今日又係11點幾起身..打左日記..

睇埋套九五至尊結局..打多陣機

就落鋪頭喇..落到去

行緊落去o既時候..amy姐姐打黎..同我定左佢地星期五晚同我去邊食野..

3點到..睇報紙..打俾傑佬傾左陣

傾下星期六有乜搞-.-

之後就睇電視喇..睇完..

等到收鋪..放狗

今日alice煮麵食..食完就返屋企喇

返到去睇電視.睇左陣

又開始打機..set野set左勁耐..有d忟

因為set完又set錯><

老豆11點幾返黎..佢o係廁所整野..

我見到..咪幫下手囉..我發現..佢真係大喇..年紀..

佢以前整屋企d野..我都有睇住o既..

今日發現..唔同左..

打到3點幾..訓喇..

(我除左發現老豆今日唔同左之外..佢呢期都唔同左..我唔識講..不過諗返..就
覺得自己好唔岩..原來..o係我日日hea下hea下咁過..咁長大o既時候..我身邊o既人都係一路咁年長..)

係咪要因為一d無關係o既人而令都豆成日咁難做??令同老豆o既關係變得唔好呢??我咁樣..媽咪又會唔會想見到呢??

有d野..真係要珍惜架..

我諗..我係時間要做d野..改變一下喇!!!

今朝12點幾起身..打返篇日記..

之後就開始打機喇..

打打下..諗下今晚點買波..

3點幾..落鋪頭..買埋場波..

睇下報紙咁..今日收4點..

我見到佢地打緊痳雀..

咁岩今日話上黎整now機果個人話早d上黎..

咁我距返一返屋企先囉..上到去..

岩岩見到果個人上黎..同佢一齊行..

果條友整得好快..勁快手就搞掂喇..

5點到..搞掂..我就開始打機..

打到7點幾..老豆話alice今晚煮飯..

咁我地咪落去食囉..8點幾開飯..等埋家姐返黎..

不過講開又講..d野都ok好食o既..

今完..睇左陣電視..我又飲左3罐喇..

9點幾就走喇..返到去..10點開波..

唉..又無錢收喇..好彩我今次買左20蚊o姐..

睇完..打多陣機..3點幾就訓喇..

(有陣時d野..你唔買..估佢..佢就好易中喎..但係買左..就編編唔會中架喎><)

今日成12點幾先起身..因為無電視睇

所以無教鬧鍾..照舊..打機..

打到2點幾..開電腦用..上網睇下野咁

睇到4點到就落鋪頭喇..

經過天悅..睇下有無一隻想買左幾日o既game賣..

有喎!!!咁緊係買啦..

買完..要等半個鍾先有得拎

咁咪返鋪頭先囉..返到去..睇報紙..半個鍾之後去找碟喇

拎完..經過馬會拿左d飛..

之後返鋪頭..諗下今晚買咩波

諗左陣..決定買1場波膽1場過關

如果掂..有3,4百蚊啦..我買100百蚊

寫好之後就去買喇..不過因為唔識買..搞到我行黎行去

由鋪頭行去馬會..又由馬會行去鋪頭..行左幾轉..

最後都係要跟住一個成日出入馬會o既人去買^^

6點半收鋪..因為今晚老豆地去飲..所以我同個妹要等埋家姐放工

佢放8點..先同我地一齊去食野..

咁順理成章..就緊係問老豆攞錢食飯架啦..

佢竟然話每人俾50蚊我地食喎@@!!!咁鬼少..

我有d唔滿意囉..不過都好過無

因為仲要等成個幾2個鍾..所以決定返屋企先..

行到返去..打左陣機..隻game真係我想買果隻!!!

8點幾..老豆地行o既時候..

無啦啦話要幫alice影相..咁又搞左陣

8點幾..落去同家姐食野..去食排^^

正!!!都唔係好貴o既..三個人食左200幾

家姐今日同我地講左d野..不過唔講得..佢好煩咁喎..不過都預左架啦..

食完..突然好想食一串串果d野..入太安樓買左串野食

之後就行返鋪頭喇..不過我無諗住返去

因為我要去投注站睇買左o既一場波..

利物浦對曼聯..我買左1:1..2:1

點知個結果係利物浦勝..1:0

真係有d矛盾..我個人就超級鍾意利物浦o既..

但係睇o既時候又要支持曼聯追和喎..

咁而家利物浦win左..咁我應該開心定唔開心呢..

講真..我都係開心多過唔開心o既^^

睇完..返返鋪頭同埋個妹返屋企喇..

返到去..打機..等睇第2場..

如果哩場同5點踢果場win埋..我就有錢收..

點知..佢1點開波..3點我就去訓喇..

因為和左波..唔駛睇波之後果場喇..

今日可以話係我第一次正正式式睇一場意甲o既波..

佢竟然和波..仲要搞到我無錢收..100蚊都輸埋..

不過好彩係100蚊咁少o姐-.-

(所以話呢..買波o既野..真係無話實win架..唔好沉迷賭博咪咁o既意思囉..好彩我今次輸左..都無果d..有賭未為輸呀..下次一鋪番身呀..果d諗法o姐-.-)

尋晚打機打到3點半先訓..

今朝11點俾d電話打黎嘈醒..又係果d錄音電話><

醒左之後就打日記..

煮左個公仔麵食..睇埋九五至尊..

諗住去剪頭髮..不過老豆打俾我話要去賣野..不過今日唔係賣金..

而係賣銀..唔係上上環..係去佐敦果邊..

落到鋪頭..等左陣..哇..好鬼多..好鬼重..

727兩..o姐係我都唔識講幾重..

總之我一隻手拎唔起..一個人拎都唔拎得幾遠

2個人拎都會覺得好重..好彩我地有車炸..

如果無..都唔知點拎去賣..

2點幾..行..舅父仔去左一去灣仔車Amy姐姐先..

因為順路車佢過九龍果邊..有整搞喎..

3點幾去到目的地..@@!!!無啦啦見到有好多人..

原來係漫畫風波遊行果d人..好多人呀!!!

之後就做正經野喇..學到d野啦..

700幾兩都係5萬幾炸..如果係700幾兩金..真係唔識計..

我諗有差唔多三百五十萬@@!!!(大約數..)

不過我知道無乜可能會有人700幾兩金咁賣架-.-

4點幾..返鋪頭..今日除左有同舅父仔講波..賭波之外..

仲有講..溝女o既問題..hee∼∼∼

差唔多5點..返到去..hea左陣..睇報紙..

問老豆拎錢用o既時候..又頂左2句..又係因為果個人..

之後都係決定去剪頭髮架..唔等喇..太長喇..

搞到個人都頹廢哂-.-..搭地鐵上去..太耐無落過筲箕灣個地鐵站喇..唔同左咁
多喎..仲記得以前日日都會黎..

上到大舅父度..消息真快..佢第一句就係話..

聽講你中左波膽喎…之後同佢and二舅父交代左

剪完頭髮都6點喇..搭返地鐵返去..勁多人放工

之後等食飯..個妹今日返黎..所以會同佢地出去食

出去放狗又同老豆有d意見不合..俱飯開頭都唔係咁開心

不過後尾無事..掛..我諗..

食完..睇埋大結局..就同佢地搭的士返屋企喇..

返到去..睇左陣電視..開始打機..

(我都講過會有問題架啦..而家愈來愈多喇..你話點丫..真係有d唔開心..我之
前已經講過..會有好多問題出現..有時唔係話我主動想搞好佢..就得架..)

點搞o姐..我跟本就係唔like佢..點解要搞好佢喎..又唔係無左佢唔得果隻..

不過老豆係最難做果個就真o既..唉..見步行步啦

今日又係11點幾起身..因為我決定左教鬧鍾.

日日都教11點-.-唔想再訓到1,2點喇

起左物之後..睇下電視..睇九正至尊^^

又打下機..諗住2點幾o既時候去大舅父度剪頭髮

不過點幾o既時候傑佬打俾我-.-

我都唔記得左約左佢去灣仔買野添..

咁又唔剪住喇..(我已經由上個再上個星期話剪髮話到而家-.-)

去搵完佢之後大家搭左一架大家都唔知去邊o既巴士去..

都係估下佢可能到架炸..

搭緊去o既時候..同傑佬講買波o既野..

佢俾我講到佢都諗住星期六去買^^

去到灣仔果頭..落車..都要行ok耐先去到我地個目的地..

佢又要搵廁所喎-.-係要去商場果d架咩-.-

行緊去o既時候..經過好多車廠..睇左陣新車..

行行下..老豆打俾我..話要上去喎-.-

野都未買喎-.-..不過舁啦..嗱嗱聲買完就上去喇

咁行到去o既時候..我想買果隻game..買哂-.-

未有貨..要4,5點先有-.-(條友都ok串..不過佢哩d..都係有背景架啦..)

咁無辦法啦..今日去灣仔仲有一個目的..

就係要返一返學清locker

見到幾個同學仔..幾驚佢地唔認得我呀-.-

傑佬都話..原來我間學校都真係ok多正菜!!!

拎完野就搭地鐵去上環喇..

上到去..好快地同舅父仔會合完..搞掂埋

4點幾..走人喇..車左傑佬返屋企之後就車左去車房..要俾錢..

仲見到一架法拉利添..我仲同舅父仔講..我成日都覺得我第時會有架咁o既車
囉..

望都係咁望啦^^..又俾佢講岩左..佢話我第時如果有錢

一定會成日換車..對!!!至少有一架私家車..加多架跑車..

佢又話..婚就唔好咁快結住喇..玩下先啦..

不過大前提都係..首毛要有錢先有得講..

去完車房就返鋪頭喇..舅父仔泊車o既技術真係好利害..

返到鋪頭..又係hea囉..收左鋪之後我就無聲無色咁返屋企喇

唉..唔想同老豆地食飯..自己去左惠康..買鍾意食o既味o既公仔麵返屋企..

又順便行埋天悅..睇下有無隻game賣..都係無喎-.-

返到去..有飯食..唔駛食公仔麵^^

不過..原來都豆地都唔係出去食..有煮飯喎..搞到我要打電話落去澄清><

費是俾人講說話啦..我係咁諗架喎..

如果佢地第時出去食..我都唔會同佢地去..除左有埋家姐或者個妹

食完飯..打機..睇電視..就咁去到3點半..訓

丫..點解隻NaNa都仲未出架呢-.-

(今日舅父仔問我係咪就黎生日..又話今年係新舊曆一齊架喎..19歲ma..問我想
點搞..我唔知呀..我都無乜朋友o既><..只要唔係同[佢]一齊就得喇..咁佢話同我出去食飯喎..就咁決定啦!!!)

唔知係咪日日都o係屋企..無野做又唔落街咁..所以就算係今日咁o既行程..我都覺得..ok累-.-

今日..6點先訓(睇波).11點半起左身喇

睇左陣電視..之後本身諗住約傑佬12點半去灣仔買野

不過佢未訓醒..咪等佢囉..係咁等係咁等

等到2點幾佢都未得><

等緊o既時候..搵歌..搵一首o姐..

係最佳損友..原來真係好好聽架!!!

不過搵左好耐先搵到首真o既..

3點到..唔等喇..要落鋪頭喇..如果唔係老豆又嘈><

行到落去..順便去馬會收埋尋日買果1場波中左o既140蚊^^

得閒咁樣賭下錢..真係可以(兒)情架^^

返到鋪頭..收到風..老豆同alice嘈..

抄大獲..仲話alice會返美國喎..

真係有少少心涼..不過老豆話..

如果alice就咁走左..佢都無乜動力再做間鋪頭

會(汁)左佢喎..佢都傻o既..傻到痴線..

(如果佢唔做..大不了咪我頂埋佢做囉..我今日係咁諗)

不過諗深一層..佢為左女會咁傻..我又何嘗未試過呢..

學三舅父話..如果老豆真係咁..你要鬧醒佢呀..

就好似三舅父鬧醒我咁!!!

佢都估我唔到我可以做到咁..........

不過4點幾o既時候..老豆去左sorry

6點到..alice咪返返黎..仲拎住野花添..

俾我同舅父仔勁串佢地..好搞笑^^

(今日舅父仔又教多d我買波o既[技巧])

收左鋪之後等家姐返黎食飯..等佢等到8點..

訓住等..佢返左黎我先知..原來係佢幫老豆手..

之後就同佢地去食野喇..仲去埋明記食糖水添..

食糖水o既時候見到幾過以前中學o既同學..

食完就返屋企喇..返到去..因為今晚2部電視都有人用..

賭馬..睇劇集..所以無得打機..

咪用電腦囉..玩左陣..接龍-.-

就開始同阿盈傾計喇..真係好耐好耐無chat過喇

又玩下send相同視像遊戲咁..因此我發現到..部機又就死喇-.-

同佢chatchat下..阿晴..叫我阿榮果個女仔chat我

同佢講講下..好恐怖呀!!!!!!!!

點解會咁架..我第2次喇..

我o係icq識過3個有交換電話o既人..但係就有2個係..

包括阿恩同阿晴..-.-無奈

好似阿盈姐咁..咁先好ma..為左識朋友而識朋友..係咪??^^

發生完恐怖加搞笑野之後..同阿盈傾多一陣..佢要off..返學呀!!

我就繼續..打下日記咁..

頭先同阿盈講開識左佢幾耐..唔係好記得..實數

不過佢就記得點解會add我..我都忘記喇..

因為講完呢d野..所以我決定......

我上返d網..用方法..因為我要搵下..

識左佢到底有幾耐..要實際時間..

結果o係佢以前o既留言版睇到..原來係 2005年8月16日

我第一次上去留言..如果當果日識o既..咁聽日..就正正係聽日

我地就識左半年喇^^(佢仲話可能會耐d..我而家搵到個答案^^)

我份人就係咁架喇..我覺得咁樣計下一段友誼o既時間..

再諗返下..我會覺得好有意義架!!!!!!

打返日記先..11點幾..開始打..12點幾打完就沖涼..打機喇^^

(半年..話長唔長..話短又唔短喎..我同小璇..o係係 2005年7月19日搵返o既..而o係 2006年2月1日..o係我電話最後一次打俾佢o既日子..........)

只不過係半年多少少o既日子..但係呢段日子..真係改變左我好多..令到我o既18歲呢一年得以豐盛!!!句號

最重要都係果樣..一次過考左個車牌!!!!!!

頂..今朝5點幾先訓

訓到10點幾..俾唔知邊度果d裝修聲整醒左..

咁樣醒法..係最痛苦架><

又訓唔返..又超想訓咁喎..

不過佢嘈左半個鍾到就無整喇..

我可以訓返半個鍾..半個鍾之後佢又黎過

當我起身o既時候..發現自己..訓(黎)頸><

11點幾起身..打埋篇日記..

食下野又睇下電視咁..

之後又係打機囉..打到2點幾..落鋪頭

落到去..食左d野

差唔多4點..老豆叫上去賣野

去到5點半..可能因為尋晚訓得唔好..好眼訓

訓左陣..6點半收鋪..食飯

食完飯..放狗..放完就返屋企喇

返到去..睇左2套電視劇

10點開始打機..打到點半

真係好眼訓..要去訓喇

(唔可以晚晚都係咁架..真係會好唔掂><)

晚晚咁夜訓..真係命都短d呀><

打埋篇日記就訓喇..唉..聽日情人節..仍然都係要1個人過

(今朝起身除左訓[黎]頸之外..仲成身都好累..好似散咁..咁o既情況..令我立刻諗起..o係中山做過果d><)

今日老豆叫左我地去飲茶..

11點幾起身..等個妹準備落街..

打機..打左陣..差唔多12點落到去茶樓..

原來西灣河果間(海寶漁港)有我好鬼鍾意食果隻流沙包呀..好正!!!

等左老豆地都ok耐..原來佢地去左赤柱

我今日又見到果個小學同學呀..果陣時佢同我地一齊搭車返學放學

雖然細我地一年..但係因為我重讀左一年..

所以上年考會考o既時候..考10科..有4科都撞到佢..(愈黎愈靚喎!!!)

飲到點幾就走喇..老豆地要返屋企..我就同家姐,妹行返鋪頭

行左去天悅..點解我勁想睇果套..NaNa仲未出碟架><

又去左買今晚打邊爐o既野..去下惠康入下貨咁

3點幾返到鋪頭..hea左陣..

有d眼訓..4點幾走左去訓..訓到6點

6點幾..細傑返左黎整今晚個湯底..

老豆成7點先落到黎..放狗

放完狗返黎就開始打邊爐喇..

打到9點幾..(今晚又同細傑傾左陣..)

9點幾返屋企..諗住上去睇電視..

不過行行下上去o既時候..傑佬打黎..

叫我同佢食野..佢放10點..

行左去搵佢..去到佢返工果度..勁凍><

仲要等左佢成個幾2個字喎..

等等下..咁岩見到阿雄..同佢講左2句

之後傑佬就出黎喇..同佢去左時來運到..因為太飽..

所以我靜係食左野沙律..不過佢食左個飯都未夠

叫我再同佢去太興食野..@@佢仲可以食到架@@

我就唔得喇..飲左杯奶就夠喇

佢食完..坐左陣就返屋..返到去

打機..打到3點幾..睇埋場波..5點幾

去沖涼..之後先訓..我訓o既時候..我個妹起身返學-.-

(唉..日日都係咁..顛倒哂d時間..咁唔得架喎-.-係時候要諗諗計..)

呀..我尋晚睇左2睇假如愛有天意..覺得..應該ok好睇喎..買碟先^^

尋晚打下打下機咁..打到4點幾先訓..

今朝又好自然地10點幾11點起左身

開電腦..都唔記得左做過d乜喇..

點幾..出去打機..可能哩期成日打機..晚晚都咁夜訓

所以有d唔多精神..

日日都狂bo隻鬼武者..

今日仲打到唔想落街..如果唔係阿公中左馬

叫左我地7點幾落去食野..

我真係全日都唔落街架..

今日改我叫阿榮果個女仔又打黎..我覺得好搞笑囉-.-

(我靜係同佢傾電話果段時間先停過..打機-.-)

食完野..返屋企..有波睇

有3場咁多..每9個字休息3個字..

我今晚就係咁過喇..睇波睇到3點幾-.-
(無咩特別感受須要括住打..)
今日又想o係度推介一首歌..係Janice..My Love My Hate
唔知點解..聽落覺得好順耳..好自然會勁聽!!!