今朝..9點幾起左一起身..

之後訓返..10點再起過..因為傑佬打黎

我地約左今朝9點起身-.-

之後同佢打左陣sa..打到1點..

去睇戲(今日約左去睇哈利波特..而家先睇-.-有d..out添)

本身係要1點o係樓下等..不過我hea下hea下咁

1點半先到..2點7開場

之後去左康怡..買左飛..

去食野..又係勁行勁行都唔知食乜..

行左好耐..最後都係決定..M記-.-

不過食o既時候已經係2點3喇

食完..過返戲院..入到去..遲左5分鐘添><

套戲我覺得好好睇喎..由其係.......^^

真係正架!!!可以我之前果幾集都有睇..

所以之後果d我都會睇^^(仲有d想買書睇添!!!)

睇完都5點幾喇..去左西灣河太安樓食..牛什

去左海旁食..食完..傑佬無啦啦話想睇下架黑色車而家點..

咁2條友就上左去停車場睇車..

我覺得我地都ok無聊囉..坐左o係架車裡面..聽歌-.-吹水..

但係又無開車喎..就咁泊左o係停車場-.-

雖然傑佬好想我開車..去兜下..不過..我有d內急

同埋唔多想俾舅父仔知我又揸哩架車..老豆更加唔知得啦@@!!!

再加上果陣6點..我6點半要返鋪頭食飯..

結果都係無去兜架..(有d諷刺囉..果陣時..我有得無限揸架車出黎遊車河o既時候..d人又成日話唔去唔去..到左而家..有限制..佢地又好想遊喎..)

6點4到..行返鋪頭..食飯..今日要飲酒喇..

諗下諗下..我都可能有成個月無飲喇..

所以今晚飲左技半..(有d暈暈地-.-屎左d添)

因為飲左酒..所以話傑佬放工去車佢都做唔到喇..

(唉..車到咪車到..車唔到咪車唔到囉..駛乜咁犯賤..一定要車到人放工呢..諗返起d野..)

8點幾..返左屋企..一連睇左2場波

曼城對曼聯..同利物浦對熱刺..一場3比1..一場1比0

曼聯輸波-.-好彩我鍾意利記多d架o姐^^

睇完..1點幾..打日記..之後又唔知做乜喇..

(今日睇睇下波o既時候..家姐打俾我..問我今年生日想點搞..有無約fd咁..我都唔知點答佢..佢話要就時間請假喎..)我諗我都係同屋企人過多架喇-.-

...好唏噓...

今朝早左好多起身呀@@@@

11點就起左身喇^^

不過之後都係打機..打打下

點幾o既時候..三舅父無啦啦搵我

話有d野要我幫手喎..

咁之後我就同佢去搞佢d野..搞到2點半..

返鋪頭..今日三舅父帶左我去食一間野..都ok喎..又唔貴

2點半返到鋪頭之後..老豆話要去上環賣野

咁就等舅父仔去拎車喇..等到3點到

行得..搞到4點半先落返黎

之後就看鋪..今次真係看鋪架..老豆仲主動教我野添@@!!!

今日真的唔係hea..係學野..雖然有時都會拎d野黎玩下^

5點幾o既時候..shirley打俾我..佢話有野要去銅鑼灣攞..叫我同佢去..

咁我地就約左8點..(其實我以為佢講聽日..)

5點7到..真係有d眼訓..(可能晚晚都咁夜訓啦><)

去左睡一睡..訓到6點3到..shirley打黎..confirms..我先知原來係今晚-.-

6點半..收鋪..放狗..等個妹返黎去食飯..

等到7點2,3個字..佢返黎喇..去左食左野都ok想食好耐o既飯^^

食食下..三舅父打黎..又有野要我幫手..

咁我就要遲d先去到搵shirley喇..不過食先打一打俾三舅父..佢又話唔駛-.-

不過都係改左8點半..我8點7去到銅鑼灣..

o係皇室堡等左佢一陣..差唔多9點..

佢ok喇..咁我地首先係行左一陣..

之後去左睇狗..(都okQo既^^d狗仔)

睇左陣..就行左去銅鑼灣世貿上面間M記吹水..

差唔多10點半..去左sogo行..不過就唔多識路-.-

10點9..諗住走人..等緊車o既時候..d人又話要去洗手間

但係最搞笑o既係..我地由sogo出面..行到去時代廣場..

去到個洗手間o既時候..我睇到..有個人開大..但係唔關門><好恐怖!!!

我唔小心推開左..除左sorry..我都唔知講乜好..

之後我地就搭 2A走喇..

唔知點解..搭車吹水o既時候..傾傾下..我突然有d火..

仲愈講愈激動@@!!!..落左車之後..變得超激動@@

仲有d想爆發o既衝動..不過無..

但係搵到傑佬..同佢行返屋企o既時候..我就爆得好勁!!!

可能要咁發作一下..個人先會好d..

返到屋企..打機..約左傑佬聽日去睇戲..

3點7..打完日記..去訓..

(我覺得..直情係feel到..果野[火]出現左之後..個人有d唔同左..醒神左好多..可能..要咁樣先可以終止到個野..頹廢feel..-.-)

我今朝6點鋰先訓-.-(打機囉......)

訓到1點..睇左陣電視..食左野

2點到..又開電腦喇

又開始打機..打左陣..傑佬打黎

唉..佢就好啦..有錢><

我就(窿)到爆!!!

打到3點到..shirley打黎話有d野同我講..叫我出去

不過我唔知老豆今日駛唔駛上環賣野

所以我等老豆電話等到5點..

4點半o既時候..學校打黎@@

今次要聽喇..原來係班主任o姐..都唔係邊個..好彩∼∼∼

佢好奇怪..無乜點怪我唔返學喎..可能ive唔同啦

佢只係叫我做返少少野就可以加返d平時分俾我

又叫我記得下個星期二返去考試..

5點半到..搵返shirley..約左o係西灣河M記

之後我就行落去喇..6點到..到!!!

(行緊落去o既時候..以前o係文理生活o既回憶..勁o係我腦海出現..可能係因為見到好多文理o既學生啦><)有d感觸

因為..我呢期真係好頹廢呀..做乜都無興趣..無心情..

每日都唔返學..靜係睇電視..打機..睇電視..打機..如果唔駛陪老豆食飯..我
可能街都唔會落><

我都唔知點解..只係知道..唔關任何人事..係我自己o既問題..

不過講真..過得太多呢d生活..真係都ok感到空虛..寂寞><

咁就會唔開心啦..唔開心又唔想做野..所以會不斷重複><

唉..諗諗下..自己好似無哂朋友咁..傑佬..唔知點解..真的點知解..今日無啦啦有一種同佢好似唔同左o既感覺..點唔同又講唔出喎

(可能真係應左我之前講過o既野啦..)

其他fd又好日都唔會搵一搵..

我唔知呀..有一個..唔知點解我真係好唔會主動搵佢..佢唔搵我..我唔會搵佢..點解會咁o既..無左個hurt??

唉..總之好頹廢啦..(個腦成日都諗..諗返上次去果個地方o既野..由其係阿恩
><..唔講喇><><)

見到shirley之後..吹左陣無聊野..走o既時候我都唔知佢要同我講乜..

但係就有一個錄mp3o既任務囉-.-

[係呀..我係好頹廢呀..因為我真係唔知自己而家對咩野仲有興趣><]

[又或者你講得o岩..有因必有果..我今日聽你講完之後有諗過哩個問題..結論係..而家..應該係果黎架..]

你地諗下(有睇開我日記果d)..我上個再上個月一次過考到個車牌

幾風光呀..果一個月..何其意氣風發呀..直情有d唔放野在眼內o既feel..

不過..過左果幾次出事之後..一來無左銀..二來連果個自信都無埋

串左一個月..換黎o既係而家..頹

又或者..夢醒左..訓醒..都要有一段時間清醒下

繼續日記..7點到..送左佢返工之後..我就返鋪頭同老豆食飯喇

行緊返去o既時候..天氣唔係好凍呀..但係我就愈行愈凍><可能..心寒啦

食野o既時候..連老豆都覺得我有d唔同..

佢o既形容係..好似無左靈魂咁..個人就o係度..不過係無[心]o既

食完野..返左鋪頭..老豆問我做咩好似好down咁

我都唔識答佢..因為我都唔知..

之後睇埋紀曉嵐..見家姐返黎..hea左陣就走喇

今晚行緊上去o既時候..果一種..寒..o既感覺又出現><

一路行上去..個腦不斷咁重複又重複..架車果幾次出事o既情況..

不停咁重複..諗完又諗..我好驚..好辛苦呀><好似忘記唔到咁..我點再揸車喎
><

除左諗哩d..果一段時間..同d朋友遊車河o既影像都不斷出現..

包括..果幾晚..但係..愈諗就有種愈討厭o既感覺!!!

諗返..就好似俾人play緊咁..玩o既感覺..仲要又經過家豪喎

返到屋企..又係打機..同個妹講左果個故事..佢都話ok喎

繼續打機..打到1點就打日記喇..

之後等3點..因為有電視要睇..聽日..唔駛返學..我諗我會早d落鋪頭..

(唉..我而家連icq都唔敢開..因為..我唔知點面對阿恩..我真係覺得同佢做fd
會好好架..點解..佢要係..喎><如果我地唔係咁樣識..幾好呢!!!..人同人o既
感情..唔係一定要有好耐好耐o既時間..先至會深刻架..可以係有一d特別o既野發生過..又或者..你真係對果個人有一種好..唔識講o既感覺..都可以用到深刻哩個字架)

尋晚又係4點先訓..今朝12點幾醒左

不過2點先起身..(好隱蔽青年feel-.-)

打左陣機..3點到..煮野食

4點幾..小璇打黎..好似都真係ok耐無搵..

不過我真係唔多想出去..又無乜銀..

雖然今日有車任揸..不過..可能真係有影響啦..我唔想揸..
(死喇!!!而家連車都唔想揸..仲有乜野我有興趣..有衝勁做架><)

5到鋪頭..行得好慢-.-

問傑佬攞返d野..咁都好d@@

之後又打俾三舅父..希望佢可以解到我燃眉之急

佢都幫到手o既^^

佢仲好高興..因為佢見到我有d變左

等到收鋪..放狗o既時候突然feel到自己今晚好想食肥牛

所以決定買返黎..再加d菜..魷魚咁..煮埋飯..同都豆o既晚餐就係咁喇..

不過今晚當我準備好哂d野o既時候..老豆去左訓覺..

搞到我要等到8點半先有得食..超肚餓..不過又唔想嘈醒老豆喎

食到9點幾10點..睇左陣電視..洗埋d野

10點半我就返屋企喇..今日好奇怪..

老豆o係我臨走前無啦啦俾錢我..

我o既本能反應通常都係問..做乜呀

佢問返我..你有無錢用呀..咁我就收左喇

(我諗..哩期鋪頭真係ok好生意..因為佢哩個行為係o係佢數緊錢o既時候做架)

之後我就返屋企喇..11點到..返到去..玩石器

12點半就打日記喇..

(我都話架啦..有好多野..真係船到橋頭自然直架!!!)

雖然我今日心情唔好..不過..打完日記之後真係無野做

所以..我決定..講一個我前日聽到o既故事俾大家聽

個故事係咁o既...........

個故事叫做八十層樓的故事..

從前..有一對兄弟..佢地住o係一楝有80層樓高o既大廈..

而佢地仲要係住o係80層..咁有一日..當佢地2個放左學..趕住返屋企睇電
視o既時候..

發現..大廈今日停電..無電梯搭..咁無辦法喇

佢地唯有行上去啦..行下行下..去到20樓o既時候

個細佬話[阿哥呀..點解我地唔放個書包o係20樓..收埋佢..等有電先落黎攞返呢???]

咁個阿哥就話[好喎!!!]

佢地之後就放低左個書包..繼續行上去

上到40樓o既時候..細佬又話喇

[阿哥呀..我真係好攰呀..不如放棄啦..行返落去啦]

咁阿哥就話[我地都行左40層啦..上又係40層..落又係40層..點解我地唔上埋去o姐]

咁個細佬就聽阿哥話..繼續行上去..

行到60樓o既時候..個細佬突然(辨)死喎..

佢話[阿哥呀..我真係行唔到喇..不如我地放棄吧啦..落放去啦]

阿哥話..仲有20層炸..(崖)埋上去啦..但係今次個細佬就唔聽..

點都唔行..咁個阿哥就決定..揹佢行埋上去..

阿哥一口氣咁衝到上去屋企o既大門前面..開門o既時候..

佢問細佬.....................................




[條鎖匙呢???細佬..........]

細佬就話[乜唔係放左o係你度咩]

咁阿哥突然諗到..呀!!!原來..o係書包度喎..

個故事咁就完左喇∼∼∼∼∼
(你地睇完..可能會覺得ok好笑..或者ok無聊..不過..我講哩個故事o既目的..唔係為左咁..)

因為..哩個故事係有意思架..以下係個故事o既意義..

大家諗下..每個人..每個年輕人..青少年..當佢地十幾二十歲o既時候..

o岩o岩出黎社會做野..佢地大多數都會有好多夢想..理想
(例如:我要買邊度邊度住呀..我要揸什麼什麼車呀..)

但係..時間慢慢咁過..青少年..大多數搵o既工作都係打工仔..要(崖)o既..

慢慢長大o既時候..去到40歲..有d人會想放棄工作..轉工..

但係有大部份o既人都會覺得..唉..都做左半世咯..唔差在做埋落去啦..

時間繼續飛逝..去到60歲o既時候..大部份人都退下來喇..

但係仍然會有人繼續..(活到老..學到老..)繼續(崖)

好喇..咁當每個人..去到80歲..百年歸老o既時候..

去到臨死果一刻..合埋眼之前..佢地先會諗返..

丫!!!原來當我10幾20歲o既時候..係有d咁o既夢想..理想架喎..

但係..倒頭來..

佢地o既一生..就係咁(崖)過..得到d乜呀..何來夢想,理想呀!!!

哩個道理..就好似..兄弟將自己o既鎖匙(夢想,理想)放左o既20樓(10幾20歲)去到佢地開大門o既一刻(死之前o既一刻)

佢地先至諗起..曾經將自己o既鎖匙..收埋左!!!!!!!!!

哩個故事我係聽日講架..聽完之後..我諗左好多..好多......

尋晚我同傑佬傾2點幾先落去seven食我o既dinner-.-

食完..返左屋企..佢買左技啤酒..佢阿哥又買左

2條友話咩喎..咁都唔係問題呀

問題係佢飲完..打俾我同我傾電話o既時候..

都ok語無倫次-.-(講真..如果我個胃之前唔係痛到咁..我都想飲呀..因為..
唉..點解[佢]要係做呢d喎><)

同一個語無倫次o既人傾到3點幾..自己hea到4點半到

訓喇..訓到2點..起身..@@好多未接電話!!!

打機打到3點半..老豆叫去上環..

咁我就自己搭MTR上去喇..

搞左陣..5點幾..返到鋪頭

因為我起身到而家都無食過野..所以買左個抄麵王食

(心情唔係幾好..個樣都ok無心機..好多因素啦><)

今日家姐諗住俾錢我交電話費..不過佢無論點俾..我都唔要

因為我尋晚o係度諗返細傑講果野..世上係無不勞而獲

所以..我諗我以後盡量都唔會問家姐攞錢..

等到收鋪之後..同家姐出左去..行左陣

佢問我點解心情咁差..(唉..我都唔知..總之我覺得好亂..好唔知點咁><)

今次係完全唔想搵人講..只係想自己去決定

行完之後..返到鋪頭..等埋老豆..今晚去食(排)王之王

食左老豆2百幾..食完..返鋪頭睇埋紀曉嵐就走喇

返到home..睇下電視呀咁..(今日終於都記得叫個妹down首[好人]黎聽下..都ok正喎^^)

睇電視..打機咁..12點幾..同傑佬傾傾下電話..

突然好想食野..無啦啦又煮左個公仔麵食-.-(好似好耐未煮過咁..)

1點半到..打日記..打完唔知做乜好

(今日心情真係ok好差..本身都唔想打日記..不過好似有個責任感咁..所以好快咁打完算喇><)

今朝10點鍾就醒左喇..不過looklook下

點幾先起身..打下機..睇下電視咁

2點到..落街..問敖敖還返d碟俾我

拎完之後..o係條街度行..行左差唔多半個鍾

3點3..返到鋪頭..有人幫我去買..lunch食

食完..鋪頭開左個電視..睇波

4點鍾收鋪..收左鋪之後..老豆入左房傾電話

我就o係出面聽mp3..聽聽下..訓左(發覺左Janice首心亂如麻真係好好聽!!!)

訓到5點幾6點..

同老豆去放狗..返到鋪頭之後..

老豆話煮飯..今晚就真係搞搞新意思喇

整左味好正o既野..食完仲可以有湯飲..係上湯果隻喎

又唔駛好貴..食到我超飽

o係食之前..我走左去(坐)熱一罐o係雪櫃拎出黎o既咖啡

食完..o岩o岩好變左熱咖啡..我(嘆)埋之後就返屋企喇

返到去..9點幾..沖左個涼先

之後就睇電視喇..10點半睇左個什麼勁歌金曲經典乜乜

睇完..又打機..11點幾o既時候阿玲打黎

同佢講左陣..12點半到..打日記

可能因為仲有唔係好長o既時間就到我生日..今日無啦啦o係度諗..17歲o既阿財同18歲o既阿財有乜唔同左..又諗自己哩一年有無d乜野回憶係難忘o既..

(我諗..我o既重大改變係由會考完差唔多放榜果時先開始......)

諗諗下..又諗到之前咁多次生日..我許左d乜野願望..有幾多係實現左..又有幾多係未實現..或者唔會實現到..

(我好無聊呀可-.-)

今朝9點幾俾傑佬打電話黎嘈醒左一醒..

不過無聽電話..由佢..繼續訓..

訓到12點幾1點..

起身..打機..

到左3點幾..開左icq黎玩

同個fd傾傾下..發覺到..

唔知係咪個個女仔都係咁架呢..佢同我講話尋日見到個衣櫃好多衫

咪執下囉..但係原來佢執櫃o既目的係為左要有多d位買其他衫..

係唔係個個女仔都係咁架-.-

傾傾下..我又知道左原來佢o係icq寫o既年齡唔係真實o既年齡^^”

4點3,4個字o既時候..小璇打黎..問我有無地方去

咁我無乜野做..咪同佢去左銅鑼灣行下囉..

6點幾就走喇..送佢返工..就到o既時候..

sell嘉亨灣o既其中一個地產經紀..無啦啦向住我地問..

-.-買樓結婚呀@@!!!..都ok恐怖囉..

無理到佢..走人..

(時間..人物..地點..都錯!!!)我唔會咁早..至少都25以上啦下話..到時..都唔會o係哩個人架啦..如果到我要買樓結婚果陣..我諗..唔駛買嘉亨灣咁..屎囉!!

之後我就行返鋪頭喇..等左個妹一陣..

去食野..唔知點解..今日好想食粥..所以去左個有粥食o既地方..

(都ok奇怪囉..夜晚..食粥@@!!!)

食完..返鋪頭睇左陣電視就返屋企喇

行到返去..睇電視..睇電視..繼續睇電視..因為個妹要用電腦..

11點o既時候..o係新電視睇左套動畫[狐忍]

睇完..12點到..有電腦用喇..玩sa..玩玩下

有d肚餓..叮左野燒賣食..正!!!

之後打日記..見到有留言..回左..(諗左陣架..)

打完日記..可能..都係..睇電視啦-.-

(我諗我經過左聖誕節果一個無出街..做乜都無心機o既假期..有一d野..係會有改變..諗法會好唔同..放開啦..又或者..訓醒喇)

尋晚我又係4點半先訓..又係睇電視..

訓到2點..起左一起一身

又訓返..3點鍾再起過-.-

食野..玩左陣sa..又玩下icq咁..有一個o係icq識o既fd..佢同我傾計o既話題..係..呢期o既新聞@@..好彩我有睇報紙o姐..

不過而家好少女仔會睇報紙,新聞架喇..我覺得..所以都ok奇怪..

玩玩下..過左隔離房傾電話..有人介紹左幾首歌俾我..S.H.E.o既[天灰]ok
好聽喎..佢又介紹[我難過]俾我..我知道左好聽好耐喇..

傾左陣..聽下轉左新歌o既mp3機..

聽聽下..又訓左陣..

5點幾..我個妹帶左個fd上黎..

佢畫畫好靚架@@!!!

俾佢地嘈醒左我-.-

6點到..落街..因為要去搵個fd

6點半..o岩o岩好去到..

不過..就發生左d小插曲........

7點幾..返到鋪頭..放完狗..坐左陣就同老豆出去食飯喇..

食完..返鋪頭睇紀曉嵐..好搞笑!!!!

今日無啦啦好想飲椰汁..去左買黎飲-.-8蚊杯

9點幾就返上屋企喇..打爆埋隻GRAGOON

又同阿玲傾左陣..睇下無返果幾日學校生活係點...

之後就打日記喇..果陣12點幾..

打完..我諗都係去返打機掛......今晚又唔知幾點訓喇=.=

(講開又講..諗開又諗..原來我尋日同阿恩出去..佢只不過係我o係icq識o既 第4個女仔@@..)

聽天文台講..呢幾日會轉凍..有睇我日記o既朋友仔..著多件衫喇!!!唔好冷親呀..會好辛苦架!!!(我打哩篇日記o既時候..得10度炸@@)

尋晚我5點半先訓..因為3點幾諗住訓o既時候..睇電視睇到套ok好睇o既戲..咁就睇到5點幾喇-.-

訓到9點幾o既時候醒左一醒..鬥爭左一陣返唔返學..

結果諗諗下..太眼訓..訓返-.-

訓到2點先起身..打左陣機..開電腦..玩陣sa先

打到3點到..老豆打上黎問我係咪o係學校><

我唔可以俾佢知道我無返學><..所以講左自己放3點半

佢話要去上環賣野..咁我唯有同d舅父......喇

上完上環之後..走o既時候..舅父仔講左個好搞笑o既事件俾我地聽

佢話..有一次佢好夜o係上水揸緊車o既時候..

見到隔離線o既遠處有一架車好快咁駛緊黎..

佢就開左部相機..開埋閃光燈..當架車駛過佢..過左一段路o既時候..

佢影相^^!!!!!hehehe..搞到果架車o既司機立刻剎車^____^

因為佢以為警察影快相hehehe..佢講完之後..我地勁笑..

(你地就咁聽可能覺得無乜..不過如果你係有揸車..隻feel會好唔同^^)

返到鋪頭..放低左d野之後..就同d舅父去睇下部黑色車喇.....

去到..聽左d常識..原來架車真係要整@@咁多..

睇完之後..返返鋪頭..等到食飯..

今日又有ok多人食飯喇..

o係食飯之前..我尋日話o係icq..add左我果個女仔打俾我..

佢約我出黎..食糖水-.-

ok丫..我今晚又無乜野做..順便睇下係咪d朋友play野都好呀

食完飯..老豆知道今晚有痳雀打..佢話唔想打..又知我有街去

所以佢就..借左我過(橋)..話同我去睇戲-.-

之後我返左屋企換一換衫..就搭車去銅鑼灣喇

不過..我預d時間好似錯左少少..遲左到添><sorry..ar

8點9到..去到銅鑼灣地帶..搵左2分鐘到..終於分別認到對方..
(我諗..唔係d朋友play野喇..)

個女仔我都未見過..都ok丫^^..佢同佢另一個女仔fd一齊..

(不過我有d唔係好明..佢尋晚識我..傾左半舍鍾icq到..今日就約我出黎喇..見到面之後..仲好似好熟咁喎..都ok熱情啦..)

唔通21世紀識朋友真係咁易@@!!!

同佢and佢個fd搵地方食糖水..搵左陣..都係去返許留山架-.-

行到去..坐低左..佢叫我坐中間-.-

一路食一路傾..都傾左ok多野啦..

食完野..我不嬲同人出街我都會攞紙巾出黎問佢地要唔要架喎..

今日都唔例外丫..但係我做哩個行為o既時候..

佢地話好難得喎..好細心@@..多謝!!!^^

食完再傾多陣先走..緊係我俾錢啦..我唔會吝嗇哩d錢o既..

唉..佢地also係覺得我唔似18歲架-.-..似2幾歲-.-

話我好識諗..好大個..最恐怖o既..係穩重@@

差唔多10點..佢地話夜@@(夜@@)..要走喎..ok..(我第一次同o係icq識o既人出街..就係食糖水-.-)

咁我就搭車返屋企喇..返到去..打機..打到12點幾o既時候..

突然俾我發現左有一首如果．愛..裡面好好聽o既插曲..[外面的世界]

咁我就要錄歌喇..一錄就錄左10首新歌入mp3..裡面得2首係廣東話@@

我全部歌55首裡面有37首係廣東話..其他都係國語@@

今晚一路同傑佬傾電話..一路玩石器..

佢今晚又講左句好黑人憎o既說話喇!!!不過好中point..搞到我ok好唏噓><

1點半到..沖涼..打日記......

(果首..[外面的世界]真係好好聽..所以我用左做日記版音樂..係齊秦唱架..另外仲有一首[外面]..周迅唱..佢地就好似[墨爾本的翡翠]同[不要墨爾本的翡翠]咁......好正!!!)