今日o既日記叫做有d野打下啦..

今朝一早起身..第一時間出左去開一開個電視睇睇比數先..

因為尋晚買左波..一睇..唉..買3串一斷左2場..

咁又無左幾十蚊喇-.-

又係10點幾落到鋪頭..今日又食下麥記先..

食完..睇下報紙咁..睇睇下..

舅父叫我幫下手剪野..

剪d金牌仔賣..第一次..係咁架喇..加上我對勞作又唔係咁有天份=.=

剪完..hea左陣講咁快又lunch time喇..

同舅父仔出左去買野食..

買之前行左一行去銀行..入錢..

之後佢就買燒味果..我就買米線食..因為好耐無食過..食下ma..

買完..因為用左好多時間..所以俾老豆串..

佢問..去左沙田買呀=.=

哇..我都係叫左酸辣o姐..點解咁鬼辣架..唔通我怕左@@!!!

食完個咁勁o既lunch之後..又係整下d寵物o既時候喇..

之後又繼續睇下報紙咁..

見到老豆做野咪去睇下..學下野囉..

不過又因為一d原因同老豆有2句..

之後又走返去睇報紙..睇睇下..有d眼訓..

所以去訓左陣..半個鍾到啦..直到傑佬打黎嘈醒我..

同佢傾左陣..4點到..老豆叫左我上上環..俾d野人整..

咁我咪搭地鐵去囉..一來一回加等下人咁..

又2個鍾喇..因為我唔係o係筲箕灣落車..係o係西灣河落(無出閘唔可以o係原站出架..要過一個站)

因此要行返去喇..

慢慢行都要成半個鍾至9個字架!!!

返到去都6點喇..收鋪喇..之後又係放狗..

放o既時候就緊係要問老豆拎返d野啦..就係..糧喇^^

返鋪頭..又睇左陣報紙..上阿婆度喇..

上到去..打下機咁hea左陣..等埋二舅父返黎就食飯喇..

又好好送喎..食完..繼續教舅父用Foxy

9點半到..走人..行返屋企..邊行邊傾下電話咁啦..

又去左睇敖敖^^有d搞笑

返到屋企..打下日記..down下野咁..

幫日記網做d好耐無做過o既野先..就係整返歌聽下=.=大傻呀!!!

哩幾日..都無乜特別野做..所以都無乜好打==.==

今日我有個朋友生日..雖然我唔知佢有無我日記網..

不過我都做返平時會做架野啦..

wing姐..o係度同你講聲生日快樂！！！

10點幾落去..今日行行下落去..

突然feel到自己後面有個好似ok靚o既女仔緊同一條路行

望左一望..好似ok喎..

之後又望多野..噫..有d熟口面..行多陣又再see多see

真係ok好熟口面喎..再望第4眼..

哦..我有9成肯定..佢係火姐=.=

唔知佢去邊呢..可能..返工掛..不過我無同佢打招呼呀..

因為有d趕..

買左早餐返鋪頭食..食完..吹下水..

做下生意..睇下報紙咁..又搞下d寵物..

好快就12點幾喇..又係食lunch時間喇..

今日唔係食得好飽=.=

食完Pansy打左個電話黎..佢話而家過黎喎(買玉ma)

之後我就開始等佢黎喇..

2點半到..佢到喇..不過因為當時都ok多客..

而且我又仲未好熟鋪頭d野..所以係由舅父仔地sell佢架..

佢d屋企人就買野..佢就同kenken玩囉..

又同佢吹左陣水..買完..又帶左佢去睇之前讀中學果陣成班同學拯救左果隻雀仔..

佢3點半到就走喇..多謝哂^^

之後我就行左一行出去..因為要過錢俾人幫我買生日禮物^^

睇一睇個銀行..噫..真係有還到錢喎..

因為借我錢果個話今日會過到俾我..而家睇睇..真架喎!!!

過完之後..返鋪頭坐左陣又同左老豆出去..

又買木版喎..買完..hea一陣咁好快又6點喇..收鋪..

7點幾我就出去喇..要去一去旺角搵埋Rita之後先一齊去..順便拎返份禮物ma..

真係唔該佢咁好人咁幫我去買左禮咁可愛o既禮物呀..

我feel到生日果個一定會好喜歡囉！！！

去左搵佢地之後就一齊去觀塘喇..

去到..唔知點解要前後腳搵wing姐呢=.=

我搵左佢地2個先..之後又(等)左陣Rita同佢個fd

齊人之後就行去唱k喇..

行行下有人又話要去o禁錢喎..咁我咪同生日果個,誠哥仔行去先囉..

去到..行緊上去k房o既時候..我o係樓梯見到一個熟口面o既人..

個心立刻好唔滿意..因為一路佢地都無講過呢個咁黑我憎o既楊哥仔會出現..

我一路都無預佢會o係度..所以我先咁開心咁諗住玩返晚..

不過而家俾我見到佢咁靚仔o既樣..

我之前又講到明..如果到時俾我見到佢..

我會諗都唔諗就走..sorry都要架喇..至多第時請返生日果個食飯架o姐..

咁而家俾我見到佢喎..你地估下以我o既性格..我會點做..

無錯..熟我o既人應該會估到..我會走o既..

雖然真係好唔好意思..但係我真係唔可以對住佢一晚..

我驚會打人都似..由其我唔知會唔會飲喎..

咁惟有真係下次請返佢食野啦..

我都有入左入間房o既..不過之後話去洗手間..

然後我就決定..走喇..

咁當我去完..走緊o既時候我見到Rita姐喎..

俾佢見到我添-.-咁咪同佢講..

我見到個我講過話見到佢我會走o既人囉..

佢都估到..其實聽佢地勁叫我唔駛走咁..

搞到我覺得自己好衰..好少家..同好賤下添..

不過你地唔知我同楊哥仔有乜牙齒印o姐......

同埋我話走係自己親口講o既..如果唔走咪仲衰仔@@

真係好唔好意思呀!!!><

咁當我走左之後..一時之間唔知食乜好..又好肚餓喎..

打俾fd一d又返緊工一d又有節目中..

無辦法之下咪打俾老豆囉..因為我知道佢今晚會打邊爐..

諗住問下佢打完未..

如果未o既我咪加入囉..問完之後..佢地真係未打完喎

咁就好喇..我餐飯有著落喇..

之後我就由觀塘搭車返筲箕灣喇..

半個鍾到..返到去喇..開始打邊爐..不過其實佢地都飽架喇..

打左陣佢地3個就話要出去買野喇..咁我咪一個人睇住勁歌打囉..

原來一個人打邊爐都真係別有一番風味架......

我一個人打左差唔多一個鍾..佢地就買完野返黎喇..

而我都飽喇..10點到..執野..

之後睇左陣勁歌..走o既時候打俾佢..本身諗住吹下水..

點知俾佢叫左我拎車..我都有少少想o既..

拎完之後去搵佢..之後再去搵埋敖敖..然後去入油..

再去我拎親車都會去o既地方..就係石澳喇..

今晚又好瘋狂@@入到石澳..hea左陣..12點幾到..

wing佢地打黎..佢問我..你而家係咪應該同我慶祝呢=.=

咁我頭先咁做..而家點都要做返d野o既..我心諗-.-

咁咪問佢地想去邊囉..又諗唔到喎..

一個鍾後..決定左..我過去搵左佢地先..之後再遊下九龍..

問左傑敖佢地..佢地話一齊..咁咪一齊囉..

終於都要過海喇..不過都唔係第一次o既(自己過)

有一次去阿sir度..有佢帶路..又有一次..同shirley兜兜下唔少心過左去..

不過自願咁就第一次喇..

我選擇左行東隧..25蚊..其實我都識去觀塘o既..話哂跟舅父車都黎過2次..

去到榮華果頭之後..

停左架車o係附近..之後佢2個話想食雪糕..

所以3條友就去左麥記買喇..不過我無食呀..

一路行一路食又一路等wing地黎..

終於去到一個紅綠燈位..我地相遇喇！！！

上左車之後..又要諗去邊好喇..

諗諗下..我決定去一個我都叫做去過ok多次o既地方..就係鋰魚門喇..

不過去之前我想去一個地方先..一個叫茶果(領)o既地方..

因為有人會好希望唔到都過一過囉..其實我都想去下o既..識多d地方ma..

雖然有個人不停話唔好去啦咁..不過我feel到佢可能係最想我去果個..

去到之後..因為唔太識路..所以唔係行得好入o姐..

o係咁易過一過就算喇..

去(過)之後..我就決定繼續去鋰魚門啦..睇睇ma..

睇睇完之後..又去埋個廁所..

之後又要諗諗去邊喇..不過去之前..要入入油囉..

搵到油站..入完之後..我決定..算喇..都點幾喇..

搵得路送佢地返去黎..我諗都會ok夜架喇..

所以我就決定下一個目的地o係黃大仙..送Rita返去先啦..

好奇怪地..原來佢好熟路架..經過佢帶路之後..好快就到喇..

不過當仲有一個路口就到o既時候..佢突然話..咁快返去呀..

傑佬又話..人地生日喎..你就咁車一車就算喇-.-

咁無辦法喇..兜多陣囉..不過就係因為呢個兜多陣..

我之後就兜左去d自己都唔識o既路添..差d仲去埋荃灣@@!!!

好彩後尾行行下都搵到路返去..不過就兜左好多路囉@_@

不過搵到路之後都兜左好多先到呀=.=仲行左錯超多路添..

去到wing姐屋企都成3點喇..我送埋佢返上去..再睇左一睇佢果間好有型o既房@@

3點..落返去..之後車埋Rita姐返屋企..送上埋佢上去..上到去..

@@走廊有野燈壞左呢@@!!!ok恐怖>m<

見埋佢入屋之後我就走喇..同傑敖搵路返去喇..

我同敖敖發現..傑佬好熟呢頭架==.==係超熟@@!!!

又兜左陣..搵到喇..不過今次行西隧走..條隧道靚就好靚呀..不過..40蚊咁貴呢==.==

過左隧道..返到香港我就唔驚啦..

我諗住入返d油..不過去到油站..果個人訓左喎=.=

算喇..之後我車左敖敖返去先..泊埋架車..再同傑佬搭的士返去..

返到去..一入到屋企樓下..個看間同我講..早晨@@

我嚇左一嚇..睇睇時間..4點半@@

返到上去..仲驚..度門..鎖左..咁都唔只..我個電話仲要無電..係機都開唔到果隻@@!!!

咁o姐係打唔到俾個妹叫佢開門啦..咁惟有好樣衰地落返去借電話@@!!!

好彩我同個看間都有2句架o姐..不過就算借到電話..

都係打極都唔聽之屋企唔聽..手提都唔聽..之後仲關埋添!!

我打左不下十次..唔掂..我諗都整醒左佢架喇..

所以我決定..上去o禁鍾..整醒佢為止..我每10下一次咁..

佢第2次就醒喇..我都有屋企返喇.........好感動=.=

返到去..沖左涼..睇左陣波..訓喇!!!

今日10點幾落到去囉

買左個芝士條做早餐..

之後又係睇下報紙..

hea下咁..今日生意不太好..

12點幾食lunch..無乜胃口=.=

今日我o既狀態唔係咁好..

所以5點幾o既時候去訓左訓..

6點收鋪..放狗..

今日有人煮飯..食完就返屋企喇..

返到去都不外付係同人chat架o姐..

有個好耐都無同我講野o既人(終於)hi我喇^^

好多謝佢話我張相好睇@@!!!

又玩左下互send相o既遊戲啦..

之後又同Rita傾..佢叫我聽日去wing個(生日會)ma

又講下生日禮物咁..=.=

12點send左個sms俾wing姐..

點都要講聲生日快樂先o既..

點知我做左第一個@@!!!

之後打機打到1點幾..好眼訓..訓喇..

今日10點幾落到鋪頭..有點飽唔多想食早餐..

因為尋夜傑佬做左佢差唔多好似係未試過做o既野..

就係請我食宵夜喇=.=

仲還左d錢俾我添..雖然仲有好多..不過有還我都好開心架喇..

食宵夜o既時候又見到條好,超,勁靚o既女喎

好喇..唔講喇

落到鋪頭..雖然有d飽..不過都有買到早餐食..

食完..睇下報紙咁..睇到利物浦輸波果d><<

好快又12點幾..lunch喇..食完..hea左陣..

老豆無啦啦叫左我一野..之後俾左600蚊我@@

係喎..1日100蚊喎..返左6日..出糧=.=

都ok喎..又唔多野做..總比我o係屋企打機好o既..

好開心..我有返d錢喇..之前借哂俾人..

而家傑佬還返d..老豆又俾左d我..咁都無咁驚..

因為今個月好多人生日@@!!!

2點到..老豆叫我去上環喎..因為有d鋪頭o既野要搞!!!

搭地鐵囉..坐左大約半個鍾..到喇..

搞d野搞左3個字到啦..之後就走人喇..又係搭地鐵返去..

返到去..有人打黎..話約聽日去玩喎(生日)

開頭話去長洲..仲要過夜..一聽到就唔想去=.=

之後諗左好多理由推..

一來第一感覺唔喜歡..二來太多人去..三來無乜錢(講下炸!!)

同佢地講緊係無錢啦..唔通話自己有好多呀..一陣又話要乜要乜..

我有錢都唔會咁用囉..都係咁講啦..價值問題囉..

你話如果要我送野俾傑佬..我真係成千蚊請佢食一餐..我都仲俾得起同值得俾o既..

收左線之後..(叫佢地最後先搵我)..

不過佢地打返黎我又出左銀行喎..再搵佢地..知道左又唔同左地方喇..

話去食巴西燒烤..之後再去唱k喎..

我心諗..咁多人去..都係唔係咁想去..(我個人就係咁架喇..識我o既人會知囉..)

之後唔記得講乜講講下就收左線喇..

唔知點解今日6點就收鋪喇..之後放狗..

約左三舅父..上佢屋企幫佢整電腦..6點半..佢到喇..

之後上左佢屋企..我由一見到佢開始就同佢講..

我而家無慾無求架喇..之後我就成晚o係度講喇..

佢勁話我辨x哂野咁..

之後就o係佢屋企食埋飯..整埋機..仲幫佢down埋foxy添

又整埋msn..因為佢要send野俾我..

餐飯都ok喎..9點半到..走喇..佢車返我返屋企..

返到去..開左電腦..諗住叫佢send野果陣..

Pansy無啦啦打俾我..一個果時中1-5(包括2年中4)都同班o既一個女同學..

佢好耐無搵我喇..果時同佢,Shirley有期成日3人行架..

唔知佢搵我做乜呢..原來..佢想買玉..耳環or手鐲

因為佢婆婆生日..問我鋪璜有無..我鋪頭有喎..

咁約左佢幾時黎睇之後就開始同佢吹水喇..

講下近況..又講下上次我諗住搵佢返榮華..不過佢無回覆我..

佢話好痛恨喎..因為佢好想返..不過因為唔記得打返俾我..

之後又講下pungpung..講下shirley..知道左..

原來shirley同佢bf岩岩散左無耐..而家同緊第2個一齊..

哦！！！有d估唔到佢地會分手..因為..........

總之天南地北都講一餐啦..傾到12點幾

去沖涼..之後打左陣機..錄左d新games..又同家姐部NDS幫我果部做左樣我想做左好耐o既事！！！好開心！！

２點就訓喇！！！

今日又係10點幾落到鋪頭..

買左個熱香餅餐做早餐..都好似好耐無食過喇..

食完之後又係hea下咁..

今日一睇到份報紙o既頭版..覺得ok震撼!!!

就係6歲小朋友俾小巴撞果件事..

真係好慘..到底邊個o既責任大d呢..

哩個問題今日全日都有人入黎我鋪頭吹水o既時候談論..

包括一d媽媽,小巴司機..

我心諗..只係o係我鋪頭就已經有咁o既回響..

社會o既回響可想而知..

睇完報紙..走左去學煮送..因為鋪頭今日有d煮飯..

學下d新送ma..唔好黎黎去去都係煮肉..

我都有幫手做架!!!不過就唔係一次二次就會學識o既..

12點幾食飯..好好味呢!!!

食完飯..我洗碗..之後都係hea下咁囉..

今日食飯o既時候發生左d唔係太好o既事(某人)

搞到老豆都唔係好like..

3點幾o既時候同老豆出左一出去..買木版喎..

6點3..收鋪..放狗..

之後等埋家姐放工..老豆地又搵埋aunt個妹一齊去食飯..

五個人去左西灣河食..

食完(唔飽囉=.=)..行返屋企..

返到去..開msn諗住同人chat下..

點知俾我遇到d好可怕o既野>m<

之後打機打到4點..睇波..不過睇左半場就無睇喇..

因為愛隊輸得好勁..

5點3..訓喇..><><><輸了><><><


朋友的相處
費心費力去經營 無私無償的付出
結果到底怎麼樣 原來心中少了我 

今日10點幾落到鋪頭..

買左個seven三明治食..

食完又係睇報紙囉..

又係12點幾食飯囉..食完仲有蟹食添!!正..

今日鋪頭上午都有d生意..

下午都係吹下水咁啦..棠哥今日黎左..拎野..

又問我讀書定做野..我日日落鋪頭日日都有人咁問..有時真係唔知點答好=.=

3點幾o既時候..當我正同kenken玩緊o既時候..

我見到出面有個非常熟悉o既面孔..

睇真d..原來真係我識o既人黎架!!!

佢就係之前中學教過我英文o既一個老師(同你地講丫..我讀左6年中學..只係試過一次英文考試合格..而果次就係呢個老師教架喇!!!)

而呢個老師除左教過我之後..仲做過我家姐o既班主任添..

係一個好好人同好有錢o既miss..

佢黎買野..買完就同佢吹左陣水..

原來佢父母識我地一個伙計好多年架..

同佢傾埋果d野囉..又係讀書定做野果d囉=.=佢又問我有無搵返之前d同學出黎呀咁..

有就有..o既..

佢走左之後..我o係度諗..佢好似係我讀左咁多年書以黎..

第一個行入我鋪頭而又教過我o既老師黎架bor@@

之後都係做果d野..好快又6點半..收鋪喇..

今日得我同老豆食o姐..因為aunt同佢個妹食..

咁我就同老豆去左食羊腩喇..正..

食完..返屋企hea左陣..8點幾走..

搭車上去o既時候仲見到個老豆o既熟人添..又問我..讀書定做野呀==.==

返到屋企..都係打下日記..打下機咁啦..點幾訓..

老豆尋日都叫我要落去咯..咁我緊係要落啦..

10點幾落到去..

一落到去就食左個麥記先喇..

睇左陣報紙..12點又食飯喇..有d飽=.=

食完..又係做下果d野咁..好快就3點喇..

星期日3點收鋪ma..

收左鋪之後..又去左食下午茶..去左紅石食..

食o既時候個氣氛有點怪囉..因為佢地2個有d口角

唔出聲=.=

食完..我同老豆就走先..因為aunt要去搵佢個妹..

一路行老豆一路同我講野..

返到去..hea左陣..老豆話要執野喎..

咁我就同佢上左樓上執野喇..順便搵下搵唔搵到我唔見左o既野..

執左好耐呀..個幾鍾呀..不過樓上就清左好多囉..

執完..又搬d唔要o既野走..

7點到先搞掂..打左陣機..

8點幾..老豆叫我去攞位..話就話等幾個字..

點知就等左成個鍾..成9點先有得食..仲要同人搭(台)喎-.-

我都唔知幾耐未試過=.=

食到9點幾..果度有個ok有趣o既侍應勁同我地吹水囉..

我有d覺得佢做到傻傻地囉..

食完..返鋪頭拎返d被就走喇..

返到屋企..同敖敖chat左陣..之後打機打到2點幾..訓..

今日唔係咁想落街..

全日都係屋企打機..

3點幾o既時候老豆仲打俾我問我點解唔落去..

我話..[乜我唔係五天工作架咩..]

之後佢答我..我地無五天工作架喎..=.=

叫我聽日好落返去..哦-.-

之後都一路打機囉..

直打到11點幾..傑佬叫我落去食野.

我又未食野..又有d野想同佢講..咪落去食過宵夜囉..

12點到落到去..食左個沙律..2條友食完仲坐o係果間野打左陣機添=.=

12點9到就搭車返去喇..超凍囉><><

返到去..等左陣..睇波..點3開波..

唉..利記輸左囉..雖然我無買..不過愛隊輸了..有點失望><

睇完波我就去訓喇..

今日一樣落鋪頭..不過10點半先落到去..

買左個seven三明治做早餐..

今日都係做果d野囉..都係睇下人做生意呀..幫下手呀咁囉..

不過今日o既午餐我煮左一味送..

黑(朝)牛肉粒..一個小菜..其實我都係試下架炸..

話哂我之前都有段時期試過對煮野食有一定o既研究架喎..

今次見咁耐無煮..咪試試佢囉..

不過個結果係..第一次喎..換到一句..色,香,味..係個味要改進o姐..

因為我自己都覺得咸左少少同d牛肉熟左少少=.=

下次會改善架喇..

6點半收鋪..等左個妹一陣..去食野喇..去左紅石食..

食食下..無啦啦有人打俾我問我借錢..我到窮到pk..

真係唔太想借..不過覺得人地講到救命唔借又好似好衰咁..

咪食食下飯o既時候無啦啦去左過數囉..

搞掂..食埋餐飯..同個妹返左鋪頭拎埋d野就行返屋企喇..

返到去又同人chat..chatchat下我仲唔小心犯左個不能彌補o既錯誤..

就係我o係自己未set好哂個日記某d日子o既時候..

將個日記網俾左個佢唔多睇得果d日子o既人..

佢仲要睇左..我心諗..今次真係大獲喇..

因為我都ok介意人地對我o既睇法..

果篇日記就係會改變哩個人對我o既睇法..(再加上果篇日記我係酒後打..我記得都ok瘋狂><><)

哩個仲要係我最唔想佢對我有壞印象or負面印象o既人添><

今次無喇.................................

我feel到自己以後對住佢地o既態度應該會唔同哂囉..

真係早知今日..下句大家知啦..

由我知道pk左果一刻開始..心情就唔好哂..

點會好丫..有打日記放上網o既人應該明白..有時有d日記..自己真係唔想俾人睇到..

但係又唔小心地俾人睇哂喎..仲要係最唔睇得果d人..

o姐係你諗下果種心寒..唉..........

雖然之後chat都好似無乜野咁呀..

不過講真丫..我除左辦無野..仲可以點呢><

真係好痛苦..囉................