之前咁多日無打日記..係因為真係無乜野發生..

今朝10點幾起左身..不過又訓返..

12點幾再起..煮野食..

一早就開始睇下ive消息喇..

唔知點解..我覺得自己好有heart地搵喎..

仲有..當我誤以為無收到o既時候..我突然有一種好失落o既感覺..

不過打返電話去..發現原來都未公報..

要等到19至22號睇下有無人打電話黎..

如果無..就應該係無得讀喇......

之後2點幾落鋪頭..睇左報紙..差唔多4點o既時候..

有個人打電話俾我..問我有無興趣讀果d唔知乜野中專文憑喎..

我都唔知係乜..話同ive有關架喎..叫我19號之前去報定名先..

如果ive唔收..都有得讀喎..我要諗諗佢..

之後就開始搵我o既中五下學期o既成績表喇..(佢地話報名要用-.-)

不過搵極都搵唔到..好痛苦..不過就搵返好多中學同d朋友o既相呀..一d有記念價值o既野呀咁囉..

無辦法之下打俾阿sir問佢唔知文理有無得拎返d成績表..話應該有架喎..不過要錢囉..咁..

6點半收鋪..我無同佢地食飯..因為要去搵大舅父幫個妹轉台喎..好煩呀!!!

一搞又搞左我個幾鍾喇..仲要我由炮台山車返架車落去筲箕灣..

不過我見約左傑佬10點半食飯..無乜野做咁..

咪兜下囉..又兜左去搵老豆地..

之後又車左去柴灣果頭..10點到..去搵佢喇..

之後泊返架車..去食野..食完就返屋企喇..

佢佬都決定讀返書..不過佢因為錢o既問題同屋企人有好大o既衝突..心情好差..

條友之前講得幾好聽呀..話唔會好似我咁..因為想溝女所以讀書..而家又話..睇下有幾多女先..話3個月要搞掂

返到屋企..發現..唔見左門匙><><

諗左陣..好似係o係部車度呀><><

返到去..繼續搵我要搵o既野..不過搵左好耐..都真係搵唔到喎><><

但係又搵到好多相囉..一d以為唔見左o既相!!!

之後就睇電視睇到3點幾..訓喇..

聽朝就上網睇下果d中專係乜野黎..

結果我尋晚都真伙打機打到ok晚先訓..

打到今朝o既5點..

所以就訓到12點幾1點先起身

整野食..食完之後hea左陣..

2點幾落鋪頭..

落到去..今日要去一個無去好耐o既地方..就係上環喇..

自己一個人搭車去..好悶-.-

搞掂..岩岩好4點半返到黎..有得睇keroro..

6點半又收鋪喇..放狗..

唔知點解..今日心情唔係幾好..

放完狗之後..同老豆有d野嘈..

行左出去傾..順便去睇下d電視機幾多錢..

我間房果陪壞左-.-

睇完之後..行返鋪頭..都仲係嘈緊架喎..

而我就心血來潮..想俾一首歌老豆聽..

我尋晚down架..我覺得好正..d歌詞好感動..(不過我諗要有我咁上下經歷o既人先會有同感架喇)

歌個名叫做<一家人>..係劉德華架..隻新碟o既其中一首..

俾老豆聽完之後..個氣氛唔同哂..

之後就返鋪頭..等齊人去食飯喇

食完飯..就同個妹返屋企..

之後又係打機打機打機咁囉..

尋日無落過街..成日o係屋企打機..打到半夜2點幾..睇埋波..5點幾..訓..

今日訓到10點幾..又起左身..不過訓返..12點幾先真係起身..

點幾2點落到鋪頭..今日係8月10號喇..

o姐係..聽日..就最後一日報名讀ive喇><><

點好呀我..我張野就填左呀..就係咩科未填..同埋未交錢..

點好呢..我想點呢..讀書..定真係學煮野食呢..

唔知呀唔知呀..不過唔可以唔知架喎><><

今朝一路行落去..一路諗..最後決定..

唉..唔知就唔知啦..不過就決定..

真係選左3科可能有興趣o既..填左..交埋100蚊同張野..

等下佢..睇下佢收唔收同埋收邊科先再決定讀唔讀啦..

諗左好耐好耐..睇左好幾次..好痛苦先齊到3科..

第一科係..珠寶設計及科技(4年)..九龍塘返

第二科係..商業推廣及設計(4年)..灣仔返

第三科係..汽車工程(1年)..九龍塘返..

我諗住..都唔知乜有興趣..不如選d可以幫到老豆個行業果d啦..

搞掂之後..約左傑佬同我去柴灣交張野..

去到都3點幾喇..好快搞掂..因為我只係交張野就得喇..

搞掂之後..同左傑佬去食左個麥記..

食完..佢話同佢去太古買波鞋喎..哦..我都唔想咁快返鋪頭..

去到太古..行呀行呀..佢搵鞋..我又搵下波衫..

之後又行呀行呀..又睇下其他野咁..

又去左吉之島行..我都睇岩左2對鞋架..有機會搞掂佢先^^

之後行行下..睇到一個我ive識o既同學喎..同佢講左2句..

又繼續..行左好多間都搵唔到..本身以為今日都買唔到架喇..

不過最後都買到喎..佢好鬼開心..

同傑佬行街有一樣好處..就係..佢都會同我一齊睇女..

呢d都算係男士o既天性呀!!!

買完..要走人喇..佢要返7點半..買完都7點喇..

同佢行埋去佢公司..我就走喇..

返鋪頭..等埋家姐出去食野..食完..返屋企..

打日記..之後我諗都係打機..應該會打到好夜喇..

今日10點幾落鋪頭..

12點幾食埋飯..就開始準備去海灘o既野..

因為傑佬話今日去海灘曬下..睇下女..

哦..咁我搞掂d野之後..都差唔多點幾喇..

去搵佢..我就緊係會用車啦..咁好o既日子!!!

搵完佢之後..條友又叫我同佢去左銀行入左票先喎-.-

去到銀行..超多人..因為驚有人抄牌..所以我去左睇車-.-

佢搞左差唔多半個鍾..得喇..去買埋太陽油..

走人..好開心地車架車入去..

但係點知..係石澳果個海灘o既停車場..係完全無位o既..

無辦法啦..等囉..點知等下等下..等下又等下..

有就有位呀..不過d人好快..而且d位又唔o係我果邊><

咁就半個鍾喇..大家都有d唔耐煩..所以決定..走..

唔係返去..而係去遠少少o既一個停車場..不過..要行返差唔多10分鐘先返到黎..

諗左一陣之後..決定..去..

車到去..哇!!好多位呀!!!

泊好車之後..就行喇..行行行..咁熱..都真係ok咩喎..

都唔知點解..有車都要咁><><><

行左陣..終於到喇!!!

極速出去海灘..極速(茶)油..佢話今日唔會落水喎..驚喎..因為尋日係......

我就唔理喇..落水..游返佢幾個先..

游左陣..其實就睇女多過乜..見到人地d一班班人..有男有女玩..真係好死開心架o姐..

唉..我地無讀書之後..都無試過咁玩喇><><

游左陣..上返去..曬喇..係咁曬左半個鍾到..

又去游下先..今次真係游架..游游下..傑佬咪又出埋黎..

大家一齊又睇下d(風景)先!!!

上返水..買左2罐野飲..飲完..坐多陣..

6點到..就去沖涼..換衫..走喇..哇@@!!!沖涼o既時候就真係好多野睇喇..因為唔係一個個室咁..而係o係出面架..

更衣室先分男女架..

咁我地搞掂之後..又要行返ok遠o既路去拎車喇><><

行到去..都6點半喇..架車無乜油呀><

車返落鋪頭..無哂人咯..老豆去左接機..

我就要放狗..放完..又去車返架車去俾二舅父..

入返50蚊油先=.=車左去搵佢..佢又車返我地返屋企先走..

而我地諗住今晚打邊爐..不過要9點半之後先開始平..

咪上我柱企打住機先囉..

打到咁上下..老豆返左黎..2個..一陣之後佢地又落左去食野..

我地打到9點半都行喇..落到去..

唔知點解..間野今晚好多..讀緊或讀完o既文理學生..包括我地..

今日咁o既情況..搞到我有d唔開心..

同傑佬食下食下..叫下一支..叫下又一支..今次就飲左4支加多2罐喇..

傑佬就飲左一罐到啦..我飲飲下..都開始暈暈喇..

不過就仲知自己講緊乜..我記得好似係同傑佬講以前o係中學d野架..

我地食到11點幾12點就走喇..

我feel到..我o既身體..已經..貓哂喇..不過精神就ok喎

至少無語無倫次先丫!!!

返到屋企..我記得我就咁就訓左o係地下..之後又上左沙法訓..

我記得到左4點3我先去沖涼..之後先返房訓架..

今日係咩日子..我諗大家都知道......

今日好早落左去呀..8點幾就落左去喇..

因為alice聽日返黎..我諗住..最後一日..咪同老豆食下早餐囉..

點知..落到去..因為時間o既問題..都係食唔到..

9點半..開鋪..

朝早又係咁上下過..我今日本身諗住唔煮飯架..

不過無啦啦講開抄公仔麵..又有d興趣喎..

因為我想學抄好耐架喇..今日又有人教..

首先買左牙菜..之後買5蚊5個果d公仔麵..

買多10蚊差燒..係咁多..

我覺得自己抄得..第一次黎講..係咁上下啦..我就覺得ok喇..係(林)左少少囉..

食完麵..下午又係咁過..睇下報紙呀之類咁..

今日同老豆o既一個fd傾開計..佢話佢老婆有個家姐o既仔..

上過一次果d所為直銷o既公司之後..好似上左腦咁..

又叫d朋友又叫d家人加入..仲好似搞到幾大獲咁..

我同佢傾左陣..話哂我都身同感受丫!!!

6點半..又收鋪喇..我本身又唔想煮架..

不過老豆話唔出去食..所以我又要整喇..不過今晚就好係咁易..

因為今日有d現成o既送..所以今晚果餐就係咁易煮公仔麵搞掂喇..

今完野..老豆話坐一陣先出去燒野..

咁坐下坐下..坐到8點..家姐都返黎喇..

之後一齊出去燒野..今年燒野呢個動作..發生左一d小插曲..係咩事就唔方便講喇..總之..我覺得有d野都係執著d比較好o既..

今晚搞到9點幾先走..行緊返屋企o既時候..

傑佬打黎叫左我出去食野..去左搵佢..

陪左佢去食野..我就食左個沙律..食食下..

諗住睇下個電話o既時候..發現左d大獲野..就係..

我d電話唔見哂@@!!!

唔知點解delete哂@@!!!點好呢..咁大獲..

最後都係諗上返屋企睇下之前果個電話有無記錄先..

食完野..又去左買一串串果d野食..

咁買緊o既時候..見到2條女..都ok得架..我諗15,6歲到啦..

佢地係咁望我地..我地都係咁望佢地..

唉..如果我之前係飲過2杯..我一定會出聲溝佢地..

不過我地無咁做..但係..粞佢地走左之後..我地就決定去馬喇..

不過..再點搵..都搵唔到佢地o既影子喇><><><

呢d係咪叫做..咩周過後冇咩搭呀-.-

遺憾過後..繼續我地o既旅程..就係..去買西瓜汁飲喇..

買完..就返去喇..搭小巴返去o既時候..見到一對情侶打情罵悄..咁我地咪學佢地囉..

就係咁..好似整嬲左男方..落車就見到佢地分開行..條男仲好似好嬲咁..

我同傑佬都係乜感覺..不過行行下返去..2條友又行返去..

諗住搵佢地..睇下有咩發生喎..不過就緊係搵唔返啦-.-

無野做之下..去左seven買左2杯雪糕食..食完就各自返屋企喇..

返到屋企..見到..以前個電話真係有我要搵o既野呀..好開心..

打機打到2點幾就訓喇..

今日都真係叫做早左落去o既..未夠10點落到去..

開頭都係無乜野做..11點到..開始諗煮乜送喇..

好啦..有咁多唔同o既(雞)..有雞脾,雞翼,雞柳..

就整哩3樣加多碟菜啦..

首先解凍..買菜..之後..雞翼諗住..露左佢..雞脾..斬成雞排..煎佢..雞柳..有3個人..拎3舊出黎..試試佢..炸佢先..

(葉)左d野之後..整飯..之後一邊整雞翼..一邊煎雞脾..就係因為咁..搞到整親隻手指..好痛><><

煎好..上碟..整菜..整好雞翼之後..開炸粉..之後就炸喇..

d飯都得喇..好..開得飯..

不過..當我行出去o既時候..我見到..好多人..有生意喎..

所以決定幫左手先..

搞掂之後..食飯..其實講真..我自己黎講呢..

我就覺得都唔係好ok架炸..不過次次都係..

問佢地一個二個..個個都話..ok丫..好味呀..

其實..唔駛咁講丫..我覺得..食得落口就ok架喇..

因為點都叫做(新人)ma..但係佢地咁講..都唔知係咪真心><

食完飯..洗埋d碗碗碟碟..之後睇報紙..睇完..

hea左陣..又3點喇..今日老豆早d收..3點就收喇..

收鋪之後..唔理喇..訓佢一訓先..

咁就訓左個半鍾喇..老豆話去行下喎..

哦..等埋個妹落黎..5點..去行下..

決定近近地..去吉之島算喇

搭電車去..點知..行行下..點解唔行架呢..

原來..係條路發生左意外..

好似好大獲咁喎..又有燒防..又有救護..又有警車..又有好多交通警..

唔知乜事呢..之後仲見到有線新聞車同無線新聞車添呀!!!

搞左差唔多3個字..行得喇..見到..原來係撞車..小巴同的士..架的士..變哂形..好大獲咁喎..仲好似有人受傷@@

經過左之後..繼續去..去到..咪就係行囉..

行過一間賣日本雜誌o既商店..見到一個好熟悉o既樣子..

咪就係好靚女o既上戶彩囉!!!

一見到..就立刻引起哂我o既注意力..係咁樣..我就留左o係果間野度幾個字喇..

之後繼續無目標地行..又去左商務..

之後6點幾..走喇..去左全港島最大o既水族中心..睇魚魚..

真係ok大架..有好多魚睇囉..好多人睇囉..

我又見到一個熟悉o既面孔..就係阿施喇..同佢講左2句..

繼續行..行到7點幾..走喇..去食野..

今晚食野..好黑人憎..我食食下舊豬手..發現..佢表面就ok呀..不過裡面就..凍架!!!係好凍果隻..

咁就緊係要叫佢整整啦..又搞左我幾個字..

成8點半先食完..之後返屋企..

睇電視..睇到11點幾..沖涼..打日記..有d眼訓..訓喇..

今個星期差唔多日日都係咁過..所以無乜好打..

係8月2號果日(打風果日)去左中環拎特區護照囉..

行果條咁o既天橋o既時候..差d連人都俾佢吹走埋-.-

其他時間..都係每日10點幾11點落去..食飯..

o係鋪頭一日..夜晚煮飯..食完返屋企咁囉..

係尋日無落到鋪頭..o係屋企打左一日機..

打到2點幾睇波..睇完4點幾訓..

今日因為朝早要過去將軍澳果邊拜神..

所以我10點就要落到鋪頭果..

由我揸車去..搞到11點幾返黎..

因為宗飯果個伙計請左3日假..今日第一日..

所以我煮飯..煮左個差燒抄蛋..其他都係現成o既..

食完飯..o係鋪頭坐左一個下午..

5點半..睇電視..今日無線做果套排球結局喇..

睇到6點半..睇左一次..都係咁好睇!!之後收埋鋪..放狗..

今晚出去食..同埋個妹..食完..返屋企..老豆又一齊返..

整d野..整完..唔知點解..我又走左去同佢傾計..

開頭係因為講錢o既問題先o既..之後講講下..又講左好多野..

唔係幾開心囉..

佢10點幾就落返鋪頭喇..我就打機..

打左陣..傑佬放工喇..今日約左佢..佢要還隻game俾我..我又要借本攻略俾佢..

去左搵佢..同佢去seven食左d野..

之後返屋企..睇7武士..睇埋加旋..訓喇..

聽日鋪頭要開鋪..我feel到自己要早落去..

今日遲左少少落去..11點半先落到去..

本身今日係唔煮飯架..不過後尾都係煮..

煮個排骨飯..加個蝦乾抄波菜..

係咁多..食完飯..

睇報紙..睇睇下..同老豆o既一個識左好耐o既客,fd

講開我有興趣學煮野..佢對呢方面好有研究架..
(尋日老豆都講過..可以跟佢學..又或者叫佢老公幫幫手..搵間酒樓之類果do既廚房俾我做..因為佢地o既人面都ok好廣!!!)

我諗左好耐..都係同老豆講要考慮下先..因為做哩個就唔讀書住架喇..

咁今日同佢講開..佢教左我好多野..好多方法..

有一個好ok有興趣o既係..點解我地o係屋企抄蛋..永遠都唔可以好似d餐廳或者老麥咁..咁滑架呢..

原來抄蛋..要佢咁滑..係有一個學問架..我今日先知..原來要滑..係要加..鮮奶或者花奶架..

o係打蛋o既時候加..再加d鹽..咁抄出黎就會好滑架喇!!!

佢講俾我聽都唔夠..佢仲叫埋佢工人去抄俾我睇..我去買左野十字奶..

睇住佢抄左一野..4隻蛋..

之後就o係鋪頭變左下午茶喇..

唔唔..我識整喇..

不知不覺又5點幾喇..去買送-.-

買完..又諗左今晚食乜..

茄汁雞脾(碎件)..羊排..(綠)波菜..

係咁多..點半收鋪..個伙計仲幫我整埋個汁佢先走..

個汁都唔係就咁茄汁架..要整架..

之後我就做埋其他果d..8點到..食飯..得我同老豆2個食o姐..

食完..又返屋企喇..打機..

11點幾o既時候打左一打俾傑佬..問下佢見成點先..

點知佢話..到最後都係無去到喎-.-因為一d原因..

同佢傾左陣..傾到點幾..沖涼..之後打日記..打到3點半呀@@!!!..要訓喇!!!

今日因為唔駛開鋪..我都ok遲先起身..

12點幾先起..

之後又係落鋪頭啦..

落到去..老豆傾緊電話..

我就睇下報紙..話要等埋個妹喎..哦..

等下等下..等到差唔多2點佢先落到黎..

之後就諗去邊度食野喇..諗好..去到..超多人..咁惟有轉啦..

去飲茶-.-3個人飲..飲飲下..又唔知點解..嘈左陣..

唉..可能真係有代溝-.-

不過後尾都無事..今日老豆講左人地果d供會(義會)係咩一回事俾我地知..

飲完茶..去左太古..因為我想利物浦新球季果件作客衫!!!

不過..行左好多間..無><><

之後過左吉之島搵..都係無..

只係買左個..(so跑)-.-

5點幾..返去喇..返到去..又去左百佳..

買左塝半雞柳..2塝雞中翼..4隻雞脾..

返鋪頭..我諗好架喇..雞翼就..都無好似整阿婆果隻..

上次我用左老(秋)..今次用生(秋)先!!!

而d雞柳..我諗住煮一個好多人都食過o既..

就係..西芹抄雞柳喇..無人教過我架..今次係自己試下..

而個雞脾..唔整住..因為家姐地有羊排俾我地..

本身以為3個送..不過家姐後尾又話個羊排要聽日先食得喎..

咁就..買多個菜啦!!

同埋..焗排骨飯..我諗夠啦..可!!

煮到8點幾..搞掂..個妹一試個雞柳..

話..可以出得街喎!!!!係咪真架..

老豆都話ok..唔唔..可能係同我(葉)果度有關..

不過我自己就覺得..都唔係好做到我想要o既感覺-.-

個雞翼就..無問題丫^^

食完野..洗埋..返屋企喇..

返到去..睇左美女廚房..之後10點又有波睇..

睇完..都係打機o既..打到2點幾..有d累..訓喇..

其實我覺得..我岩岩學煮野無幾耐..其實..食得落口我就覺得夠架喇!!!

今日真係7點幾起左身..原來係要8點落到去..

8點3到..落到鋪頭..

同老豆去左放狗..之後去食野..

食完..9點喇..

又去果度喇..今次係去燒野..

搞下搞下..9點半先搞掂..

不過老豆已經同佢地講左今日鋪頭開10點..

我地9點8返到去..

10點半..開鋪..今朝就係咁o係鋪頭過..

又到食飯時間..o姐係我學野o既時間喇..

今日有2個送..一個係西芹抄雞雜..(雞雜o姐係雞o既內臟..)

一d多數人食雞都唔會食o既野..

不過加少少心思..係可以變成好野味o既一個送!!!

當我去買哩個送o既料o既時候..發生左一件趣事^^

而第2個送..就係..蝦乾(精)水蛋..

哩個勁呀..因為要睇個火睇得好緊先得架!!!

而個飯就係排骨飯..係咁多..

食完飯..下午都係咁過..

5點半..好野..睇電視!!!

排球呀!!!好好睇呀..又清..又有齊d字幕-.-

睇到6點半..亦都係收鋪o既時間喇..

收左鋪..放狗..今日唔駛煮飯..因為同老豆出去食..

食飯o既時候佢又勁講野-.-

又係大道理囉..9點到..返屋企..

今晚要幫舅父仔整佢部腦-.-開唔到機喎..唔係..係開左松無晝面..

唔唔..首先睇左個harddise先..無問題丫..

之後試下將自己果張3D卡換落去..

都係開唔到..o姐係唔關事..

咁呀..試下換張RAM落去先..

哦!!!真係佢..佢張512死左..

咁我諗住試下放唒我果2張256落去啦..點知..

佢除左死512之外..有一條卡曹..都係死埋o既..

咁無辦法..一定要買RAM..不過512都係3xxo姐..

我就覺得買2條256好過買一條512喇..

整完機..10點幾..打左陣機..

11點半..睇波..今晚有利記睇..

不過..唉..熱身賽係咁架喇-.-

睇完波打多陣機..2點幾就去訓喇..

傑佬今日打俾我..話佢星期一會去見一間整日本野o既店喎..

話想做..有野學又有錢收咁話..唔唔..我祝佢好運啦..