今朝我都唔係好記得自幾點起身-.-

好似係10點幾..起完身就落鋪頭喇..

11點幾落到去..睇報紙..度左今晚買乜波..

12點幾叫左野返黎食..食完又繼續睇報紙..

點幾o既時候..老豆叫我打電話去上環果間野度定價錢..

不過我打到上去..佢地話唔受喎-.-

都幾串喎..因為有2日假期黎緊..所以可能因為怕有風險掛..

不過聽電話果個都唔係話事果個..

咁收左線之後..坐左陣..上面話事果個主動打黎電話黎..

(好怪..因為我之前上去多數見佢地都係接電話..)

佢打黎又話受喎..(我諗..可能係我地都算大客..所以佢地都有少少怕我地唔滿
意..)

佢打黎仲要話搵肥仔喎..(我o係佢地度個朵..)

收左線之後..鋪頭d人都勁話..勁喎..肥仔果然有面子呀下@@

不過達到目標就ok啦^^

之後我hea多陣..就搵左個藉口出去買波喇..

去到..見有人sell緊人整投注戶口..

咁我咪整返個囉..可以用電話or上網買波..唔駛下下去馬會..

點知..(田)野o既時候..因為我未有銀行戶口..所以要1個月內整好再去補返-.-

(我都唔知點解自己咁大個人都無個銀行戶口-.-成日話去整去整..整左90幾世
都未整-.-)

真係等下個星期二去搞掂佢先........

返到去..又係睇下書..接受下教育咁..去到5點幾..

有d悶..所以入左去睇電視..

今日有乒乓球o既現場直播睇..睇睇下..又幾好睇喎..

係咁..我就睇到6點半收鋪..而電視點半都要做新聞..所以..

要等到今晚12點3先有得再睇..

收左鋪..放狗..之後返鋪頭食飯..(又係一樣-.-)

食完..返屋企..打左陣機..10點睇波..

睇完再睇埋乒乓波..2點幾去沖涼..

打埋日記..訓..

今朝..都ok早起身..因為約左呀火10點半等..

佢拎部機俾我整..拎左之後..返屋企..

換好衫..落鋪頭..今日早d啦..

落到去..睇左報紙..12點幾..食飯..

今日又係我主動去拎..仲買埋雞..因為一d原因..

食完飯..hea左陣..就上去喇..

今日勁塞車><..所以我訓左陣..

上到去..有d唔同..因為今日佢地計個價錢都老豆唔係幾like..

叫我講下價-.-不過無用..算啦..

唔知點解..我覺得..今日個個都好似唔係幾好心情咁-.-

返緊去o既時候..睇到三舅父..架車..

我從未見過我地2架車唔係約定之下一齊行..

返到去之後..hea左陣..走喇..

要搵敖敖上我屋企整機..因為我真係技窮喇><

果陣4點幾..打俾佢..佢訓緊..

咁我咪去左天悅買左game先囉..

行行下..再打俾佢..果陣5點幾..佢得喇..

咁咪約左一齊上去囉..上到去..

係咁整係咁整..勁整唔到..佢都話..點解會咁架..

俾張sound卡難到><..結果整左幾個鍾..(一路打機一路整^^)

成9點幾先整好..之後等埋阿火....再幫佢搬埋落去..

(唔知點解..今日敖敖好醒..等緊阿火o既時候..幫佢整緊部機中..搞掂..我發覺有隻自己o既碟o係佢部機度..諗住叫敖敖拎返出黎..點知佢話..唉..你唔拎下次咪有藉口去佢屋企拎囉@@!!!)

我覺得..佢好醒囉!!!

落到去..敖敖都入佢屋企..咁我咪同佢o係裡面玩左陣囉..hehe

好正!!!今日我再基於一d原因俾多100蚊佢..

所以..hehe..有返d回報囉..

唉..我又用錢溝女喇><

之後落去同敖敖食埋野..我請......

就返屋企喇..返到去.沖涼..打左陣機..

打埋日記..訓喇..

(唔知點解..呢幾日勁down舊歌..好鍾意聽..因為果d歌先有歌味..點知俾個妹話我老餅喎-.-)

因為尋晚睇波..今朝5點先訓..

10點幾..醒左一醒..太眼訓..所以打俾老豆話遲d先落去..

訓到12點到..起身..整左野食..

食完..去左down歌..諗住down幾首新歌..

點知down下down下..由12點幾down到1點9先肯收手..

由down歌變到down舊歌..有d搵左好耐架!!!

因為要落鋪頭..今晚返黎再down

落到去..睇報紙..之後就又開始睇[死亡筆記]喇..

睇睇下老豆叫左我去學車玉..o姐係整靚d玉..

搞左半個鍾到..繼續睇..

睇到收鋪..都幾好睇..不過總係覺得有d深..

收鋪..放狗..放完狗..返去..今晚得我同老豆食o姐..

alice去街..食完飯..諗住上阿火度..

點知同老豆傾計..傾到成8點先傾完..

今次係傾d..(大人野..)唔好亂諗..係傾d家族呀..家庭呀..鋪頭將來之類果d..

傾完..上去整野..上到去都成9點喇..

今日個妹無上去..所以得我同阿火2個人o姐..

整下野又吹下水咁..同佢都ok好傾(不過..如果我要同人傾計..就邊個都會同我
好好傾-.-)

算係了解左佢好多啦..今次一上到去見到佢..

佢第一句就問..有俘帶本星座書呀..我覺得好開心..因為叫做搵到個同我一樣
咁熱衷星座o既人!!!

我就緊係有帶啦..佢都好有興趣咁(研究)

今日整整下..因為要format+重裝..所以有好多空閒時間..

(今日我教左佢點做呢2樣野..我都教到人-.-)

咁2個又睇..香港奇案實錄..乜好驚咪-.-

之後整完喇..因為要買野再整..所以聽日先拎走部機再整..

果陣10點幾..我都無諗住咁早走..所以繼續吹水..

我仲好投其所好咁..問佢拎d佢o既晝黎睇..因為佢好鍾意晝晝..仲晝得好靚!!!

所以佢好興奮咁講佢o既(故事)我知..hehe∼∼∼

我就走o既時候..仲話左佢知我成日(咩)住果個袋..到底有d乜o係入面..

唔係好人知架炸..得幾個^^

除左軬佢知左有d乜..仲因為咁..令佢得到100蚊..

我俾100蚊佢..佢就超開心-.-但係100蚊對而家o既我黎講......

算啦..等佢開心下啦..留返個好印象ma..

不過要我主動俾..真係俾個俾錢人..我諗真係難到...飛起(做善事果d緊係唔計
啦..)今日有少少反常^^

12點到我就走喇..唉..今日好慘..因為我著我隊愛隊..利物浦件波衫..點知..
俾阿火晝左2筆落去><

算啦..我唔會怪佢o既..因為我都整左佢幾筆..hee∼∼∼

返到屋企..沖涼..打日記..繼續down歌..

聽朝10點要起身..因為要去阿火度拎機..

(今日我都係過得唔開心..不過夜晚上左阿火度..就..唔同左..所以..我諗我知
道自己差d乜所以過得唔開心!!!)

今朝因為舅父仔遲返..所以我要早d落去..

9點半起左身..不過11點先落到去..

落到去岩岩有單大生意..正

12點幾食飯..食完飯..等到2點幾..

老豆話要上去上環..3點先上到去..

有d塞車..上到去勁多人..

不過我地有優先權..所以..hehe

我覺得都幾串囉..因為我可以入去閒人免進o既地方整..

又可以親眼睇下佢地o既[秘密武器]..好勁架!!!!

之後我又以破紀錄咁多o既錢由果度離開喇^^

返到落鋪頭都成4點喇..坐左陣..

睇住做左單生意..老豆問上唔再上..

果度收5點半..我地試就有試過一日上2次..

不過好耐之前同未試過咁快又上..

結果係上多一次o既..上到去..我覺得好型囉..

因為真係唔多人可以日日o係咁上去..又日日都有咁上下份量..

我問左佢地..我地拎上去o既數量o係佢地咁大間野..排第幾呀..

佢地話..第8..好勁架喇..因為佢地唔係只做香港o既生意..

有d新加坡,澳門呀都有拎野俾佢地架..

之後吹吹下水..佢地又俾左2盒杏仁餅我喎..唔駛錢架..

証明我.....老豆o係佢地度幾大面子呀!!!

返到鋪頭..坐左陣又收鋪喇..咁又一日喇..

今日咁好生意..我諗搵到唔少!!!

但係老豆呢排咁好生意..搵咁多..我理應好開心先係架

但係唔知點解..我日日都覺得好似唔借好開心咁o既><

唉..都唔知點解><><><

今日放狗就係同老豆講呢個問題..點知講講下..又唔知講左去邊度-.-

放完狗..返到去..等埋家姐..食飯..今日煮飯..

都ok好味架!!!食飯之前..

唔知點解..真係唔知點解..老豆無啦啦俾左200蚊我..

我問佢點解..佢答快d收好佢啦-.-

多謝哂喎..可能見我今日做得好掛^^

食完飯之後..我又好主動咁話我洗碗..alice話等佢黎..

咁最後都係我洗o既..點知洗洗下..alice無啦啦又俾多100蚊..

俾我買野食喎@@!!!..突然間有300蚊袋..正!!!

咁我銀包又無啦啦變成有800蚊喇..

前日老豆又無啦啦俾左個錢幾重o既足金超人公仔我喎..

重就唔係好重呀..不過佢由細到大..對我地就對得多呀..不過老豆從未試過就
咁俾金我架!!!咁o姐係話佢生意真係好好

錢幾重果個野..500幾蚊啦..咁加埋800蚊..都有千幾蚊o係袋喎!!!一個雙失黎講..
我諗都算係咁掛^^

洗完碗我就返屋企喇..行行下返去..又諗唔知d乜..

又唔係幾happy咁啦..又見有幾個錢..所以走左去seven..一次過買左4支啤酒..

諗住今晚飲囉><

返到去..無野做..問個妹借左本[死亡筆記]睇..係咁睇睇下..都幾好睇喎!!!

之後10點幾..睇埋套[來者不善]就打日記喇..

打完..沖涼..等3點睇波!!!

(今日上到去上環果度..真係有少少感覺都咩叫做大客呀..招呼真係特別唔同..
緊係啦..我地由上星期三開始..唔計六,日..上足咁多日喎..日日生意額都至少
有15萬..緊係大客啦∼∼∼)

今日俾個遊戲大家玩..都幾得意丫^^
http://cqd.pseric.com/index.php

尋晚訓得唔係幾好..因為..好大雷..好嘈

今朝8點幾起左次身..9點幾起左次身..10點幾..起身喇><

發左n個夢><..不過..好夢多do既^^

11點到..落鋪頭..落到去..食飯..

睇報紙..企朝生意唔錯..所以要上去賣野..

今日有個人買野..佢用美金架!!!好新奇-.-

3點幾o既時候..pungpung黎左我鋪頭..

佢買左外賣..無地方食喎..同佢吹左陣水..

4點幾..上去賣野..上到好..吹左好耐水..

唔知係咪上得多..而家有優先權^^

仲有好多so添正!!!

上到去個個都識我..肥仔肥仔咁叫..

其他人都覺得好奇怪..因為我咁o既年紀..點會......

不過我次次上去o既份量..都會march返個朵咁大!!!

上完去..返緊去o既時候..又黎週期性..

咁舅父仔就同我講..今個星期日上去o既時候幫我叫定個20歲o既先喎^^

返到去..hea左陣..個伙計無啦啦好主動咁教我野-.-

點半收鋪..放狗o既時候..又差d同老豆嘈..

不過佢今日生意咁好..無事..

放完狗..去食野..食完..alice叫左我去入d(貨)返屋企..佢俾錢..

買左ok多..搞到我買唔到啤酒同去唔到天悅買電腦野添..

惟有聽日先買啦..返到去..打機..

打到10點到知妹俾個電腦我用..咁我沖完涼就開始同喇..

今日同阿俊少傾左陣..又同阿火姐聊左陣..

佢好有趣架..同佢玩msn..佢用書面語架..

我有時都會用架..話哂中文都唔屎架喎!!!

無啦啦俾佢點左我做野..叫我幫佢還一本過左期o既書..

還之前仲要幫佢拎去印2頁喎-.-

唉..我見係佢炸..如果唔係..有邊個可以咁叫我做野又唔駛講唔該架..不過佢
有講..

(呢番說話..我記得唔知幾時..我講過架-.-)

同佢地傾左陣..見佢地都有野做..咪繼續打機囉..

打到11點幾..打返d日記..

12點到就訓喇..唔知點解今日好眼訓><

(好野..今日阿婆叫左amy姐姐整沙律..佢整得好好味架..後日有得食..正!!!!!!!!)

尋晚3點先訓..今朝..10點到就起身喇..

look到11點3..起身..打俾老豆問今日點..因為佢唔駛開鋪..

咁佢話等埋家姐起身..2點到去飲茶喎..

仲叫我去攞位-.-@@!!!我緊係唔識啦..咪叫左阿婆幫手囉^^

繼續打機..打到點半..要落去喇..落到去飲茶果度..

有位喇bor..咁我就同阿婆等佢地黎喇..等左幾個字..到喇..

果陣都2點幾喇..食食下野..隔離抬有個勁臭o既男人坐低左..

真係勁難頂..d汗味><

食到3點幾..返鋪頭喇..行到返去都成4點喇..

因為行下又睇下野..睇電器-.-

返到鋪頭..幫老豆整野..整完我就開始抹玻璃喇..

今次係我主動要求抹o既..因為..我等錢用

抹一抹有200蚊喎..我以為..

咁我就好用心咁抹..佢地就整曲奇..整整下又要我幫手喎-.-

我抹到成7點先抹好..好累呀..但係有錢收..

之後等家姐落黎同我地一齊去食野..睇住電視等..

8點到..佢到喇..行喇..我順便問埋老豆拎錢..

點知..佢俾得150蚊我><..點解呀!!!!!!

(佢咁好生意..點解要克減我o既工資呀><)

我好唔服氣..因為d錢真係有用..要幫阿火買電腦d野架!!!

不過都無辦法..之後佢又因為同個妹聽電話費o既問題嘈左陣..

咁我一路搭車去..一路唔係好滿意..因為我覺得..

點解打開隻手問佢要錢..會有200,300或者成千蚊都得..

但係做到身水身汗就得150蚊><好唔服氣!!!

同家姐講..嗡家姐同我聽左陣..為左平息我..佢俾返50蚊我..

但係我都要同老豆講我o既感覺..點知佢話..我試下你炸..

俾左50蚊我..所以..今次我總共收左250蚊^_______^

去到食野果度..見到傑佬同..阿邊個一齊去食..

佢就正啦!!!佢坐左o係我地隔離..吹下水咁啦..

不過佢都醉嗡之意不在洒架喇!!!

食完野..就同個妹返屋企喇..

返到去..打左陣機..等到佢俾部機我用..

咁我就用電腦喇..唔知同佢講開d乜..

佢講左句我覺得好搞笑o既野..就係..

[如果你試下減肥,睇下阿雞同唔同你一齊]-.-

唔知點解..我聽完好想笑..

之後仲要同佢o係度研究..如果我減左肥..會有乜野好處呢..

都ok有趣..所以..都係要實行o既!!!

今晚玩玩下電腦..唔知點解又黎喇..

雙魚座o既週期性情緒低落><><

我係諗到一d野..好唔開心架..咁點算..

咪打開個雪櫃..拎技野出黎..開左佢飲囉..

飲一技..超唔夠..但係我又得返一技o係屋企喎><無辦法><

今晚點幾就去左訓喇..唔想諗野..早訓早著><><

(今日記得要拎本星座書俾阿火睇..所以搵返出黎..順便睇埋我同獅子座o既人
會點..結果係.................)

尋日發生d咁煩o既事..

唉..馬死落地行..今朝惟有早d落去啦..

落到去..老豆好主動咁教我野..

食左野..我唔知點解..我今日好識做..

老豆叫我做乜就做乜..又好主動咁幫alice-.-

hea到6點到..阿火打俾我個妹..話可以上佢度..繼續整..

6點3到我就去到佢樓下喇..等佢落黎帶我下去..

(唔知係咪尋日發生左d咁o既事..所以同老豆好似有d..)

等左陣..上去喇..果陣我個妹都未黎..所以..係得2個人架o姐..

大約半個鍾佢先上到黎..仲拎左d湯上黎飲..

咁我係咁整..係咁整..但係因為一d唔關我事o既錯誤..

令到我整左2日都未得><><

整整下..又發生左d我o既錯失><(唉..我覺得自己好鬼無用添><)

真係整到有d..唔係有d..係超唔開心..

佢地2個又講自己d野喎..咁我咪打俾人吹下水呀咁囉..

當時真係覺得自己好失敗><

結果我係要整到12點幾..都未得><

部機就用到呀..又上到網呀..但係就無聲囉..

搞左好耐..直到佢媽咪返到黎..我先同個妹走..

走之前..我仲好有禮貌咁講左句..打搞哂喇..真係覺得自己好無用..不過好
彩..都有d野整到..就係至少幫佢整到個素描器用到><

12點半到..返到屋企..睇波..利物浦對車路士..

好好睇..利物浦仲好西利咁2:1殺左車仔..

睇睇下波..先發現自己原來未食野..咁咪煮左個麵食囉..

睇完波..沖涼..之後打左陣機..訓喇..

27號再上阿火度幫佢整..我決定..幫佢買一d佢部腦要o既野..希望到時整好啦

好煩好煩好煩好煩

好黑人憎呀!!!!!!!!!!!!!

尋晚睇波睇到今朝5點先去訓..

訓到11點幾..起身睇電視..

睇睇下..老豆打黎問我係咪落緊去?_?

個妹今日會同阿火去北角買野..問我去唔去..

我想去架..不過..又驚老豆要上環..

所以無去到..12點幾..落鋪頭..

今日要行去買左d雀糧先..

終於買到喇..之前3日都買唔到-.-

買完就行返鋪頭喇..行行下..見到個以前o既同學..寒暄左幾句

返到去..知道唔駛上去..

有d唔like..所以就好悶地睇報紙喇..

睇到2點幾..正當我勁諗緊點解唔同佢地一齊去o既時候..

佢地就返左黎..入左鋪頭..

仲同埋阿火個媽咪-.-要俾碟睇喎..睇神鵰俠侶..

好快咁就走左喇..不過都同阿火玩左幾(野)o既..

之後個人好似有生命力左好多咁-.-

佢地走左之後..鋪頭d人就開始講..笑喇-.-

話乜野乜野帶佢阿媽黎見下我呀..又話見家長呀咁-.-

又同我講..係架喇..係你架喇-.-

不過alice就好..我都唔知點講..

佢話喎..人地阿媽入到鋪頭..招呼都唔同老豆打下喎..

又話話俾碟就俾碟..大哂咩咁喎..

又話..如果係佢個仔帶d咁o既女仔o既匡企人見佢..就out緊咁話喎..

我話佢都低能o既..一,佢唔係我條女..二,我都無講過會溝佢..就算之後我有咁
o既決定..又關你x事咩..

你又唔係我老豆老母..咁我咪諗住同老豆講囉..

點知我一出聲..佢就話..阿雞(o姐係阿火)唔o岩你-.-@@!!!

又黎..一,我未諗住溝佢..二,無喇..

但係我就咁同老豆講..我話..我無諗住溝佢..就算係..我地又唔全做人世..駛
唔駛講到o岩唔o岩咁大獲呀..

得果10幾歲..玩下都得o姐-.-

我又話..如果我黎時要搵人..你地如果要阻我最後o既決定..

點阻都唔會阻到..你地可以俾意見..但係我聽唔聽就第2回事

就算係點..我都唔會怪邊個..就好似..........(唔想打)咁

咁老豆就話..咁我而家都係俾我o既意見你o姐..

咁就講完喇..不過由果陣開始我就唔多like喇..

咁我咪打俾三舅父吹下囉..咁三舅父毫語帶粗口咁話..

講乜我唔打喇..意思係..alice好低能呀..叫我自己想做..乜x人都阻唔到自
己..

佢講左一樣..佢話..好..黎時如果我俾人玩..佢地會同情我..可憐我咩..唔會
架..至多安慰下架炸..

我覺得好o岩..佢又話..好重要呀..而家唔係做人世呀..

同佢講左一陣..老豆無啦啦叫我去西灣河拎野..

果陣5點幾..去一去拎..一來一回..半個鍾到啦..

返到鋪頭..坐左陣..電話響..係屋企..

不過把聲就唔係屋企任何一個人..原來係阿火..佢問我係咪識整電腦喎..

又叫我星期五去佢屋企幫佢整..等佢慳返150蚊-.-

之後等到收鋪..放狗o既時候同老豆講開我今日o既感覺..

我o既開場白係..老豆..你知唔知有d說話係你講得..阿媽如果o係度都講得..但
係alice就唔講得架..

講左好耐..佢o既回答係一個中心思想..講好過唔講

之後去食飯..食o既時候個妹勁講阿火d野.我都勁俾眼色佢叫佢唔好講..佢都唔
理..

搞到我要勁轉話題-.-(因為佢2個都唔鍾意阿火..費是講啦..)

食完..返去整曲奇喇..得個妹一個整..

咁我咪幫下拖囉..整到11點到..結果係..

o係我好努力咁控制個爐o既熱力之下..成功左..

仲令到我知道以後要用乜野溫度添!!!

11點幾..走喇..個妹話阿火想打羽毛球-.-

我心諗..咁夜仲打..不過我就緊係會打啦..

去接埋佢就返屋企拎野落樓下打喇..

我發覺..自己著o既衫勁..難睇-.-

搞到俾阿火勁串-.-

11點半到..落到去..不過就同阿火玩左陣(秋千)先開始打..

獅子又黎喇..不過因為關左燈..所以唔係好睇到..

咁我就叫個妹上去拎d螢光野落黎..整斷佢用果d光野..

等緊佢o既時候..2條友勁搵地方打..搵光do既地方..

佢落到黎之後..我就同阿火好低能咁o係度野喇^^(極低能-.-)

搞左陣..開始打..不過都係唔係好見到個波-.-

結果都係要轉地方打..不過去到又因為高度限制..好煩

但係都無辦法..打左陣..我諗..都係我勁d掛..

打打下..見到..有對情侶o係公園..做d.....野囉..

阿火話..哇..公園真係最易失身o既地方..

無錯..之後就打住波同佢講左d黃色野喇..hee

再打多陣..可能我地成日望..俾佢地發現左..所以佢地返左上屋企..

打到12點幾..阿火個媽咪搵女..不過我地都係繼續打o既..

間中有俾個妹打下囉..不過因為有高度限制..打得唔係咁正-.-

所以2條友打打下又玩下鬥踢得高..

又玩下鬥爭波咁..o姐係個妹掉個波出去..2個鬥快爭到..

好低能呀!!!不過好好笑^^

打到點幾..2條友又玩左好多其他野..包括踢波-.-

又影左d相..點半到..佢要走喇..

個女好識做咁唔同我一齊送佢返去..咁我就同佢行返去佢屋企喇..

送到佢去樓下我先走..佢樓下都有ok多飛仔..

佢都唔係好鍾意..話好多呀好夕呀..好似好驚咁..

有乜好驚-.-之後我行返屋企..好累好累..

返到去..沖涼..訓左上張床一陣..

發現張床今日俾阿火搞到8國咁亂..-.-

之後打日記..打打下..3點到..出左去睇波

睇到5點..日記都唔打住喇..要訓喇

(我覺得..阿火哩個女仔都幾好..至少..同佢一齊o既時間..我會好開心..有生命力d..仲有..佢o既思想..可以好大個..不過你一定睇唔出..所以..我決定.......hehe∼∼∼)

今朝..10點幾起身..11點幾就落到去喇

落到去..諗諗下今日黎果個人鍾意食朱古力..咁咪諗住去買返2,3野(戀人)朱古力請佢食囉..
(可能你地唔知戀人朱古力係邊隻..o姐係明治m字頭s字尾果隻)

點知..行左幾間野我都搵唔到><無得唔算><

過左一陣..個妹就同火雞黎到喇^^新名

火雞無啦啦同我講話要去惠康買野..帶埋我去喎

點解o既?_?..原來..有人帶唔夠錢-.-

咁我咪同佢地去囉..又可以玩頭髮喇^^

去到..買完野..俾錢o既時候..買15蚊買..因為我無散紙

咪拎100蚊囉..火雞望到我個錢包話..乜咁有米呀-.-

可能..有返學同無返學對錢o既態度真係有少少唔同..

之後再去華潤買..買唔到..去埋watson’s先買到

買完..返去食飯..咁叫左野食..要去拎..

不過老豆叫左舅父仔去拎佢又遲遲都唔去..

咁alice咪去拎囉..我都諗住去架喇..

點知老豆話..alice發緊脾氣..老豆又有少少野唔滿意咁啦..

好似好大獲咁..不過唔講得..最後都無事o既..

食完野..同左火雞地去左天悅買埋d材料..

買完就返去整喇..一路整一路整..

整整下..鋪頭有人整左d海鮮食..咁咪出去食囉..

點知食食下..有個伙計問..做乜唔叫埋你老婆出黎食呀@@!!!

我話..吓!!!!!!!跟住舅父仔仲話..都就架喇@@!!!

唔好玩啦..咁細個-.-不過火雞話左唔食喎..咁我食完咪入返去整囉..

其實我今日都係負責洗野多-.-整整下..個妹整頭1,2次都衰左..

火雞就一次過o係我o既幫忙之下整好左一個好似蛋糕o既整..

都真係幾好食喎!!!(個個都係咁講架..)

之後就幫個妹整喇..火雞又開始做(戀人)朱古力

不過今次佢用白朱古力整..無咁好食喎..不過都ok..

佢經過左一d改變之後..放返入雪櫃..

繼續幫個妹整..都唔係咁順利..搞到大家都有d頹-.-

但係跟住唔知點解..我會無啦啦同火雞玩..打手-.-

之後又無啦啦o係個妹好努力咁整緊o既時候出左去食未食完o既海鮮..

果時已經收左鋪..alice出左去..老豆訓緊覺..

咁火雞唔識食..帶子同咩尿蝦..咁我咪教佢食囉..話哂我都由細食呢d野食到
大..仲同佢講左好多海鮮o既常識添^^

之後入返去幫手..唔知點解無啦啦3條友又玩..猜輸左要俾人打手o既遊戲-.-

整得7788..個妹出左去睇雜誌..火雞拎返d朱古力出黎..

好似唔係咁多人食咁..佢又整多左..可能佢都覺得唔係咁好食..

話想唔要果d喎..仲有幾野..咁我覺得..一個人自己整左d野出黎..

最後自己話唔要..o係唔係整到失敗o既情況下..果種感覺一定唔好受..

咁你地話我會點做丫..無錯..係同佢一齊食埋果d^^

7點半到..就同老豆地出去食野喇..

因為大家都食左好多野..alice話我地整得好正..食左好多-.-

所以去左食麵呀粉呀果d..食完o既時候..火雞最慢..

可能因為我講o既野令佢笑到食唔到..仲差d搞到..^^

但係係得佢笑得咁勁..乜我有咁西利咩!!!

食完..返去整埋d手尾..留下俾邊個邊個呀咁..

搞掂之後..個妹又出左去睇雜誌..咁我就同火雞o係度聽住d舊歌

一路睇下d教人整野食o既書..(原來佢都有聽開d舊歌架..我就..勁識啦!!!)

我仲搞到自己好似對整野食好有研究添..好似鬼死咁岩key咁

不過唔係呀..我覺得我好有天份架!!!

如果可以多d同佢一齊研究下就好喇^^佢咁勁

差唔多9點..要走喇..佢9點半要睇15/16..我9點半要睇波..

所以一齊返去..唉..見佢一袋二袋咁..咪幫下手囉..

又玩左陣頭髮..送佢走完..同個妹返屋企..睇波..沖涼..打日記..訓

聽日都應該可以見到火雞..因為佢聽日都應該會落黎..

又幫佢改下名先..就低b雞啦..hehe

我今日發現到..火雞講左好幾次..咁浪費架..唔抵呀..咁

原來佢都幾..咩..啦下..不過咁o既女仔先好呀!!!

至少唔駛下下話買乜買乜咁丫..

(仲有呀..我今日又發現..如果一個雙魚座要刻意march一個人..真係會好容
易..由其係我..好似成日俾人識得好多野o既感覺..hee∼∼∼)