今朝非常之痛苦..5點先訓..

但係得果6個鍾..就好痛苦地俾d聲嘈醒左..

11點幾><><><我一定至少要訓7個鍾..果日先會精神架-.-

不過醒左就無辦法啦..

起身..睇Gundam Seed  Destiny..諗住睇埋果集佢..

睇左陣..有d肚餓..咁咪整左野俾自己食囉..

食完..繼續睇..睇到2點幾..終於都睇哂..

結局喇..用左3,4日時間睇哂一連50集o既Gundam Seed  Destiny

真係好好睇..好正..不過差唔多所有高達都係咁好睇架啦..

但係今次咁完整咁睇左一套..

隻feel真係好正好正!!!

講多次..真係好好睇..唔怪得咁hit啦.

但係佢又俾唔到會永遠唔忘記果隻feel我喎..唔知點解呢?_?

我又覺得..個結局有好多野都未交待清楚就完喇..

真係有d唔開心..好似個妹講咁..如果一套動畫個結局唔好..

睇完之後真係會有一種令人(藥)有所失咁o既感覺架..

我記得套野好似另外有一集GUNDAM SEED DESTINY FINAL PLUS架..

睇個名..應該哩個先係結局..咁我決定左一樣野......

當我睇完(結局)之後就落鋪頭喇

落到去..都無乜野做..hea下咁囉..

因為頭先經過天悅買左4隻game..110蚊呀-.-
(4隻裡面有2隻都係同Gundam Seed  Destiny有關架..!!!)

我份人就係咁架喇..我一旦鍾意一樣野..我一定會得到哂佢所以有關o既野..

好似一套動畫咁..如果我鍾意左..我會買佢o既games..電腦,ps2..

如果係有更好玩o既..而o係psp或者其他遊戲機..我都會因為一隻game而買埋成
陪機..

我知道代價好大..隻game可能百幾蚊..但係陪機就分分鐘千幾2千蚊..

不過無問題丫..好簡單..因為我鍾意..

我又可能會連桌面..電話桌面呀..mp3歌呀..都轉哂同哩樣野有關o既野..

話你地知丫..我另外果個整得好靚..但係又唔知點解唔用o既日記網o既桌面..就係Gundam Seed  Destiny同Gundam Seed o既主角^^

我份人就係咁..好怪架..佔有欲極強..如果唔可以或者無能力咁做..我會寧願
唔接觸果樣野..

可能..我對人都係咁..所以..我係一個超難夾o既人

所以..我下個星期都會去灣仔睇下仲有無哩套動畫o既games^^

買左要半個鍾先有得拎..所以返一返鋪頭先..半個鍾之後..去拎喇

今日o既感覺有d怪..明明係一間老番鋪..但係都會有人招呼你架喎

拎完之後..返鋪頭繼續hea..又訓下咁..

5點3睇左無線一套動畫..卡通片..好似幾好睇喎..

我又決定左一樣野喇..

睇完..做左決定o既第一樣野先..就係打電話俾個妹..

叫佢幫我down埋果個結局^^

之後又繼續等到收鋪..放狗..

今日老豆題一題我..佢叫我唔好再過d咁o既生活..話d時間會好難過喎..
(佢又點知我日日睇動畫丫..我個電腦簡直係動畫庫!!!)

放完狗..去食野..食完..返屋企..

做我第2樣決定o既野..因為個妹同我講過..我地有我今日睇左一集果套動畫o既
全陪26套加一套OVA

所以..我返到屋企之後第一時間就係開始睇套野喇!!!^^

今次睇哩套野..叫做Tsubasa翼..無線叫做翼之奇幻旅程^^

睇左5集..發現Gundam Seed  Destiny個完整結局down完..

睇左集翼之後就開始睇喇..有46分鐘咁多..

一定好好睇o姐..結果..真係..睇完之後果種(藥)有所失o既感覺立刻無哂..因
為個結局好完美!!!!!

睇完..出去沖埋個涼..打返2日o既日記..繼續睇喇..

順帶一提..我屋企果一炸電腦加燒左碟o既動畫..絕大陪份都係日本動畫..

無可否認..d日本仔晝o既..做o既動畫真係好好好睇..又多元化喎

今日又唔知睇到幾多點先訓喇......

(我o既生活睇落好似好頹廢咁......應該係話..之前都好頹廢..但係而家有左追動畫哩樣野..可唔可以叫做充滿左呢???定一或係..一樣浪費緊時呢......)

今朝又係11點幾起身..

聽到阿公話今日鋪頭做牙..改左食中午..

咁我咪12點幾要落到去囉..

好快地睇左一集Gundam Seed  Destiny..

落去喇..落到去..o岩o岩好食飯..

食完..hea左陣..老豆話要上上環賣野..

之後等上去..等等下..訓左=.=

2點幾..行人..上到去..都ok多人喎..

又要等佢去拎錢..所以都搞左ok耐..

成4點先走得..走o既時候..

三舅父打俾舅父仔話佢扭親隻腳..

所以我地要去一去銅鑼灣車之佢..

去到之後..見到佢..都唔係扭親咁簡單喎..都ok大獲喎@@

不過舅父仔就勁幸災樂禍..勁好笑!!!

不過我地都幾賤..hehe..

車完佢之後就返鋪頭喇..返到去..

又無乜野做..打下gameboy囉..

等到收鋪..之後放狗..食飯..

食完飯..返屋企..行返去o既時候feel到..今日好鬼凍呀!!!

返到去之後..沖左涼..開始繼續睇我o既Gundam Seed  Destiny..

一野睇左7集..由8點幾睇到2點..(留返6集聽朝睇!!!)

出左去打機..打到3點半..

又沖多次涼..因為太凍..要沖個熱水涼先得..

沖完..差唔多喇..4點鍾..入返屋..

開電影..睇波!!!

今次可以訓o係床度..不過咁樣有d壞處.

就係..好快眼訓..場波上半場又唔係咁好睇喎..

所以..睇左半場..真係好眼訓..5點就去左訓喇..

(唉..自從上次我o係日記提過朝早有人裝修好嘈之後..佢日日都係咁..成個月
啦..都唔知整咩..我哩d生活顛倒o既..再俾佢咁搞一搞..真係日日都無覺好訓><><><)

今日我全日都o係度睇Gundam Seed  Destiny..

由11點幾睇到3點幾..無做過其他野..

打完..

(Am..to..Am呀-.-)

今日星期一..11點幾傑佬打黎嘈醒我..

約左1點鍾..同佢同埋個fd..去唱k..

去皇室堡唱..咁因為我同老豆買左波..

要落一落鋪頭拎錢先..

拎完錢..約左傑佬等..之後一齊去..

去到..遲左少少啦^^

搵埋第3個人..去唱k喇..

唱到4點幾..好累..o係k房食埋個lunch..

都ok開心啦..補祝個生日..

唱完..去左老麥食野..我中左波..我請..

食完..走人..同傑佬搭巴士返屋企..

大家都要訓一訓先..

我返到屋企..開始睇我套魔法騎士..正!!!

一路睇一路睇..睇到2點幾..由6點開始睇..

2點..睇埋個大結局..好好睇!!!!!!!

2點幾..去訓喇..

我今次睇哩套野之前..細個o係電視睇過一次..不過唔係好完整咁睇..但係我記
得..

當時我睇完o既時候同自己講過..我永遠都唔會唔記得哩套動畫..

直到前幾個月個妹話有得down成套..咁叫佢幫我down左之後..前幾日先睇..睇o
既時候..真係仲記得套野..連主題曲都記得..

今日睇完..我都係會講返果句..我永遠都唔會唔記得哩套野!!!

(我係咪好低能呢!!!不過我好認真架..)

[好喇..咁充實咁睇完動畫..我決定..聽日開始睇Gundam Seed  Destiny!!!]

今日..星期日..老豆唔駛開鋪..

尋晚睇動畫睇到4點幾毛訓..10點幾起左身..

老豆話佢地落鋪頭搞掂d野先..

我同個妹就o係屋企等電話..

我又開始睇我o既動畫喇^^

睇左陣..老豆叫我地2點鍾落到去飲茶..

咁我一路睇動畫..睇到點幾..落去..

去之前..搵下我屋企..睇下有無一隻同我睇緊o既動畫相關o既games..有喎!!!

落到去飲茶..飲完..老豆話去赤柱喎..

果陣3點到..去搵左一搵傑佬..睇下佢個新同事^^

不過唔係睇得好清楚喎-.-

望左望..走人..去搭14號..

不過我行緊去個站搵佢地o既時候..

見到架巴士..老豆叫我快d..

咁無啦啦跑左成條街咁遠-.-索哂氣><

上到車..坐左半個鍾到..到喇..

又黎左赤柱喇..同佢地行左陣..

alice要睇野..我就同老豆周圍行喇..

睇下有無機會搵到利物浦件(嬲)..結果緊係無啦..

不過就睇到好多人..好多野睇..

同老豆講開狗o既問題..佢話佢有個fd..問佢要唔要

雪hill犬..佢話唔要喎-.-1千蚊炸-.-

如果出面買..至少一皮......

同老豆移左陣..搵返佢地..就走喇..

去左一間野度坐左陣..飲野..

叫左一杯咸(零)7..佢俾左成罐雪碧我呀!!!好多..

飲完..返鋪頭..抄飯食..放埋狗..

返到去..睇下今晚買邊場波..

老豆話受我注喎..咁就買條5串1..買20蚊啦..

因為銀包得返20蚊-.-

之後就返屋企喇..睇左陣動畫..8點3睇波..

睇左場..又去睇多陣動畫..11點再睇波..

哩場波係我最近睇左咁多場曼聯..最好睇..最精彩o既一場..

睇完..睇多陣動畫..4點-.-到就訓喇..

(都真係幾邪架..你有好多錢買波o既時候就好難中..不過當你無錢買o既時候..
就會中架喇..好似今次咁..我買20蚊..就中左150蚊..收返之前輸左果d喇!!!)

今日係 2月25日..o姐係我生日..我係咪應該好開心呢..

不過我無喎..因為..我都幾悲哀..

我發覺..自己原來都無乜朋友..再加上做左一排雙失..

朝早11點幾起身..hea下..

就開始用電腦..睇左一套都ok好舊o既動畫..

套野大約係1994年到啦..我果陣時得7歲..

叫做魔法騎士..好好睇架..我哩幾日都狂睇緊..

睇完一集又一集..諗住睇完落街..點知又睇多集..

點幾先落鋪一頭..落到去..因為未食野..

而家姐同alice又o岩o岩出左去食野..咪去搵佢地囉..

食完野之後..返返鋪頭..袋左幾封利是

就開始睇下報紙呀..咁喇..

因為約左傑佬3點幾..咁咪等囉

等到3點..有d悶..佢又未有電話到..

都有d唔係幾滿意架..咪自己行左去銅鑼灣囉..

去去下..佢3點半打黎話行得..因為我都ok..所以無理佢..

去左銅鑼灣睇下有無自己想買果樣野..結果係..無

去埋柴灣..都無-.-

去完柴灣之後..發覺無乜野做..咁咪叫返傑佬同我去旺角囉

再約埋敖敖..還返d錢俾佢地ma..

約左佢地o係西灣河一地鐵站等..到齊之後..

3條友毫咁企左o係地鐵站吹水..仲要係吹左成個鍾喎@@!!!

大家講左好多話題..例如前途呀..溝女呀..近況呀咁..

吹左好耐..6點到..我同傑佬先開始去旺角..

老豆話今晚會去灣仔波士頓食野..

我咪話8點應該得囉..

之後就同傑佬去旺角喇..去到..緊係搵我要搵o既野啦..

搵左好耐..都無..咁咪惟有退而求其次囉..

不過都總算買到..自己鍾意o既生日禮物^^

買完先7點半..老豆再打黎話book左8點半..

仲有成個鍾-.-咁我地首先搭左車去灣仔..

之後就去左老麥坐..因為太餓..買左少少野食..

坐左陣..諗住去買波..又無買到..

8點3,4到我地就去左果度先喇..

去到..睇到d野佞都幾特別..個名..

都幾ok貴..我地睇左個好耐都諗唔到食咩..

唔知由幾時開始..我地好鈕意斷背斷背咁叫..

係取材自斷背山^^..解釋..咪gay佬囉

等左佢地一陣..到喇..大家好快地叫左野食..

我叫左好有特色o既火焰劍!!!

果度d野食都ok架..咁貴..緊係要ok啦-.-

大家食完之後又叫多個火焰雪糕!!!

當係我生日蛋糕喎..又唱埋生日歌添@@

食完..就搭巴士返屋企喇..

返到去..同傑佬睇左場波..

我o既生日就係o係睇緊一場波中過左喇..

咁就19歲喇><..睇完波..我今日好似發現..唔見左自己件刮物浦波衫><

我就開始睇動畫..一路睇..睇到4點幾先訓

(唉..我今年o既生日就咁過左喇..好平靜..無咩特別..不過買到份生日禮物都
ok開心啦^^佢地約左星期一去唱k..希望......)

好多謝阿盈佢送左個咁得意o既flash俾我呀!!

今日估左幾場波..想買不過無買..點知中左喎><

今日..可能真係應左我尋日講..最平靜咁過19歲生日就係最難忘><

講真..咁樣過19歲生日..真係有d失望架><><不過都過左去..好無奈><

今日係生日前一日..朝早早左d起身..

10點半就起身喇..不過都係look到11點幾先落床

打左半個鍾機..12點幾就落鋪頭喇..

因為要解決果個問題..約左人2點鍾..

落到去..叫左野食..老豆俾左我..

點幾就去搵佢喇..2點幾..返返鋪頭..

睇報紙..幫手..hea-.-

3點幾老豆就出左去..我就o係鋪頭做住講事果個先..

同傑佬傾左陣電話..都幾耐下架..

之後就出返去看鋪喇..

同人吹下水咁..

丫..係呀..我之所以打俾傑佬..係要講d野佢知..

就係..我今日坐坐下..突然諗到點過哩個生日係最好o既..

就係..首先..假設我有ok多錢..唔駛太多..10幾萬夠架喇..

之後搵個識好勁英文o既人..再架埋傑佬..

果陣4點幾..走去機場買張機票..去英國..

咁16個鍾到..到啦..過到去..星期5o既夜晚8點..

食埋飯..去訓..咁訓到第2日8,9點到..

食早餐..之後行下街買野咁..下午..

搭車or飛機..飛去利物浦市..

去到..可能都要食dinner..之後又返酒店..hea..

可能會因為時差..12點幾先訓到..咁訓到第2朝9,10點

起身..就去利物浦主場 - 晏菲路喇..

買飛..入去睇波..因為當日o既12點正有一場利物浦主場對曼城

現場..如果無飛..就買黃牛飛!!!買返3張..睇波

睇完就走..可能留多幾日英國..可能走..返香港..

如果可以咁過19歲生日..都真好正!!!

講開又講..又唔係話唔得架..如果真係一定要咁做..

我老豆一定絕對可以俾得起個費用囉!!!(不過無可能會俾我咁做-.-)

講完..傑佬講左一句..

咪發夢啦..再加多句..你都係星期日叫你阿公o係有線幫你轉台睇算啦-.-

之後繼續看鋪..直到6點半收鋪..老豆都未返..

咁咪我收囉..都ok架..雖然無佢咁熟..

收左鋪..無夾萬鎖匙..要等老豆返..

同舅父仔一齊等.d舅父地約左我8點出去食飯..

去之前同舅父仔去一去太古買左份生日禮物俾自己先!!!

不過去到..搵左幾間..都無..連間專門店都無..

真慘..不過就留左電話等有貨囉..

禮物係咩..咪就係利物浦件風(嬲)囉!!!

8點去到食飯..都ok開..聚一聚咁..

d屋企人不嬲都唔知我同d朋友一齊會咁粗口

我今日係咁易講少少..佢地會覺得我講粗口好好笑-.-

今日又有蛋糕食..仲唱埋歌添..

d餐廳人又幫我地熄燈喎..幾好丫^^

我地又有照相喎..不過覺得自己好肥-.-

大家仲一齊(研究)我問老豆要乜生日禮物添..

講左陣..我表妹就發表一條好正o既程序..

首先..問老豆拎封大利是..因為無開大食會..

第2..聽晚去食餐勁o既..好勁果隻..

第3..o係鋪頭搵隻新d..大d..靚d..o既鑽石耳環帶..

第4..再同老豆講要換電話..3g掛^^

無喇..係咁多..不過最後結果可能係..

大利是..有..大餐..有..勁不過唔會好勁..

鑽石耳環..無乜機..有都係媽咪果d..

換電話..仲少機..不過都有機o既..

食完飯..返屋企..打機..等到11點九

用電腦..勁大壓力..因為我d咁o既雙失青年..

好驚就算開左icq..msn..加埋電話都無人會接觸我..

不過好彩..都仲有好幾個fd記得我生日..咁都無咁失望..

咁之後就一路睇住鋼鍊..一路同佢地chat喇..

點幾..打日記..同阿雞傾左陣..佢好有雷地話幫手搵下有無工俾我返喎^^

打完..沖涼..可能睇多陣鋼鍊啦

(有d野..過去左就係過去左架喇..無得返轉頭..我唔想後日會因為傾日過得唔好而講哩d呁o既說話..所以..我傾日會盡力過得有意義!!!過得難忘!!!不過要點做..未知!!!-.-)

可能最平靜咁過19歲生日就係會最難忘-.-

又係因為今朝6點訓o既問題..所以又係點幾先起身

打返篇日記..打打下..無啦啦收到個電話..

唉..好煩呀..點解要o係我就生日先搞d咁o既野呀..

唔幫又唔得喎..話哂都咩丫..

我諗左好耐都無乜辦法..

最後..打俾小璇睇下佢地幫唔幫到手..

不過都係白費..算啦..再諗過..

3點幾..落鋪頭..係咁諗..

咁落到去..睇左報紙..食左少少野..

就做一樣好搞笑o既野喇..

(冊)利是..搞笑o既地方係..

唔係今年果d..係上年果d..我都未冊哂..

諗住睇下幫唔幫到手..我心諗..之前果期同阿邊個一齊

今日點幾起身..因為今朝6點先訓..

起左身..食左個炒麵王..2點幾就落鋪頭喇..

落到去..睇左報紙..等上上環..

3點幾o既時候..傑佬打黎

佢話以後唔買波喇喎..叫我今日同佢去買埋最後一次

-.-搵鬼信咩!!!!!!

叫左佢落黎..同我一齊去上環..

今日上到去..d人問我點解唔駛返..又問我係咪唔讀..都唔識答-.-

賣完..去左上次好想食果間野食..上次未開..

九記牛腩!!!我食左2碗..傑佬一碗..再買多碗返去俾老豆..總共103蚊..

食食下o既時候..突然有個神奇電話..我個班主任打黎..叫我聽日返去補考
@@!!!我學費都無交喎..點補考呀-.-

之後就返去喇..不過去左一去小西灣先..

要俾架車三舅父..接完佢之後..

一齊落返去筲箕灣..落緊去o既時候..

三舅父講d野勁好笑..超賤^^

返到鋪頭..傑佬坐左陣就走喇..6點到

我就等到收鋪..放狗..返去食飯..alice今日炒飯..

不過佢放左d我好唔鍾意o野落去..(楊充)><

食完我就返屋企喇..睇完天慕下的戀人..

開始睇動畫..個妹好耐之前幫我借左成套鋼鍊返黎..我都未睇

今晚睇左3習..睇完就開始打機..

打到3點半..傑去同傑佬一齊上黎..

又等睇波..我今日無買到..因為好難買..

傑佬又捐多50蚊俾馬會喇..

睇到6點..又去訓喇..

(傑佬話佢公司今日黎左個新人..好得架喎..我係時候去睇下喇..雖然人地有男朋友..不過睇下都無妨丫..hee∼∼∼)

今朝起身..煮左野食..睇電視

點幾落鋪頭..今日早..少少啦

落到去..又度點買波..度完

去買o既時候..佢地好多都叫我幫手買埋六合彩..

搞到我要拎好多錢去..

咁費是混亂..咪同埋舅父仔一齊去買囉..

買完返去..又hea左陣..睇下報紙咁

4點幾..同都豆一齊出左去買野..有人想食雞蛋仔

咁我又約左傑佬4點半落黎..要教傑買波^^

我地買買下o既時候..傑佬行埋黎搵我地..

買完..返鋪頭..傑佬開始睇住份報紙諗點買喇..

佢諗左勁耐..話第一次買喎..

佢搞到我就收鋪..6點幾先諗好..

就係買果50蚊o姐-.-

收左鋪..放埋狗..同老豆講聲唔同佢地食..

就同傑佬走左..去馬會喇..

買完波..同佢去食野..首先..

去左食一碗20蚊o既麵加每人一罐汽水..食完..我加多碗仔(次)

然後..返一返鋪頭拎野..因為要拎張支票俾個妹..

拎完..再去食多3串一串串果d..

食完..再去seven每人加多杯雪糕@@!!!

食左勁多野..之後就返屋企喇..

返到去..見到細傑同家姐上左黎..話拎袋..要上大陸喎..

咁我今買左啤酒上去..又同佢講左我有買波ma..佢第一時間問我

你識搵錢咩..你唔識搵錢又買啤酒飲..又買波..有無搞錯呀!!!

好我我哩期無乜火o姐..我咪話..咁又點呀..我係我..想點做咪點做囉..

我係未搵工..未搵到錢..但係至慘o既係..我唔識搵錢..每個月都有錢靜

都有過你丫..你d錢咪又係俾哂馬會..話我!!!

之後睇左套個妹down的動畫..

睇到11點幾..開始打機..因為3點9先開波..

所以要打住機等..3點到..傑佬話上黎..

搭半佢就黎到喇..等左陣..開波..

睇到5點9><><唉..輸哂..我就輸左40蚊..

佢就無哂..好彩都仲未係買得好大o姐@@

6點就去訓喇..

(今日21號喇..仲有幾日..唉..我今年會點過呢..表面上好似新舊曆一齊..要搞大佢咁..不過就因為一個人返左黎..搞到而家咁......)