今日起身..見到個天氣好似唔係幾好..

所以我o既心裡都立刻差哂..

down左陣野..整左野食..

11點幾落去..落6到去..

唔知why..心情突然好差><

好down..不過我都係週期性係咁架啦..

睇報紙..12點幾1點食lunch..

食完..等到2點幾..又上去喇..

今日又有 105兩@@!!!勁..咁o姐係又多60幾70萬喇..生意額..

上到去..好快搞掂..咁我係咁易問下我地o係佢地咁大間野之中..

數量排o係有無10名之內呀???

之後佢話..點止10名呀..你地係首名呀!!!!!

哇!!!!佢地間野都ok好多人上去架bor..咁樣我地都可以係第一..

我諗..我地真係有好多喇^^

落返鋪頭之後..坐左o係櫃面一陣..

跟住老豆無啦啦同我講..佢話今晚同alice去佢個妹度食飯..

叫我自己食喎..好丫..就算佢地叫我一齊去..我都唔會去啦..

老豆俾左200蚊我..食飯=.=

不過我係諗住返屋企食架bor..佢叫我照袋喎..

5點幾我就行返去喇..返到去..打左陣機..

原來屋企今晚唔煮飯..唉..又係公仔麵啦><

自己一個人又飲左2支..暈暈地咁去沖涼..

沖完涼..繼續打機..睇向世界出發o既時候停左一陣..

之後又同傑佬傾左陣..咁就一路打機打到點幾喇..

打日記..訓喇..

今日訓到都ok唔早..因為尋晚又無啦啦打機打到2點幾先訓..

起身之後極速落鋪頭..落到去..

11點幾..之後hea左陣..好好生意bor..

一單又一單..做到點幾先叫野食..

老豆叫我打上上環果度..話我地今日會有 100兩 ..

佢話..拎上黎啦..好豪喎!!!

因為 100兩 係要至少60萬..而我地次次都係拎現金架..

食完野..幫d寵物沖涼..之後就出去幫手喇..

好好生意呀今日..係咁做..2點幾都唔知..

2點幾上去賣野喇..好塞車呀!!!!

今日結果係拎左 120兩 上去架!!!

上到去..差唔多3點..佢地話日日都有2袋喎..今日又破紀錄喇bor

上次..前日o既新紀錄係..90兩..55萬

今日我地又有優先權喇..結果今日o既總數係有75萬!!!勁!!!

好快就落返鋪頭喇..繼續幫手..有一個moment..

我坐左o係最前..咁有客黎就一定係搵我啦..

點知..我唔識計..(好大壓力@@)

個老伙計好似係特燈想訓練下我咁囉..唔幫手囉@@

不過係好o既..最後..我都係俾左第2個做囉..

之後我發覺..身為太子o既我..真係未夠囉..要幫到手..就要學野..要用心..

有一單生意.老豆接o既..一開始果個人賣8兩幾野..

咁o姐係俾差唔多5萬2千..不過佢好似唔like..

想走..咁老豆就好咩地話..你要幾多丫..

唉..結果由本身賺4千幾..變左賺得2千..

但係點知..佢賣完之後又拎野出黎..之後又拎..

結果加加埋埋有10幾兩野..賺得都ok深..佢地好似仲有d添..

o姐係我發現到..有陣時真係退一步海闊天空架-.-

我今日話計下老豆今個月上上環賣野o既金額..佢咪俾d單我計囉..

計計下..發現今個月上左7次..因為有3日公眾假期..

加加埋埋o既生意額..有超過..300萬@@!!!!!!!!好勁!!!

唔怪得...............

6點半收鋪..放狗o既時候..講開母親節點..老豆就想我地做下樣都送花俾
alice..

講真..我就一定會買花俾媽咪架喇..但係要我送俾alice..

我真係唔係咁想囉..點做呀..好煩

今日去食返果間好正..但係又ok貴o既鋪頭..

老豆話..賺到就要食好d..

好好味呀..飲左支幾..唔多夠囉..

所以行返屋企o既時候順便買返4支返屋企..

返到去..因為無電視用..所以入左房同個妹一齊睇一套都ok好睇o既日劇..叫
野豬大改造..幾好睇架..遲下會o係亞視做..

睇完..打日記..

(今日個妹同我講..佢話阿火o係學校同d人講我車佢放學o既時候..好似曬命咁喎..佢話咁令佢覺得好唔滿意..)

其實..個個人都會鍾意虛榮感架啦..我想佢明白..好多野..o係我地o既成長過程裡面..覺得好平凡..好理所當然o既..但係..o係人地o既生活裡..可能未必係囉..

講真..如果係有架benz..黎接我放學..我都會曬命啦..不過..如果阿火又係想有虛榮感呀..想出街有人俾哂錢呀..之類果d而埋我身..我真係唔想要..

一來..雙魚座極唔鍾意咁o既人..二來..我唔想歷史又再一次重演囉..... 

尋晚飲到醉醉地..早左d訓..1點就訓喇..

我記得好似係o係廳..聽聽下mp3..訓左..之後唔知邊個叫醒我入房訓架..

點知訓訓下..1點半..傑佬打俾我..好似係約我髭日唔知去邊架..

講左幾句就收左線喇..9點幾起身..個頭都唔痛呀..

hea下hea下..11點落到鋪頭..等左陣..食野..

之後打俾傑佬問佢尋晚打俾我做乜..

佢話睇個太陽咁正..想問我今日有無車..入石澳喎..曬黑下喎

哦!!!..有d興趣喎!!!不過都要上埋上環先得架..

今日上到去..勁多人..等左差唔多1個鍾..之後仲要去第2度..又等左半個鍾..

所以落返黎到差唔多3點><仲諗住去唔成添..

傑佬話唔去架..不過我話有車..自己入去..佢又叫我車埋佢喇..

返屋企拎d野..3點半到就入去喇..

車去之前仲見到三舅父揸住另外果架添..勁!!

入到去..差唔多4點..換衫呀咁..我地將d野放哂o係車..

不過就借左個locked..放車匙-.-

要20蚊呀..不過費是拎出海灘啦..一陣間落左水..俾人拎左就..><

之後我地o係水..浸左陣..又睇下女咁啦..都無乜o既-.-

見悶悶地..去左食野..各食左碗車仔麵..又食左串腸..再買多野炸雞脾..

不過要等..咁咪繼續睇(風景)囉..

3個字之後..拎返隻脾..又出過去睇景喇..今日可能唔係假期..

女唔多..索o既..更加少..如果唔係問下佢地遊唔遊車河都好丫..

係咪..我地一個靚仔(笑)..一個有米(笑)..仲有部靚靚黑色跑車形benz..好殺
架

o係海灘吹左陣水..5點9到就走喇..

換好哂衫..6點..行人..因為佢要返工..返7點呀..

有車真係方便..話咁快就出到去喇..仲夠時間去入埋野油..

7點車完佢返工之後..車返鋪頭..

叫老豆順便車一車我返屋企..再順便泊埋架車..

咁佢車左我返屋企之後..佢就拎左架車去用..

遊車河喎..我返到屋企..打機打機..

打到2點幾..訓..日記都未打添-.-

(我發覺..由我唔再怕揸車開始..我已經進入左一個新o既階段..就係..我開始
知道如果第時有個女朋友..得閒揸架車去邊玩呀..邊度風景好呀..邊度浪漫呀
咁..唔再好似以前咁..有車都唔知去邊好喇^^)

至少..黃昏o既時候..當太陽落緊之際..揸住架車..行一條可以見到太陽落山o既路..鍾意o既可以落車睇住佢..吹下水..之後一直車..車到去海邊行下..再o係沙灘or海邊o既餐廳食一個dinner.然後車去遊下車河呀咁..送埋佢返屋企..咁樣一個下午..唔錯

如果可以o既..一齊返屋企呀..之後.............幾好呀..hehe∼∼∼

係好多人可以做到..不過亦都有好多人想做都倣唔到架喎..例如無車牌呀..無車呀..架車唔夠帥呀咁..

如果我可以換埋車..唉..我都唔望法拉利住喇..諗下開蓬實馬,實跑..開蓬benz,ben跑呀..咁都已經好正好正喇!!!

無啦啦又o係度發夢添..hehe..不過我向住可以做到咁而前進..都唔錯喎..至少哩d無錢做唔到丫ma..(我講緊係自己錢..唔係老豆..)

今朝訓到都ok唔早..10點半先起身..

11點半到落到鋪頭..

等左陣..叫野食..食完..睇報紙..睇完..

點幾就上去上環喇..今日係最多o既一次

有 90兩@@!!!o姐係有90x6xxx咁多錢..再加埋上次未拎果20萬..

o姐係有差唔多80萬@@!!!..所以今日要我同alice一齊上去..

上到去..果個人見到都話..你地咁多..邊有咁多現金俾你呀@@!!!

之後佢諗到一個辦法..就係..先俾30萬現金票..其他俾現金..

不過佢計好哂數之後..都係俾哂現金我地..除左果20萬..

下次再拎啦..總數有55萬@@!!!..真係最多今次..

返到去..又有生意等住要錢..

所以好快就返到去喇..返到去之後..我無啦啦想用車..

可能心情有d唔係咁好..所以拎左部車出去兜..

去左文理..不過無人喎..可能早放啦..

之後就去寶血女子書喇..去到..3點3到..

無乜野做地等人放學..咪打電視俾d人吹下水囉..

吹到3點10到..有人放學喇..

阿火發現左我..問我無咪等個妹放學..我話係(其實就緊係等佢啦..)

我今日用o既車係黑色果架benz..好帥下架..

敆妹今日要測驗..好晚先放..所以我就車佢走先喇

..車左佢兜一陣..佢話聽日要測驗..所以要返去溫書喎..

咁咪惟有車佢返去囉..(我本來想入石澳架!!!)

先係車左佢去天悅買d野..等佢買完再車佢返屋企..

之後我就走喇..返到鋪頭..都4點幾5點喇..

hea左陣..又係睇下人做,生意咁啦..

今日好好生意呀..老豆又唔知搵幾多喇!!!

6點半收鋪..放狗..返去..今日煮飯..

所以要買啤酒!!!..今晚飲左支幾2支..唔多夠囉

8點到就行返柱企喇..返到去..覺得唔夠..拎埋雪櫃果2支..

飲下一支飲下又一支..咁就2支..飲哂之後都仲好想飲..

不過一來醉醉地..二來..無哂喇><

哇!!!..我飲左差唔多4支喎..支支都係大支裝架..

飲哂之後..我好醉..勁亂講野..亂唱歌@@!!!

直到我沖完涼先打篇日記..果陣都係11點幾o姐..不過就好眼訓喇..

(我打呢篇日記o既時候都唔多清醒..希望唔多錯字啦><)

今天很早就起床了..

星期天或是平日..對我來說已經不再有什麼分別了-.-

起床後玩了一陣子遊戲機..

大約在2點左右..家姐說今天會到茶樓午餐

然後我就和婆婆..妹一同去(搵位)

找到後..等了差不多半小時..

爸爸和alice也到了..食過飯後..

3時多..回鋪頭了..今天的天氣真的很熱><

回去後..先是和爸爸弄好了一台壞了的電風扇

然後再換了兩棵燒了的燈泡..

弄好後已是5點多了..家姐和alice去了(行街)

我就和爸爸各自睡了一會..6點多..當我們正想去找她們時..她們就回來了..

之後大家就在想想今天晚上去那兒食飯好..

想好後..去了目的地..不過太多人了..所以惟有去別的地方..

食過飯後..已是9時多了..

今天沒有帶耳環(因為發淡)..所以有點不習慣..

食飯時..帶回了我那隻很帥的耳環(開心呢^^)

回家後..看了一場球賽..都不是希望的結果><

今天正當我在看球賽時..有隻不速之客..飛了進來@@!!!

是一隻會飛的蟑螂@@(為何我住在山頂的21樓牠也能進來呢><)

我和牠戰鬥了很久..最後牠走到一個我攻擊不到的地方!!!!!!!!

討厭!!!!!!!!!!!!!!!!!!!!累得我滿身是汗><><><

走去洗了個漂亮的澡^____^

之後..打日記了..然後玩多數個回合就會去睡..


明天是我的一個朋友o既x歲生日..在這裡..說一聲
//happy//birthday//from//tommy^_^//

今日要早上環所以要早起身..

9點半起左身..10點到落到鋪頭..

等左陣..就行喇

今日有勁多..差唔多 80兩 ..

咁o姐係有超過50萬..所以要分開2個地方去先夠現金

日日上果個地方..俾到一半現金我地o姐..

不過今日吹水o既時..個老闆勁話我老豆(易話為)

所以想請佢食飯喎..(咁係一個好大o既讚美呀!!!)

仲問我老豆飲唔飲酒架喎..我都知佢地好like啤酒..

咁就岩哂咀形喇!!!我都好like架..

上先去之後..返筲箕灣去銀行拎錢..

要拎張10期現金票換..好多人呀><><

排左差唔多半個鍾先到..點知條友同我講..

你有無戶口喎..叫我唔好拎咁多現金周圍走喎..都講明要現金啦-.-

不過佢唔知..如果好似我咁..日日上去賣野..

10萬哩個數目..好似唔係好係野架炸..

上到去..錢就好似一樣工具..唔係我都唔可以日日有幾十萬過手啦^^

如果全部係我就!!!!!!

不過我老豆o既咪等於係我..hehe

返鋪頭..食飯..睇左陣電視..又休息左一陣

6點半收鋪..去食野..今日去食果間..好正!!!

食完..返屋企..飲左d酒..唔上阿火度喇..

返到屋企..8點幾..無啦啦又飲多支..

(一飲酒..我就會諗好多野架喇..唔想飲..但係又飲..唉..)

由8點幾打機打到2點..打日記..訓喇..

今日係2006年5月5日..仲辰係星期5

今朝好早起身..9點半就起身喇..

10點半落到鋪頭..今日條街非常熱鬧!!!

勁多勁多勁多人..因為今日係佛誕

我地鋪頭條街都會有好多野睇架!!

落到去..勁多人o係鋪頭喇..仲有一個無見左好耐o既人^^

好似好返好多喇bor..咁咪幾好

我今日著左件shirt衫落去..個個都話我帥喎^^

之後就由朝早10點幾睇到下午4點幾..

好多人呀今日..好熱鬧..好鍾意哩個感覺..

朝早食個早餐..食左成個鍾都未食完..

因為太多野睇喇..今日都ok好開心..

因為好齊人呀..有好多老豆o既fd都黎左..

仲有..一個電腦好勁o既人都黎左..所以我問左佢好多野..由期係上次整機o既
問題..

之後仲傾左好多電腦o既野添..獲益不淺呀

因為太多o既moment..不能盡錄^^

今日都好好生意..唔知點解..我今日o既著法..好多人都話..大個仔喇-.-

4點幾睇哂..回復正常..6點半收鋪..

放狗..又講..alice問題..唉..仲之..無人可以改變我對人o既睇法啦!!!

之後去左西灣河食飯..食食下..阿火打黎又話部腦有事..

咁我咪要再上去..順便幫佢轉返xp囉..

食完..都8點幾喇..返左home拎d野..

再去問個人借一d碟..工具-.-

去到..借完碟喇..但係就傾電腦o既野傾左好耐..

上到阿火屋企都成9點幾喇..

開始整..又睇下電視咁..今日無啦啦又睇..香港奇案實錄..

之後傾下計..傾下佢有無d好好o既朋友..

因為佢尋日日記話..好難為[朋友]下一個定義..

原來佢都有一個無人知o既秘密架..不過佢無講係乜呀..

但係我有信心佢遲d會同我講!!!

整整下又有隻野飛左入屋..又要出動喇..

整到尾聲..無啦啦2個人o係度玩d好激o既野!!!

太勁喇!!!佢好大力><><

打到我隻手紅哂..我地玩..猜輸左俾人打一下手背

之後又有隻野飛左入屋..今次煩好多..要又上又落咁打..

都搞唔掂..結果搞左成半個鍾先搞掂..2條友都好痛苦-.-

佢仲好鬼驚添..好搞笑..嚇佢o既時候..

11點半到我就走喇..返到屋企..打日記..沖涼..打陣機先訓..

今朝9點幾先醒..o姐係..去唔到考......(結果都係唔去o既><)

打埋篇超長o既日記..打左陣機..食埋野..點幾先落鋪頭..

因為鋪頭度個個都以為我去左考會考..所以要就返d時間..

落到去..hea左陣..3點半就上去喇..

3點9就到..今日好快!!!

去到..勁多人..我諗係上咁多次去最多人o既一次.

搞到佢地發脾添..唔係對住我..

我上到去都仲係勁有面子..一上到去..

[噫..今日又見到你呀..日都見到你o既

喂..今日過唔過20萬呀..唔知呢..過又點呀..唔..過就有野送..

乜呢..杏仁餅,豬肉(肝)..自己選..]

之後係咁搞係咁搞..今日都過20喎..今日26^^

所以佢問我要乜..我話..杏仁餅啦..

之後等佢地d人去銀行拎現金..等左好耐..

因為我話我等得..差唔多一個鍾先走得..走o既時候..

佢2樣都有俾我..留意..果陣有好多人在場..不過得我一個有咁o既招呼o姐..
勁!!!

返落去..落到去..睇左報紙..

6點幾..走人..去剪頭髮..搭MTR

順便叫埋阿火去..佢上次都未得..

搵埋佢..佢勁話會好樣衰囉..咁快又上去..仲要唔收錢(我話唔收佢錢o既..)

因為上次唔係大舅父幫佢呀..係..另外果個..所以..未達標囉..

上到去..佢好驚囉..唔敢入去..我仲要勁嚇佢喎..好搞笑^^

入到去..等左陣..見有客..我地咪出去行下先囉..

真係唔好意思喇..帶左佢去一個..平時只有我同d朋友..絕少有女仔去o既商
場..

行左陣..返去..差唔多8點搞掂..

大家都好肚餓..所以決定去左西灣河食野..再上佢屋企整機..

好怪..巴士,MTR佢唔搭..要搭叮叮..老豆講過..如果肯同你搭叮叮出街o既女
仔..會好過下下的士的士o既女仔好多..

咁諗返..又係喎..我地o係架車度..玩到都ok......架^^

去到西灣河..諗住去傑佬做果間野食..不過..

有水都唔係咁用架..俾傑佬見下阿火個樣^^

之後佢又話想食日本野喎..(係我講先o既..)

哇!!!食唔係唔食..不過..就等我返去見一見老豆先啦..

最後..大家決定..食pizza..買返佢屋企食^^

等左好耐呀..好餓呀..2個都好似餓鬼咁@@!!!

差唔多半個鍾..得喇..之後搭小巴返去..去埋seven買野飲..

就上佢屋企喇..勁餓..所以......hehe

不過食完就超飽-.-..一路整機一路食..又睇下電視咁..

佢睇電視都ok緊張架喎..好似入左個電視咁^^

整到10點幾..set好哂野..搞掂哂..走喇..

終於都整好喇..之後落鋪頭..等埋家姐..去(裝)香..

因為聽日o既節日..搞掂..老豆無啦啦叫左我去公園..傾計喎..

講o既話題..就係我尋日o既話題..傾左差唔一個鍾..

氣氛都ok良好..佢好明顯係..恨鐵不成鋼果隻囉..

不過佢就好認同..由細到大..要乜有乜..真係唔係幸福囉..

不過可能佢唔記得..我之所以要乜有乜..會唔會同佢有少少關係呢..

傾完..返屋企..睇左阿火今日o既日記..

佢真係..真係叫我..棠棠..咁佢又好似講得岩喎..得一個女性朋友係咁叫我架
炸喎-.-

不過..我覺得好..(得意)-.-

今日傑佬同返我講..佢話..阿火個樣..都真係ok得喎..我都話架啦..又唔信..

今晚早d訓..聽日早d落去..因為會有好多野睇呀!!!

(我發覺..同阿火一齊出去..好開心..因為佢好傻架..成日講錯野..俾我串^^..
同埋..我覺得..我地今日..好似有少少默契出左黎^^)

如果話係(醒)左..不如話係我無訓過..睡眠質素勁差><

之後8點幾又醒左..9點幾..唔訓喇..

起身down下歌..整整下..又10點幾..食埋個麵..落鋪頭..

落到去..老豆俾左d野我做..做完12點食飯..

今日餐飯都幾......貴..因為有元貝..o姐係(剛咩處)

食完飯..等阿傑佬落黎..佢2點到落到黎..

同佢出左去食野..食左碗粉..

返到鋪頭..出發喇..上去..計下計下..時間好似唔係好岩

本身傑佬叫我帶佢去佢聽日考會考果間學校..但係佢又約左人4點半..

我諗..4點半我就落唔返黎喇..嗡咪惟有分頭行事囉..

今晚先揸車同佢去..

今日上緊去o既時候..同舅父仔傾開計..

(以下係對話同感受..日記停一停先..都ok長......)

我講開..傾日要考會考..其實我哩幾個月完全都無溫過書..

哩幾個月..我做過d乜呢??唔知..

所以我之前有諗..都係唔去考喇..(我報名o既時候..我仲讀緊書..)

但係又諗..會唔會好浪費呢..500蚊喎..

所以就同舅父仔傾下..我應該將個(點)放o係..

俾左500蚊唔去考..好低能

考唔考對我而家o既生活都無改變架啦

都無溫過..考都無用啦..

還掂得閒..去睇下d英文都好..

話哂有咁多人喎..可能一個唔覺意..溝到4條女呢..

定..我要再讀書..我要搵好工..所以要pass

佢答我..還掂都俾左錢..去一去都好過乜都唔做..唔好理結果係乜..考一考咪
當有個機會囉..

聽完佢講..我話..咁又係..我如果聽日去考..感覺一定同上年好唔同..上年溫
哂書同佢死過..但係今年..我可能玩下玩下..一個唔like..考英文作文唔識..
寫篇中文文俾佢囉..

講下講下..又想去坐下喎

之後又講下講下..講到..如果我上年pass..而家生活會勁唔同..

如果我聽阿sir講..重讀中五..又會好唔同..

至少唔會日日hea下hea下唔知做乜..點都有個目標呀!!!

唔會咁頹廢.就同我三舅父所講o既一樣..我而家就等於一個無夢想..無靈魂o既
一個廢人..

有好多野..果時你一定唔會咁諗..人地點同你講..你都會有自己一套..但係..
過左去..失敗左..你會唔開心,後悔..可能仲會..怨

但係咁又有乜用o姐..路已經行左喇..

我又講..好喇..我會考衰左..一心以為ive會係一條好路啦..

點知又讀左科自己唔鍾意o既..

老實講..如果話係自己讀左科唔鍾意..無興趣..

倒不如話..我選科o既時候..根本都唔知點自己鍾意d乜..對邊科有興趣..

而家唔係我想唔想讀書o既問題呀..而係..我根本就唔知道做哩d野黎有乜意思
><

我一路講..舅父仔聽..其實我唔駛佢答..我只係想講出黎..

講下講下..有好多自己哩排勁諗..諗到頹哂o既問題都不雙不覺間講左出黎..

我又話..係呀..我老豆係有錢呀..但係唔通我就由19歲開始o係鋪頭..直到老左
咁過一身呀..

無錯..我係有唔甘心咁過..但係..又可能點呢..

我有好多fd..19,20歲出黎做野..個個唔係做侍應就係sell野..

唔係咪seven呀..馬會呀咁囉..有太多版我睇喇..

唔通佢地個個做死一世呢d呀..唔得加ma..

咁我呢..好..我出去做呢d..咁倒頭來..咪又係要返鋪頭做..

我根本由細到大都唔知自己想點..唔知點行條路..唔知咩係理想,夢想..唔知自
己想要d乜..老豆講得好岩..我連乜野叫錢..都未必知..(我唔係串..)因為我由
細到大..真係想要乜..就有乜..

根本唔駛去追尋..所以到而家..溝女..人地唔受..我就會有咁大o既反應..因
為..我從來未試過得唔到..

咁係幸福咩..要乜有乜係幸福咩..有時換一換角度諗..可能..唔係架..

開心咩..可能..得到果一刻..會好開心..不過大個左..一有乜野失敗..咪就係
會好似我而家咁囉..

我根本做乜都無用個心去做呀..我諗返..除左會考果期,考車牌,同大佬玩埋呢
幾樣野我係上過心之外..其他..我諗少到算唔到..

又開始覺得有d對唔住媽咪喇><><><><

我又問..d舅父地又係點過架..我話.大,二舅父都話有間鋪丫..不過不失啦..三
舅父..太多過去..唔講..咁舅父仔..未黎鋪頭之前都叫做出過去..

佢話..係架..出面係會見到好多野..識到好多人..不過大部份都唔係真心架..
下下要計住計住..有陣時都好大壓力..

咁我問..返鋪頭呢..有壓力嗎..佢話..無..邊有呀..

我問..咁如果俾你選..你會選出去做丫..定一或係..o係鋪頭呀..

佢諗都無諗就答我..鋪頭囉..因為一d壓力都無..如果老豆有生意..咪大家開心
囉..如果生意唔好..至多會諗..今個月點呢..一d壓力都無..開心好多!!!

又講..老豆都係出過去2,3年就返鋪頭到而家呀..就好似定死左咁..但係..我覺
得自己唔係咁架..個人生..

咁會係點呢..我真係唔知..我連夢想..目標都無..好可悲,可笑呀可..一個年青
人..

無錯..老豆都係咁過左幾十年..但係我又可以咁o係鋪頭過幾十年咩..唔得呀..
間鋪唔係自己架..租人o既..此終會有做唔住o既一日..咁點呀..咪一拍兩散
囉..

舅父仔話..係呀..所以就係因為咁..老豆而家勁搵錢..就係想買間鋪炸..

你估你老豆唔想你做落去架..漢和成記..哩個名係你阿爺改架..

你老豆做落去..佢一樣想你一路一路落去..因為..係你地李家架

我聽完..有少少..唔無..係多多..感覺..係咩呢..唔識講..

之後我又話..我要乜有乜..根本就係一個二世祖..

二世祖有2種..一係敗哂老豆o既身家..做衰仔..

二係..好生性咁..醒覺..從此將家族生意愈搞愈大..

唔通二世祖會重新做第二d野而好成功好成功咩..無唔係無..不過真係唔多囉..

咁我會選擇做邊樣呢..講完呢句對到喇..落車

(打完一大炸野..日記可以繼續喇..)

上到去..今日勁快搞掂..落返鋪頭先得4點

望下個天..好廣闊..心境開朗左少少..

返到鋪頭..放低左d野..又行喇..

阿火部機中左衝擊波..所以要上過去..

上到去..個妹今日唔上..所以又係得我地o姐..

開始整..整整下2條友無啦啦o係度睇書-.-

佢就睇小說..我就睇漫畫..重裝完window之後..

6點..佢講下笑咁話不如落去食野咯..肚餓喎..

咁我就好認真咁話..行咯^^

佢勁快咁換好衫..2個落左去大家樂食野..當然係我俾啦..

食下又吹下水咁啦..問左佢好多野..

佢以為我只係有車牌..唔知我有車..所以我話..搵日黎車你地放學咪得囉..

佢好似好期待咁..佢話會好帥喎^^

我果時都好想有人車我放學架..不過..都無試過好多次-.-

食完..坐左陣..吹水..7點到..走喇

行行下..無啦啦入左公園玩..好低能呀..有人..

之後又行下石春路咁^^我不嬲都唔會有事架喎..

仲玩猜..輸左果個跳一下..hehe

玩左陣..就去........買朱古力喇..

佢好鍾意食ma..行到去..佢拎完哩盒又拎果盒..花多眼亂呢!!!

咁我咪叫佢..鍾意咪買囉..佢話..唔係幾好意思o既..不過都係照拎埋囉..

最後好似買左5盒..結果..71蚊..我俾

我都未試過買朱古力買超過50蚊-.-

不過呢期有水..咪好豪地放張100蚊出黎..買朱古力囉..

佢睇到71蚊個樣都好唔好意思..不過見我拎條魚出黎..佢之後話..好豪囉..不
過講開又講..如果唔係買朱古力..拎100蚊出黎買野..有幾豪呀-.-

之後就返佢屋企喇..一路整..佢一路食..佢真係好鍾意食朱古力喎..

整整下..有隻ok大o既昆蟲飛左入佢home..佢勁勁勁驚..點解個個女仔都驚小昆
蟲架..

我就緊係好快地解決左啦..我都唔怕o既..

之後佢話我今日換左果隻耳環好靚..咁我咪同佢換下耳環帶囉..!!!佢帶我果隻耳環個款..好好睇..佢都有同感..我隻耳環都係o係鋪頭架o姐

佢叫我幫佢睇下仲有無咁o既款喎..好啦..如果有..送俾對你又如何!!!

繼續整..面對住windowxp最黑人憎o既衝擊波..

除左上網睇下set乜解決佢or去買隻新d版本o既window碟..

都無乜辦法架喇..最煩o既係..因為衝擊波..佢上網都變得好慢@@

所以我選擇用方法二^^

整下整下..佢無啦啦..傻左咁望住我..我問佢做乜..佢話..我望你d頭髮o姐..隔左陣..佢又望.好明顯..佢係望住我個樣..

咁我咪同佢對望左一刻囉..就係一刻..我差d就........

幫佢裝野裝左陣..10點9我就走喇..

因為約左傑佬11點..走o既時候都未幫佢整到玩msn..

之後去拎車..11點3到..去到傑佬返工o既地方喇..

好耐無黎過..揸車黎..仲耐..自己揸車..無人o係隔離..

我諗對上一次係..新年喇..><

車左佢之後..大家吹住水咁去灣仔..帶佢去佢間考試學校..

去到..泊左車都要行15分鐘先到..一路行..一路同佢傾返今日同舅父仔傾過o既
野..

講完..佢俾o既意見係..

你有錢..如果真係有心讀書..自修拎個14分返黎唔係問題囉..

問題係你自己本身仲想唔想讀書..有無果個心呀..

佢都明白(因為佢都係咁)一個人..o係學校,ive讀書

諗o既野都同出左學校生活..好唔同..

佢又話..你唔知自己夢想,理夢係咩..唔知有乜目標..

咁唔係問題丫..你試下出返做野..識多d人..你可能會知到自己想要d乜囉..

有好多人就算知道自己o既夢想..都未必可以咁好彩..達到啦..

之後佢又話..你如果唔想讀書..咪學一門手藝囉..

而家..而家可以做乜..無架..你話想溝女..好..咪用d時間溝左條知囉..你又有
錢..又有車..又有時間..

可能多個人..你o既諗法會好唔同呢..

好好..又聽多一個人o既意見喇..

12點到就走喇..妖..幫傑佬睇d路點行..搞到我爆哂江..

要快d返到去西灣河果頭..佢要我幫手車一車佢個fd返屋企喎..

人地一個女仔..12點幾返屋企..危險喎..

咁又係o既..佢個fd都ok架..咁我呢個咁有雷氣o既人..緊係唔緊要啦..

去到西灣河..車埋佢個fd..去埋杏花村..就同傑佬走喇..

兜左陣..泊返架車..搭返的士返屋企..佢聽日要考試..我諗我..

真係唔知去唔去好><

如果佢唔駛考..我一定入石澳或者赤柱

咁惟有聽晚先啦..返到屋企..坐左陣..沖涼..

之後打日記..打打下..心情勁唔好..出左去..聽住mp3..

傻左咁坐左o係廳..好唔開心><

3點3到..去訓喇..日記未打完..聽日再打..

(今日篇日記好長好長..不過我真係同大家講一句丫..如果仲讀緊書..一定要俾
心機呀..如果唔係..就會好易變到我咁架喇><><)