今日我11點幾落左去食飯..

因為鋪頭今日又有人煮飯..

但係點知..因為我無打電話落去先..搞到唔係幾夠飯食-.-

食完飯..係鋪頭hea下hea下咁..

4點幾果頭..家姐落左黎..同佢講講下22號返工果d野..

佢打左俾果個負責人..跟住佢話..聽日返唔返到喎..

其實我都幾想聽日就有得返架!!!

所以決定聽日就返去喇..

因為咁..所以我今晚就要去整左我d頭髮喇..

5點幾o既時候同家姐一齊去..

去到..搞左都幾耐..成7點幾先走得..

我做左我人生第一次做o既野..

就係染髮喇!!!係全染果隻!!!深o既棕色..

7點幾..走左之後同家姐去左太古..拎返條褲同食野..

唔知點解..我行緊太古o既時候有一種好不安o既感覺><><

行到9點幾10點..好夜..我仲諗住去一去聽日返工果度..牛頭角..

而家唔得喇..要11點訓..咁先夠7個鍾..

因為聽日返8點..我要6點起身喇..

返到屋企..我o既不安變成左事實..

係咩我又唔方便講..總之煩到12點幾先有得訓啦..

我覺得自己染左個頭好睇左少少o既..因為睇唔到d白頭髮..

我染髮第一大原因..唔要白頭髮..第2..返新工轉下新look..

希望聽日返工順順利利啦!!!!

今日早少少起身啦..9點幾醒左..

不過又訓返..11點老豆打黎叫我落去我再醒過..

11點9到落到去..今日有人煮飯..

我又可以學下野喇..

今日幫手煮果個人好勁架..

佢整左4個送..我都叫做有幫過手o既..

有一個送係一隻雞..佢就咁用(焰)煮左一煲水..

隻雞唔駛整就咁放落去..煮佢1,2個字..

整完出黎就得架喇..咁整原來好好食架..

12點幾食飯..我食左2碗..之後又洗埋碗..

下午無咩特別..係同alice去左百隹買野囉..

鋪頭4點收鋪..收鋪之前我仲煮左野飯..拎返屋企今晚食..

因為我又好似今日餐飯一樣咁整左一隻雞..

咁我就拎住隻雞..d飯..同入左o既貨返屋企喇..

打機打到7點幾食飯..我覺得都ok架..

之後今晚就o係度睇波喇..

睇到點幾..無啦啦走去洗衫..

原來一個人用手洗果3,4件衫都ok好累架!!!

洗到2點..訓喇..

今日又係10點幾起身..又係幫手搬野順便落埋去

落到鋪頭就12點幾..

叫左野食..好鬼肚餓呀@@@!!!

食完..下午都係咁過囉..

又係6點半收鋪..

之後有人煮飯..

食完又返屋企喇..要睇波..因為今日買左50蚊..

7點9開波..一睇就睇左2場..

又唔中-.-

11點幾o既時候..傑佬打黎話佢放12點..

話有野搵我喎..唔駛講我都知係借錢啦..

佢12點3到左我屋企樓下..

之後2條友行左去我屋企樓下果個公園吹水..

我好似好耐無見過佢咁..

不過我地就算幾耐無見d感覺都係咁架啦..

同佢傾左差唔多1個鍾..我好似無試過咁同佢傾過計喎..

就黎又中秋喇..我同傑佬可以算係7年前o既中秋識架!!!

唔知駛唔駛整返個記念日呢=.=

不過我諗果日我地都要返工..

同佢傾到點幾就各自返屋企喇..

我沖左涼..等頭乾就訓喇..

唔知點解..我個頭今日勁痛..超痛苦><><

今日1點幾o既時候同埋阿公阿婆地落去..

幫手搬野順便睇下間屋..

之後就落鋪頭喇..

落到去..買左個老麥食..

食完又係做果d野之下..6點半收鋪..

放完狗就去左太古城..

因為約左大舅母幫我一齊去買遲d舅父仔結婚著果d衫..

我發現..一d睇落高級d果d鋪頭..

果d售貨員真係ok狗眼看人低..

見到你著得唔靚..佢地真係唔過黎sell你架喎...=.=

行左陣之後都係去左一間睇落都ok高級o既店買..

試左半個鍾到..買左件shirt衫同一條西褲..

都係400蚊炸..不過我幾鍾意囉..

之後去埋買鞋..同左299蚊買左對(卑)鞋..

佢原價寫住799架..不過佢清貨喎..

買完..等埋大舅父就去左pizza食整喇..

食完..再同佢地行左陣就返屋企喇..

打機打到2點幾..訓..

今日終於買左套衫喇..如果22號之前買唔到我就無時間買架喇@@!!!

尋晚2點幾訓..因為尋日發生左d事..所以訓極都訓唔著..

仲思潮起覆咁..突然有好多好多o既感興!!!

咁就突然走左去作文-.-

無啦啦2點幾坐左o係度作文..

一路作果d詞句一路o係個腦度飛出黎..

話哂我果陣時中文都係全班最高分果個黎架喎!!!

係咁作係咁作..自己俾題目自己..

發現..原來自己d中文水平都未生疏喎!!!

結果作到4點幾..寫左800幾字先肯收手!!!

去訓喇..訓到10點幾..

起身打左陣機..2點幾就同阿公阿婆地去佢地間新屋睇下喇..

之後就落鋪頭..再從新寫過篇文(因為原稿太多改動同埋d字太......)

寫左幾個鍾呀..6點先搞掂..又加左d野咁整左篇完成篇..

6點半收鋪..放狗..

之後同老豆去食飯..俾埋篇野佢睇..

佢話文筆就好喇..不過仲未可以令人睇完流下眼淚..

係啦!!!我都覺架喇-.-

之後佢陪完我食飯..我就返屋企喇..

見佢今日又俾左幾舊水我..咪去買game囉..

買左隻(正版)電腦game!!!

返屋企又係打下機咁..2點幾訓..

呀!!我發覺而家套匯通天下都ok好睇喎!!!

其實我有少少想打我篇野上網俾人睇下..唔知好唔好呢?_?

今日訓到12點幾先起身..

無野做..打俾老豆問佢今日點..

佢話上黎喎..哦..

佢12點幾上到黎..

之後我同左佢落去食野..

又傾下計咁..

食完..返屋企..

佢地就落返去喇..

我就又係打機囉..

打到2點幾..訓..

今日阿婆講低左好多野我知..話第時要點要點..

我覺得..好唏噓..但係..我知道係無得變..

今日星期六..無乜野做o既一朝..

10點幾o既時候收到個sms..

一個好耐無搵o既fd搵我喎..

有d奇..不過由於訓緊..所以我都唔知回左d乜-.-

11點幾先起身..

又係打機囉..今日要去剪頭髮喇..大長喇..

舅父話唔好咁早去喎..多人喎..

所以我等到3點先去..

點知去到都係咁多人..

長期多人..結果等到6點幾先到我..

好彩我有帶到書去睇o姐..

剪左陣..7點9我要返到屋企..因為要睇波..

買左碗粉就要飛的返去喇..

返到去睇波..打機咁..打打下機..突然覺得間屋好亂..所以就把心一劃..執野!!!

執左個幾鍾..成身汗呀><><不過就好睇左好多囉..

話哂..好快就會無人執架喇..

之後繼續打機..4點幾訓..

(唉..今日傑佬同我講..佢而家返學果度..識左第一個fd..而果個fd..就係同我小學最fd果個..一個中學最fd..一個小學最fd..點解佢地都讀書..我就無得讀-.-) 

今日係9月6號..傑佬生日!!!

生日快樂喎!!!平常度過左18歲喇^^

佢一早11點幾打俾我..叫我12點3去到炮台山同佢食lunch..

我見佢今日生日..都要陪下佢o架..

嗱嗱聲起身..半個鍾之後就出得街喇..

12點4到去到搵佢..

之後同佢去左綠野仙棕食野..食台式野..

叫做請佢食飯架喇..我地食左好多野..

不過都係137蚊o姐..

食完之後佢就返學喇..而我就返鋪頭..

落到去..1點8到..

hea左陣..2點..老豆同左我出去..

我都唔知去邊-.-

原來係去灣仔..去灣仔o既一間會計司樓搞d野..鋪頭果d..

去到..同左果度o既最高人仕傾左陣..

真係有少少聽君一席話,勝讀十年書o既感覺..

聽完..我覺得自己有一個諗法..不過我唔敢講住呀..我驚我又3分鍾熱度..

去完會計司樓就同老豆去律司樓喇..又係搞鋪頭d野啦..

不過又去左地方咁..搞到成4點先搞掂哂..

我覺得..金鍾呀.中環呀..上環呀哩幾個地方o既人..真係有d唔同..

唔識講呀..係有少少唔同囉..

d女仕o既質素都好d架!!!

4點半到返到鋪頭..好快又收鋪喇..

同佢地食完飯..又返屋企喇..

返到去又係咁..等到3點睇波..好悶呀場波-.-

睇左半場就去訓喇..

尋晚訓得勁勁勁唔好..

我都唔知有無認真咁訓過5個鍾..

今朝就10點幾起身..

無乜野做就上網搵下有乜新歌..

大喊包呀,愛得太遲(劇場版),dear u..

首dear u真係聽到我好咩...

係張敬軒唱架..我強烈推薦哩首歌囉..

今朝就咁down歌down到12點幾落鋪頭..

坐左陣..叫野食..之後又要我去拎..好鬼熱呀><><

食完野..又係咁過左一日..

夜晚果餐自己食..因為老豆地有約..

一個人無無聊聊又好孤獨地..去左大家樂食..

食完就返屋企打機喇..

今晚我睇左一套好好睇o既動晝ova..好正!!!

12點鍾..要打俾人喇..因為9月6號..

係傑佬生日..點都要講返句野o既..

之後hea下hea下..又2點幾喇..訓..

今日10點到起左身..

打左陣機..11點到落鋪頭..

落到去..hea左陣..發現..鋪頭個雪櫃壞左..

老豆叫左我去買冰-.-因為要凍住d野先..

買完之後..就同老豆開始整個雪櫃喇..

整呀整..整左一陣..食飯..

食完先繼續..不過再整o既時候發現一d意外出現左..

不過最後都整到o既..

家姐落左黎..同老豆傾開計o既時候

唔知點解又嘈起上黎..

唉-.-同老豆嘈左陣..

之後又係同下報紙..睇下書咁..

6點到..家姐落返黎..

因為佢話今晚同我地食飯..

6點半又收鋪喇..

今晚去左柴灣食飯..

食緊o既時候同家姐傾下9月中返榮華果d野..

......我諗我都做得成15日o既..

為左果4千幾蚊..(希望會識到d..朋友..啦^^)

食完行左陣商場就返屋企喇..

返到屋企..打機打到2點幾..訓喇..

大家如果有時間..聽下我個日記o既歌丫..成首呀!!!

我覺得ok聽呀..(不過我諗只有我咁o既遭遇先會有咁大感觸..)