今日11點幾老豆叫左我落去食飯..

因為今日整米線喎..

食左2大碗..好飽..都ok好味喎!!!

之後o既一個下午..都係睇報紙or打機咁過..

6點半收鋪..同舅父仔上去阿婆度..

今日大食會ma..上到好..又見到我個好得意o既表妹嘉嘉喇^^

吹下水..食下野(偷食)..等齊人就開始喇!!!

都ok多野食啦..

食到9點幾..之後大家就開始玩我部NDS喇

因為有一隻game..係玩煮野食o既..佢地都好鍾意玩..

10點幾..家姐返黎之後就食蛋糕喇..

食完蛋糕就散喇..

同個妹返屋企..返去之後都係洗下衫..

睇下波..打下機咁啦..

丫!!我今日無野做o既時候..無啦啦o係度諗..

如果我中左下期o既6合彩我會點用d錢呢..

有4千6百萬..我諗..我首先會用1千萬做定期..

因為夠穩定..穩定地每月袋3萬蚊先..

之後用2千萬..買左老豆而定鋪頭個位..如果可以..買多2個單位(一個自住一個收租)加一個鋪位..唔夠就加多5百萬..

之後果d錢..可能會用幾百萬買返3部車(一部跑車—法拉利or波子大約4-5百萬..一部房車—實馬大約1百萬..仲有一部7人車—豐田大約70萬)

咁之後果d錢就用黎做日常生活o既銷費(哇!!幾好呀!!)

每月有3萬蚊加可能6,7萬(收租)..一個月差唔多有10萬穩定o既收入!!!

之後o既生活..鍾意o既可以去打下工..又可以去遊戲人間..又或者..自己再做下小生意..你話幾好呀!!!

不過..哩個只係白日夢............

今日又係11點幾起身..落鋪頭..

之後食飯..食完又係睇報紙..

睇完之後..老豆話今日又要去尖咀果度喎..

不過就得我一個去..

因為要去拎返上次定做果d野..

哦..咁我3點半到出發..

又係搭地鐵去..去到..間野勁多人..

我仲見到真情果個思琪姐添..

等左陣..拎完俾埋d錢之後就走得喇..

我又唔柅搭地鐵返去..咪決定搭巴士囉..

不過就要由尖咀行到去旺角果頭..

無所為啦..4點幾o姐..我有時間..行o既時候睇下d環境都好呀..

就係咁..我原住彌敦道..由尖沙咀行到去旺角喇..

一係好日都唔過黎哩邊..一係就一個星期過3次咁多..

行o既時候..我睇下人地周生生,六褔果d賣d乜同價錢係點..

有d諗法啦^^

我又發現..彌敦道呢..連seven果d店員都係個個化哂妝..

仲要個個係o靚妹..同一睇就知係wet開果隻..

去到旺角..等車等左半個鍾-.-

搭到返去都6點半喇..

之後等埋個妹..去食飯..

食飯前行左陣商場..買左3件衫..120蚊..

食完飯..返屋企..打下機又down下歌咁..

3點幾..訓..今日down左幾首歌..其中一首(離家出走) Janice..我覺得都ok好聽!!!

聽日要上去阿婆度..因為大食會..

今日又無乜特別..無落到鋪頭..

全日都o係度睇動晝..

睇完左一套叫甲賀忍法帖o既野..

好好睇..如果你地想睇..

每星期o既星期六..夜晚12點4做一個鍾..係無線有得睇..

佢係M黎架..o姐係成人節目..

我今日由2點幾起身(因為尋晚訓得超唔好..)

一睇就睇到7點幾..之後就打機..

打到12點幾o既時候..我個中五最fd果個fd獄仔..pungpung打俾我..話佢岩岩見到我個至愛喎-.-

我問佢邊個呀..佢話shirley喎..哩個名..好耐無出現過o係我o既生活..

之後佢又話佢而家勁靚喎(講勁多次..-.-)

我心諗..唔通..我唔知佢個樣咩.........

搞到我諗返d野添..唉..

聽完個電話之後..走左入房..聽住大大聲o既mp3..

繼續打機打到3點幾..

今朝11點幾..老豆打黎叫我今日早d落去..

話佢下午要過對面海喎..要我睇住..

叫我落去食飯..哦..

咁我12點幾落到去..食左飯..

睇報紙..睇睇下..2點到..佢話行喎..哦..

叫埋我去..我本來以為佢地去加ma..

原來係我同老豆去喎..

搭地鐵去..目的地係尖沙咀..

老豆話佢要去一去上環先..叫我一個人去睇下環境先喎..

仲考我識唔識去喎..(因為我未去過..)

佢叫我搵個地方喎-.-(俾左條街名同出口我..)

咁我就一個人過尖咀先喇..

過到去..一出地鐵站就見到有個地圖喇..(唉..我果陣返工..o係觀塘都係一張地圖咁就去送貨啦..)

所以好快就搵到個地點喇..

不過老豆話佢未到..叫我一個睇住d野先喎..

哦..咁我睇睇下..又周圍行下咁..好快又摸熟左果一帶o既路喇^^

等左老豆一陣..佢到喇..之後就去買野..

搞左大約一個鍾..走喇..去食左碗雲吞麵..

之後就原住彌敦道行去油痳地果頭..

因為仲要去多2個地方..(等我仲諗住咁少過黎尖咀..想行下星光大道添..)

去到第3個目的地..果度係賣銀o既..

老豆話想做埋銀喎..去到..同果個老闆吹水(因為不嬲都有合作關係架..)

我覺得條友都ok喎..如果跟佢學野..我諗一定好快上手o姐..

(佢有個女幫緊佢手..好幫得果隻..而又同我一樣大o既..又係會考唔得..所以老豆一見到佢..就成日話我唔幫佢之類果d..)

又係度過左一個鍾吹水之間佢仲講埋點做銀先好(佢做o既係批發..)

5點幾..走喇..又係搭地鐵..返到去..6點..

6點半又收喇..都係放狗..食飯咁啦..食完又係返屋企咁啦..

返到去又係打機同睇動晝咁啦..3點又訓喇..

今日o既早上都係睇動晝..

2點幾落到鋪頭..食左d野..

去seven買左個pizza食-.-($10.9)

之後又係打下機咁..(同返工o既日子真係好唔同)

老豆今日好早就收鋪喇..

5點幾都未夠6點..因為佢話要過對面海買野喎..

我又要去-.-咁我地3個收左鋪之後就搭地鐵去喇..

我打機又唔係..唔打又唔係..呆下呆下咁搭左半個鍾車..

到喇..之後行左陣..去到搵埋個熟人..佢地睇左差唔多半個鍾..

買齊d野之後..去食飯喇..

去左一間食排o既地方食..我叫左個羊排..但係唔知點解..

我食落..覺得佢好似豬排..但係又有羊o既味道喎-.-

老豆都唔敢話實係咩肉......-.-

食完野之後佢地又坐左o係度傾計喎..

我基本上係一個外人..因為話題完全唔岩!!!

佢地吹左陣水之後就話去行下廟街喎..

好呀..我都想去睇下夜晚o既廟街係點o既..

一如所想..估會見到o既野大部份都見到..

令我最驚訝o既係..一d睇A片完會見到o既(野)..

今日我都大開眼界!!!!!!!!

我地行左大約一個鍾就走喇..

估唔到..行廟街o既係外國人多過本地人喎!!

我地搭返巴士返去..

返到屋企之後..打左陣機.等個妹用完電腦我就又開始睇動晝喇!!!

今朝訓..訓到2點幾起身喇..

個身體都ok累囉..

起身之後就開始我睇動晝o既日子喇..

今日係 10月14日..星期6

我就由今日開始..可以話係2日無落過街..

星期日,星期一都係全日睇動晝(or打機)..

不停地睇..睇左2套!!!

直到星期二先落街-.-

今日係無返工以黎o既第一個星期五

咁就一個星期喇..

今日我o係屋企打機打到2點幾先落鋪頭..

落去就順便買埋野食..

買左一碟買抄米食..但係落到去知道原來有飯食..

食完野之後凡又係咁樣等到6點幾收鋪..

今日阿公生日..所以要上去佢地度食飯..

好耐都無試過咁多人食住家飯喇..

食完飯..等埋家姐返黎切蛋糕..

佢9點幾返到..食完蛋糕..10點半到大家就散喇..

我就開始我o既時間!!!

第一時間緊係去停車場拎車啦..

之後就開始周圍兜喇..

傑佬話佢放11點半..叫我車埋佢喎

點知11點半之後又話放12點..

到左12點..去車佢..之後入石澳..

行行下o既時候..有架車向我挑戰..不斷o係我後面跟住..

好鬼黑人憎..我又飛唔走佢喎(因為我前面都有車..)

咁咪諗住o係個s彎飛過囉..點知仲差d俾前面果架車累死..

真係嚇鬼死人..結果都係俾果架車過左我架..

我諗住追下佢..點知佢真係太快喇..

入到去..我又見到佢喎..唔知點解仲有人走去同個司機影相添.....

咁我咪同傑佬睇下係邊個囉..發現..原來係房祖明..

咁我地諗..佢係成龍大哥個仔喎..架車又點會唔快丫..

之後我地o係石澳hea左陣..

下一個地點..赤柱..不過都係無去到..因為兜左去淺水灣..

行果條路..落左山之後見到o既第一個地點..o係海洋公園..

o姐係我地到左香港仔啦-.-

之後又一路行下行下咁..返返去灣仔..

之後又去左西環..哇..一路行發現都幾多女睇架喎!!!

之後又返去灣仔..見到間24小時o既麥記..入左去食d野..

仲比我地見到個少女心事添..

我諗佢20歲多d啦..唔係太靚..不過超白..身材超勁!!!

佢一個人坐o係度..可能同佢男友岩岩分手..所以勁喊..

我真係好想走去問一問佢想唔想兜下風..散下心咁架!!!

不過傑佬話唔好喎..唔靚喎-.-

咁咪算囉..食完野又走喇..睇傑佬個樣好似好眼訓咁..

所以我決定車佢返屋企先..自己繼續兜..

食先野o既時候都成3點喇..

佢話唔想自己走先..驚我出事-.-

所以我再兜多陣銅鑼灣..結果都係車左佢返去先架..果陣4點..

咁我一個人有邊去好呢..我就決定今晚唔返屋企..唔訓架喇..

心諗不如去睇下日出丫..

停左架車o係一邊..休息左一陣..又入石澳喇..

我發覺..咁夜入去都ok恐怖!!!

因為一架車都無..人就緊係無啦..所以......

一路行個心一路寒..入到去..都見到有人o係海灘玩通霄架喎..

果陣五點..仲有一段時間先天光..

咪等下囉..聽下海浪聲..幾好呀..(不過個心不斷諗..如果有條女就好喇..如果有女就唔駛一個人..如果有女唔知佢會唔會咁樣陪我呢..)

等等下..又睇下周圍d人o既生活..

好快就天光喇..d通霄人都走喇..

又見到有個新牌仔..有架車..佢自己以為好帥咁..勁兜停車場..

又唔知自己架車屎..咁我o係就出返去o既時候..

咪o係咁易兜左3,4轉..又入左一入大浪灣..

等佢睇下用乜車先可以玩咁o既遊戲..

我架車好有趣架..佢唔係唔快..不過佢係要愈車愈快架..

我今晚用左一晚..所以而家架車好正!!好快!!

6點幾..出返去喇..上左屋企拎d衫..因為要拎去洗..

之後落返鋪頭..停左o係門口..

果陣7點幾..諗住同老豆去食下早餐..

等左佢一陣..放狗..之後就去食喇..

不過去之前佢地又話用下架車先喎..車左入柴灣..

之後就真係去食早餐..食完..返左鋪頭洗衫..

叩左老豆同我泊車..返到去..睇報紙..

等埋鋪頭開鋪就走喇..

返到屋企..10點幾..沖埋個涼..訓喇..都真係有d累架!!!

今日都無乜特別..

12點幾落左鋪頭..

今日我都真係有主動架..

主動做生意..

3點幾出發去西環..要買野..

又搭電車去啦..

又搭左2個鍾@@!!!去到..好快咁買完..

又等電車喇.不過等極都等唔到自己要搭果架..

咁咪問下個站長囉..佢話我要等果班無架喇..

咁我咪惟有轉車囉..搭到去上環再轉地鐵返去..

快好多架..同埋上左地鐵打下機咁..好快就到喇..

返到去7點幾..hea左陣先同佢地出去食野..

食米線..食完又返屋企喇..

返到去睇左陣書..又開始打機喇..

11點幾o既時候傑佬打黎話佢聽日唔得喎..要返工喎..

問我可唔可以今晚..咁佢今晚又係要返工..聽日又係要返工..

有咩分別呢..不過好彩..我經過咁多次約佢..

已經有左個經驗..就係通常都約唔成o既..我今次都好似係遇左咁..

咁我聽晚惟有自己遊啦><><(等我仲燒埋隻碟諗住放o係車聽添......)

之後繼續打機..打到3點幾..訓喇

今日出左糧o既第一個星期日..所以決定要愛的奉獻^^

乜野叫做愛的奉獻..咪就係請老豆飲茶囉..

11點幾起左身..打左陣機..

2點到就去飲茶喇..今次係我俾錢^^

食左200蚊到啦..

飲完佢地要去買貨..去九龍果邊..

我就同個妹去左太古城..因為我要去買讀卡器..

用黎過NDSgames..(上網down就咁過就玩得架喇..)

買完..行左陣..4點幾5點返屋企..

開電腦..過games..不過就研究左個程式好耐-.-

不過就做到我要o既效果o既..

7點到..落返鋪頭..因為要同家姐食飯..

落到去..等左陣..8點到..佢返到黎喇..

去左柴灣果邊食..食完就返屋企喇..

又開始玩nds喇!!!正..打到大約2點就訓喇..

今日返工識果d同事約我星期二晚去旺角..去cefa玩喎..我都未去過哩d地方..去下都好喎^^