不過可能你地遲幾日會見到報紙寫:一名年約20歲青年..昨日不知因何事而3料

自殺..之類果d啦

講笑還講笑..不過..我而家真係好想問一句..有無人幫到我呀!!!!!><

今朝11點幾..老豆打俾我..除左嘈醒左我之外..

仲叫我今日早d落去..

可能鋪頭就用哂錢..要上環掛..

咁我咪諗住2點半到落到去囉..

因為老豆不嬲都係等上午收左市先上去o既

因為價錢會唔同..2點半開市..

咁我12點幾搞掂..行緊落去..就到o既時候..

老豆無啦啦打電話黎嘈..佢話做乜咁耐

鋪頭無哂錢喎..我咪話囉..我以為你收左市先上ma

咁如果2點半收市..我12點幾落去都唔算遲掛..

有d唔係幾滿意囉..我對呢個誤會..

因為我老豆都好耐無用過咁o既語氣同我講野..

落到去我就無同佢講野喇..

如果我唔係見鋪頭因為好生意先用哂d錢..

我就一定會嬲返一排先..

係佢自己講得唔清楚喎..又要鬧人-.-

又話佢地飯都未食..等我開飯咁喎..

咁我咪話你地食啦..我唔食喇..

落到去佢地食緊..個個都叫我食..

我又點會食呢..雖然我好肚餓..

之後點幾鍾上去..落返黎o既時候2點幾3點..

傑佬叫左我出去食野..

咁我同佢去左西灣河食..食完我就返屋企喇..

今日同佢吹水..好多時間o既話題都係圍繞住..

如果我地果陣時好似而家咁o既思想..........

當然唔少得o既..係有好多賤野啦......

5點幾就返屋企喇..打機..

打到2點幾..(早)少少訓啦..

(今日打打下機..睇無線套向界出發o既時候..覺得有d感觸..唔知點解呢......)

今朝11點幾起身..因為尋晚睇波..

hea下hea下..3點幾先落鋪頭..

落到去..又係hea囉..

睇下報紙咁..6點半收鋪..

放狗..之後返鋪頭..食抄公仔麵..

都真係ok好好食喎..係佢整o既..

我食左好多!!!^^

8點到..返屋企..行緊返上去o既時候..

見得閒..咪打俾阿盈囉^^

因為佢有野做..所以無吹到水..

繼續返屋企..返到去當然係做返果樣野啦..

緊係打機啦^^9點到..阿盈打返俾我..

吹下水咁..好野..有人唱歌我聽!!!

不過講真..真係幾好喎!!!!!!

仲搞到我要去down埋首歌添-.-

點解個個都係咁講o既-.-

我差唔多個個fd都係咁講..

人人都話..我o係電話打聲同我真人個樣好唔mach><

點解o既??????我諗係聽我把聲唔會覺得我咁樣衰><

之後傾到10點到..我繼續打機..

又過返d顛倒o既生活喇-.-

我今晚勁同自己講..要早d訓要早d訓..

不過..最後都係成4點先訓-.-

今日鋪頭有個伙計請左假..

所以要早d落去..但係我都成11點半先落到去

去叫野食..超肚餓..但係又有生意喎..

結果我要差唔多12點半先食得野..

咁因為朝早收左好多..所以就算今日係星期六都要賣野..

(@@已經連續上左4日喇!!!)

搞掂左之後3點到落返鋪頭..

又係幫下手咁啦..今日我學到o既野就係

識得睇鑽石!!!老豆教o既^^

6點半收鋪..放狗..去食飯

食完就同老豆地返屋企喇..返到去有波睇..

所以睇左陣電視..12點到先開始打機..

咁我打打下機..打到2點半到啦..

突然間聽到下面好嘈..好似有人癲左咁..

勁叫勁喊..又喊打喊殺..

係喊哂咁喎我住o係21樓..佢同我o既距離我諗有30-40層..

但係當時好夜..無乜聲..所以佢地講野我聽得好清楚..

o係度講埋d乜野[你老母x],[打x我丫],[一係你就打x死我],佢真係失左控架..
聽佢把聲真係可能會出事

佢身邊係有10幾個fd..但係好似無乜人幫佢咁..

我仲聽到好多叫囂聲..

咁我決定報警..但係我拎起左個電話o既時候..

就見到有3個警察去到現場喇..仲係撞埋去添

然後我就開始隔岸觀火喇..

佢真係好癲..[你放開我呀],[一係你就放開我,一係你就打x死我]

[你做乜屌x我呀]連個警察都話..[我無屌x你,我想你冷靜d]

搞笑o既係..有好多夜晚唔返屋企o既青年,仲之有好多(好奇)o既人都走去圍住
睇..

我真係好想落埋去架..話哂少遇到ma

結果仲有埋救護車添呀!!!

但係都無用到..搞到3點半到就搞無事喇(我諗)..

因為我見到警察同果個人同埋佢o既親密女性朋友一齊送佢返屋企..

但係老實講..到最後我都聽唔清楚..到底發癲果個係男定女-.-

散場之後..我就去沖涼喇..

沖完就訓覺喇..

(今晚我真係好似睇戲咁睇!!!)

因為尋晚o係傑佬度睇波睇到4點幾先返屋企..

所以今朝6點先訓..訓到點幾..

起身..食左d野..之後開始睇一套戲..

我想睇好耐..我個妹近日幫我down左落黎睇..

其實我係想買碟睇架..不過等極都等唔到佢出碟><

套戲就係NaNa喇..好好睇架!!!

不過我睇左半集就要落鋪頭喇..

4點到落到去..去賣野..

上到去..同d人吹開水o既時候..

佢地無啦啦講下笑咁問我一個月用幾多錢..

我諗諗下..都真係唔知有無1千蚊-.-

佢地話洗多d丫ma..-.-後生仔..咁我都諗唔到點用d錢=.=

返到鋪頭..睇返尋晚叫老豆錄果套[來者不善]

睇完..差唔多收鋪喇..收左鋪..又係放狗食飯啦..

去到食飯o既時候..有碟抄麵大咸..

同果個人講o既時候..佢都覺得..所以佢無收到我地錢-.-

咁間野我地又係成日去o既..

食完飯..返屋企..之後又係打機咁啦..2點幾..訓

今朝7點幾俾阿婆嘈醒左><不過訓返..

訓到11點到..起身落鋪頭..

落到去岩岩好食飯..食完..睇報紙..

之後同傑佬傾左陣電話..

今日睇睇下報紙o既時候..見到單新聞..

[結他美少女上網呃錢]

@@!!!!!!!!!!!!!!!!!!!!!!!!!!

有d野喎..咁我就睇內容啦..點知..真係

真係同我上次o係icq識o既女仔做o既野一樣

o姐係我都遇過-.-不過我就緊係無好似d傻仔咁俾左8千蚊啦..

事情係咁o既..上次無啦啦有個女仔o係icq識我..

之後仲極速交換左電話..咁交換左之後都叫做有打過黎o既..

o係icq就傾過幾次..就係我諗係識左佢一個星期到之後..

有一次同佢玩icq..佢無啦啦話好快就同唔到我接觸..

因為佢屋企人唔俾佢上網識男仔..要收佢電話同唔俾佢用電腦喎..

又話好想同我一齊..好想做我女朋友咁(留意!!見都未見過..識左個幾星期..不
過佢個樣我就見過o既..icq有相..)

http://hk.pg.photos.yahoo.com/strawberrygirl0303..係度-.-

又話佢同佢媽咪講左係o係結他鋪識我..

話只有我交3千蚊去學一學先可以見到我..同我一齊喎

話佢之後會還返d錢俾我..如果我愛佢就要去學-.-

老實講..唔愛架..又唔想玩..

咁我咪佢理佢囉..佢之後又話呀..原來佢都唔愛我o既..

搞到我都忍唔住要嘈下..send左段好正o既說話俾佢

就delete左佢個名喇..咁就無搵過我喇

講完..但係睇報紙..原來佢之後會叫你俾埋佢果份..

之後同你一齊幾日..就會自動消失..

我當時一遇到完就同d朋q講..有無人咁低能會信呀..咁傻仔..

尋日發現..真係有!!!同傑佬講佢都覺得好鬼好笑∼∼∼

仲要有20多個..有8個人報警-.-

佢地係同d(同學)上上下堂講開點解o係度..先發現俾人呃左..

實在係太低能喇..咁都會信..我哩d咁想拍拖o既人都未信啦..

佢地真係餓女餓都傻左..諗起都想笑..8千蚊喎..

講完..咁我睇完報紙..等左陣老豆就話要上環喇..

(咁我係咪要同警方交涉呢..^^)

今日用黑色果架..咁上到去啦..舅父仔停車俾我落o既時候..

駛埋一邊o既時候係無打燈..不過有踩腳制..o姐係後面d車都會知

但係後面就有一架車好唔滿意..勁(必)

必完經過o既時候仲要整低個窗(屌)..

[你識唔識x揸車架..停車唔x睇後面d車架..你有x無野呀..你老x我真係想車埋
你度架..你老xxx]

我舅父不嬲都出口成文..緊係有回應啦..又整低個窗

[做乜x野呀..你痴x線架]

條seven勁x串..佢媽媽丫..(呢d我o既^^)

如果我唔係拎住咁多錢..再加上舅父仔真係有少少唔岩先..

我一定會屌爆佢個咀(唔好意思..粗俗左少少呀)

後尾舅父仔講..我係有唔岩..但係你落車屌..就係問題啦..

又阻住後面d車喎..舅父仔話香港大把人都係唔打燈停車啦..

如果你個個都落車屌咪好x唔得閒..

果單野最後係..岩岩有幾條差佬經過..同條友講..[開車開車..唔好嘈]

前前後後都唔夠10分鐘..

咁我就繼續上去喇..今次上到去賣野果度..同d人有話題(好少有)

個話題就係..講波..佢地話今晚點買..睇我頭喎

傾左陣..之後就走喇..返到鋪頭..

同老豆講左..老豆話..有時果淡氣就係咁架喇..

之後等到收鋪..放狗..同老豆傾左d野..

去食野..得我同老豆o姐..食完..返屋企

順便買埋啤酒..o係ok買30.5二技...我買左-.-

點知行行下..上到惠康睇(因為要買薯片)發現..27.5二技><

算啦..返到屋企..打機..打到12點幾..睇左套野..

繼續打..打到2點9..睇波..睇完就訓喇..

(今日呢單野..如果係發生o係我身上..可能交都有得打呀!!!)

今朝一早8點幾俾個電話打黎嘈醒左..

原來今日要9點鍾落到鋪頭..因為要去拜山

咁我惟有極速咁換衫落街喇..

落到去..搞左陣..結果都係要9點半先行得..

我地決定搭船去..搭左大約15-20分鐘到

去到將軍澳..不過落船o既時候..

老豆因為企唔穩..所以趺親..仲流血..

都ok大獲..不過都要繼續行..行左30-45分鐘..

上到山喇..期間見到d好搞笑o既野..

2隻好搞笑o既狗..又見到......好多人-.-

上到去..拜左阿爺先..搞掂唒d野之後..

老豆又同我地講道理喇..

講左陣..走喇..因為要去拜阿痳喇

行左10分鐘到..到喇..拜完之後..

食埋野..拜山果d呢..咁就落山o既..

一路落山..老豆一路講..一d問題啦..

落到去我地仲見到無線架新聞車添..

之後去埋拜4叔..就走喇..

果陣差唔多1點..咁我地走之前..去左行一行鋰魚門

睇睇一dok有特色o既野..又買下野食咁呀..

行行下o既時候..俾我發現左..原來住鋰魚門都幾好

就算唔住..第時有機會..同自己覺得應該同o既人黎下..都好正..

因為經過今日一行..以我雙魚座o既特性..已經諗到一條好浪漫o既程式喇..

行左陣..買完野之後..又搭返船返去..

返到鋪頭..排隊沖涼..因為個個都好.........

沖完哂..我最尾=.=3點幾..

老豆今日收3點半..收左鋪之後..舅父仔去左拎車..

因為..要起程喇^^上大陸

做咩^^同家姐..amy姐姐一齊上去..按摩囉

舅父仔車埋老豆去睇腳之後就去接amy姐姐喇..

接完..去上水..我要認下d路先得..

我地經過吐路港公路..@@!!!果度開到110都好似好慢咁架-.-

到左上水之後轉火車.好耐都未搭過喇-.-

飛埋個電話去舅父仔陪機度..佢有漫遊呀

搭火車搭左一個站..去到羅湖..就過關喇..

用e道過關真係好方便架!!!

過左香港之後..再o係果邊搞埋可以用e道咁o既形式過o既服務

過2邊加埋都唔駛10分鐘..好鬼快..可能又唔多人呢

去到果邊5點到..果間野架專車開左..如果等要等30分鐘..

所以我地行過去..原來舅父仔同amy姐姐o係果度o既熟客黎架..

(佢地打去o既時候仲book埋d女仔..係用號碼架..o姐係..我要158咁..搞到好
似.......)

行左10分鐘到..到喇..都幾大喎間野..又係有幾層果d

d服務員又有禮貌喎..又..咩啦下^^

間野仲有免費野飲..免費生果食架!!!

去到d人勁叫佢地何生,何太咁@@!!!

決定好做2個鍾腳3個鍾身之後..就去換衫喇..

入面都有人服侍架@@換好..上三樓..因為會少人d

我地4個人就用左一個好大o既地方喇..

咁我個人每次去親d唔係好識o既地方都會好多野問加ma..

家姐又話我煩..勁唔答我喎..好彩有amy姐姐o姐..真係好人喇..

等左一陣..d人入黎喇..首先係做腳底按摩..

未做過o既人多數都會覺得一定好痛啦..不過原來唔係喎

都幾正丫..之後仲做埋收甲..磨皮..採耳添-.-

條友好整唔整..幫我搞隻有問題o既腳指><

咁咪又係搞到流哂血咁囉-.-(不過都有d成果o既..)

做o既時候傾開..佢地都唔覺得我得18,9歲-.-

做完俾小費佢地o既時候仲唔可以俾人見到架@@

做左2個鍾腳之後..因為amy姐姐要等佢個專用人..8點先得..

所以我地做到7點9就去食d野先..食左碗粉..

果度有得食埋架@@!!!..仲係果d服務員整添@@

佢地真係萬能架@@食完..就去做身喇..

唔知點解..由我開始做到而家..已經去左3次廁所喇-.-

咁我同舅父仔一間房..佢地2個一間..等左一陣..有人黎喇

做做下..聽佢2個用普通話傾計..一個話24歲..不過未結婚..

另一個覺得好奇..同上幾次我聽到大陸女仔講咁o既話題o既反應一樣..

原來o係佢地心目中..22歲以上結婚就算大架喇@@!!!

咁開頭按按下都無乜野架..佢仲話我受得力..

但係按左2個鍾之後..佢無啦啦由中式轉左泰式..

立刻就挑戰人類o既極限喇><..都ok好痛..

不過佢話有(少少)痛先有效果喎..咁我咪忍下囉..

無錯..做完係幾好o既..不過真係好痛..下一次我一定唔會用泰式

做到11點幾..走喇..咁等緊amy姐姐地o既時候我咪睇下女囉..

唔知點解總是覺得..大陸d女仔同香港果d好唔同..

我同舅父仔等緊人o既時候佢地服務都好好架!!!!

不過話睇o姐..都無乜心機..一來好眼訓..二來好鬼痛..

又唔可以講喎..你知啦..講出黎好樣衰加ma

佢地問我做乜唔講野..我咪講眼訓囉><

家姐地就話正呀..4月尾果2個星期日再上黎..

但係..我發誓..一定一定唔會做泰式><><

11點9到..走人..有專車車我地去關口..

過左關..搭火車返上水..o係火車站有d一串串o既野食..

買左d..之後去拎車..o係車食埋之後就走喇(有車真方便!!!)

舅父仔車返我同家姐返屋企之後佢自己先車走..

返到屋企..差唔多1點..沖涼..打左半日日記..太眼訓..訓喇..聽日先打啦><

(今日去按左咁耐..每人我諗要俾百幾2百蚊..不過舅父仔只係收妖左我同家姐
一人一百..我計下條數..小費錢佢出..泊車佢出..又包底..咁佢差唔多要成5百蚊先得喎!!!)

不過..其實都唔算貴丫..4個人..成6個鍾喎

老豆叫我今朝12點前落到去..因為做節..有飯食

但係我11點9先起身..極速咁搞掂..

12點2到落到去..不過都無做節..就咁叫左d野返黎食就算

咁我今日全日就係咁o係鋪頭過..

收左鋪之後..家姐落左黎..一齊去食飯..

叫個妹o既時候佢話約左fd..想唔黎咁..

不過老豆就要佢黎..結果係叫埋佢個fd黎..

去到食飯果度..等左陣..佢地黎喇..

哦!!!原來係呢個fd

係一個叫阿雞o既女仔..佢個樣真係好似我以前讀文理隔離班果個靚女!!!

不過佢因為細個..如果大多2,3年..真係唔得了@@

咁食完飯..老豆地要去太子拎野..咁我就同家姐地行返鋪頭喇

因為我個妹同阿雞要o係鋪頭整曲奇喎..家姐又要去街..所以要我睇住佢地-.-

行返去o既時候..我順便去埋天悅..今次有得賣喇..隻game-.-

又因為老豆唔知..買埋波添^^

我買完返到鋪頭..佢地已經整緊喇..

我見佢野做..咪幫下手整囉..開頭我睇下架炸..不過見佢地要幫手..咪好好人
地幫手囉..

我個妹話就話一齊整..其實就得阿雞同我整-.-佢去左睇雜誌-.-

呀..哩個女仔都幾玩得喎..好易就熟左喇..

今次係我第3次見佢..之前2次都無講野o既..

佢好勁架..識日文架..又識野好多野食..又好鍾意睇動畫同食朱古力-.-唔怪得
同我個妹咁夾啦

不過聽我個妹講..佢個家庭就好似唔多健康

但係o係佢o既行為一d都睇唔出佢有唔開心o既野@@

有一個最緊要o既point..就係......佢係(正常)o既..

因為我個妹讀女校..太多fd係......咩喇..由其係靚果d-.-

咁我地就睇住無間道整-.-佢又未睇個喎..又勁問..點架..點呀..之後呢..

你地知啦..第2d戲就話o姐..而家係無間道喎..點講都講唔清楚啦

同佢傾傾下..發現原來我個妹識佢有一段時間都唔知佢幾時生日..

咁佢地就交換生日日期喇..我個妹講先..

之後我叫佢唔好講..等我估..如果我估..我第一會估佢係人馬..

因為性格似..開朗..樂天..熱情..積極..熱愛自由..好多好多朋友..不過就有d
三分鐘熱度..

但係佢話大個我個妹..我個妹天秤..咁佢就唔會人馬啦

所以我就估..獅子喇..都係一d正面o既星座..結果我係估中左架^^

好有成功感..我呢個對星座咁有研究o既人..第一次証明到喇..

同佢地整到11點幾..阿雞真係好玩得..幾好丫^^

一齊行返屋企..因為我地返屋企會經過佢住果度..

我返到屋企..睇波..睇左1場..訓喇..有d眼訓

(今日幾happy丫..唔知點解..o係我d咁o既生活裡面..如果出現d咁o既女仔..可
以令我無咁頹廢..同埋同佢地一齊整野..俾我發現到..我對住d15,16歲o既女仔o既時候..自己o既處事能力都幾高!!!)

原來獅子座o既女仔係咁o既^^

今朝11點幾起身..起左身3分鐘..傑佬就打黎喇..

佢問我借收音機..要借俾人考試喎..咁我咪要落鋪頭搵俾佢囉

佢又話今日去踢波..問我借埋件曼聯波衫..

又介紹左一首歌俾我..十分．愛喎..

佢send埋黎添..合唱and獨唱..都ok喎

約左佢點幾等..點半.拎左野俾佢之後..同佢搭埋車落西灣河

我就自行返鋪頭喇..敲到去..冉佢搵..不過搵唔到

但係我又應承左佢喎..咁我咪要去買俾佢囉..

買左我30蚊呀..不過我會問佢拎返^^

買完..老豆話要上去賣野..咪去拎車囉我..

今日家姐都去..我揸車..好野..佢同舅父仔都訓得好好..

o姐係我d技術又進步左啦^^

去到..等左好耐好耐..差唔多一個鍾先得..

搞掂之後去左食九記..食食下..無啦啦果度d人講媽咪..

唔知點解..我媽咪唔o係度..o係上環一間野o既人都會知..

不過果度有一個伙計係同老豆幾熟o既..

以前又住o係我鋪頭條街喎..可能因為咁啦

食完..我揸返車落去..返到鋪頭..坐左一陣..

就同家姐去睇舅母喇..

去緊o係時候..又講我o既話題..又問我係咪想搵野做架..咁

唔好日日都咁過呀..咁..話煩姐..

不過又真係一d中point問題黎架喎-.-

去到..同舅母傾左陣..傑佬打俾我..

話佢最後都係踢波踢到請假-.-過左鍾..

咁舅母又話想見佢喎..咁我咪叫佢黎囉..

好奇怪..其實唔係我叫佢黎..係我舅母想見到..佢話而家黎丫咁架..

好少見佢咁熱心架喎!!!

等左佢9個字..佢要o係柴灣搭車黎油痳地..

之後去接佢..我唔識行..差d行左去d唔應該去o既地方>m<

接左佢之後..去睇舅母..我都唔知佢幾時變左我舅母個(義子)-.-

8點幾..走喇..同舅父仔走..之後我就同傑佬返左鋪頭..

今次係因為敖敖要收音機..要去搵俾佢..好奇怪..今次又搵到喎@@

搵搵下..見做緊鐵血大結果..咁咪睇完先拎俾敖敖囉..

拎俾佢o既時候..又吹左陣水..結果我同傑佬係10點半先去食野架..

仲要係去火鍋喎-.-食到12點幾..

我只不過係飲左2技o姐..就語無倫次喇-.-

屎左咁多o既><我地一路打..一路聽到隔離果(台)

勁講電話..氣氛仲超唔好添呀><

12點幾..搭的士返去..返到去..睇左陣電視..沖涼..

之後hea多陣..訓喇..醉了><

(今日傾傑佬同敖敖傾計..佢地講讀書o既野..我都無得講..因為我而家只不過係一個雙失..無乜野好講><)