今日 7月18日 ..係我老豆o既生日..

所以我朝早10點幾就落鋪頭..

落到去..首先係整杯茶俾老豆先..

講返2句野先..之後又開始o係鋪頭o既生活喇..

個妹3點正落到去..

果陣我岩岩睇完一集神鵰..

之後又係吹下水..睇下人做生意咁..

6點半..又一日喇..

放狗..放狗前我同老豆講..唉..都唔知送乜禮物俾你添..

佢o既答案-.-..佢話..而家你老豆都無求喇..

所謂人到無求品字高-.-

佢話仔女都有咯..今日又有生意..-.-

有d無奈添-.-

家姐收6點9收..等埋佢返黎..

一齊去食飯..未行去食之後..老豆一人俾左我地2封利是..

之後去食飯..去到食飯果度..首先係見到阿(田雞)同好似李小龍果個..

食左陣..又見到間野個老闆..歐陽震華..好似係咁打..

真人..都無乜特別o姐..

食完餐飯..8點幾..返鋪頭

又食西瓜喇..不過宦我都ok飽囉-.-

之後陪老豆睇左套神鵰就返屋企喇..

今日確定左一個消息..就係alice張機票聽日到期喇..

o姐係話..佢聽日就要走喇..

不過佢好似話返去幾個星期..幫個仔做埋個21歲生日就返黎喎..

哦..9點幾..返屋企..返到去..

開始睇碟..一睇又睇到2點幾喇..

因為老豆話聽日去送機..叫我同家姐朝早9點半落去開鋪..

所以我要訓喇-.-

今日差唔多2點同個妹落左鋪頭..
唔駛開鋪..
落到去..坐左陣..同老豆地出去食野..
食左1碗魚蛟粉1碗雲吞麵..
食到3點幾..同老豆返鋪頭..
個妹就同alice出左去買野..
返到鋪頭就開始..清潔喇..
又係抹玻璃囉..
老豆就洗個風閘..
不過今日係無錢o既-.-
就咁就一個下午喇..
清潔完之後食左個好正o既西瓜!!!
好好味架^_^
搞掂都4點幾喇..老豆去左訓覺..
我就好無聊咁睇下d電視..
差唔多7點..去放狗..
放完狗..去左百佳買野..
因為今晚煮飯..我有d想食牛排
所以就用17.5買左4塊來自巴西o既牛排喇..
買完返去..今晚呢4塊牛排係由我負責o既..
整我就整過呀..不過係整俾自己食架炸喎..整俾人
就..hehe..ok掛..
8點到.食得喇..我覺得真係ok架..唔太熟..
又唔係見血果隻..雖然有一塊係..
不過我不嬲食牛排都好like見血架喎!!!
食完飯..唔唔..好好味!!
食埋西瓜..返屋企喇..
返到去..都係決定重裝多一次window..
不過好痛苦..因為唔知點解..format唔到@@!!!
咁無辦法之下..我就咁修復左個window..
因為個妹未幫我借到套碟返黎..我就惟有打住機先啦..
打到10點幾..傑佬打黎問我食唔食野..
話佢未食飯..放工想我陪佢去食喎..
ok..我都有d悶..咪陪下佢囉..
11點佢放工..我就落到去西灣河等佢喇..
等到之後..同佢行緊去食野o既期間..發生左一件好不幸
o既事..
就係.......有一隻傑佬好唔鍾意o既(野)飛左落佢個頭度..
而呢一隻(野)..我諗大部份o既女仔都會怕o既..
佢就係!!!!!!小強喇!!!!
好鬼得人驚呀..我係睇住佢由樹上面飛落佢個頭架>m<
幫佢搞掂左之後..繼續行去食野..有d陰影添-.-
去到食野果度..今晚好多女呀下(不過果間野晚晚哩個時間都係女多架啦!!!)
叫左野食..等等下o既時候..我同傑佬突然見到一d異物..
由天花版向下..飛......
會係乜..咪係正野囉..頭先出現過架呢..
不過今次大好多呀!!!
小強哥哥又現身喇..=.=
佢o既出現..係由我地發現架..同時..亦都嚇到在場o既女仔..花容失色..好好的一個詞
搞左幾分鐘..超超超多尖叫聲!!!
終於係由一個好好身手o既女侍應K.O.
又回復平靜喇..
等多陣..食野..我食左個沙律..傑佬就食左個德國豬手..
食下又吹下水咁..食到12點幾..走人喇..
傑佬話今日shirley黎左接佢條仔..同埋一個我地中學o既fd..
話去吹水站飲野呴..(o姐係我星期六,日返工果間野..)
傑佬問我去唔去睇下..飲杯野咁喎..
去咪去囉..去到..佢地未走..所以我地就入去坐低喇..
各自叫左杯野飲..因為我之前同d(同事)有過意見不合..所以我全程都係比較靜o既..
佢地就傾得ok開心啦..
我都有同d同事打招呼o既..三舅母都係度呀..
坐左大約半個鍾..話走喎..哦..
我地2個飲左40蚊..無散紙..俾左100蚊..
找錢就得2張20蚊o姐..有個人出聲話要俾返20蚊我..
自己拎埋個銀包出黎..不過..我見到裡面係無錢架囉..
咁點..佢咪當無事咁叫佢女朋友俾囉..
飲完..佢地走喇..我就同傑佬等三舅父..
因為我諗應該會有順風車坐..等左陣..
未到..決定走..不過行行下去搭車..見到佢部車喎^^
有順風車車坐^^
返到屋企..沖完涼..打多陣機..訓喇!!

今朝早7點先訓..唔知點解..12點幾醒左..

又訓唔返喎..無乜野做..咪睇下套神鵰囉..

不過講真..開頭都幾悶-.-(我睇原著時都有咁o既感覺..)

睇完先知..無線真係cut左好多好多..

不過唔知點解..次次做親哩d劇..都一定要改人地架喎..點解唔可以跟足原著o姐!!!

睇左2套..老豆打上黎話今日要上上環..

哦..咁我咪落鋪頭囉..落到去..等左陣..

3點幾就行人喇..好耐無上過去喇><><

好塞車呀!!!上到去..又係吹下水呀咁啦..

差唔多5點先走..一出左門口..就見到一個成日黎我地鋪頭..俗稱(行街)o既人..

行街o既意思o姐係..幫我地拎下貨呀..又或者幫我地將d野拎俾商會o既人..

佢問我做乜o係度..一時之間我都唔知點答佢..因為其實係好唔好意思架..

我地拎野上去賣..其實係應該經過佢手架..唔應該自己拎上黎....

係咁易答左2句..走人!!!!!

落到鋪頭都9點幾喇..等多陣又收鋪喇..

食完飯返屋企..返到去..要整電腦喇..一邊整一邊睇碟

我講過..開頭係悶架..同埋其實我唔多鍾意哩套..我覺得太多電腦特技喇

不過睇落..又覺得d特技做得唔錯喎..睇睇下..又幾好睇喎..真係叫做比較忠於原著架喇..

所以我今晚睇下一集..睇下又一集咁..睇到4點幾先肯去訓^^"

真係都ok好睇o既..因為..佢裡面d女角..都好鬼死ok!!!!!

今朝又係12點幾起身..

之後煮野食..

食完..2點幾收到個好好o既消息..

個妹打電話黎話佢幫我搵到上戶彩其中一套劇o既dvd..好o野..套劇叫做
Attention-please

好似話好好睇架喎..要70蚊..

ok啦..我3點到落到鋪頭..都唔記得左幾點個妹返黎..

真係幫我買到喎..正!!!仲幫我問到人借神鵰俠侶(無線而家做緊果套^^)

問人借黎睇o既碟..無cut喇掛-.-

之後hea到收鋪..傑佬無啦啦打黎話叫我陪佢食飯-.-

但係老豆話個妹考得好..食好d喎..咁o姐係點呢-.-

放完狗..傑佬都到喇..我都未知點安排..老豆話叫埋佢去..咁咪叫囉..

食完飯..諗唔到去邊好..諗住?下車兜下..好唔好呢..

老豆又話唔係咁好..天雨路滑喎-.-

咁咪諗住同傑佬行下算囉..

點知行行下..二舅父打俾我..好煩-.-

叫我陪佢去三舅父泊車個停車場度拎部車喎....

話佢而家車架的士落黎再同我去小西灣..

我想話唔得..都唔得啦..咁咪同傑佬好無奈地等佢到囉..

等左幾個字..佢到喇..同左我地去小西灣..

拎完車..車返我地落筲箕灣..叫我地幫佢買埋飯同煙..佢就走喇..

不過就發生左一件好驚人o既事..就係..佢俾左100蚊我..

你地唔知..佢份人真係非常非常咁..(孤寒)架..

所以好驚奇囉..佢走左之後..我就同傑佬行左去西灣河..去麥記食一人左個
餐..睇下女咁..

之後無乜野做..又無車用..舅父仔拎埋另外果架..

咁傑佬話上黎我度打機喎..好呀..

佢11點幾上到黎..係咁打係咁打..

結果打到第2朝7點先走..

好累囉..開頭仲以為佢打到點幾2點..點知-.-

沖完個涼..訓喇..

經過左尋日咁漫長o既一天之後..

今朝10點幾起左一起身..不過訓返..累意未解..

訓到12點幾..起身..睇左陣動畫..煮左野食..

2點幾就落鋪頭喇..睇報紙..

今日睇睇下報紙o既時候..體育版有一段寫..話德國輸俾意大利果場波..完場之後有好多球迷都唔走..齊齊o係度唱<<YOU WILL NEVER WALK ALONE>>你永不會單獨一個..

係囉!!!因為我當時都聽到ma..我就係覺..點解我會聽到利物浦首會歌架呢.仲以為自己聽錯添..原來無^^

之後又hea下hea下咁..差唔多4點o既時候..

老豆無啦啦叫我去拎幾份特區護照o既表..

拎完之後..老豆叫我填埋佢..哦..影埋相..寄埋..

4點半..睇左keroro軍曹..好搞笑囉..我覺得^^

6點半收鋪..半身我係想叫煮飯食架..

不過最後都係出左去食..出去之前飲左2大碗湯!!!

去到食野果度..我叫o既果個..係要等40分鐘o既..

不過我知道會好好食..所以等都唔緊要..

果然係..德國豬手..果然係好好味..好正!!!

食完..搭車返去..等緊車o既時候..無啦啦見到d好熟口面o既人..

原來係上上環間野果班人!!!

吹左幾句我就搭車上去喇..

返到去..打左陣機..個妹10點幾訓..所以我有得用電腦..

睇左陣動畫..無啦啦心血來潮..走左去ive個網站睇資料..

之後再約埋傑佬星期六去研究下..

因為我覺得..我最終都係覺得讀返書好..

唔好浪費自己學野果幾年ma..返工..第時先返啦..

今日睇完左套王子變青蛙喇!!!

ok好睇呀..因為咁樣..要快d搵第2套野追下先得喇!!!!!!

漫長o既一天..開始了∼∼∼

尋晚..葡萄牙又輸埋俾德國..不過預左o既..

今日11點幾起左身..無乜野做

諗起個妹今日學校開放日..所以就周圍問人陪唔陪我去

家姐又約左條仔..叫我問下老豆喎..

打俾老豆..佢又話落左去先講..哦..-.-

個妹話2點返到去就岩..我1點到落到鋪頭..

老豆好奇怪地..話去喎..叫我食d野先@@

明明開緊鋪架......anyway..我地1點半行人..搭的士@@

去到..女校果然係女校..真係好鬼多女..

好正呀!!!直情可以用目不暇給黎形容!!!

去到..搵左個妹同佢d朋友..2點鍾同佢地落去禮堂..

好似有so睇喎..真係..一開始睇左個中樂..之後睇左個舞蹈表演..

一個字..正!!!之後要等一等..3點再有歌唱比賽..

等緊o既時候..隻眼又好唔得閒喇..hee∼∼∼

3點..歌唱比賽開始喇..都ok好聽喎..聯校架喎

老豆聽左2首就走喇..要返去關鋪..

我就同個妹and佢dfd繼續睇

差唔多有13,4首歌啦..就完喇..不過要等成績..

等緊o既時候又有表演..都係果個字啦..正呀!!!!!!

女校d女真係好得好得架!!!

完so之後..同個妹搭的士返去..因為又有地方去..去燒野食..

返到去..妖..細傑話無帶煙..叫我幫佢買..係咁..我就第一次買煙喇..

返到鋪頭..老豆又叫去買d飲品去..因為係去它豆個fd隻船度燒..唔駛錢架..

買完..買多少少野就去喇..

去到..如我所料..真係唔識o既人多個識o既人好多-.-

就係咁..由5點幾燒到7點幾8點..

食左唔係好多野..但係就飲左6罐啤酒..

9點幾返到屋企..有點醉意..

之後排隊沖涼..等緊o既時後叫個妹幫我down一套動畫..陰陽大戰記..

有得down喎^^..睇左3集..11點幾..去沖涼..

沖涼..hea左陣..又出去喇..

今次係去銅鑼灣..約左阿sir地一齊睇決賽..

12點幾去到..佢地book一點..ceo睇..

我去到o既時候阿sir都到左喇..

因為仲有成個鍾..所以大家唱下歌先..

我又同其中一個fd落左樓下..因為下面有得免費晝國旗..晝o係面呀..手呀咁..

我地2個都晝左面..當然係晝意大利啦..一路晝..一路睇波波..hee∼∼∼因為係一條女幫我地晝o既..^^"

我地一個鍾意西班牙..一個鍾意巴西..2隊都係俾法國搞掂o既><

上去繼續唱k..阿sir都有唱呀..佢年代d歌..最後大家唱多首明天會更好就開始睇波喇..我地9個人..4個意大利,1個法國..其他中立

場波我諗好多人都有睇啦..上半場都ok..有2個入球ma..不過下半場就-.-都幾悶..

我地半場o既時候o係度玩百萬富翁..有9個腦一齊玩..好好多o既

睇埋下半場..繼續和波..不過經典場面就有一個..雖然大家都一定知..不過都要提一提..就係施丹新絕技..

我地真係個個都唔明佢點解會咁..

睇埋 12碼 ..太美妙喇..法國輸左..個心涼哂..

轉左台去有線睇埋拎獎盃..一個月o既世界盃..就咁o係球王o既經典一野之下完左喇..有d唔知點添..因為我成個月..差唔多日日都有波睇ma..而家要等到8月..英超喇..

因為未夠鍾交房..所以決議玩多陣百萬富翁先..

有一次我地真係去到100萬架..不過100萬果太難喇..咩易經64卦-.-

5點9..夠鍾交房..走人喇..阿sir要返返學..而我地..

有5個就自己走人..我就同pungpung,E.T因為無野做o既關係..決定同阿sir去飲茶..

大家行左好耐都唔見酒樓..最後都伙要返柴灣飲o既..

搭巴士返去..經過seven已經見到報紙頭版有決賽資料喇@@!!!

好耐無試過咁早飲茶喇(其實我飲茶o既次數都唔多得去邊..)

飲茶o既時候講左好多野..以前o既校園生活啦..我地班啦咁..

又講下是非咁..都ok好味o既..飲左一個鍾到..7點半..要返學喇..阿sir請我地飲^^

我地3個見未係咁累..決定同2sir一齊返去文理..見下d老師..

返到去..d人都未係好返到..我地3個咪遊下校園先囉..

好恐怖..見到藍球場有隻死雀@@!!!

話俾訓導主任聽..點知就俾佢捉住左我地問近況-.-

傾左陣..走得..繼續遊..8點到..有好多老師都返到喇..

落左教員室..o係門口不停同d老師吹下水咁..都有好多人識我地喎^^

個個第一句永遠係問..返黎做乜呀..搵阿sir呀..

之後我地又睇下d學弟..唔唔..唔係好得..有d仲夠膽死大大聲講粗口-.-

我地又問阿sir借左d棋玩..坐左o係一間以前上中文堂..o係教員室對面o係課室玩..玩玩下3條友無啦啦o係度諗以前d野..邊個邊個坐哩度呀咁^^

我地就係咁..o係文理過左成朝..由7點半到11點幾..

走之前見到阿蚊同阿玲..佢地都返 黎搵 老師..

大家一齊同阿sir吹水吹到11點..佢要開會..我地就一齊走喇

其實我都ok累..無訓一晚喎..不過行行下去搭車o既時候..阿蚊話..不如去大圍果邊踏單車咯@@!!!!

我地3個都差唔多死喇..仲去..不過諗左陣都係決定去o既..因為悶

約左1點o係太古地鐵站等..有個幾鍾..

我首先返左鋪頭坐一陣..順便拎錢..之後返左屋企..沖涼加刷牙..

搞掂都12點幾喇..行人..去到太古..噫..俊少都o係度喎..佢之前過左澳洲讀書..可能暑假返黎掛..

等齊人就搭車去喇..去到觀糖又要等多一個叫阿冰o既女仔..

等左差唔多半個鍾..總之我地去到大圍..3點鍾..

因為pungpung住果邊..所以要等佢出黎帶路..

首先我地去左食少少野先..食野o既時候..俾我發現原來果個阿冰對上戶彩都有d認識架^^

間野都ok唔好食同..貴-.-

之後我地6條友就去借單車喇..借完..行人..

不過原來E.T係唔識o既-.-同左差唔多半個鍾時間教佢..之後一齊行得喇..

我開頭因為好耐無踏.都唔係好記得架..不過順左就ok哂喇..

話哂我8歲就學識架喇喎^^

有人岩岩學識..大家o既進度緊伙唔可以咁快啦..

有陣時又行錯路喎..我地去到沙田馬場就回頭喇..

期間俊少發生左d少意外..唔知點解..我唔記得買水..

所以痛苦..我地玩左差唔多4個鍾..7點幾先玩完

極速買野飲先!!!玩左咁耐..都係30蚊炸..都幾抵喎..

還完車之後..就同pungpung分開..我地又搭返車返去喇..

搭左半個鍾至9個字..個個都散哂><由其係無訓果d..包括我..不過頭先玩o既時候好醒神架喎-.-

返到去屋企..好累好累呀..沖左個涼..煮左個麵..睇埋神鵰..9點半就訓喇..(妖..無線又cut左人地好多喇..我有睇原著..睇左一陣就知道啦..好彩個妹有個fd有碟o姐..可以問佢借^^)

其實我覺得咁樣同阿sir睇下波..咁樣返下學校搵老師..咁樣同d朋友一齊出去玩..咁樣o係一日做哂d咁o既野..都幾充實丫..

而且想講一句..好耐無試過玩咁耐..好耐都無試過咁開心喇^_^!!!!!!!!!thx

今朝訓就訓得幾好o既..不過就俾人嘈醒囉..10點幾-.-

訓返..12點再起身..無乜野做..

打下機囉..打到2點..落去喇..

行過天悅..問一問個價錢先..間野個人都ok架..態度..

問完之後..發現..好彩尋晚無買o姐..

因為天悅買..512MB就240蚊..1GB就360蚊..你話喇..

問完之後..落鋪頭..

落到去..老豆又話要行喇..

要同舅父仔過海..去佐敦..唔知做乜-.-

搭地鐵過去..去到..行左一段路先到目的地..好熱呀><><

點知..目的地1..無開-.-

去目的地2吧..我由朝到而家都無食野..所以..好餓

去到目的地2..買野..買買下..舅父仔話好急..要去wc..

所以得我一個等佢搵貨..果個人都ok慢喎-.-

買完..舅父仔岩岩到..

之後去左食野..食吉野家..好耐無食過..

o係果間野做o既..個個女仔..都好好睇^^

咁o係我食緊野o既時候..我發現..原來我地今日黎到o既哩個社區..

有好多唔國籍o既人..真係好多..

食完之後..又搭地鐵返去喇..

返到去..睇下報紙又hea左陣咁..6點半收鋪..

放狗..老豆俾埋錢買卡..

之後食飯..返屋企喇..經過天悅..去返今日問果間睇..

點知d態度..好差..我想問下我部機最高支援到幾大o姐..佢好似好唔想做生意
咁..頂!!

把幾火..去第2間問..哩間果個人答得我好(長細)呀..

所以我就幫佢買埋..280蚊512

佢幫我整埋入部機..開頭好似唔得咁..部機搵唔到..不過原來係未整實o姐..

買完..返屋企..返到去..無哂人@@!!!

原來個妹去左fd度..阿公阿婆去左睇大戲..

見無人用電腦..down下歌先..

搵左幾首新歌..感動,決戰二世祖,你我她,寵愛咁啦..

之後又搵左d相..彩姐^^

而家我部電話有咁多位..搵下放乜歌入去先^^

9點幾個妹就返黎喇..唔知點解我down果d相放到入電話睇唔到><><

咁咪問下個妹囉..佢好勁咁幫我用PhotoImpact整好..

仲好靚添..不過我放左2張精選o既入去o姐..暫時..

10點半..睇來者不善..睇完..傑佬打黎..

同佢吹左陣水..

之後打日記..繼續等睇波..

今日同傑佬吹開水o既時候..話左我自己一個好細個就已經有..但係又好傻o既
諗法俾佢聽..唔知點解我成日都o係度諗......好傻架.....我成日諗..o姐係個
個都有自己鍾意o既人..我講o既係明星之類果d呀..咁我都有啦..好似twins呀,彩姐呀..咁呢..一定好想識佢地呀..等佢地識自己呀咁架啦..可以o既話..做埋
fd咁呢..

咁我成日諗喎..如果我第時有錢或者好有錢呢..我一定會接觸佢地..

先唔好理點接觸..不過我成日都諗會有咁o既一日架^^

係咪好傻呀..hehe..

有時唔只明星架..有d球星..名人..我都會列入名單架^^

><><尋晚訓得一d都唔好><><

唔知點解..明明都ok累架..又游完水咁..

不過睡眠質素都係好差><

果部新電話三舅父話要今日1點前入錢俾佢拎俾人..

所以我11點幾就起身..12點就莒到鋪頭喇..

俾左個電話老豆睇..佢都覺得ok..

而且仲so俾人睇..鋪頭d人呀..

個個都話800蚊抵喎!!!

12點半到我就入左錢喇..

之後返鋪頭..食飯..食完飯..睇埋份報紙..

去舅父度剪頭髮先^^

去到..又俾左個電話佢地睇..大舅父話人地聽好細聲喎..

下..點解o既..我諗可能係收得唔好掛..

大舅父又係度勁研究部機有無藍牙..不過好似就無喇-.-

而二舅父就將個注意力放左去手寫版個工能度..

不過可能因為佢d字..(唔靚)..又或者筆劃錯..所以佢寫唔到想要o既字..

今日(凡)哥哥都黎左..所以又同佢傾左好多電腦o既資識..

剪完頭髮之後..hea下..吹下水咁..

5點幾先返到鋪頭..俾家姐睇下個電話..

睇睇下佢條仔打黎..

細傑無啦啦打俾我..話叫我去坑口..話有野益我喎..

下..問佢咩事佢又唔講..叫我去左先..

幫佢做d野..俾返2舊水我喎..

家姐話有so..叫我快d去..

哦..搭地鐵去到..搵左一陣先搵到佢辰我去o既地方..厚德商場..

去到先知..原來佢要拎d地盤場地o既野去賣..要人幫手

哇..d野都ok重喎-.-我要推車推左10分鐘到..去到停車場..

佢叫左架成記o既車..因為要車返筲箕灣賣..

搭車返去o既時候..又傾左陣..果個問題-.-

返到去..我仲以為d咁o既野唔會值好多錢啦..

點知..都有2千幾蚊喎..佢俾返2舊水我..

果間野o既老闆仲請左我地一人飲一支啤酒..

(哇..我心諗..一來一回都無1個鍾..行行企企咁又200蚊..同到會果d比..都真係差好遠..3個鍾先得果90蚊-.-)

賣完之後我就返鋪頭喇..還多100蚊俾家姐先..

之後就去柴灣食飯喇..家姐無啦啦又走左人..

話要陪細傑食喎..-.-

咁我地4個食囉..食完飯..去睇下我部電話果d記憶卡幾錢先..

哇!!!1GB要448蚊..好似-.-老豆話不如去天悅睇埋幾多錢先喎..好呀..

之後佢地就行街..我就同個妹返去先..

返到屋企..又係打機等睇波囉..

不過今晚多左一樣野做..就係上網睇野同搵野..

上網睇下靚女阿(彩姐)上戶彩o既資料..又搵下佢d相..

因為要過落部電話度..做桌面^^

睇睇下佢d相..俾我發現左一樣野..彩姐..真係好正!!!!!!!!

3點..睇波喇..場波都ok好睇啦..話哂4強ma..

我都話意大利架啦!!!

雖然好遲先入波..不過都我都估岩呀!!!

睇完波..5點幾就訓喇..希望..今次會訓得好d啦=.=

尋日煩左咁耐..訓都訓得唔係幾好..

12點3俾三舅父打黎嘈醒左..

叫我幫佢做d野喎..

車我上去北角..之後拎第2部車..再車返落黎

佢俾左半個鍾我起身-.-

12點9..佢到樓下喇..之後就去喇..

去到..問埋二舅父拎返停車卡..攞車..

同佢一齊落返鋪頭..返到去都差唔多2點喇..

食左少少野..食左一碗叫做(雲吞)o既東西

哇!!!!!!!真係超好食..應該未食過咁正架..我..

咁咪問佢地o係邊度買囉..原來係o係鋪頭條街..

街尾開左一間新o既雲吞麵鋪..

哦..咁我就緊係立刻去買啦..

咁岩鋪頭有個客又要買..叫我帶埋佢個工人去喎..

哦..行到去..人就唔係好多呀..不過就有記者o係度..@@!!!咁勁..開左都唔知
有無一個星期..

咁快就有東週刊o既記得到喇!!!

証明左..只要好食..就一定有人知o既..

不過講真..都ok貴架-.-

我買左碗..及第雲吞麵(o姐係多豬肉..)佢有好多好多種唔同架..

我果碗就..23蚊-.-好彩老豆俾o姐..

買完之後..返鋪頭..三舅父無啦啦又停左o係鋪頭門口..

叫我上車..話有野益我喎..

咁我就惟有帶埋碗野上車食..

我種以為乜事..原來係佢有個fd(o係我返到會果間野做副經理o既)

佢有部電話要放..舅父問我要唔要..

因為我用緊果部..都用左差唔多3年-.-爛哂><

我問幾錢..佢話出面賣1200..佢賣我800喎

有so喎..咁佢話車我去睇下..

點知去到果個人屋企樓下..又搵唔到佢喎-.-

咁佢話今晚去游水果陣先俾我睇喎..哦..

一路車去我就一路食碗野..真係..好鬼正!!!

3點..舅父車返我返鋪頭喇..

我同老豆講左..佢話..你如果覺得ok..咪換囉..

我心諗..800蚊..都唔會有好多野(玩)架啦..

我見老豆無乜野做..咪問返佢尋晚點囉..

佢話..alice話喎..我o係長輩面前爆粗..好唔尊重喎..

不過老豆最尾都搞掂左..

傾傾下..又講開..果個問題..又係煩野><

不過今日就好d囉..但係都係無乜結論o既..

然後我就由3點幾開始hea..hea到收鋪..

因為要游水..所以無同老豆地出去食..

自己等舅父..佢話8點黎車我喎..

等等下..有d餓..所以就煮左個公仔麵食喇..

8點..佢到喇..佢話食d野先去喎..原來佢已經買左雞記-.-

食完..去游喇..佢拎左部電話我睇..

但係因為未換卡落去..都係唔知佢有乜工能o既..

去到泳池..舅父話今日游14個..

哦..咁我地就一口氣游左14個(塘)喇

游完..吹左陣水..上水沖涼..換衫..走..

走o既時候由我揸..無著鞋地揸..@@第一次炸!!!

舅父話去食d野喎..返左鋪頭附近食..

食o既時候..順便拎左個電話出黎..入左卡..

哇!!!發現..用到喎..hehe不過無繼續研究..諗住返屋企先..

食野o既時候又同舅父傾過..果個問題..

哦..原來佢咁諗o既..

又有傾到我返工o既問題..佢話上次已經屌左果d人..

(@@原來果一晚佢地嘈到咁激架!!@@@)

佢話而家唔會有人串我喎..個個死哂狗喎..叫我今個星期返返去..

哦..咁我照返啦^^

食完野..佢車返我返屋企..

返到屋企..開始研究個電話..

唔睇由自可..一睇就發現..800蚊..太抵喇^^

因為個電話分別有..聽mp3..mp3鈴聲..睇mp4..彩色就一定有啦..上網..手寫版
(因為個電話係輕觸式..)o姐係無制o既..要搵支好似筆o既野整整下果d呢..又
有影相..拍video..game呀..字典呀..notes book呀..等等等等啦..

總之我返到屋企o既情況..就好似一個小朋友有佢o既新玩具玩咁o既感覺啦^^

我搞左好耐呀..包括set野呀..錄歌呀咁..

好慘o既一件事係..俾我發現左..原來佢內(至)o既容量..得果 30M B><><><

錄得果7首歌..仲唔知有無位俾我再影相..

不過好彩..佢有位俾我放容量卡o既..只要我有2錢買就得喇..等我買返張 1G B都
好喎^^

我盲係咁搞部野..搞到2點幾先去訓..

機都無打喎@@!!!勁!!!

(今日o係我整機down歌o巴時候..終於都俾我搵到一套叫新排球女將o既劇集o既
尾曲..夢想的力量喇[我當佢咁叫啦..]我覺得勁勁勁好聽喎..)

哩一套野係我上個星期六o係無線睇到o既..下午5:30-6:30

開頭睇睇下覺得d女靚..不過睇落..原來都ok好好睇喎..

最正係佢有雙語..唔駛聽無線果d..聲..可以聽返日文..

不過我知道我睇o既唔係第一集..所以我決定..去買套碟返黎!!!

我後尾先知道..原來我覺得正,靚果條女(女主角)..原來個名我都識o既..叫上戶彩..原來係佢喎..正!!!

down到首歌..超開心..而家部電話o既7首歌分別係喜刷刷(唔知邊個),我只想要
(王子變青蛙),不夠勇敢(王子......),記得(師兄),夢想的力量(上戶彩)同埋
FunnyJalousy(衛詩)

哩7首都係正歌黎架..精選喎!!!!!!!!!!!!!!!!!