今朝又係9點幾10點就起左身喇

俾人嘈醒..我醒o既時候老豆岩岩落街

起左身..例行公事..打機

阿公地11點就行喇..佢地去早一日..中山

我地朝日先去..因為回鄉証未得..

打機..打到點幾..食左d野

2點半到..問老豆今日係咪去買野

3點到見到老豆..之後去深水踄黃金商場買野

不過去之前要搵永亨銀行幫人入左錢先

入完再去買野..我都睇死老豆地行唔慣黃金商場d咁(big)o既地方架啦

咁距等我同個妹入去買..佢地o係出現等囉

行左陣..買左本搵左幾日o既攻略^^

之後又買左d碟套呀..買左個新鍵盤..不過最重要果樣野就最後先買

係喇叭..換左個喇叭220蚊..SAMSUNG..o既

買完..去左一間茶餐廳食左d野就走喇..

我都仲未買到我想買好耐果樣野..mp3條靜音線..

之前買果條用用下有一邊聽唔到-.-

咁我咪走去188睇下有無得賣囉..佢地走先

見就見到有呀..不過等左條友好耐先得閒><

150蚊..好正..都ok抵丫..

之後立刻換左佢..打俾老豆問我返邊..

佢叫我返屋企先..一陣間7點幾先落返鋪頭煮飯食..

咁我咪搭車返去囉..諗諗下買..醒起要俾隻碟傑佬..(尋晚燒果隻)

我有帶o係身喎..咁咪o係鋰景灣落車..打俾佢..睇下點俾佢囉

點知隻野又唔聽電話..搞到我有一刻都ok無奈..

咪惟有打俾小璇囉..約左個地方,時間俾碟佢..

不過要等成4個字..唉..無辦法啦..今日唔俾佢地..要等多3日架

周圍行下..又坐下咁..時間到喇

不過當我準備行去搵佢o既時候..又俾我見到傑佬喎..

俾左隻碟佢..不過都係要等埋小璇..叫做約左丫..

睇哂之後..走人..果陣7點

老豆話7點幾..電話又未到咁喎..咁我咪坐左o既海旁

7點鍾坐到7點半..都未有電話喎

咪行返鋪頭先囉..行到返去先有電話..佢地話而家落黎

叫我俾左野隻狗食先..

咁我搞掂哂d野..睇住紀曉嵐等佢地

老豆落到黎..去放狗..我今日ＥＱ好高．．無嘈

有ｄ野仲成功發表左..得左個知字..某d事上仲有共識添

放完..返去食飯..食完飯..睇埋施公奇案就走喇

返到屋企..又係打機..睇電視..老豆12點幾先返到

打左陣機..裝埋個喇叭..正!!!

沖涼..打日記..都2點幾喇..

(聽日我要去中山喇..不過唔知點解..我覺得今次去會唔開心o姐..唉..我會有3日日記唔打住架喇..)

今朝..9點半起一起身..(點解我晚晚都係訓7個鍾就自己起身..)

太早..訓返..10點半又起一起身..又訓返..10點10又起過

今次真係起身喇..打左陣機..

睇電視..睇殘酷一叮..睇完

同老豆地落街食野..落到去..搵左陣食咩

因為好多間野都無開..結果去左食米麵果d

我頂..我本身已經好鬼肚餓架啦..

我叫果樣野仲要等成半個鍾喎..真係好激氣..

食完..見到附近有一串串果d野賣

買左..一串腸仔,5舊煎咩三寶,1舊夾餅,仲有唔記得..

返鋪頭食完..睇電視..睇報紙..之後hea..

4點到..有人整左蘿蔔糕同年糕..

食完..仲有人切埋橙添..

又食完..行左去天悅睇下我想買o既野有無得賣..

無=.=..之後行左陣天悅..

佢地3個去人地度食飯..我就返屋企打機

打到6點幾..阿婆本身諗住煮飯

不過阿公今日中左馬..300蚊..話食左佢喎

所以決定出去食..7點幾..去食野..

都ok飽..又見到果個女侍應..又靚左@@

食完..阿公阿婆講左好多野俾我知..係一d事情o既另一個版本..

唉..好煩呀><><!!!真係多事之秋><

傾左陣..返屋企..打下機..睇下電視..

10點半到..傑佬打黎叫我11點2落去同佢去食宵夜-.-佢話好餓喎

但係10點9..我諗住換衫出門口o既時候..

佢又話唔去..咁我繼續打機..11點1..佢又話去喎..仲叫我4個字之後落到去西
灣河

屎忽鬼..又勁吹我喎..不過我今日好大量..

見到佢之後..同佢去左東輝食野..每人食左碗粉再加又碟炸魚皮加多杯野飲..
(佢無啦啦問我部機燒唔燒到CD我就知咩事啦..)

佢俾左張歌名紙我..好多字寫錯喎..名又唔岩..仲有..一睇d字跡就知道唔係傑佬..我認得啦..

食完..佢話未夠..又去買左幾串野食..又食完

都未夠..諗住去明記食糖水..咁我行兀去時來運到睇下會唔會見到我老豆地啦..

見唔到..不過傑佬話見到我個<<好朋友>>喎-.-

無理到..行到去明記..超多人><咁咪行返去時來運到囉

o係門口諗左陣食唔食..最後..食

不過入到去..佢又諗唔到食乜喎..我咪去個廁所先囉

去完..佢都諗到喇..我又食返果個..沙律..

不過真係ok飽..差d食唔哂..

坐我地隔離果對情侶..超搞笑..見到我碟野大碟到食唔哂

佢地又叫左碟..睇到同我唔同..d反應又超搞笑喎..

我地4個全程都有ok多眼神交流..

佢地食完..叫茶飲..我地又叫..學返佢地先^^

今日同傑佬吹左好耐水..點幾成2點先返到屋企

hee..佢就幸福啦..不過要把握呀!!!

返到去..叫左個妹down歌..自己去左沖涼..

沖完..燒埋隻碟..不過燒左歌><..算啦..一首半首o姐^^”

打日記..(有首好有趣o既歌..好想你..我俾佢呃左..一開始果d..msm聲-.-)

打完..要訓喇..都成3點半喇..篇日記唔知點解打左好耐..又唔係長喎-.-

(我之前講過話擔心o既問題..真係開始出現喇><點算呀><><><都話佢返黎一定會有野發生架啦><><!!!)

11點半起身-.-唔記得左傑佬要返工..佢12點返..

我11點半先起身..佢都出左門口咯-.-

仲點問佢借game呀..

起左身..打機..打到2點幾..先知道要出去食野..

食完要去拜年..(3點幾拜年-,-)

3點去食野..原來哩個假期d都番店開都唔會有人捉架..

3點半到食完..去左天悅睇下d老番鋪有無開

好開心地..有^^咁就唔駛問傑佬借啦^^

買左隻game..佢話要半粒鍾先拎到..

咁我咪返鋪頭先囉..返到去..等拎game..

等等下..有人黎拜年..要招呼人..所以夠鍾就叫左我個妹去拎game

d拜年o既人走左之後..我地就等埋個妹返黎..

自己去人地度拜年喇..差唔多4點-.-

上到去..老豆無啦啦打左2鋪痳雀-.-

等佢打完..走喇..返返落鋪頭..

玩太鼓..玩玩下..我另一個表妹黎左..

同埋佢男朋友..之後大家一齊打機..

本身係玩緊太鼓先架..玩玩下..佢條仔話想玩winning..

o姐係我同傑佬成日玩果隻足球game

ok!!!無問題..我一定接受挑戰架^^

我地玩左3場..第一場0比0..第2場..2比1..第3場..3比0

我今日無輸過^^玩完..佢地要走喇..我地都食飯喇..

(我覺得都ok奇怪囉..同佢打左咁耐機..都唔知佢叫乜野名-.-)

之後玩多陣太鼓就食飯喇..

今日又有人黎左食飯..開年飯喎..

今日我有飲酒..不過好少o姐..但係可能唔夠訓

飲左3,4杯就有d睡意..

食完飯..放狗..今日老豆講左好多一個家庭成員o既野..佢都ok唔滿意佢喎@@
放完..返去見到有紀曉嵐做..不過睇左少少..

佢地就話返屋企喇..搭的士

返到去..睇埋紀曉嵐..開始打機..

打打下..聽到阿婆同大舅母因為一d問題嘈得好利害..(o係電話..)

最後仲好似ok大獲添@@..我唔知點呀..唔到我理

阿婆同阿公仲話可能會唔去中山@@!!!費是面阻阻喎

我無理到點呀..繼續打機囉..一直打到2點幾

都ok好超級眼訓..頂唔住..打埋日記..訓喇!!!!!!!!!

(可能老豆過年前果期有生意..所以今年過年佢都ok豪爽@@!!!我地話換咩佢都
俾錢@@..佢話..錢緊係要駛架啦咁話喎..)

今朝7點先訓..訓到11點幾..因為要落去同老豆拜早年..

12點幾..落到去..(裝)左茶俾老豆飲..

諗緊俾唔俾果個人..唉..都係要o既-.-

之後又開始打機..打左個幾鍾..d人黎d又黎d..

食左一餐之後..仲有好多人未黎..

所以話分開食喎..咁我咪又打機囉..

今日問傑佬拎左隻太鼓之達人..好好玩..勁好玩..

仲要唔止我一個鍾意玩..d舅父呀..舅母呀..表妹呀都有玩..

好彩我有2個手制o姐..可以2play^^

佢地食完第2餐之後..hea左陣..玩..魚..蝦..咩..

同d表妹玩下..都幾開心o既..又唔係玩得大

不過就好有family..o既feel囉..

玩左陣(有人買左一串串果d野食返黎..好好味^^)4點幾..佢地又開台..我地繼續打機..

同我個表妹打..玩下太鼓..又玩下賽車咁..

一直打到7點幾..放狗..

放完返去食飯..食完飯..佢地又玩左陣太軗

-.-玩玩下..愈黎愈多人玩..要排隊-.-隻game變左主角-.-

佢地玩到8點幾..走喇..聽日見了^^

我就同個妹繼續玩到9點幾先同阿公阿婆地返屋企

傑佬叫我還返隻game俾佢..但係佢地聽日又黎喎

咁咪聽日先問佢再借過囉^^

返到屋企..打機打到1點幾..沖涼

之後打日記..又睇下電視咁^^

差唔多3點..訓喇

(我今年初一雖然全日o係鋪頭..打機..有d無聊..不過就好有family感覺..可以同屋企人咁過..唔係個個都可以架..)

因為尋晚果個人o係我屋企執野執到4點幾..

又開門又關門..又開櫃又關櫃咁..搞到我要4點幾先有得訓

用埋mp3都訓唔到><

今朝11點幾又起左身喇..諗住早d落鋪頭..

打粒幾鍾機就落喇..不過打打下..打左成2個鍾..

到我諗住搵衫o既時候..我頂..

發生左d都幾唔鍾意o既事囉..我d衫不嬲都放o係

房o既床頭o既櫃度..個櫃有3隔..我放左o係最低果隔..

不過因為佢上黎訓..我要將間房俾返老豆..果個人尋晚執野o既時候唔知將我d
衫褲..(放)左去邊..

我勁搵都搵唔到..咁你地話喇..我放袋新衫新鞋o係房地下..佢又要拎左出廳..

而家係咪要咁串呀..如果你地有一日無啦啦唔見左自己d衫..

而又知道俾其他人放左凡第2d地方..咁你地會點喇!!!

我勁嬲..嬲左陣..打俾家姐..爆

家姐勁話做乜要咁嬲..好少事..我知道..但係我就係針對哩個人..而家佢仲要做埋d同我有衝突o既野喎

講講下..又提到媽咪..咁咪又唔開心囉..

之後我打俾老豆問放左我d衫去邊..佢話放左o係上2隔喎..

知道之後..我咪執走我d衫囉..搵過第2個地方放算喇

搞左陣..決定落鋪頭喇..個妹又話要做埋幾題數..

咁咪等埋佢囉..等等下..阿公又整左d野食..

食完..再等多陣先落到去..

行左去天悅商場..因為買左果幾隻games..要買攻略先識玩-.-

不過買到一本又買唔到另一本喎..賣哂-.-

落到鋪頭都4點幾5點喇..老豆無啦啦叫我去買雜誌..

行左一轉..買唔到..不過就買到本game書..有攻略..買左^^

返到去..老豆又叫我去百佳睇下有無狗糧..我見到條隊排得好長..無買到..行
第2轉-.-

返到去..睇左陣書..又同左老豆出去買鎖..

順便講埋我唔滿意d衫o既問題..佢話喎..佢以為d衫係佢架喎-..好..算囉-.-

返到去之後等食飯..今日8點先食..因為家姐放7點3..

我今日帶左部ps2落去打..因為換左薄機..所以放得落我揹開果個袋^^

打住機等家姐..8點鍾食飯..係團年飯黎架..

食完..佢地約左10點半打痳雀..我又想去買褲..個妹又有d野買

所以決定出去買..果陣9點半..去左太古..買完之後..

都10點4先去搭車..諗住等的士..等等下..見到我大伯地

我完全唔認得我堂家姐..佢都唔認得我-.-..佢仲好似

之後搭的士返去..返到去..佢地開(台)..

我就沖涼..沖完涼..(今日要用look柚葉沖涼)開始打機..打打下又睇下電視咁..

因為佢地話3,4點先去行花市..

一路打..打到佢地打完痳雀..4點幾..佢地又要整年糕呀..湯圓呀咁

所以成5點先出去..出去o既時候岩岩係最大雨o既時候..

有d人又話唔去..去到地鐵站..去同唔去..講左好耐..

仲有d好似嘈咁..最後..(多數服從少數)..去

去到..都ok大雨..其實我都無乜野真係要買..主要係有行下個花市

同^^睇下夜晚有咩人行花市..(原來香港都..幾多靚女^^)

行到6點..佢地都有買野..我就只係睇野o姐..

搭小巴返去..返到去又轉的士返屋企..上到車..司機同我講早晨..

我有d唔知咩反應咁..因為我都未訓..但係果陣又已經6點幾喇..

返到去..俾個妹沖涼先..我就執下d聽日著o既衫..

佢沖完..我沖..因為淋完雨..要沖過..

沖完..去訓喇..果陣7點-.-

(今日都真係要撐架..佢地大部份都唔係好掂..好彩我平時..訓練有素..成日咁夜訓..先至可以撐得住炸^^)

尋晚又係5點幾先訓..今日12點幾起身

起左身..食左阿公買o既早餐..

諗緊好唔好去買機..打俾傑佬問佢去唔去..

佢話佢星期五要考試..溫書喎-.-

佢叫我上佢度打機..我緊話好啦..咪聽日先買囉..

不過打落去問老豆今日駛唔駛上環..要-.-(有生意我緊開心啦^^)

咁我咪諗住上完環先去傑佬度囉..

差唔多1點半..落鋪頭.落到去..度住同老豆講早去早回啦..

不過佢又整哩樣又整果樣..結果成3點先行-.-

去到..今日有d小插曲發生左..不過好少事o姐..

差唔多4點先返到鋪頭..佢地又講d黃色野..好好笑^^

咁遲先落返去..仲點去打機喎-.-

咁咪看鋪囉..今日我又有主動發問..仲俾老豆見到..佢好似好滿意咁喎..

學左點計數..都ok要轉囉..

6點半..收鋪..放狗..今日又同老豆因為果個問題嘈..

唉..結果佢其實唔夠我有道理..不過都係要我讓步><

我咪轉話題囉..唔係點呀..

放完狗..又上人地度食飯..

又飲左酒..食完..睇埋紀曉嵐..返去..

去左問傑佬借機..因為好想今晚打^^

拎完..返屋企..一返到上去就執屋..

同好快..好有效率地執左好多野..一d阻左好耐..成日唔想理o既野

我覺得自己執野都真係ok好快^^

執野係因為果個人聽日返黎..要上黎訓-.-(好唔鍾意!!!)

執到差唔多10點..開始打機..一直打到3點半..沖涼..打日記

訓..因為聽日約左傑佬..11點半..佢考完試o係佢學校大門等..

同我去買機^^我揸車去..因為老豆聽日一定唔駛用車..收左市喇^^

(唉..今日舅父仔同我講左一個問題..好煩好煩..其實我一直都知問題存在..只
不過我一直逃避..唔想理..而家..唔理唔得喇.殺到埋身喇><..好煩呀!!!!!!!!)

今次..我諗唔會船到橋頭自然直..喇><

尋晚傑佬10點幾上黎..同佢打機

打到..今朝6點半-.-

痴左線!!!不過都好耐無試過喇..

佢部機玩到好多我部機玩唔到o既game..

佢走左之後我立刻訓喇

一野訓到12點幾..look左1點起身

我印象中..好似發左幾個怪夢..不過唔係好記得

起身..突然好想聽一首歌..sammy架 加爾各答的天使 - 德蘭修女

聽聽下..放埋做日記音樂..雖然唔新..但係好好聽..

之後有d餓..用左3個字o既時間..煮左個麵+食埋..

差唔多2點..諗住去傑佬屋企繼續打機..不過打俾老豆..佢話要去賣野..

咁今日就去唔到傑佬屋企喇-.-

2點半到..落到鋪頭..我今日第一句同老豆講o既野係..

[原來真你靜係我部機先load唔到d games..傑佬尋日拎部機上黎都load我d games..]
佢[係咩..你部機都要換啦..買個部啦..]
我[-.-我邊有錢買呀(最緊要o既問題-.-)]
佢[幾多錢o姐..]
我[差唔多千二啦..]
佢[買囉..我俾錢你買喇(十分豪氣地說)..∼拎銀包出黎∼..你一陣間買定聽日買呀??]
我[呀!!!(超驚訝地)]
佢[係呀..買啦..如果唔係你點過年假呀??]
我[哦..聽日先啦..等傑佬得閒同我去188買..]
佢[嗯]

(哇!!!!!!!我講俾佢聽真係只係想話俾佢知我部機load唔到好多games..完全無諗過佢會俾錢我買..亦都無諗過叫佢俾錢我買..)

而家唔係百2喎..係千2喎..佢以前一定唔會咁(豪)..可能真係好好生意∼∼∼

果下..真係好感動囉..不過講到尾..佢都係我老豆..俾錢個仔買野都合情理^^

仲有呀..最正o既係..我又好須要打機喎..但係有好多games玩唔到..

咁我又差人咁多錢..仲諗緊買部2手算..點知..老豆家下咁益我..實在太好喇!!!!!!

之後佢又叫我去整回鄉証..因為今年係初9開市..初4,5可能會去中山玩..

同d舅父地..因為有個客上面有間屋..借左條鎖匙俾我地上去玩..

去左整..哇..慢証要2月13先拎到..到時已經16喇..

但係快証就初5拎到..不過要加200蚊整..老豆又一次好豪地話..加囉@@

整完之後..叫埋個妹整埋..差唔多4點..返鋪頭..等舅父仔拎車..賣野..

今日上到去賣野果度..見到d好有趣o既野..原來痳雀..撲克牌都有(金)架

好新奇..今日老豆又拎左ok多上去賣..4x兩..好生意喎!!唔怪得咁豪啦..

落返鋪頭都差唔多6點喇..等到收鋪..等緊o既時候..

老豆叫我計下只係今個月..鋪頭o既生意額..

@@!!!!!!!!!!!!!!!好勁喎..我覺得!!!!!!!!..生意額有..7位數字咁多@@@@@@@

收鋪之後..hea左陣..去放狗..放完..返到鋪頭..無啦啦有個容自己搵上門..

又有 14兩喇..每兩今日價錢係5040蚊

搞到差唔多7點半先可以去食野..不過有咁多生意..又好鬼開心喎..怕咩餓丫^^

食緊野o既時候..又講將會o係外國返黎果個人..唔打喇..

不過今次講佢都無野o既..食完野..返緊鋪頭o既時候..老豆講左一句說話..

唔知話佢串好丫..定話佢有生意開心好..

佢話..上年o既呢個時候..我地都仲煩緊d錢點樣週轉..今年......

我話..唔只週轉..仲可以駛錢添..^^

返到鋪頭..睇完紀曉嵐就走喇..

返到屋企..打機..等沖涼..個妹差唔多1點先俾部機我..

打日記..之後繼續打機掛..正!!!聽日可以去換新機!!

雖然我今日好開心..不過..有一樣野..我好擔心..好唔想發生..不過我覺得..到時一定會咁><..不過而家諗都無用..到時先算啦..

又係果句<<船到橋頭,自然直>>

(今日舅父仔車緊返鋪頭o既時候..講開[寶馬]BMW哩個車o既牌子..佢話整車間野個老闆想放一架3系 1800cc o既寶馬..我問佢要唔要..佢話無錢..叫我要左佢..我都無架-.-..佢話叫老豆啦..我覺得佢都有佢o既道理..架車..除左可以俾我用之外..仲可以用黎去上環賣野..唔駛下下用舅父地d車..)

我記得我之前同人講過..可能會有部日本車..本田Honda..不過..而家..可能有機會有寶馬..因為果條友放架車都係萬幾蚊..我老豆買得起有特∼∼∼

今日..10點到就起左身喇..

之後打機..打左陣..12點幾就落鋪頭喇

差唔多1點鍾落到去..等左陣..食飯

食完飯之後..2點到..舅父仔車架車去幫人拎野

我順便坐去買雀糧..

3點..返到鋪頭..之後就看鋪喇..

一路去到收鋪..都無乜野特別野發生..

收左鋪之後..放狗..今日有隻ok大o既飛蛾飛左入黎鋪頭

老豆捉左佢出去放..

放完狗之後..等埋家姐,妹返黎..煮飯食..叫家姐買左20蚊六合彩!!!5千幾萬喎..緊要買啦!!!!!!

食食下..無啦啦同老豆頂左句..搞到氣氛變得唔多好..(又係關於一個就o係外
國返黎o既人..)

之後睇埋紀曉嵐..家姐話去太古買新衫之類果d..

去到太古..差唔多收哂-.-結果都係買左d酒..

同埋幫我買左衫.鞋..行到10點到就走喇..

今日行行下..無啦啦有個印度人同我地講英文..問路..

好勁呀我!!!聽到佢講乜呀..不過就應唔到..都係等家姐黎啦^^

當我等緊車走o既時候..傑佬打俾我..話佢今日放10點..

叫我陪佢去柴灣拎野..ps2!!!(我終於都玩到幾隻我陪機玩唔到o既game喇-.-)

咁我同個妹等左車之後..俾左d野佢拎走..我就去搵傑佬喇..

見到佢之後..搭地鐵去柴灣..到左之後..當行緊去搵佢個fd時..

見到有人賣一串串果d野..無啦啦想食..2個買左3串

食完又要去senven買野飲喎..搞到遲到..

見到佢個fd之後..佢地吹水..吹左差唔多半個鍾..

我就等佢..整下電話咁..等等下..打左俾pungpung傾計..

佢地傾完之後..傑佬話肚餓..同佢去左大排檔食..

晚夜食..抄飯-.-..不過唔知點解同日頭食2o既味唔同-.-但係就ok抵^^

食完..搭車返屋企..要轉車-.-走o既時候..傑佬o係度數佢公司o既茶葉..水
仙..鐵觀音..普洱..菊花..壽眉..但係就諗唔到仲有邊隻..

佢諗左勁耐..結果要我打俾我老豆問..原來係香片-.-

返到去之後..佢話要返home拎野..叫我拎左部ps2上自己屋企先..

佢今晚要o係我度打..因為佢屋企無電視用..

咁我咪拎返去先囉..返到home之後..阿婆話

我個妹頭先因為找太多野行..所以落車o既時候趺親..

仲好似ok傷添..真係唔好意思加sorry呀><

要佢(傷)住咁(過年)..不過都有好處架..

可能咁樣可以破左d血光之災呢-.-

返到屋企..等緊傑佬o既時候..打埋篇日記..佢1點到就上黎喇

佢玩果隻game..太鼓..都ok嘈..因為有埋個鼓-.-

唉..希望唔好嘈醒d人啦..

(今日本身諗住車傑佬去柴灣架..不過今次真係無車用..唉..成日都係用o既時
候就無..唔用o既時候又有喎><)

今日本身諗住早d落鋪頭

不過唔多知醒..10點幾o既時候俾個電話嘈醒左

見到個電話號碼唔識..無理佢..繼續訓

12點幾起身o既時候..睇返個電話..打返去開邊個..

佢就識我..我就唔識佢..係一個女仔..佢知我叫阿財..語氣仲好似好熟咁..佢
好似話佢咁沙律..?_?乜我識個咁o既女仔咩???

無理到..一早睇電視..睇果d台灣o既遊戲節目..好搞笑!!!睇到點幾..有d肚餓

煮左個麵俾自己..食完..諗住去大舅父度剪頭髮..

不過知道老豆要去上環賣野..唔去得住

落左鋪頭..等左陣..去喇..哇!!!

今日勁多!!!o姐係又好生意啦..唔怪得老豆今日心情好..俾錢我..

仲話我乖-.-咁耐唔問佢拎錢

去完之後..接埋Amy姐姐..經過我學校@@好耐無去過-.-

就返鋪頭喇..不過我叫左舅父仔車我去大舅父度剪頭髮..去去下

架車無啦啦無水..要去油入水..

咁當我地車緊去o既時候..又講開一個煩擾左我好耐o既問題><

就係..電話費o既問題..2個月904蚊..Sunday已經又打電話..又send野黎喇><

我諗都就cut架喇..但係..哩個世界真係船到橋頭自然直架..

同埋..真係會有人雪中送炭架..舅父仔同我講..

電話費哩d真係好煩人架..佢話唔想我無電話用咁過年..

所以佢俾住錢我交左先..我自己有450..佢俾左500我!!!

真係好感激..我一定會還返俾佢架!!!!!!

之後去左剪頭髮..坐左陣..5點半..搞掂..

走o既時候..唔多想搭車..所以行路..由炮台山..行返筲箕灣..

行左個半鍾先返到鋪頭..不過就見到好多野囉..

仲見到天少添..講左2句就走喇..

返到鋪頭..食飯喇..心情勁好呀!!!解決左個咁o既問題..

今日阿婆做團年..所以都ok多人ok多(送)

本身我唔想飲酒架..不過最尾都係飲左技幾-.-

食完..放狗o既時候..我見老豆哩期生意咁好..

所以先同佢講電話費o既問題..佢都覺得我唔同家姐..細傑要錢係o岩o既..因
為..又係果句..人窮志不窮!!!

又同佢講左..我決定放假(或放完假都繼續..)日日落鋪頭幫手..佢俾返錢我..

(好等我有個收入還返d錢俾人都好..我今日計過..原來我要還返成6千1俾唔同o既人><)

放完狗..返去睇埋紀曉嵐就返屋企喇..

返到去..沖涼..打左陣機..11點用電腦..打埋日記..

繼續打機..睇電視^^

(今日真係好正..因為成日諗果樣野得到個解決^^心情好好..本身諗住11點半車架Benz去接傑佬放工..不過佢今日又唔駛返喎..下次先啦∼∼∼)