今日10點幾落到去..

買左個熱香餅早餐..

之後都係睇下報紙呀咁..

本身今日要整條銀鏈架..不過有人話就新年..費是整親喎=.=

12點幾又食野喇..

食左碗粉同一隻咩米雞..

2點幾..老豆叫左我去西灣河拎野..

去左個幾鍾..

返到鋪頭4點幾..

幫d寵物沖下涼咁..

好快又6點喇..收鋪喇..

我聽日就唔落喇..因為要去整頭..

星期六開始要返工..一野就返到新年喇..

今晚去左紅石食野..食完返屋企..

今日好奇怪..一路行一路撞到好多熟人..

阿洗啦..hida啦..見到又吹下水咁..

返到屋企..8點..睇左陣電視..

又開始睇動晝喇..

睇到4點幾..訓喇..

今日又差d好似尋日咁唔知醒起身(不過都遲左好多架喇)

成11點先落到去..仲要係飛左的架喇喎..

買左三明治食..食完又係睇下報呀之類咁..

11點幾打俾wing問佢尋晚搵我做乜..不過就聽到一把都唔知佢講乜o既聲=.=

今日睇報紙..見到新o既window..Vista出左

不過睇一睇佢個系統要求..真係哇!!一聲囉..

我諗真係早一,二年果d電腦都用唔到囉=.=

好彩我部新機ok..不過我都ok無諗住用囉..一來新window太多(安全問題)..二來feel到佢打機唔太好=.=

12點半..又叫野食喇..

食完..睇下電視..報紙..計下數..又傾下電話咁

老豆今日俾左舊銀我熔..仲叫我熔左之後整其他野..

不過熔o既過程就唔太順利囉..=.=

所以整唔哂......

5點幾..kenken無啦啦唔知點解好似好想去廁所咁..

搞到我要帶佢出去..

見到個靚女放狗呢!!!

原來kenken病左呀@@成隻狗無哂神氣..

返到去..6點又收鋪喇..

之後幫手煮飯..食完..同老豆睇左[一家人]..好窩心><

7點半..返屋企..返到屋企拎左d野之後又落街喇..

今次去人地屋企..幫人整電腦(又係火姐囉^^)我個妹d同學..

(一個好玩得個樣又ok唔錯o既女仔..不過就係佢d性格不太被其他人接受......)

去到佢屋企樓下..等左佢一陣..雖然上過好幾次..

不過都要接下我架..8點半上到好..妹彩o姐..

睇到電視..一路整一路睇..不過佢部手提電腦今日俾我整整下(搞掂)左..

不過好彩我發現就算我唔(搞掂)佢..佢都唔用到o既..

因為太舊喇..好多新野都相容唔到架喇..

因為(搞掂)左..所以都無乜野整..

睇下電視又吹下水咁..之後又上網睇左陣搞笑野^^∼∼∼

10點幾呀wing姐先打返俾我..問我今日o係咪打過俾佢..

佢諗緊果時到底..係咪發緊夢喎==.==

原來條友尋晚因為d好白痴o既原因打俾我=.=

同火姐吹吹下水..hea左陣..又開始玩我地次次見面都會玩o既野喇..

就係玩打手囉..掅果d呢..之後又同佢玩左好多好低能o既野..

不過玩得好開心囉..真係開心果隻..(我有時都覺得..我真係好少會同人玩得咁癲架..佢係好少數可以令我玩得咁開心o既人..)可能..只有同佢..先會..咁玩法

不過佢好似話就走喇..好似考完會考去第2度讀..

同佢玩到11點幾..因為驚佢媽咪返..所以要走喇..

之後返到屋企..就打日記先喇..

尋晚咁夜先訓..

所以今日就訓到成1點先起身..

因為今日係aunt生日..所以打下俾老豆睇下有無地方去..

佢開頭話飲茶..不過之後又話佢地o係coffee shop

打俾家姐問有乜地方去..佢話佢約左老豆飲下午茶喎..

o係一間叫潮江春o既地方飲茶o既..

咁我就同家姐各自準備喇..

搞掂之後又要行去馬會幫家姐條仔入錢..

返左鋪頭等左家姐一陣就一齊去太古喇..

去到..我諗2點半到啦..因為2點半先開始係下午茶時間..

食野..今餐係我同家姐請o既..

ok飽啦..之後家姐又送埋份禮物..

食完..佢地話自己返去先喎..咁我就同家姐去買新年o既野..

衫呀..鞋呀之類果啦..

行下行下..成個鍾都未開始買..之後首先係睇岩一件Nike衫..$296@@之後又買左對new balance鞋$227..

行左陣..去左ESPRIT..買左條我同家姐都覺得好抵o既牛仔褲..$199..勁!!

之後再去左一間唔知叫乜但係d衫都oko既地方買左件238o既衫..

一共用左960蚊..好抵呢!!(又唔駛自己俾錢喎..)

我諗住遲下出左糧自己買個銀包..之後就可以過年喇!∼∼∼

買完哂野都6點幾喇..我地book左今晚食飯果度7點..

仲要係o係佐敦喎..所以決定打電話去話遲半個鍾..

同家姐返左鋪頭..等左個妹一陣就一齊行喇..

搭地鐵去..一路搭..我地3個就好(忘)咁整張生日卡

去到..大約7點3..一見到間野..雖然感覺好舊..又要上2樓..不過就有好多人食呀..仲好似好好吁咁添..

因為太多人..無位..都要等左2個字..

終於有位喇..我地叫左個餐..有6送1湯加甜品..

因為我地坐o係好近廚房o既位..所以人地叫乜野我地都會睇到

就係因為咁..我地見到d野好似好好食咁.

所以就加左個送喇..(本身果度d人話..唔好加喇..實食唔哂架..好搞笑..幫我地寫單果個都話..好..你地加幾多都得..咁幫我地落左單之後..佢又話..不過你地實食唔哂o既..)

我覺得果度d人好搞笑..又好好人..服務態度又好..仲有種好窩心o既感覺添..雖然間野有d舊..不過..呢d叫古色古香ma!!!

佢舊得黎又唔會唔衛生喎..

最最最重要o既..係果度d野好好好好好超好食ma

果幾個送個名我唔記得喇..不過就有我最鍾意食o既送之一..北京填鴨(片)皮鴨!!!!!!!

又唔貴喎..5個人食..8送1湯加2個甜品(有一個係佢話因為見到我地個個送都望下..又個個問乜黎..所以俾少少我地試下喎..唔收錢..所以我話服務態度好好囉)

咁多野都係食左7xx炸喎..係咁上下啦..真係好好味囉..

食完又可以有窩心o既感覺喎!!!!

食到最後o既moment就係送卡o既時候喇..

最後講埋俾人家聽個名喇..叫北京酒樓(唔係北京樓呀下)..店如其名..食京菜o既..所以先會有好多我地唔知係乜o既送ma

我地食飽飽之後..打包左d..9點幾就走喇..

搭返地鐵走..返到屋企..睇下動晝咁..2點..訓..

(我真係覺得間野好好食囉..下次有機會打個地扯出黎丫..我諗我都會約我d朋友去再食..真係好正呢!!!!!!)

今日同左老豆講唔落去..

所以唔駛咁早起身..o係咁訓..仲發埋d好怪o既夢添=.=

訓到12點幾..wing打黎..問我今日o係咪同佢地去唱k

係呀..之後約左2點半o係觀塘等..

仲有個幾鍾..睇下動晝先..

睇到點幾..執人喇..(整頭呀..換衫呀之類果d..)

搭地鐵去..去到2點9到..

之後就由佢地帶路..點知d人又唔識路喎..

行錯哂=.=我地諗住去apm果間green box唱..

3點3到去到..第一次唱k要等囉=.=

等15分鐘點知等左好耐..一定唔只15分鐘..

我都真係ok想去第2間架..

不過hea左陣都叫做有房o既(o係我地未決定去第2度o既時候)

好喇..有得唱喇..不過就得2個鍾囉=.=

今日唱k..好似得我一個k歌之王o係度唱咁

2條友都唔唱o既..講講下..有人電話響..出左去聽..

我o係咁易講下..方向黎架喎..點知仲o係房果個就話..

你呷唶呀咁@@!!!>m<

哇..呢個字唔講得笑喎..緊係唔會係啦..亂講好大獲架喎

今日差唔多唱到尾佢地先唱-.-(我發覺同佢地唱k呢..比起我同我d朋友唱好唔同..因為一來d歌路唔同啦..二來呢..我發現佢地係從來唔點合唱歌架==.==)

o姐係一d好hit果d..必唱果d..會過去的呀,十分.愛呀,好心好報呀,自欺欺人呀果d呢..都唔會唱架喎

唱到5點半..好準時咁就無得唱喇..

唱完..有d唔夠..有d想去neway繼續唱..

不過都係去一去榮華搵人..問d野先啦..

去到..我見到阿劉個樣唔太好><(因為我未燒碟俾佢)

同佢地吹左一陣..真係好一陣..

之後就走人喇..又繼續諗去邊..諗極都諗唔到..

行行下仲睇到爆水管添@@搞到成條牛頭角道都塞哂車..

真係好似好大獲咁喎..

我地好好奇咁睇左陣..之後又繼續一路行一路諗去邊喇..

又去埋neway問價..好貴囉!!

行行下仲見到阿芳添..話左佢知爆野o既事..救左佢地一命呀..

之後去左許留山食左d野..再去左apm..

買禮物ma..我都仲未送禮物俾人..

行左陣都搵唔到買乜..行到差唔多8點..

買到喇..就係去左foreverfriend..買公仔..

我又順便買左張生日卡..

走o既時候..我見到wing因為問左d野之後好唔開心..好失望咁..

佢問左一隻佢好想買o既公仔有無貨..不過果個人答佢..我諗全線都無哂架喇..

我一野就睇到佢好好好失望o既樣..

呢個樣..我記得我曾幾何時..o係一個對我好重要o既女仔面上見過架..

而家又見到..真係搞到我好百感交集..好想幫佢搵..

不過唔好意思..佢唔係我女朋友..

老實講..如果我有個女朋友18歲生日..如果佢係好想要一隻咁o既公仔o既話..我一定會送俾佢囉..

又或者唔係生日..佢只係好鍾意..如果買唔到會咁唔開心o既話..就算斷左市..我都一定會買到俾佢囉..

雙魚ma^^

因為我唔想見到呢個失望樣再o係我自己鍾意o既人o既面上出現囉..

買完禮物之後就去搭車走喇..

返到屋企..打左陣機..傑佬10點半打俾我..叫我11點去搵佢..

咁我又ok想瘋狂下(高速地架駛自己的車輛在路上痴線)

所以我就去左拎車..等埋佢放工..

食埋野(未食飯=.=)之後就開始喇..

今晚都ok瘋狂架..仲差d俾人影左相添..

玩到2點幾..泊車..返屋企..

行緊返去o既時候但差人見到..唉..又俾人(豆)喇..

又要搜身..咁我件衫又多袋喎..搞左好耐=.=

問長又問短..見到我條手鎖o既時候又問喎..

咁我咪直接同佢地講我o係前面間金鋪拎架..

間鋪頭我老豆o既..我而家有鋪頭鎖匙架..

我差d想講埋駛唔駛帶你地去開下呀..不過無講..

佢地知道之後態度唔同左少少..因為我feel到佢地其中一個都認得我..

唔識我都識我老豆啦..我諗..

查完我地就可以繼續返屋企喇..

返到去..又係睇動晝囉..睇到4點..訓喇..

o係打日記之前..有d野要講呀..因為今日我有個朋友生日呀..

咁生日..就緊係要同佢講聲生日快樂先架啦..

生日快幾呀!!!(跟住之後=.=)..^_^

今日又係10點幾落到鋪頭..

食左d餅..之後又係睇報紙啦..

睇完又食飯喇..日日都係咁架啦=.=

食完之後..hea左陣..

要出去喇..因為鋪頭有樣野壞左

要拎去土瓜灣果頭整..所以就要拎車喇

2點幾出發..首先..去入左油先..

之後就去喇..去到又要搵喎..又搵左ok耐..

所以返到鋪頭都4點幾喇..

差唔多2個鍾啦

一返到去又要搬野..因為要幫家姐地買野

又搞左差唔多半個鍾..好累=.=

之後又係鋪頭heahea下咁..

6點收鋪..今日得我放狗o姐..因為老豆要陪個妹去睇醫生

好似感冒喎..

一條友放..無乜野做..打俾人問下今晚會點先..

不過又係無結論..放完狗..返到鋪頭又無門口入喎..

老豆未返..我又無帶鎖匙..所以又要煩到人喇..

老豆返黎..傾左陣..8點到就去食野喇..

今日去左酒樓食..ok啦^^

食完..同個妹返屋企喇..等佢地ma..11點喎

一路睇動晝一路等..10點幾.傑佬打俾我..

話叫我11點去食野喎..哦..

話咁快就11點喇..咁我o係沖好涼..set好頭o既狀態之下落街..

因為我feel到應該會玩到好夜掛..

咁我落緊去搵傑佬o既時候..佢地就打黎喇..

第一句就問..你係咪唔想出呀..咁不如下次丫..

咁就俾我覺得佢地應該有節目..

算囉..等我仲執靚哂添=.=

(我本身諗住去唱下k..或者拎車車出黎架..我諗左有乜玩架..不過佢地話下次..咪下次囉..)

咁我就同傑佬去左食宵夜喇..又睇到d超靚女喇..

個個星期o既哩d時間去食野都一定會睇到靚女架啦!!!

食完..我諗住去拎車架..不過突然覺得好凍..所以都係聽日先啦..

當我地行緊去搭車o既時候..我突然見到個超熟面口o既人..

望多兩眼..原來真係佢黎架..一個久違o既fd..

之前讀ive果陣果個alice..(果個好咩o既女仔呢..諗起果陣我地都真係..好瘋狂..)

佢同佢條仔一齊..讀文理添..我讀果間中學呀

我無叫佢呀..驚認錯..打左電話俾佢

不過佢無聽喎..可能忘記左我呢..

繼續同傑佬行去搭車..就上車o既時候..

我o既電話響起..原來係alice喎..

佢一打黎..就..阿財..搵我乜事呀..(好興奮地說..)

咁我咪講返見到佢果d囉..又吹左幾句..

因為大家都唔想長談..下次先啦..

我仲以為佢忘記左我添..不過我就無忘記佢呀..點忘呀..日日返學都好似去咩咁..(18歲以上先可以聽^^)

返到屋企..都係睇動晝囉..睇到4點..訓喇..

今朝起身..超累..

打俾老豆話可唔可以遲半個鍾落去..

點知佢同我講話家姐等緊我食早餐-,-

咁咪落去囉..一落到去..都諗到架喇..

家姐走左=.=咁我嗚食左少少餅囉..

睇報紙..12點幾又lunch喇..

老豆叫我去買野o既時候..唉......

之後同左舅父仔出去買野食..

食完..有湯飲..之後繼續hea..太悶..

所以問下老豆有乜搞..

佢隔左一陣..叫左我去抹野..

唉..終於有d野做喇..抹左差唔多一個鍾..2個人..

3點幾喇..出下去買野咁..hea下..食下野.

4點幾o既時候家姐落左黎hea..佢話不適所以早放喎

好快就6點喇..收鋪..放狗..返到去之後佢地整左d我都唔知點打o既野食..

食下吹下水咁..7點幾8點先出去..(食飯)=,=

我食出前一丁炸..

食完..返去食下生果..吹下水咁..

8點半再上去家姐地度..今次睇完咩霸先整..

好快搞掂..不過聽日仲要幫佢地買d野..

10點到就搞掂喇..hea到10點半..返屋企..

打下日記..chat下咁..12點再sd埋個生日快樂sms俾人..

不過><做唔到第一個添><做左第二個..

今日10點幾落到去..

買左個抄麵食..ok飽=.=

食完睇報紙之類果d..

今日都無乜野做..仲好眼訓添..

上午無野做就睇下書..睇一本講UFO果do既..

可能我個人都對呢方面o既野有少少研究..所以睇本書o既時候..

覺得佢寫得都ok垃圾..好多都佢自己講哂咁..

呢條友..寫鬼書都仲ok..不過呢本就..

個筆名性雲(加個大自然環境)

等左陣真係覺得太差..所以無睇落去

訓左陣..之後食飯..食完睇報紙..

hea下hea下咁又6點喇..收鋪喇..

又有人煮飯..食完..打下機..睇下電視咁

hea到9點就去幫家姐地做野喇..

佢地要裝潢間屋..所以叫左我上去幫手..

上到去..佢地食緊飯..勁好餸..咁我就坐低食下野又飲下酒咁喇..

10點先開始做..做11點半..有人嘈..唔可以繼續..

咁咪第2日先囉..都ok累..

好彩有錢收返o姐..搭的士返屋企..

返到去..要回返人d電話喇..

pansy打俾我..約我星期六去嘉(連)華..同中五d同學..

同埋約我下個星期四出去食飯..同shirley加個fd

星期六就唔知去唔去呀..不過星期四就實去啦..咁耐無見..

之後又同wing傾左陣..chat下msn咁..

2點幾3點先訓到=.=

今朝9點半..老豆打黎嘈醒我..

佢叫我早d落好喎..唔好10點半先落..好似個大爺咁=.=

咁我咪早d起身囉..早左3個字落到去..

買左個熱香餅餐食!!!

之後又睇下報紙咁..

12點半又lunch喇..同舅父仔出左去買野食..

食完lunch之後..hea左陣..

2點..老豆叫左我上上環..交d野俾人..

搭地鐵上去..好好訓呢^^

一來一回又個半鍾喇..返到去..又係o係西灣河落行返返去..

順便買左d要買o既野..

又見到之前食開野o既一間餐廳無做=.=

返到去..差唔多4點..

吹下水..睇下野咁..好快又6點喇..

今日聽到d人講澳門賭場d野..自己諗諗下..

好似都未好真正咁入過一次賭場喎=.=

真係要搵機會去下先!!

收左鋪之後..放狗..今晚有人煮飯..

食完飯就行返屋企喇..

差d俾車撞到(今日第2次喇>m<)

好似成日都烏下烏下咁=.=

行行下返去仲撞到個好耐都無見o既fd添..

同佢講左幾句..見到佢..諗返好多讀中學果時o既野添

返到屋企..唔見個妹@@又唔知去左邊喇

睇下電視咁..8點幾o既時候Rita打黎..

講星期五o既野..唉..到時先算啦..(我真係唔知係星期五喎=.=)

之後同佢傾左陣..10點幾收線..打機..

沖埋個涼..打日記..之後繼續打機..

日記...又好似無乜好打..所以又要停下喇...

唔知點解..由尋晚開始..我隻左眼邊就好痛><><

好似傷左咁..佢係好俾針整咁痛喎..但係又唔係眼咩針..

到左今朝都係咁痛><

10點起身..諗住刷牙洗面o既時候..發現俾個妹霸左個廁所=.=

所以今次打定俾老豆先..費是佢一陣又好似尋日咁鬧我><(我尋日遲落又無打俾佢ma)

之後就等個妹喇..真係要半個鍾=.=

搞掂落到鋪頭都10點9喇..

去買早餐食o既時候睇到細傑..之後就去左同佢and家姐食早餐喇..

食完返鋪頭..同老豆講講下野又發佢脾氣..

走左入去打左陣機..好快咁又lunch喇=.=

因為我鋪頭附近開左間新o既酒樓..所以好多人吹水都講開佢

可能因為新開..所以吸引左好多人去食野

下午都係睇下報紙..看下鋪咁啦..

5點幾o既時候..收到個個電話號碼好熟o既電話..

好似一個同我ok熟o既fdo既電話..所以我聽o既時候..

用左d對佢o既語氣(不嬲同佢吹水我都好串架)

不過聽到電話果個自報名稱..我先知我搞錯左==.==

原來係一個好少打俾我o既fd..勁樣衰..

好彩我無出聲估佢係邊個o姐@@

因為佢話好悶..所以同佢傾左陣(乜我個野好串咩==.==)

可能同我心情有關..事關我今日o既心情都ok亢奮!!!

6點半又收鋪喇..之後又係放狗啦..

今晚無同老豆食..佢俾左錢我買野食..

我買左個麥記返屋企..買o既時候..見到個好靚o既店員!!!

返到屋企..邊睇電視邊食..9點..睇波..

好野!!利物浦終於都嬴返場喇!!!

睇完就打日記喇..