今朝12點幾起身..打左陣機..

hea下咁..到左點半左右..食埋野

就開始我o既睇電視日喇..

因為舅父仔借左套神鵰俠侶俾我..劉德華果套..

咁我就開始睇喇..係咁睇..係咁睇..一次過睇左4隻碟..

由點幾睇到6點..咁就一個下午喇

不過都幾好睇喎..可能我本身鍾意個故事啦

6點就落鋪頭喇..行到落筲箕灣o既時候..唔知點解

唔係好想返鋪頭住..咁咪周圍行下囉

行到7點到..就返鋪頭喇

返到去..放埋狗..老豆叫我今晚煮..

因為有雲吞果d..加多3個公仔麵..

等埋個妹返黎..我整個(湯底)..佢煮麵

食完..睇左陣電視..10點幾就返屋企喇

(今日約左家姐..聽日一家人去睇戲^^)

一個人唔開心o既時候..都係屋企人先會俾最多o既時間陪住你

返到去..等睇波

正!!!利物浦又贏!!!8連win

睇完..同傑佬傾住電話打機..

之後再打多陣..用電腦..本身諗住打日記..

不過打打下..無乜心機..同carmen..傾左陣..

就去繼續睇電視喇..一直睇到5點先去訓

(我哩幾日..個心都好混亂..因為諗黎諗去都係一d野..要決定..)

今日訓到成1點先起身..之後o係屋企hea..

睇電視..睇左套eason音樂劇..藍寶石的天空

睇到一首nicky..o既歌o既mv..好感動..但係唔知叫乜名..

打返尋日篇日記..打完篇日記都2點半

跟住就打機喇..打到4點3..落鋪頭

食左d野..6點半到..就同老豆同個妹去遊車河喇

去左灣仔個海旁等睇激光匯演..8點到..

睇到8點半..又搭返車返去西灣河果頭食野喇..

約埋家姐..今日心情唔係幾好咁啦..

不過就係因為咁..倖我feel到..原來只有同屋企人一齊

先至可以咁無顧忌..只有屋企人先會主動問你發生乜事..有乜問題出現左..

不過我都唔係好想講..食完野..諗起我上次講過

想o係屋企樓下影相..所以我叫左老豆同家姐一齊上去

o係樓下影左陣相..返屋企..睇新城..不過都唔完整o既-.-

老豆同家姐..hea左陣就走喇..我就繼續打下機..睇下電視咁..

去到3點到..我個表妹上左黎訓..

同佢吹左陣水..4點..我都去訓喇..

今日個妹down左幾首新歌..錄下mp3先

今日聖誕節..10點幾..三舅父打黎

因為果個問題仲要處理..同佢諗左一陣

繼續訓..訓到點幾..開始去搵人幫手

我覺得..有d朋友..係真係夠(雷)..你叫佢幫手..

雖然佢已經答應左幫你..但係佢都仲會好上心咁..幫你諗辦法

仲會主動問你搞成點..真係好兄弟!!!

我o係哩度..真係唔可以唔多謝..敖敖..jerry佬

jerry佬..我無同佢接觸咁耐..問佢d咁o既問題..佢都可以一口答應..仲要
唔係答左就算喎..係真係好幫手果隻喎..

有d人..講左幫手..但係又唔見左人咁..好彩..我仲有(後著)

至少..我都仲有個老豆..唔駛俾人咁玩>m<

我唔知係咪真係無留意我講野..但係..係咪應該至少要有個電話呀

如果真係有心幫我o既話..好彩我都唔係窮到咁o姐

講到尾!!我都仲係o係間金鋪行出黎..我出聲..我會無咩!!!

[駛乜好似俾人play咁呀..你想幫我..我信你有咁o既心..但係..佢呢..佢做乜要幫我呀..我同佢好熟咩]

仲o係度話一人一半..你估哩架係(田7)呀..哩架係Benz黎架..一手買返黎..60萬架[我唔係話你..而係話佢..我覺得佢同我講..堅係喎..我地同你一人一半丫..講得太輕易喇]

[又係果句..anyway..事情都解決左咯..多謝你有咁o既心啦]

不過我覺得..夠唔夠(雷)哩d野..真係唔係個個人都有

但係我想講..如果有一日..我d兄弟..姊妹出左事..我一定係第一個衝去幫手..諗辦法..就算幫唔到手..都會有個電話到

至少唔會o係屋企打機..訓覺><

(我三舅父真係好憎d咁o既人..實牙實齒話幫手..點知成日連電話都無個><..我唔係憎..而係好失望o姐..)同時我明白到..自己出左事o既時候..真係屋企人先至係真心幫你果個><

你幫唔到我唔緊要呀..至少..講聲我知丫

問完幾個兄弟之後..約左傑佬..敖敖出黎..因為要俾野我

去完鋪頭..問左老豆攞d..同家姐一齊去買今晚大食會d野

之後去吉之島買禮物..搵埋jerry..同傑佬..敖敖地行左陣

6點幾..就返去喇(我想再講多次..真係多謝你地呀..敖敖..jerry佬..好朋友..好兄弟!!!..我真係好感動..)

7點到..同老豆放完狗..就去搵我三舅父喇..

搵完..返去..hea..hea到大食會..又同我表妹傾下計咁(可能..你講得o岩..
你係同星座..我信你..我諗..我今次會做到><)

個大食會真係好多野食呀..又有抽獎..我抽果份..好實用^^

食到11點幾o既時候..傑佬先話黎..ok我地仲有野食^^

等到佢黎..佢話要飲酒..我都成晚諗緊飲唔飲好..因為我驚我會揸車..

不過..諗諗下..都係唔揸喇..今晚一定好多人

同傑佬一路飲住..一路吹水..到d人走得七七八八o既時候..

家姐個男朋友..細傑..無啦啦話有d野同我講..我仲以為佢飲醉左..亂講野

不過同傑佬一齊聽..聽聽下..不知不覺間..我就愈飲愈急

因為..佢o既說話..除左到point..佢講野o既態度..仲好認真..令到我內心o
既回響真係好大..

原來..佢真係好鍾意我家姐架..

(我覺得你唔應該..18歲揸住架車去溝女..因為..d女上你車..唔係因為對你有野呀..而係為左果下虛榮感炸..點解你要做人後備o姐..贏..我要贏得精彩..輸..我都要輸得好睇..肥仔..我同你講丫..做童話裡面o既天使..唔易架..靚o既野..睇過就算喇..唔到你擁有架..其實你知唔知呀..好多女仔都話想要安全感..但係..男仔所須要o既安全感..可能俾女仔仲大..)呢番說話..係佢o既說話裡面..令我有回響o既說話

我問佢..點先至可以輸得好睇..佢話..你覺得你會輸咩..之後仲話..你就係咁架喇..做乜都無信心..點解會認為自己會係輸果個呢

我知道..我係..咁我就再問..佢就話..只要..你俾佢知道..你係點諗o既..你有真心咁對過佢好..令佢感動過..你輸..都會輸得好好睇..

之後佢問我..你覺得你對佢好唔好丫..我覺得..算係咁啦

千祈..千祈唔好死纏爛打..咁係無用架..咁算俾你挽救到..感情都已經唔同左架喇..咁係無意思架..咁就算贏左..都只會俾瀟洒咁輸..更加難睇..

我問..瀟洒..我得咩..佢話..點解唔得呀..我信你得!!!

佢最後講..我知道你家姐對好多野都有要求..亦都知道..我有好多野都俾唔到佢..但係..我可以同你..同任何人講..我係永遠..永遠都唔會令到你家姐受傷!!!

我話..緊係啦..你地都咁耐咯..佢話..一段感情o既深淺..唔係由長久黎決定..而係個心呀..

我覺得..如果無愛對方o既心..根本唔可以咁耐..佢問我..你覺得你所愛o既人有無咁o既心丫..我知道..係無

你家姐點解會同我一齊..係因為..佢真係愛我..不過佢永遠都唔會知道我係幾咁愛佢..你家姐d咁o既女仔..真係好難搵架喇

佢知道我俾唔到好多野佢..但係佢都係咁愛我..一對相愛o既人..唔會咁計較..俾唔俾到d乜野對方架..肥仔..你要搵o既係哩d呀..唔係你而家呢種呀

最後最後..佢話..肥仔..一個人..傻係可以傻..但係..傻一次就夠喇..對住一個人..傻一次就夠喇..傻得多..就無意思架喇..

喊亦都可以喊..對住佢..可以喊..因為係一種表達o既方法..就算你而家o係度喊..我都唔會笑你..因為..我都試過..

你仲細個..好多人認為錯o既野..你都仲可以做..因為你錯得起..

我同你都唔係傻呀..我地係單純..唔識得將自己o既感情收埋..

你同佢講啦..講出你o既感受..如果講唔出..咪寫囉..講完..你就可以瀟洒咁走架喇..段關亦都會劃上一個句號............

真係好正好正..我未試過有人咁同我講呢d野..三舅父..家姐..老豆..講呢個話題都唔同..不過..細傑今晚o既說話..真係令我有d..好似佢咁講..夢.係會醒架..再美好o既夢..都會有醒o既一日..

同傑佬聽完之後..就走喇..細傑主動問我..有無錢買酒呀..家姐想阻止..但係佢話..俾佢飲啦..我無攞到..就走喇

同傑佬行上去..一路行..一路諗..傑佬話我好幸福..有咁多人同我講呢d野..佢都相信..我唔須要搵好耐..就會搵到真正屬於自己果個人..

佢聽完..都有感觸架..由其係..一個人只可以傻一次

同佢行左去seven..買左4技..之後行去屋企樓下..傾左一陣

個幾鍾啦..我唔係飲住傾..因為我想返屋企飲..

返左屋企之後..我都無飲..因為我想諗一d野..唔想醉住..都飲左2技咯..再加4技..又加上我感冒..死都似呀

訓左o係沙發..一個鍾..沖涼..睇電視..唔知點解..而家新歌d..mv..好多都好正..5點到..訓喇

(我顧變成..童話裡..你愛的那個天使..將開雙手..變成翅膀守護你......天使..唔係咁易做架..)

尋晚o係架車度訓..其實都唔係好訓到

今朝6點幾就起身喇..周身痛><

又訓唔到..超級唔精神..仲非常之凍..我諗..我會病..

7點到..車返去俾舅父..o係舅父屋企樓下停左一個鍾..

訓多一個鍾..俾返佢之後..8點

搭車走..返到屋企..沖涼..刷牙..訓..差唔多8點9

訓到11點9..俾人嘈醒左..因為本身我約左佢11點-.-

起身果一刻..我知道我病喇..

因為仲未訓得好夠..又訓過..1點幾

再起過..再約小璇..之後同傑佬傾電話

傾到2點半到..去攞車..不過因為唔想俾老豆知我揸車..所以叫舅父仔車出
黎俾我..

之後去搵小璇..去到..見到好多人望住同一個方向..我仲估望乜添..

原來@@!!!..係睇哩d野..俾我就無心機睇喇><

搵完小璇..3點..要去學校喇..

去到..3點半到..拎完notes..就走喇..

走緊o既時候..我做到一樣我好想做..好開心o既事^^

仲維持左一段ok耐o既時間..好開心!!!
[我有d野講..不過打左o係有密碼果度..]

但係當車到去..一個地方o既時候..發生左一d好唔開心o既事..

之後車左去搵舅父..送左小璇走..我就叫舅父放低左我o係愛蝶灣喇..

自己一個人..諗下野..好唔開心..本身我想叫人陪我架(一個我最想佢可以o係哩個moment陪到我o既人..不過..我知道佢已經同緊其他人一齊..所以..
我無出聲><)

一個人..坐左陣..行左去(果度)..又周圍行下咁

由4點幾..hea到6點幾..6點幾果頭..

行左去鍾景灣..等三舅父..等到7點(等等下o既時候..舅父仔打俾我..佢同
我講o既說話..俾我o既feel..好似..我媽咪..><)

等等下..見到小璇返工..之後無啦啦..阿雄黎同我講左幾句..(講真..出自佢個口..我都ok反感..不過..都無乜心情..)

等到之後..車左去遠少少o既地方..傾野..

勁諗都唔係好諗到辦法..諗到頭都爆..

8點幾..舅父車返我返屋企..

我哩個moment先知道..原來我由朝早到而家都無食過野..

阿公整左野俾我食..之後我就開始諗計喇..

又睇下電視咁..打下日記咁(同篇野..)

打到11點幾o既..傑佬打黎..同我講左d野
[今次你睇住都feel到咁..上一次得我自己一個..你話隻feel係點丫喇><][唔駛擔心我喎..我諗有計o既]

同傑佬傾到1點到..沖涼..繼續打日記..之後我諗都係繼續諗辦法><

(又黎喇..對我o既打擊..真係好大><)

今日真係要返學喇

返到去我先知道..原來無返咁多日..係會有好多野跟唔到架><

上完1堂英文..(因為遲到><)..lunch同幾個fd去左食扒-.-

行行下見到有2架車撞左@@..同個識揸車o既fd研究下邊個錯

食完lunch..返去上中文堂..唔知點解..miss幫我地分組o既時候

分5個人一組..但係我就要同果4個女仔一組-.-

因為我無上幾堂..所以有d要計分o既功課都未做..

又要溫CMT喎..所以都ok忙><

上完2堂之後..就上CMT喇..本身miss話要補測

不過因為d人唔齊..所以miss都係講下d題目就算喇

早左1個鍾放..咪約小璇出黎囉..

我本身以為自己有車..不過原來攞左架車去整

咁又要取消個date喇..(俾人話我無交帶添-.-)

因為無車..惟恐o係鋪頭hea..hea到食飯

食完飯..同舅父仔去左將軍澳拎電視@@(好鬼重呀>m<)

同舅父2個都唔你好搬到..

搞完之後..追埋台..set埋d野

舅父車返我落鋪頭..hea左陣..去埋傑佬..

兜左幾轉鋰景灣..之後我就去一去ive..因為聽日要返

行下條路..ok啦..差唔多11點..返返鋰景灣..車走傑佬

車緊佢走o既時候..突然收到個電話.........

我覺得好過份囉..我今日o係車訓..無返到屋企..8點半先返去

今日我終於都肯返學喇..不過就遲左少少..上到巴士

見到個同學..傾左陣..佢又同我講左d我無返果幾日發生o既事喇..

返到去..今日見到alice..我真係變哂絕緣體

上左2堂之後..我先知道原來今日上半日..

上測量堂o既時候..feel到自己好無心機上堂

落堂我就走喇..d人叫我一齊食lunch都無去食就返鋪頭喇

返到去..食左lunch..睇睇下報紙..

小璇打黎..又話太古果d人係假-.-當係啦

d人又話悶喇..搵人陪喎..但係我又要去上環賣野

咪約定先囉..我等等下我老豆俾野我拎上上環

pungpung無啦啦黎左..hea左陣..吹左陣水
(佢個頭勁似朴智星..好噁心><)

4點幾先上去..我揸車..勁勁勁塞車><

所以要d人等耐d..上完去..返得去都5點幾喇..架車又無水喎

所以要等一陣先可以入水..差唔多6點先去到搵佢

之後諗唔到去邊..決定左入一入石澳..

唔知點解..我隻眼呢幾日都好痛..成日流眼水><
(可能..有d唔係眼水呢..)

入去果陣..可能因為大風..好辛苦..要停一停休息下

入到去之後..落車去左一去廁所..好大風呀!!!

出返去之後..行行下..又好痛..咁咪搵左個地方停左停囉..

小璇好勁咁幫我整左一整..真係好好多喎..有天份呀下!!!

諗住車佢返工..不過仲有ok多時間..咪兜多兜先囉..

(唔知點解..每次遇到呢d情況..我都會諗起一首歌..順路..)

兜完..送到佢返去o既時候..佢落車果一刻..其實我好想問..問一個問題..不過問唔出><..可能係一個請求啦..

之後我就車架車去搵三舅父喇..要俾車佢用..

好快呀!!!去到..佢揸返走..我見到真正o既技術喇..

佢車左我走之後..同老豆上左人地屋企食飯

好好好送..食到超飽..佢地傾傾下計..傾到好激動><

我食食下飯..收到小璇o既電話..佢有工介紹俾傑佬

食完..差唔多10點半..落返鋪頭..打俾傑佬

幫完佢地(穿針引線)之後..同傑佬傾左陣..(我都係覺得..會有d野唔同架..因為一個人..返過工同無返過工係會好唔同..)

我覺得..唉..唔識講呀..

之後我就返屋企喇..繼續同傑佬傾..一路傾一路傾..傾到點幾..都未收線..
我諗收線會沖涼..訓架喇

(我尋晚一路睇電視..聽左d舊歌..好舊果d..聽聽下..我又諗起媽咪..o係2年前..就係o係我訓緊o既位置..我媽咪就訓左o係度同我地一齊唱歌..果陣時o既情況..仲係好似尋日發生咁><..咁我就..忍唔住..或者..我無須要忍)

我今晚經過屋企樓下大堂..果度每年都會報置得好有聖誕feel..好靚架..我仲記得..2年前o既聖誕..我地咁o岩有5個人..一家人一齊返屋企..我見到咁靚..就問..不如我地影相咯..但係因為太凍..媽咪唔凍得..同埋相機o係樓上..佢地話不如下年先再影過啦..

不過..果一年之後o既下年..無錯我地係再有一家人..但係..只係得返..4個人..有一個最重要o既..永遠永遠都唔會再o係一家人o既相裡面出現><..咁..仲有意思咩..有d野..錯過左..真係無得返轉頭架...

我點解打哩d野..可能因為感觸..又可能講得o岩..每逢佳節倍思親><

*[........]係to:一d人架

今朝9點9果頭..無啦啦俾人打黎嘈醒左(其實都唔係無啦啦架..我今日本身要返學..不過我look到未起身o姐-.-)

阿珠打黎..問我今日係唔係唔去喎?_?

好奇怪..本身..不過佢講左之後..我就知道..死喇>m<

原來我今日係要去學校個day camp架><

我完全唔記得左件咁o既事@@(不過..其實我一早都唔諗住去架喇..不過佢地
又話唔去會好大獲..所以我都十五十六咁..而家好啦..借住d酒o既力量..唔
駛去^^)唔係好大獲o姐..2個鍾頭義工o姐..

係啦..飲左咁多..醒o既時候個人都(溫溫登登)咁..頭又痛喎

(尋晚大部份野都得返d零碎o既印象><)我o既日記發揮作用喇^^

佢問我去唔去..我問返佢幾點要返到學校..佢答我9點-.-

9點返到去..你9點9打俾我有Q用咩-.-

咁我除左答唔去..仲可以答咩呢......我叫左佢話我發燒..

之後繼續訓..訓到12點幾..再起過身

打機..打機..打機..都係打機..痳醉下先

3點幾..有d眼訓..又訓..訓訓下

阿玲打黎..佢都無去到喎..仲話左俾我知..都有ok多人無去..咁都無咁驚^^

同佢吹左陣水..知道左..我無返果幾日..有個人..因為無左個對象..所以周圍搵其他男仔........

好恐怖>m<..我開始諗緊..佢咁濫..如果我聽日返學..同佢又好似之前咁o既話..咁我咪o姐係將自己..降低哂><

(我諗都係時候諗諗計喇..不如就..hehe..搵人救我啦..不過..唔知而家仲同唔同以前咁呢??)

[講過o既野要算數呀...........兩脅插刀呀......]

阿玲仲講左好多野..愈講愈恐怖..(乜佢真係完全唔駛理..佢男朋友o既感受架咩..不過..佢男友都唔知架啦-.-)

同佢傾左陣..諗起分鐘o既問題..都係收線好d..費是又爆><

之後訓到5點幾..落鋪頭(因為我老豆唔知我今日唔駛返..所以要就返個時間落去)

行行下落去..小璇問我今日湊唔湊佢返工..我無車..(其實我想知..係唔係一定要有車..我哩個姊妹先可以湊你返工架)

落到鋪頭之後..發現左..架Benz泊左o係對面..原來舅父仔要用車

不過佢地又叫我將部萬事得車俾二舅父喎..但係因為一d原因..我要用部Benz搵一搵三舅父先..

因為咁樣..我就會有半個鍾o既時間俾我用部Benz喇..咁我咪諗住車人囉..

不過因為timing問題..唔得..咁惟有下次啦

搵完三舅父之後..車返落鋪頭..之後舅父仔無啦啦話幫我上停車場拎部萬事得落黎..(唔知..佢係咪已經知道左呢><)

咁我咪同老豆去放狗囉..放完..收到命令..要7點7車到去俾二舅父

果陣7點2..咁我咪hea到7點4先出車囉..

行行下..我o既內心又驅使我車左去鋰景灣..因為..我想見一見..

之後兜左2轉..都叫做見到啦..咁我就走喇

我o既內心又忍忍覺得..我會遲到..因為兜完已經7點半喇><

結果..真係遲左..我已經o係安全o既情況之下開到最快架喇..

不過去到二舅父度o既時候.已經7點9喇><..sorry..ar..

俾人話左2句..咁又係o既..因為大舅父同二舅父兩個都等緊我..o係條街度..白白等左十分鍾喎..話2句算少喇^^

之後佢車返我落鋪頭..我就同老豆,妹食飯..食完就返屋企喇

返到去打機again..打到12點..沖涼..打日記..訓

我諗我做好做醜..身為一個學生..聽日都係返一返學好d!!!

(今日..真係有d..unhappy..不過諗諗下..又有乜野問題呢..我反而覺得..點解我尋晚要去果度呢??..去左代表d乜呀??..反而覺得自己好小家..好黑人憎..點解我要唔開心呢??..仲要飲咁多喎><)

[對唔住呀..我..我錯左..我唔應該咁..sorry呀..我咁做真係太小朋友喇><仲要叫埋傑佬喎><..sor..ar..我希望..你會接受我o既道歉..我唔知你有無嬲架..不過聽你講野o既語氣都ok冷淡..所以都係say定sorry先好d..]

訓到9點..本身係要起身返學架..不過唔係幾想返

就繼續訓..訓到10點8..小璇打俾我

佢把聲勁病@@..結果真係..佢叫我陪佢食野

ok啦..我都無野做..11點到..去攞車

之後去搵佢..去左買電話卡..但係就無帶電話出黎-.-

又要返去攞..所以食野o既時間都無

車佢去搵左佢媽咪之後..我就返左一返屋企(個妹唔記得帶銷匙-.-)

開完門之後..返返鋪頭..見到好似有d大野發生左..原來隔離有石o係20樓跌左落地下@@!!!

食左少少野..之後開始hea..一直hea下hea下咁

5點幾..約左小璇..因為要車佢返工

搵到佢之後..同佢去左  M記買左個飽

就車佢走喇..(因為我都ok趕返鋪頭食飯..所以..有d快)

[其實..我聽到一d野..電話..我都估到架喇..以雙魚座o既能力..再加上..我太了解喇..我知道根本就唔會有事..只不過係鬧下交咁o姐..]

之後返鋪頭..食飯..好多送..我又飲左3罐喇-.-

食完..hea左陣..9點到先返屋企..

等傑佬等到10點幾..同佢去左seven..買左4罐啤酒..

之後落左鋰景灣先飲..因為我想親眼見到一d野(雖然我知道見到又點o姐哩個道理..但係我份人就係咁..我要親眼睇到..如果唔係..點講我都係半信半
疑)

落到去..連飲左2罐..傑佬飲左罐半就唔得喇-.-

之後等..等..等..一直等..等到12點幾

終於都見到我要見o既野喇..不過未睇得清楚..

所以我決定行下行下咁搵下..我想睇..

不過好好彩..我o既好兄弟..傑佬..佢一直都o係我身邊..無講過一句半句要走..多謝佢..

行左陣..我終於都見到..hehe..咁咪好囉..[我一直都覺得係地會無事架..因為你o既態度一早已經俾我睇得出..]

我真係唔知可以講乜..我只可以用眼神打個招呼..

之後同傑佬食左d野..食完..出返黎..又見到..今次真係清楚..好清楚喇..

然後行左陣..行行下..俾警察查身分證-.-

1點幾..去左我三舅母果度等我三舅父黎車佢順便車埋我地走..

等左陣..佢黎喇..車左我地去seven..因為我想買野飲..

去左seven..買左技藍妹..大技..食左dd野

就走喇..本身諗住同傑佬去公園坐一陣..不過坐坐下..

我知道自己唔可以再坐..因為會俾佢見到d野><

佢同左我返屋企之後就自己走喇..

我返到去..沖左涼..打日記..訓..睇到電視..有楊丞琳..佢真係ok好靚喎!!!

(我唔想打喇..unhappy..所以快快咁打完個曰記就算喇><)

點解要同我講d咁o既野喎..點解要話你地咩喎..不過講真..我一d都唔覺得
會因為哩d咁o既事..而令你地change..我知道的..

anyway..I know what can I do..><

今朝11點幾俾人嘈醒左..但係就look到12點幾成1點先起身

之後落鋪頭..同家姐..老豆食lunch..

食完..返鋪頭睇報紙..睇電視..hea-.-

老豆就訓覺..我hea左陣..都去左訓

訓到5點幾..老豆話去灣仔果頭買野..順便睇下d遊行

去到之後..買左佢要買o既野同我要買o既野之後

我順便問埋佢..我學校附近d路點行..又帶佢睇下我學校附近o既環境

之後我地去左示威o既路線..不過見到..雖然有人行..不過都好安靜..又好
和平

咁我地都無乜興趣睇..去左搵一搵家姐就走喇

果陣6點幾..搭巴士返去o既時候

坐我地前面果幾個人..都ok多野講-.-好嘈

返到鋪頭之後..放狗..7點幾..去食飯

我話俾老豆聽我8點要睇波..其實係想揸車(見有幾個錢入油ma^^)

7點9我就走喇..不過我今日就唔係好搵到人遊我車河

不過最唔開心o既都係..我上到停車場..發現..部車唔見左

咪打電話問囉..原來舅父仔用左><

咁我就ok好失望囉..手痕-.-

打俾傑佬..知道佢o係我鋪頭附近間M記同人補緊習

咁我就決定去搵佢喇..去到..本身叫佢地辦唔識我..我都辦唔識佢地..不過佢地就勁笑-.-玩唔到

之後我買左d野飲..坐佢o係佢地隔離等

一等就等左9個字..我就set下個電話d野咁啦

整整下..見到M記有人鬧交..仲幾勁添

等左佢地一段時間..走喇..送左傑佬個(學生)搭車之後

我叫傑佬陪我去搵一搵人..因為我想知..點解我打咁多次俾佢都打唔通..想
知佢有無野

咁就同傑佬行去啦..去到..企左陣..俾人發現左

咪諗下點講自己做乜o係度囉-.-(其實我都唔係無$..不過真係o岩o岩食左飯..傑佬又要返home食..咁咪話無囉)

其實我只係想見下想見o既人o姐..知道佢無野就得喇^^

之後同傑佬搭車返屋企..去左seven..食左d野..聽d人講一d關於車o既野..真係有d想講埋一份添^^

原來尋晚傑佬打黎..係想叫我去車佢..因為佢想去食d野..唔怪得佢問我係咪同人遊緊車河啦..佢又話聽到我把聲咁攰..所以無出聲喎-.-(你出聲..我會唔出黎咩-.-)

唉..早知我尋晚就唔飲酒..揸車出黎啦..一來可以車人放工..二來可以車fd遊車河加食野..三來尋晚唔駛悶到訓覺..四來我而家就唔駛咁手痕啦><

返到home..睇哈利波特..不過都就做完喇..

打返d日記..打完..睇波..不過支持果隊又lose><

睇完..打埋今日日記..訓

(唉..點解唔想用車..唔駛用車o既時候架車就o係度..想用..要用o既時候架車就要俾人車左去用架o姐><)