今日係第2日返工..

朝早勁早起身..早到..6點就醒喇..

因為返7點半..食埋野..搞掂..差唔多7點就返到公司附近=.=

行下行下咁..7點3返到去..已經見到果個阿輝同光叔整緊野喇..

立刻幫手整埋一份..好多野pet呀..尋日就有4,5個人幫手..今日就3個人做哂..

第一張單係9點半..西貢..

我地由7點半開始pet野..搞到8點9先搞掂哂.

車去西貢..去到..搬d野去碼頭..

今日好大雨呀..@@

跟住又開始等..等..等喇..又係睇......o既時候喇^^

好多人呀!!!仲有一班人好似係一d寵物聯絡o既..個個都帶住一隻寵物咁一齊落
船玩..

有d狗..好靚..我知道仲好貴添..

今日等等下..有班講國語o既人..走過黎問果個阿輝野..

之後我發現..佢唔識聽..好!!!我好主動咁頂上!!!

原來佢地係想問o係碼頭果d船要點先買到..飛..

咁我咪話俾佢地知..d船係人地包左出海玩架..

好開心可以幫到人解決到問題^^

今日真係好多人出海遊船河..搞到有d船我地都睇唔到..

佢地打電話去公司問我地點解未到..公司打黎我地先知..

結果搞到成10點幾11點先走得..

超大雨!!!返到去..11點半..

收埋d錢..一共255蚊..不過第一次(出糧)..我都好似無乜特別感覺咁..

反而俾錢我果個阿花..佢話..發達啦-.-

可能佢覺得我係果d放緊暑假..又或者係雙失..無錢駛要出黎搬搬抬抬o既青年

有2百幾蚊會好開心果隻-.-(我諗緊..如果有一日佢咁岩黎鋪頭買野..又見到我..會點呢可..)

出糧o既時候我話左自己尋日返4-8..今日就7-11:30..30蚊一個鍾

不過我諗返..我今朝係7點半先返到去..打俾三舅父問駛唔駛退返d錢..

佢話..尋日你返3點半架..佢車我返去..佢話係咪係囉..

光輝車返我返鋪頭..我feel到自己好似病病地..

因為頭先落完雨..濕哂咁上車..又開左冷氣喎..=.=

返到鋪頭..俾左100蚊老豆..佢個樣話俾我知..佢好開心..

可能係我第一次俾錢佢掛..

之後佢同我去食野..食完..行左陣..返鋪頭幫佢整埋換埋個燈膽..

真係病病地..返屋企訓喇..

返緊去經過商場o既時候..見到有個人暈左..好多人睇-.-

返到去屋企我就聽到救護車聲喇..

沖涼..沖完..打左陣機等頭乾..訓喇..

訓左2個鍾到..個人好似散左咁..搬d野好重架-.-

今晚食o既野係pizza..叫返黎食^^

不過食緊o既時候阿婆又唔知點解同個妹o係度嘈..好煩呀

我又要做公正果個..之後阿婆就開始講人o既是非..

係咁講..係咁講..對住我講..講左成個鍾-.-

睇左陣公益金..打機..打到點幾..訓喇..

(呢幾日我聽歌都係同一個now網o既一個程式聽..幾好架..d歌又超新..舊歌都
有..又合法喎..不過就now用戶先有得用..第一個月免費..之後一個月48蚊.. 5月30日就到期喇..邊個係now..整黎用下丫..真係ok好架!!!上now個網就自然會見到架喇!!!)

今日10點半起身..好準時=.=

落鋪頭..因為今朝好肚餓..所以食左一樣好耐都無食過o既野..就係早餐喇-.-

食左碗(足)..12點幾..食飯..好飽囉..食左少少就唔食喇..

食完飯..又要上去上環喇..

1點到行..哩期上親去都係聽收音機..

上到去..好多人-.-跌左都咁多人

今日有個女人同我傾左2句..佢都ok囂張囉..我開頭仲以為俜佢係乜人..最後先
知原來佢係幫謝x麟拎野上去..@@!!!

搞到差唔多2點..走人..

落返去o既時候又聽收音機..聽到個叫人估野..估中有錢拎o既節目..

又係要提示就會少d錢咁啦..今次係估地方..

我同舅父仔都有o係度估..不過勁難囉..

最後都係估錯..無錢拎..我地熱衷到..泊左車都聽到開估先走囉..

返返鋪頭..等左陣..舅父就黎車我去返工喇..

返工..係呀..我今日第一次..第一日返工呀..

所以老豆地俾左2封利是我..

3點半返到去..我都ok緊張囉-.-話哂第一次喎......

不過就知道做d野好簡單架o姐..

一去到..三舅父個老婆就教哂我要點做點做先..好清楚架^^

做o既野包括..幫手(pet)野..同埋搬d野上船..

我o係由一間o係西灣河o既餐廳..同d..同事一齊用左1個鍾到pet好哂d野食入d
紙皮(傷)度

之後同光叔公(係親果d叔公)一齊車去西貢拎俾d船家..(遊艇果d船家..)

因為係佢地叫o既野..坐左差唔多1個鍾車..問左叔公好多關於車o既問題..

去到..搬左d野落車..之後叔公去左泊車..我就等佢..

果陣5點..等左陣..搬去碼頭..好多野呀!!!

等左好耐..都未有船..不過超多索女睇!!!

就咁等下..搬下咁..搞到6點幾先走得..

仲見到我個表妹以前o既同學添..係西貢都可以撞到識o既人..好似有d......

返去o既時候..都幾塞車..7點幾返到去..

咁就4個半鍾喇..每個鍾30蚊..一個星期返2-3日..每日3-4個鍾..

返到暑假尾..雖然..我老豆俾我o既錢都多過哩度..

而且如果係計..我每日上上環..其中一日..過手o既錢..

如果係咁做哩份工..我諗一世都搵唔到..

不過又唔可以咁計o既..我而家返工..為o既就係增加俾人鬧o既經驗..-.-

受下氣咁啦..唔好好似係屋企咁..大哂咁-.-

叔公車返我返鋪頭..搵埋老豆一齊食飯..

食緊o既時候..講開..聽日要請佢食飯-.-

食完..返屋企..行過萬寧o既時候..睇到個同學..阿蚊呀..

同佢吹左2句..佢25蚊一個鍾..一日返6個鍾..一星期返6日..

都幾辛苦喎-.-佢都話好攞命..

行緊返屋企o既時候..見到幾個13,4歲o既女仔..好粗口囉..

不過..我都有經歷過一班人出街玩o既經驗..係咁架喇..

一定係覺得自己最勁..最威..最多人望..仲要食埋煙..搞到自己好似好大過咁

所以而家睇返..覺得好搞笑..好有趣..

返到屋企..打左半個鍾機..睇電視..睇左陣..沖涼..之後打日記..訓喇..

我聽日要返7點半呀-.-佢地仲嚇我..話聽日同我一齊去果個叫阿輝o既男人..

好鬼惡架喎..如果係新人..佢一定會屌架喎..

有d驚添..不過三舅父話佢唔會夠膽屌我喎..咁勁!!!

不過..出黎做野唔俾人鬧下..點似樣呢-.-

今日係2006年5月20日..亦都係我呢一世人面真真正正咁返工..好有意義呀!!!個日子仲要咁好記喎..至少拍親拖都會記得^^

又豬左喇><><..尋晚場波結果係2:1..

就係我寫左又唔買果個比數><

幫人地買人地就有錢收..自己就樣衰衰咁-.-

如果我買..都有350蚊架..多350蚊o係銀包幾好呀!!!

不過..無買到-.-

尋晚睇到5點幾..今朝12點幾先起身..

落鋪頭..落到去..個時間岩岩係佢地叫左整食..拎到黎o既時間..

有問題出現喇..就係佢地無叫到我果份..

咁我食唔食好呢......結果我係食o既..

就係咁o既決定..又搞左d小風波出黎..

話說就咁o既..因為我咁遲落到黎..所以佢地無叫到我果份..

但係我又食左喎..咁就搞到有d人覺得唔夠食..

無食到..仲話係佢叫架喎..意思o姐係話..我落唔落黎食都唔講聲..

咁又嬲喇..d女人真係好小家

搞到老豆又對我唔係幾滿意..

好煩囉我覺得..我無話自己岩哂..不過駛唔駛係又嬲唔係又嬲呀..頂!!!

老豆仲要話我因為無買到場波發脾氣喎..而家唔知邊個發脾氣呢

o姐係搞到大家唔係幾開心囉..2點幾..上去喇..

今日上去..坐緊車o既時候..諗到ok好嬲..所以就對住舅父仔勁鬧喇..超多粗
口..

上到去..hehe..佢地有錢收!!!

都話信我者得救架啦^^同佢地吹左好耐水呀..

今日又有50..我又諗返10%喇^^

又有野飲下咁..所以差唔多5點先走..

返到鋪頭..知道左原來我上緊去o既時候..佢地打過黎問我係咪想自己收左果千
幾蚊..^^..千幾蚊就唔要喇..千幾萬就好d..

講笑咁講o姐..不過落返去之後..老豆o既態度唔同左好多..

好奇怪..哩2日勁撞返d同學..今日又撞到阿華同一個初中o既..

吹左陣水咁啦..不過問黎問去咪又係..喂,點呀..讀書呀,返工..之類果d..

最後咪又係..你有我電話架,可..無呀..俾你丫..好啦咁..下次約出黎食飯丫..

都係講埋呢d野..不過個初中fd..佢問左一d我唔多識問題..

佢問我知唔知其他人而家點喎..哇大佬..點答你呀-.-

返到鋪頭..睇返尋晚錄果套..來者不善..睇左一半..又6點半..收鋪喇..聽日繼續睇..

放狗..老豆o既態度..變哂..佢都話咩女人係咁小家呀..咩(跟年期)呀咁..

仲話要俾返350蚊我喎-.-我話唔駛喇..咁真係我自己傻仔無買o姐

放完狗..返去..今晚我自己一個食..佢地唔知去邊度食喎..

食左碗..魚(搞),肥牛..伊..加杯豆漿..正!!不過咁就31蚊喇-.-

好彩係老豆俾錢..事關佢俾左一百蚊我食今晚果餐^^

食完.返屋企..打機..打打下..聽到個妹讀一d佢問人借果本Yes裡面果d識朋友o
既人留o既言..勁搞笑..

我打個我地都覺得最殺o既出黎啦..

[Hi,您地好!我叫亞j,今年23歲!住香港仔,希望o係南區尋覓我o既最愛,過去我就好似一隻唔識停落黎o既雄鷹一樣,每日都遊戲人間,已經玩夠喇,想o係同一天空下尋覓最愛o既您!就算將來要飛,亦願與您比翼相飛!在天願作比翼鳥,在地願為連理技!等著你的心每天都纏在一起.]

睇完..都ok好想噁囉-.-..你地有無同感呀???

12點幾.傑佬打俾我..約我聽日同佢去買衫喎..哦

同佢傾左陣..繼續打機..打到點幾..打日記..訓喇..

(我而家都ok期待傾日..因為約左人打波ma..希望..打得成啦!!!)

就係因為尋晚4點幾先訓..所以今日要11點半先起到身..

好快地搞掂..落鋪頭喇..

落到去..佢地岩岩食緊飯..咁咪食埋一份囉..

食完..點幾..睇報紙..

2點幾又上去喇..今日上到去..

佢地見到我就問左我一連串完全唔識答o既問題><

佢地話今朝我係咪唔得閒上去..因為佢地話有個阿婆打住我地鋪頭o既招牌..

上去佢地度賣野喎..賣左7兩幾-.-(我地上左去咁耐..無一次係賣7兩幾咁少架
bor-.-)

我不停咁諗..勁諗都諗唔到係邊個-.-

唔諗喇..今日同佢地講開今晚果場決賽..佢地問我買唔買..點買..

緊係買啦..我買波膽2:1,3:1..跟住佢地有2個人..

老闆同老闆個仔又買埋一份..叫我幫佢地買..個仔就買100蚊..

50蚊一注..跟我..個老豆就..買600蚊..3注..

200蚊一注..2注跟我..再加一條1:1..(其實我諗住買廿蚊架炸..)

1:1有7陪..2:1有10陪..3:1有15陪..都幾好分..咪玩下囉..

3點幾走人..走o既時候..同舅父勁諗都諗唔到係邊個咁大膽用我地個名上去..

諗左勁耐..最終都諗到..係我地o既一個伙計o既老婆..

唔怪得啦..咁又唔可以怪人架bor..人地唔想經我老豆..

情有可原丫..我明白o既

返到鋪頭..睇埋份波經..去馬會拎飛..諗住返鋪頭慢慢寫..

行緊去o既時候..撞到個中五o既同學..阿蚊..

知道左原來佢而家o係我鋪頭對面果間萬寧返工..

我諗仲要返左唔少日子架喇..點解我唔知o既-.-

等我多d去睇下佢先^^

拎完飛..返去寫..寫完..鋪頭又有多個人搭我買多條..哦-.-

咁咪去買囉..點知買4張..張張都得..係得自己想買果張唔得..

唔唔..咁o既話..唔買喇..可能d錢唔係我o既......

買完..順便幫鋪頭買埋tea..麵包-.-

返去..食完..行下過萬寧睇下佢先^^

hea左陣..要去訓下..如果唔係今晚等唔到2點9睇波..

訓到6點..等多陣..6點半又收鋪喇..

放狗..老豆又講返尋日我心情唔好o既問題..佢話無怪我遲落去喎-.-

點解佢又知o既-.-

之後去食野..今日又去左柴灣食喇..又係尋日果間..

食完..8點幾..大家無乜野做..咪行下街囉..

行行下..睇到大大..佢o係其中一間野返工..仲話今日買野我有員工價喎..同佢
吹左陣水..結果alice買左對鞋

好野..今日老豆俾錢..買左1件shirt衫..1條褲!!!

合共110+125=235咁多..唔係好貴o姐^^

自己又買左件169..9折..151.1咁多錢o既曼聯衫^^

行到9點幾..走人喇..搭地鐵返去..

返到筲箕灣..行返屋企..見食左咁多野-.-

返到去..岩岩好做向世界......睇完..打日記..

之開始打機..打到2點9..睇波!!!

(唔知點解呢..哩幾日聽聽下一首舊歌..覺得好好聽..仲勁聽添..日記果首..明
知故犯..係許美靜果首喎..o姐係原唱..好好聽架!!!)

噫..我表妹聽日生日喎..同佢講聲生日快樂先!!

今日訓到好昊先起身..差唔多11點呀..

咪打俾老豆話遲少少先落去囉..

之後煮左野食..又睇左一(習)野豬大改造..

我之前咪話都ok好睇o既..而家改返..

係非常好睇!!!勁好睇..睇到人地鬼死咁感動..

大家記住..o係星期六..亞視晚上8:30有得睇..

我強烈見意大家一定要睇..最好就緊係用返日文睇啦!!!

睇完之後就落鋪頭喇..好好睇呀!!!

都唔知點解..今日行行下落去o既時候..無啦啦o係條街度..仆街喎..仲要o係仆完一次..起返身..行一步又再仆過-.-

勁樣衰囉..我覺得-.-落雨都唔係咁玩我呀=//=

落到去..又睇多(習)..睇完先去上環..

唔知點解..今日心情好差..老豆都問我點解..

我都唔知..可能..落雨掛-.-

又可能..因為下午d金價跌左好多..所以老豆賺少左好多..

如果我早d落去..咁早d上上環放左..可能就會賺多好多><

有d內疚感囉><

2點半上去..今日跌左..所以上面好少人..好快就搞掂喇..

今日都有60喎..又有3x萬過我手喇..

返到鋪頭..一連睇左2(習)..睇完又收鋪喇..

放狗o既時候老豆又問我做乜心情咁差..

我無答佢呀..因為我都唔知..

放完..返鋪頭又睇..睇完..出發喇..

去柴灣食飯..幫個表妹提早慶祝生日..

食到好飽呀!!!9點幾..走人..

返到屋企..打左陣機..睇向世界出發..好睇呀..每次睇親都要反思..

由其係今次講快樂..佢有句對白..我唔知邊習講o既..不過就我agree..

句對白係咁o既..[問我點先係快樂..其實..我覺得好有錢好有錢..可能未必係
快樂..]

正如我之前o係日記都講過..由細到大..要乜有乜可能唔係幸福囉..

睇完之後繼續打機..打到12點幾..終於爆左隻打左好耐o既game喇

同傑佬傾左陣..傾左成個鍾..沖涼..

沖完繼續睇埋我未睇果2習野豬大改造..

睇完我就訓喇..果陣4點幾-.- (套野真係好好好好好睇..勁正..個結局都唔錯^^..仲之就正啦!!!)

(今晚食飯o既時候講開..我老豆哩期搵好多..我話..如果日日有10%咁多o既錢俾我o既話..我諗由5月開始到而家我已經有30萬幾喇..如果係咁..等多幾個星期我仲買唔到我勁勁勁勁勁想買果架2人坐位o既保時捷..o既係波子!!!!!!)

不過..發下夢算啦-.-

今日又係10點幾起身..落鋪頭..

行行下老豆已經打俾我叫我快d..

因為無現金喇..落到去..

今日有d特別..因為我要一個人搭地鐵上一上去先..

放緊d呀要..搭左差唔多半個鍾地鐵..到喇..

去到果度..又等左半個鍾..搞掂..又無現金喎..要拎張現金票去銀行換..

去到銀行..又排左差唔多半個鍾..-.-

哇..上環果然係上上環..連銀行d女職員都靚過人!!!

搞掂之..老豆叫我擔的士返黎..返到鋪頭..

岩岩好食野..食完..睇報紙..

2點半..又上去喇..今次就舅父揸車..同平時一樣..

上到去..又好多人呀..

可能我上左咁多次..同佢地熟左好多..

所以今日佢地俾左個任務我..就係俾6萬蚊我同佢地去銀行(唱)錢

真係架..上環d銀行o既女職員真係唔同d架^^

搞掂..返返去..等左陣..4點幾就返鋪頭喇..

返到去..行行企企咁..又6點半喇..

哇..今日d金價跌左唔少呀@@!!!

放完狗..食野..今晚食平d啦..

食完..去搵阿火..去到佢樓下..拎左野俾佢之後..

吹水..吹左好耐呀..噫..佢返工喇bor..

咪又係M記..o係太古城..17蚊個鍾喎..

(唔知點解呢..我都係覺得每個人..只要佢一返工..就一定會變..變成點就唔
知..但係經驗話我知..返M記o既..會變得..好社會..)

由其係女仔..好快就會俾人溝左..因為講真..我返M記都會溝女啦..

阿火今日提左一個要求..但係..佢所要求o既野..

我咁耐就只有我鍾意o既女仔先享有過咁o既待遇..

之後又約左今個星期五再去打羽毛球^^

唔知又會同上次有乜唔同呢..因為我睇返日記..

第一次同阿火打羽毛球..就係4月19號..如果星期五去打..就會係5月19號..

剛剛好一個月..好巧合..原來同阿火識左都有個幾月..

乜時間過得咁快o既><

吹完水..返屋企..返到去..8點喇..

睇下電視咁..打機..睇完向世界出發..繼續打機..打到3點幾先訓..

(到底我係咪應該因為悶..又或者想搵人陪而去溝女呢..呢個..真係一個要諗諗
o既問題..同埋..我除左錢..人地仲會留意到我d乜呢.....)

8點幾起身..約左家姐11點半..一齊去買花..

所以朝早就o係度打左陣機..

11點到..落去喇..去到買花果度..

(簡)左陣..要買3(速)

(簡)完..點知佢用埋d好唔靚o既包裝紙..

想話叫佢換..點知佢就勁串..

買完..返鋪頭..送俾應送o既人..

(媽咪..母親節快樂......)

見到有湯飲..一野就飲左3碗!!!

之後有人拎左d煄黎..我地就整左黎食..乜唔係5月果個節先食架咩-.-

12點幾叫左飯..食完..睇報紙..又睇下電視咁..

睇完套野..差唔多3點..老豆俾左d野我做..

又叫我去熔金!!!勁呀!!!

4點收鋪..咁o係收鋪之前..老豆無啦啦做左樣好鬼老土o既野..

搞到我勁勁勁唔like..唔開心..

佢無啦啦俾一百蚊我..叫我用我o既名義俾alice買野食><

你地話係咪好鬼老土喇..

我超超超超超超超x10000次唔願意做囉..

所以就非常之平心靜氣咁同老豆講我唔想咁做..

但係佢又講好多道理出黎..我見無辦法..

咁咪打俾家姐囉..佢話返緊黎..

等到佢返黎之後..老豆又叫左我出去..傾..

出到去..傾左一陣就發哂脾氣喇..你地唔係我咁o既情況..

可能唔會明..不過我真係好嬲..佢又話乜野做雙面人咁喎..

傾傾下.家姐黎埋..唉..

仲之傾得好唔開心啦..順便傾左好多野..

差唔多1個鍾先傾完..最後都叫做有共識啦..

返到鋪頭..我地照做..

仲因為一d原因..今晚我唔會同佢地食飯..

老豆俾左60蚊我..5點幾我就走喇..

一路行一路打俾dfd..因為唔想咁快返屋企..

又唔想返屋企食..行下行下..行左去噤屋企附近..

打俾佢..佢部腦好似又有少少問題..

不過我開頭唔知乜事..佢好似唔係幾開心咁..後尾知喇..

同佢傾左陣..都係決定返屋企喇..

返到去..打機..打打下..個妹同我講原來佢同阿火吵架..@@

問我會唔會對我有影響喎-.-

因為一d誤會..要o係msn同阿火解釋一下..

之後繼續打機..睇完大結局..繼續打..

12點..去打日記喇..

今晚結果我都係要食公仔麵-.-

(今日係母親節..唔知大家有無同母親過呢..有無送花俾你地o既母親呀..我
諗..大部份都有..不過..我就唔可以親手送花俾母親..唔開心..點都會有..但係..我覺得佢係知道架..佢係會知道..我地送花俾佢..佢亦都會知道..我地有幾咁掛住佢..亦都會知道..我係有幾咁想..親口..面對面再同媽咪講一句..媽咪,母親節快樂呀......)


不過..就算已經係永遠都做唔到..我都會..覺得..媽咪你係知道架..
係咪呀...下......

無法可修飾的一對手..帶出溫暖永在背後..(很想再一次感受那麼安全..那麼溫柔的感覺..可是...)

縱使囉唆始終關注..不懂珍惜太內疚..(有機會再聽到那些囉唆嗎..)

春風化雨暖透我的心..一生眷顧無言地送贈..(我感受得到..但只留下懷念..)

是你多麼溫的目光..教我堅毅望著前路..叮囑我跌倒不應放棄..(我..永不會忘記..)

沒法解釋怎可報盡親恩..愛意寬大是無限..請淮我說聲..真的愛你..(我會做好自己黎回報你..我的心聲..真的愛你..)

可能會有人覺得我無聊啦..不過..我係一隻一隻字打出黎..因為我想送俾媽咪..

尋晚飲左咁多..今朝一早起身就打日記喇..但係唔知點解..一起身就發現自己週身痛..傷哂-.-

打完篇日記..打左陣機..落鋪頭喇..

落到去..食飯..食完飯老豆叫我打上去上環果度問佢地有無現金..

點知無喎..咁咪唔上去住囉..

星期一先上..咁我就hea下咁..今日食飯飲左一罐..

hea左陣..點幾就走左去訓一陣..

訓到3點幾..起身..睇下鋪..做返下正經野咁啦..

睇下報紙咁..又俾家姐點左我出去買指南針..

行左幾耐呀..話咁快又6點半收鋪喇..

放狗..返到鋪頭..又同老豆因為一d問題頂左陣..

最後咪又無乜結果..家姐放8點..要等埋佢食飯..

7點幾..又要我走去搵位-.-

經過一陣..佢成8點半先黎到..今晚叫左好多野食..

食唔哂..食到成10點..因為我趕住返去睇波..所以走先..

今晚食飯都有飲呀..同老豆飲左2支..佢話我尋晚飲左好多..

最開心係我喎!!!之後我地問左個啤酒姐姐..

一jar啤酒有大約幾多支呀..

佢諗左陣..搵左陣答案..個答案就係..有差唔多3支..

咁老豆話我尋晚飲左差唔多有2jar..咁咪o姐係有差唔多6支..

唔怪我會咩啦-.-..返到屋企..睇波..

場波真係睇到差d嚇死人..好彩最後利記都win左o既..

不過就付出好大囉..

睇完波..打日記..之後我諗都會訓架喇..

(唔知點解..今日有好多人都走黎同我講..我尋晚同阿火玩得好癲喎..仲好無儀
態添..令到有d人對佢o既印象唔係幾好..不過..我諗係因為我..因為我同佢玩到咁癲..所以佢先會唔顧儀態..我地就算係之前係佢屋企又或者o係巴士..電車..都係咁玩..可能..佢掛住玩..所以無理到自己o既......)

今日訓下訓下..唔經唔覺..成11點先起身..

好快換衫落鋪頭..落到去..11點幾..

坐左陣..睇報紙..12點幾就叫野食喇..

之後家姐無啦啦俾左條金鏈我..叫我拎上去賣左佢喎..

哦-.-食完野之後..做野做到..2點幾就上上環喇..

今日又塞塞地車..上到去..

間野勁多人..好彩之前去左第2間..所以有現金先無咁驚..

等左好耐好耐..去頭一間o既時候..已經等左半個鍾喇..

上到去開果間..又等左一個鍾><

好彩..有幾個同我差唔多年紀o既同行..

大家吹下水咁..佢地幾個同埋我..就o係間野哩期拎野上去最多o既3間..

但係..反而我地係企o係最唔顯眼o既位置..

等左勁耐..好彩有條女傾下計o姐..

佢又係頭3間多野o既..我地勁吹水..

不過都係傾返行內o既野..對我都好好架..

話哂第時如果鋪頭係我打式..識多d行內人真係百利而無一害..

結果我係o係上面成個鍾先得囉..

個幾鍾之後..落返鋪頭..已經5點幾喇..

本身講左4點半去車個妹地放學..不過唔得喇..

之後學下點樣睇金o既成式..6點半..收鋪..

之後hea..hea..hea到8點幾..去食野..

阿雞打俾我..話約我下個星期6同班5To既舊同學燒野食喎..好丫!!!

今晚會有好大炸人食呀..因為要提早慶祝母親節..

去到食野果度..等下黎一個..等下又黎一個..

我個心就諗緊..會唔會叫到阿火黎呢..

結果..佢黎左喎..點講呢..佢黎左之後..

除左跟住我個妹之後..可能因為怕..(d人唔識..)

所以佢..(痴)左o係我後面..好似好害羞咁囉..

不過個感覺..幾好..hehe∼∼∼

之後無啦啦..敖敖打俾我問我..考車牌幾多錢..

@@!!!敖敖都考車牌..勁喎!!!

等左陣..入去食喇..我同阿火坐..

唔知點解..我今晚好活躍囉..無啦啦做左氣氛製造者..

你地唔覺得..一班出去..一定要有幾個氣氛製造者先正架..

今日無人做..我頂上囉..

再加上又飲左d酒咁..玩玩下..都去到幾癲架!!!

都係我同阿火玩得最癲..直情係無左儀態果隻..

再飲多幾杯..貓貓地喇..

個表妹又加埋一齊玩..玩乜..咪又係猜輸左俾人打一下果隻囉..

打得好大聲架..隔離抬d人都望望下..

再繼續飲..貓左..不過就算我貓到行唔到直路..

我都唔會嘔..同埋都會知自己講緊乜..但係語無倫次就點都有d架喇..

我feel到..老豆成晚都望住我同阿火玩囉..

係咪面帶笑容就唔知喇-.-

食食下仲有蛋糕食..有個表妹下個星期生日..

唔知點解叫左到時食飯..但係又而家食蛋糕=.=

尋晚發生左d乜..已經唔係好記得喇..

我係記得同阿火真係玩得好癲囉..

11點幾走喇..搭的士返去..我好似不停語無倫次咁..

返到去我屋企樓下..佢地返左上去..我就送阿火返屋企..

老實講..一個貓左o既人送人返屋企..唔覺得好搞笑咩!!!

去到佢屋企樓下..又玩左石春路一陣..勁呀!!!

好搞笑..之後又hea左陣佢先返上去..

好彩我無乜特別原因,又仲有少少清醒..

如果唔係..上埋去..我敢肯定..下個星期我會因為衰11而o係赤柱見-.-

送左佢返去之後..返屋企..一路行一路打俾傑佬語無倫次again..

返到屋企..極快暈暈地咁沖完個涼..刷埋個牙..

頭都唔等佢(剛)..訓喇..好眼訓..(果陣12點幾)

訓到第二朝8點-.-(我真係訓7個鍾就夠..)

起身打日記..(因為係起身打..所以先咁有文有路-.-)

(尋晚真係玩得好開心..o係我頹廢生活咁耐..無啦啦有一日咁正..真係好喇..玩得開心..我諗係因為玩o既對象..........)