大家聖誕節快樂呀!!!

今日係聖誕節..一早無乜野做添..

3點幾o既時候..Rita打俾我..話佢同佢個fd(唔係wing)會去個fd阿哥o既bbq

問我去唔去..我心諗..又無車..d人又唔識..唔去喇..所以推左..

我問佢點解唔叫wing..之後佢話嘈左喎@@(其實唔係嘈o既..係唔滿意o姐)

我問點解..佢話因為尋晚喎..原來佢地尋晚去尖沙咀o既時候呢..

唔係一炸人去喎..原來得3個..咁你諗下..一對情侶..平安夜出左去玩..

而另外再架多個人..咁果個人o既感受會係點呢..

我就好明天喇..所以我先會話..早d我都去啦(等果個人無咁難受ma)

咁我無去到bbq之後..繼續o係屋企..7點幾o既時候..

Rita又打俾我..話佢地走左喎..因為d都唔好玩..

咁果時凡同三舅父講緊電話加ma.講緊一d話題..咁佢就俾左個提議我..

咁我諗諗下之後..覺得都ok喎..可能做下喎^^

Rita打黎昭我出唔出去睇戲..咁我今次就去喇..因為好悶-,-

唔想聖誕咁過........

佢一路講一路話好凍呀..今日好凍呀咁..

佢地話o係筲箕灣地鐵站等..咁我就落去喇..

經過萬寧咪買左包暖包囉..費是d人又勁話凍..

落到去..搵左佢地..咁之後就搭車去樂富果邊喇

搵wing喇..佢今次個fd都ok喎..

一路搭車去..一路o係度講人^^

去到之後..大家都未食野..所以就去左搵野食..去左一間叫目黑o既地方食..

4條友諗都唔諗睇都唔睇都走左入去食..

點知一睇個餐牌@@!!!108,98,78,90咁..

個個都係咁@@..我地勁想走..不過真係好樣衰..

諗左好耐之後..決定..叫香蕉船呀..奶昔呀果d囉..諗住之後再去第2度食..(好低b)

食(完)之後..去左吉之島..買左..壽司..

之後又叫左困d餐食..

一路食又一路吹下水咁啦..唔知點解..我無啦啦做左Rita老豆=.=

食完之後..11點喇..佢地無啦啦問我拎禮物..咁我就順手送左包暖包俾佢地喇..

食完..因為果個女仔要走..(唔可以夜返..)

所以就睇唔到戲喇..下次啦..

咁佢地話去東屋企玩..我又唔想去喎..

所以我都要走..咁佢地話約左ming..叫我地上去Rita

屋企坐下喎..哦..咁之後我地就上左去喇..

都ok整齊喎!!!去左佢間房玩..3女1男喎^^

睇下相呀..我就勁問佢個櫃果d係乜呀..叫佢俾我睇下呀咁..

佢又俾我地睇左一本未俾人睇過o既相簿..

bb相..我仲差d見到赤裸相添..(唔知點解d大人真係好鍾意影你bb時o既赤裸相架喎..)

睇完相都差唔多喇..走o既時候我見到佢屋企原來有個鋼琴架..原來佢慬架喎..

之後就去左搵ming..搭地鐵走喇..佢地o係藍田落車..

我就同個女仔o係油塘落..

我知道左佢叫佩姍..細我一歲.. 6月13日..雙子座..今年考完會考..商科..9分(好勁-.-)..暫知壽司鍾意鰻魚..好cool..住油塘..無喇

咁我返左屋企之後..打機囉..2點幾訓喇..

咁我今朝一訓就訓到點幾喎..佢地..唉..

果對青春小情人就繼續o係廳..訓=.=

果位小姐就繼續o係我間房..訓-.-

我個妹個fd又上左黎喎..勁嘈..搞到我都訓唔到..

訓左身之後..又唔開得電腦喎..(嘈醒人唔係幾好o既..)

咁咪好乖咁坐左o係床邊睇漫晝囉..

睇左陣..我個妹同佢個fd2點幾就走人喇..

佢地都係大約3點起身..要搵牙刷俾佢地呀@@@@@@好彩有o姐..

誠想左身之後又同佢打左陣機..

2個女仔搞掂哂個樣之後就話落去買野食..

我教左佢地去邊買..咁就繼續同誠打機喇..

4點到..老豆上左黎..因為今日要去幫樓下個人(遊)油(上次整爛左人地個花天..滴水)

老豆地上到黎果一刻佢地2個就買完野食上黎喇..(買野果間都唔知係咪黑店黎架..乜都無=.=)

咁我因為要落去..所以無得同佢地下齊食..

落到去..好快搞掂..3個字到啦..又睇左人地間屋點裝修(我地就裝ma..)

我覺得都ok喎..

搞掂左一半之後我地就上返去喇..

咁我就可以食飯喇..

過左一陣.老豆地又落去喇..

我地o係上面..hea下..睇下電視..吹下水咁啦..

佢地搞掂左返黎..過左一陣就落返鋪頭喇..

4條友o係屋企..無乜搞(我屋企無野玩加ma..)

5點幾o既時候走左去上網睇鬼野@@!!!

又聽下恐怖熱線咁..

佢地7點到就走喇..(唉..本身Rita訓過張床我都唔駛換被架..不過上網o既時候誠同wing多上左去喎..

咁就唔掂喇..我果野潔癖真係頂唔住..

接左佢地去搭車之..我就返鋪頭喇..

因為今晚平安夜同老豆家姐地出去食飯..

返到去..等左陣..等齊人之後就出發喇..去銅鑼灣[新星]打..

因為預約左9點..我地8點去到..所以可以行一陣..

去左買衫之類果d..8點9就行過去喇

去o既時候仲經過謙記添..(o姐係.......)

好彩我地有預約炸..超多人等緊位囉@@!!!!

我地就等左5分鐘到..有位可以上去喇..

我覺得間野ok好正喎..d野又唔貴喎..

最重要係肥牛好味ma!!!

我地由9點幾食到11點幾..

唔知點解個個都飽左o既時候老豆都話未飽=.=

我仲feel到成間野d人一齊睇一擲千金果種感覺添!!!

都ok正喎!!!!!

11點幾..走人..我飲左酒..所以要返屋企喇..

個妹就同家姐地去左唔知邊喇..因為搭唔同o既車..

走走下o既時候..Rita地打黎話出唔出去尖咀..

其實我有少少醉..又有成炸人去喎..所以無去到..(第日知道d野..原來我去左係好d架..)

搭車返到屋企..打機..點幾o既時候..有人俾左個聖誕節最大o既驚喜我囉..

真係搞到我都有d手足無措=.=

3點幾就訓喇..

今朝一早8點幾俾傑佬打黎野醒左..

因為我要車佢ma..咁就要起身..

落去拎車喇..買左個早餐..之後落左鋪頭食..果時9點幾啦

食完..拎車..之後就去搵佢喇..佢勁叫我快d..話10點前要返到去喎..

所以都要ok快..搵左佢之後..極速咁車佢返去..

之後我就去泊返部車..再返鋪頭喇..

今日鋪頭做節..所以有人煮飯..

12點到食飯..都好送o既..食完..睇下報紙..吹下水咁..

老豆話今日係冬..所以早少少收喎..

4點收鋪..今日有d新o既飾盤黎左..

所以收左鋪之後就同歐生,舅父仔,老豆地搞果d盤喇..

因為唔多夠位入飾櫃..所以要搞好多野先得..

要(作)一(作)d木..所以整左好耐..幾條友整左個幾鍾..

整完之後因為我有點累..就眠左眠喇..

老豆就同佢個fd吹水..

我訓到差唔多6點..同老豆去左西灣河果頭..睇下有無生鐵賣喎..

結果係無o既..行左一輪之後..返去..放狗..

之後就去食野喇..又係去紅石..

一路食一路等個妹返..因為今晚佢地要同個妹去買野..

食完..佢地就去買野..我就行返屋企囉..返到去都係打下機咁..

2點幾訓喇..

今日都係咁上下時間起身..

down左一個朝早野..

3點幾4點落去..因為要陪傑佬買野..

佢學校聽日有大食會..佢要整雞翼喎..

咁咪去左買野囉..行左百隹又行左惠康果d

搞左個幾鍾..搞掂..

之後返左鋪頭..

hea左陣..6點半收鋪..放完狗之後就同家姐一齊上阿婆度喇

今日做冬..上到去..等左陣就開始食飯喇..

都ok好送啦..又有羊腩食^^

食完飯..舅父仔地o係度send歌..我就要等埋佢地先走得..

因為我今晚用車..講左話車埋舅父仔返屋企..

睇完套爭霸就行喇..

拎左車之後..車左個妹返去先..

返返下去仲見到pungpung添..叫佢上車又唔上喎..

之後我打返俾佢..佢話見到多人所以唔上車喎..咁又係幾多人o既=.=

車完個妹返去之後..再車埋舅父仔地走..去灣仔..

之後我就自己走喇..第一時間睇睇傑佬幾時放工先..

佢放12點..好啦..叫我同我兜一轉啦..見佢聽日要返學..

咁o係9點幾至12點哩段時間我做d乜好呢..

我都唔知..停左部車o係一邊..打俾Rita諗住叫佢地出黎..

打左俾佢之後..佢話岩岩返左屋企..唔出喎..

所以我就就咁同佢傾下電話算喇..

就咁傾一傾..我知道左好多野呀!!!!!!!

我知道左原來wing同成o係中秋之後無耐就一齊左架喇..

仲知道今次係wing第一段..講真..有d驚喜囉@@

又知道左好多好多野..佢又約左我聖誕節出黎玩..

話23號去睇戲喎..同好多人=.=(我心諗..同榮華果d就ok..一陣又有d乜野阿細呀,阿傑呀果d咁我就唔多like喇..)

就咁同佢傾一傾..就真係由9點幾傾到12點..如果唔係我話我要搵fd同電話無電..都未必會收線..

收左線之後..唔知點解心情有d唔好..

搵左傑佬之後佢又叫我聽朝8點起身..因為佢整左90隻唔知點拎返去..想叫我車佢返去喎..

我本身都唔多想架..不過諗諗下..見係兄弟..ok啦^^

之後去左石澳..唔知點解..今日部車性能超好..話去就去..要快就快..

我一心情唔好就開得好快架喇..所以我好多段路都用左差唔多100行..

入到去..買左野飲之後就出返黎喇..

又係開得好快..之後車左佢返屋企..我就再兜多1個鍾到..

2點到就泊返部車..開住最大聲的mp3行返屋企..

返到去..玩左陣接龍就訓喇..

當你滿以為有一個車位..無車泊左o既..咁當你正泊緊o既時候..突然俾你見到有架電單車頂住你個位..咁你可以點呀..我覺得..除左無奈..都唔知可以點><><

唔係有太多人明白箇中道理..不過我就知道..我係因為明白..所以心情先會有變化><><><

今日又係點幾起身..

打左陣機..3點幾落鋪頭..

無乜野做地hea到6點半收鋪..

放狗..之後等埋個妹同老豆地個fd一齊去食飯..

食羊腩煲..正!!!

食完之後返鋪頭又食過..

今次就食人地拎黎果d海鮮..又正!!

食完..8點幾返屋企..

返到去睇波..打機..2點幾訓^^

尋日無落過街..因為要休息..

不過今日就要落下街喇..

打機呀..睇動晝呀咁..到左3點幾..

落鋪頭喇..落到去..都係做果d野..6點半又收鋪喇..

收左鋪之後同老豆地去食野..

去左一間叫紅石o既餐廳食..都ok啦^^

食完之後去左吉之島..因為佢地話想幫我買衫喎..話我無一件厚do既嬲喎..

不過吉之島就買唔到..因為岩又無size..

所以就去左太古睇..

去左ESPRIT因為我想買上次睇左果件..

不過去到再睇..好似又唔係好夠暖咁喎..

所以睇左第2件..岩o既又無size..咁咪又再睇囉..

終於睇到喇..都決定買..價錢..999@@!!!!!!

仲要唔係老豆俾喎..佢話係聖誕節禮物喎@@!!!

買左之後..佢地撞到fd..我就走先..

之後我去左麥記買左杯野飲..再去左冰場睇人溜冰..

睇睇下..無啦啦有種好落幕..好唏噓o既feel..

所以決定..行返屋企..因為可以望住個海行..

可以有d更落幕同唏噓o既感覺..

結果都係丫..

行行下仲經過埋傑佬做果間野..打左個招呼..

繼續行到返屋企..上網down下歌..打下機點幾又訓喇..

今日係最後一日喇..尋晚幫阿劉搞到咁夜..真係超唔想起身..

不過都要頂埋今日..

搭左好耐車先搭到去沙田..

去到發現早左好鬼多..有半個鍾時間俾我食過早餐..

咁我就去左食粥喇..

再飲左一杯豆漿同奶茶@@

食完就返去喇..9點鍾劉生都未返..

強哥又返10點..所以我一早就要同下其他同事合作先喇..

劉生9點半到返到..

今日唔知點解又多返人買野..

10點強哥返..佢請左劉生食早餐..劉生食完之後話佢[食開左個肚喎]所以要去買野食..

仲請左我食野添!!

好快咁又到12點幾食lunch喇..

今次食lunch有d悶..因為大家都唔多講野..

食完..又繼續過返去做苦工喇..

下午仲多人..搞到都ok累..

7點幾又食飯喇..

唔知點解我今日好肚餓..但係又要食最尾喎..真係痛苦-.-

食飯o既時候同d女吹水..我話點解佢地好似好細個咁..

佢地叫我估幾多歲..又叫我講我幾大..

我咪同佢地講..我上年考完會考囉..

之後有個話..咁o姐係細過我啦..之後我就係咁易答..

你唔俾人22歲考會考架..

之後佢問我幾多月呀..我話2月囉..

之後佢話..咁你大過我喇..

我有d奇怪咁話..你22呀..佢個fd就話..係呀..我就18囉..

之後我話我唔係22喎..叫佢地估下我幾多..

佢地一個估24一個估26=.=

我之後話..我得19炸..佢地點都唔信囉..

要我拎埋張身分證悍俾佢地睇先信..

佢地見到我張車牌..問我幾歲考..

咁又係時候講出我最勁o既野o既時候喇..

佢地問我o係咪一次過..^^

吹左陣水就返過去喇..

做到9點到..d人就開始出糧喇..

不過我地放10點o既就要10點先出得..

出完糧又係講再見o既時候喇..

早放o既人走哂之後..果一個鍾都無乜人..所以都okhea..

就收工o既時候..又係存貨o既時候喇..

個靚女叫我幫手存..我無理由唔理佢架..

咁咪幫手囉..其實我未存過架..不過都要辦熟手(因為唔可以失禮劉生..)

咁強哥同劉生都有幫手o既..

存存下連果度果個主任都幫埋手..

所以好快搞掂..搞掂都差唔多10點..再hea左陣就出糧..

出左$1049(我銀包仲多=.=)心諗..做得咁辛苦..11蚊都無><

出完糧就走人喇..俾埋d野劉生..

又去搭火車喇..咁就要同果度d女仔說再見喇..

搭到西灣河之後..因為唔太想咁早返屋企..

所以叫左傑佬去食野..因為佢都差唔多放工..

等左佢一陣..去食野喇..食左個沙律..飲左杯凍華田..

食完..因為都仲係唔想咁早返..所以去左食一串串果d..

買左去公園食..食食下..Rita地打俾我..問我出唔出去..佢地想遊車河喎..

我心諗..一來唔多想出..二來又去過海可能唔識路..三來..車左佢地都唔知去邊好..四來..唔係得佢地2個仲有其他人..

有咁多理由..所以我決定..唔出..

繼續同傑佬食野..食完又買左杯十字奶飲..

之後我心諗..我早餐飲左豆漿加奶茶..中午飲左凍奶茶..晚餐凍華田..宵夜再凍華田加沙律..而家再黎一杯牛奶..

你地估下結果係點丫拿..

食完之後點幾就返屋企喇..返到去..沖左涼..打左陣機..訓喇..好累呀!!!!!!

咁就返左3日工喇..今日如果唔計好累..我都覺得ok開心o既..

因為都叫做識多左人ma..又同劉生熟左..

所以整體感覺..ok啦^^!!!

今日我返o既地方變左將軍澳..

因為太凍..所以唔多想起身..結果搞到差d遲到-.-

去到地鐵站間鋪..見到d人個個都好似好後生咁..

搵左要搵o既人之後..換衫..換完出去..

負責人第一時間就問我..你隻耳環除唔除得架=.=

咁都要除架啦-.-

之後又係介紹下d人咁囉..

我今日唔多精神..又睇d人好似好串咁..

所以成朝都好被動..而我又唔多鍾意叫賣o既..

我完全係一個無野做o既人囉..

果度加埋我有10個人返..其他9個都係長工-.-

我成朝都只係企左o係度..

得閒佢地又會叫我做d低能野..

總之一句講哂..今朝o既我就一定唔係返沙田or觀塘果個我啦..

去到中午..食飯前可能果個人都忍唔到喇..(我乜都唔做..)

佢同我講..話沙田果邊唔夠人喎..想叫返我過去喎..(咁乜o姐係唔滿意我..)

不過其實如要我o係度一日..無野做咁我都唔知點過..

食完飯我頂左一陣就走人喇..

食飯o既時候都叫做有同愈傾下計o既..

又要搭個幾鍾車過返去..

返到沙田..又可以見返阿劉地喇..

好似都唔係好夠人o既..不過就唔係真係須要到要我咁做人球囉

當阿劉見到我o既時候..問我點解會o係度..我話..做左人球囉..

之後阿劉好似唔多滿意咁..借我同佢吹水其間有意俾果度o既主任聽到咁講..

你係咪o係果邊得罪左人所以俾人叫返過黎呀..

果度個主任好快就答..話緊係唔係啦..哩邊真係唔夠人呀咁..

唉..我都唔理啦..反正我都唔想o係果邊..

話哂我都係(劉生o既人)..所以佢地咁對我..阿劉唔多like掛..佢點都叫做主任架喎..

返到黎之後我又做返一個好勁o既sells喇

阿劉今日講o既話題有d怪..

好快又到7點幾食飯o既時間喇..今日我最後食..

所以有機會同d女玩下..吹下水..可能大家都差唔多年紀..所以熟得都ok快..

佢地話我個頭好紅喎..仲話我d頭髮好(得意)

食飯就係咁同2條女玩下食下咁喇..

食完返返過去之後..因為無乜人..又唔係好見d(大)o既

所以可以o係哩邊玩..佢地都ok玩得喎^^

最正果條女都有一齊玩添..不過老實講..佢都ok串架..-.-

玩下做下野吹下水咁..好快又10點喇..

阿劉俾左d野我做..叫我今晚之內幫佢搞掂佢..

所以我今晚有陣(忘)喇..

10點放工..之後又要搭火車轉地鐵走..等火南o既時候又有果種感覺..好唏噓..

返到屋企都11點幾喇..沖左涼之後就幫阿劉整野..

一搞就搞到2點幾喇..

好煩呀..要訓喇!!!!!!!第日要o係屋企返沙田呀!!!

要6點起身呀!!!!!><><><