今朝因為要補課..所以由本身返10點半變到返8點半..

7點起身..返學..我仲以為自己返到去o個陣一定會遲到添..

點知我遲左10分鐘到..去到o個陣miss都未出現..

alice見到我..超超超熱情-.-話好掛住我喎@@

等左半個鍾..miss先到=.=(又係佢自己叫我地早d返補課..自己又遲到..佢
話唔記得教個鬧鐘喎..)

miss未黎之前..我同alice都唔記得左做功課..份功課係做國家名同首都名(當然係英文啦~~~)

我今日先知道..原來我都識得ok多國家..首都名架^^

上呢2堂都無乜野..只係..

係轉堂o個陣..我去左W.C miss 突然問alice..

佢問到底我同alice係唔係情侶=.=

alice答佢:我有男朋友..佢都有女朋友(.............係咩^^”)

我本身都唔知佢有問..係alice o係我返到課室..佢仲要等我飲緊水o個陣

講..搞到我差d噴水!!!

冷靜左一陣..繼續上堂..上完2堂英文..再上2堂英文..

又上完..就食lunch喇..我同alice去左.. delifrince食

lunch完..電腦..好悶..做d野又低能..

alice都無做..訓左..(聽住我部mp3-.-)

又係我做..做完俾佢copy..(見係佢就無所為啦^^ )

上呢2堂電腦堂o個陣..佢俾我睇左d..佢o既野..我睇完..塊面變得勁紅......

上完..上物料..我已經超超超攰喇><

都係乜心機聽..alice就俾左半杯咖啡我飲..好d啦..

我今堂..無乜聽..alice勁o係度問我星座o個d野(我強項^^)
佢見我無聽..好好人地幫我抄埋notes^^

小休o個陣..聽其中一個出左黎做野o既同學講野(佢都ok吹水-.-)

今日miss好好人..知道我地由8點半上到5點半..就早左3個字放

放左學之後..因為我7點半先學車..

所以本身要hea..不過alice就同我去左..吉野家食野..

(我地本身諗住去元氣架..不過因為最大o既問題..所以無去到)

食完..同佢傾計..傾左個幾鍾..佢陪我到7點先走..
(唔知點解..今日同佢傾完計..有一種唔係好開心o既感覺..)

之後我去左學車..今日師傅心情唔係幾好>m<

我同師傅講開上次o個個女仔..師傅話..佢份人原來..好唔掂@@

我今日好俾心機學呀!!!

學完..9點..超級攰><(今日嚴格d黎講..我係由上午8點半至晚上9點@@!!!)

我飯都無食就返屋企喇..返到去..等個妹俾電腦我..

心情都係唔係幾好..想搵人傾計..d人又唔得閒喎><

算啦><..自己一個好大聲咁聽下歌..(仲飲左一技酒..)好左d><

聽左陣..做埋d功課..打日記..又係沖涼..訓覺..

(今日alice勁勁勁同我講..不如新年o個期陪佢同..佢男友加多一個佢o既女仔fd去珠海玩..佢好似好想我去咁?_?)

尋晚我結果都係通左宵..今朝5點幾先訓..

訓到11點..食早餐=.=之後去學車

今日都係練下d手勢啦..無咩出錯

不過同師傅傾開計o個陣..知道佢尋晚1點幾

有個女仔打俾佢..搵佢教車-.-

師傅同我講o個陣..非常激氣@@

佢話咁夜打得俾佢搵佢教車o既..都唔方係好女仔啦

師傅約左佢教o既時間係..我學完之後..

跟住我就同師傅估個女仔會係咩打扮..

我開頭真係唔係幾鍾意呢個師傅..因為佢都ok惡..同嚴

不過學學下..我都接受左佢o既教學方法

而家仲有埋溝通添^^

到我學完o個陣..出於好奇心o既驅使之下..我決定陪師傅等個女仔

順便睇下咩樣都好丫ma..hehe∼∼∼

等左2,3個字..終於見到佢喇(期間師傅都ok火)

我地之前估佢會染髮..帶n隻耳環..會係好潮咁o既..

結果..我地中洒^^我估佢都係20歲樓下..

完全係一個出黎浦o既女仔樣..不過個樣都幾ok架

我同佢對望左一陣..笑左一笑^^

然後我就走喇..又搭電車..不過今日緊係唔會有人放學啦><

返到去..見到d好奇怪o既野..有一架綠色o既的士o係筲箕灣出現

乜唔係新界o個邊先有架咩-.-

之後我返左鋪頭..睇左一粒鍾小說..

就收鋪喇..收左之後..諗住訓一訓..不過..

訓左半個鍾..有個人打俾我..整醒左我

佢係一個少數打黎嘈醒我..而我又唔會鬧佢o既人

同佢傾左陣..都唔想再訓喇..又睇小說

睇到7點到..同老豆去食野..之後返屋企

睇電視..睇下羅文..又睇下叮叮..之後又睇下天使咁啦

跟住又係o個d動作啦..

o係11點o個頭o個陣..我突然間有個諗法..

就係去唔去搵shirley好呢..我o既決定係唔去

結果.....正確∼∼∼

今朝10點幾就醒左 想訓多陣不過訓極都訓唔著

就起左身..開電腦..hea到2點幾..

諗住去訓下..但係又訓唔到喎..

咪睇小說囉..一睇就睇左3個幾鍾@@!!!

睇到6點(我今個星期六o既下午就係咁過左-.-)

落鋪頭..食飯..今日有d生猛o既瀨尿蝦

好正!!! 不過食完之後又要我洗碗= =

跟住無野做..睇電視..睇翡翠歌星賀台慶..

咁就睇到11點喇=.=

之後搵左小璇食宵夜..食沙律..

我呢位姊妹 又識到新(朋友仔)喇 hee∼∼∼

食完野就同佢搭的士送佢返屋企喇

然後自己再搭的士走..

走個陣..個的士婆同我吹水..

佢都真係ok喎..搞到我勁o洒咀囉-.-

返到屋企..睇左陣小說..沖涼..打日記..

今日唔係好想訓..可能會睇電視睇通宵∼∼∼

11點去左學車..

今日師傅帶我行新路(考試o個條路)..我第一次行..都幾雞手鴨腳..

今日..第三次死火..拍位o個陣死..

不過知道左..原來到考o個陣..係有2次機會死火架

學到12點半搭電車返黎o個陣..

經過我以前間小學..而d小朋友岩岩放學..

好得意..好搞笑..好天真..見到d小一小二..諗起自己以前細個..

都ok感觸..o個一刻有一個感覺..唉..原來我不知不覺間已經18歲喇

不知不覺間..讀完五年中學..考完會考..不知不覺讀緊ive..

不知不覺又學緊車喇..

最令我感觸o既係..o係我身邊o既人之中..有一個最熟悉..最親切..最和藹可親o既面孔..

已經永永遠遠咁消失o係我o既生活之中..就好似時光一樣..一去不復返地係我o既生命中悄悄地..遠去..所留下來o既..只是一段一段我一生一世都唔會忘懷o既回憶..
有歡笑..有淚水..有激動..有平靜..有讚美..有批評..有痛苦..有快樂..有很多很多o既感覺..

自從她離開o既一刻開始..我將會永遠永遠都不能夠從她身上感受得到..而呢一d感覺..由o個一日開始已經成為我最珍貴..最痛惜的珍寶..我諗..o係我呢一生中..將不會再有任何一樣東西..任何一個人能夠取代他們...><

我記得我o係不久之前對她說過..我一定會考到車牌..而您..將會係第一個坐我車o既人..我會車您去您想去o既地方..而她亦都好期望有咁o既一日..但係..而家..已經永遠永遠都做唔到呢o個承諾..

我亦都記得..我答應過您要好好讀書...就算您走左..我都唔會俾您失望..唔會俾您見到我失敗..我要做一個令您自豪o既兒子..

但係好對唔住..我o既會考變到咁o既成績..我對不起您..我令到您失望..但係我真係已經努力過..有付出過..

縱使我現在所讀的未必能達到您的期望..不過我一定會努力..唔會再要您擔心..唔會再要您失望..我唔會再係令您失望o既兒子..我要成為一個令你自豪o既兒子..................

自從您離開了之後..每當我o係街上..車上看到一些母親與兒子的溫馨場面..我的心就好像被刀割一樣..很痛..真的很痛..

最後我想講多句..媽咪..我真係好掛住您呀..您可唔可以再返黎呀..可唔可以再好似以前咁關心我..支持我呀..有陣時..我真係好辛苦呀..如果您o係度就好喇..至少..我知道您一定唔會俾我唔開心..您一定係真心真意咁對待我..

不過..我知道咁係無可能o既事..但係..情你放心..我已經唔再係以前o個個李兆棠..我已經改變左..至少..我會樣樣事都做到..無悔..><

我同大家講一樣野丫(可能你地會聽過好多次..不過..)我衷心咁希望..有睇我日記o既朋友..你地真係要珍惜身邊o既人呀!!!

親人..唔好開口埋口就嘈..就鬧..

朋友..唔好係唔係就唔同邊個邊個講野..絕交呀咁..

愛侶..雖知道一對男女要成為情侶..一定唔係一朝一朝o既事..有陣時..可能對方會做左一d令自己受傷o既事..不過..既然o係得埋一齊..就要忍耐..緣份..並唔係時時出現架..

有一d人..到真係失去左..先黎後悔無珍惜過..呢一種感覺一d都唔好受..而且..仲可能會令你一生都後悔..由其係父母..兄弟姊妹..一d唔會害自己o既人..到佢地走左先後悔..你地一定會覺得太遲..太遲......

(唔好意思呀..因為我打到電車中的回憶o個陣..令我諗返好多野..我就愈打愈多..愈打愈傷感><)以前生活o既回憶..一點一滴咁o係我o既腦海中重複又重複咁播放著..令到我不繼咁打><

而家繼續日記..搭電車返到鋪頭之後..叫左野食

食完..睇左陣小說..就走左去訓喇..一訓訓到5點半..

hea左陣..收鋪..放狗..由放狗到食飯..老豆都一直o係度訓示個妹

因為佢學業出左問題..佢地傾左好耐..之後去食飯

食完飯..行返屋企..順便打俾傑佬諗住吹下水..點知佢唔知係認真定玩野..講埋d令到我都好唔知點咁o既野..唉

返到去..個妹用電腦..我去左打機..

11點到..到我用電腦..之後同小璇o係icq傾左陣..

到佢offline之前..問左我一個問題..點解我咁鍾意(最佳位置)呢首歌..我都唔知點答佢好..我鍾意..係因為d歌詞..好正!!

好好feel..(同我熟o既fd會知點解我會覺得d歌詞岩feel..正)

不過..算啦............打完.......................

9點半返到學校..無野做..

hes到9點9..上圖書館諗住睇下撞唔撞到alice..點知佢真係係度

2個人o係度溫書..因為今日物料要小測

我發覺..佢係一個好重視自己d成績..學業o既人..

因為一個小小o既小測..佢都好認真咁對待

溫到10點半..落去上英文堂..

今日除左好眼訓..都無咩特別-.-俾我發現左一樣野..

咁我地班有35個人..5個係女..咁英文考試要2個2個咁考加ma..

o個4個女仔分左2組..而我就同alice一組..咁搞到有一個男仔無組..佢要搵
人幫佢考..同埋咁樣會變左全班得一組係一男一女..仲要係班長喎^^

2個鍾過去..lunch喇~~~

去左吉野加^^..好好味呀!!!

邊住上左2堂中文堂..

本身alice想走堂架..因為佢想溫小測..不過佢俾我o既大道理講到去返上堂

但係雖然佢有上堂..不過都係溫書多過聽書=.=(notes都要我幫佢寫)

今日中文堂好正..因為有中文o個d文字遊戲玩^^

2個鍾又過左喇~~~

轉堂o個陣..我去入水順便陪alice去W.C.

佢出黎o個度..突然個肚好痛..係痛到企唔到o個隻..

咁我咪扶住佢行囉..行到返課室門口..d人見到我地拖住手..

o係度..哇!!!!..又問我地搞咩黎=.=有d唔知點咁囉..

當堂物料堂o個度..小測..死左><

好搞笑..miss測之前調左d位..因為唔想有2個人一齊坐..

不過就無調我同alice..可能我地坐最前..對住miss啦..

又或者我地係班長..miss覺得我地唔會出貓掛..

不過......佢係錯架..有陣時..班長都唔係咁守規則架炸^^

考完..上堂..可能坐左o係最前..所以好專心..吸收得好好!!!

2個鍾又過去喇..放學..同alice行過delifrince..見到佢望左個餐牌好耐..
咁最後都係入左去食tea架^^

好正!!!日日食delifrince..好似好有咁..

吹左陣水..送佢走..等車o個陣..我個銀包俾佢..

之後我就搭車返鋪頭喇..如果唔係老豆叫返去食飯..

我其實係會同alice去元氣食架=.=

返到去..食飯(老豆因為妹d問題..心情極差..)

放完狗返左鋪頭..睇小說..睇左個半鍾

9點半..返屋企..hea左陣

小璇o係icq chat我..就同佢吹左一陣水喇~~~
(佢都好得喎..今日佢無野做諗左樣好正o既野-.-)

之後都係做返果d野.......打完

今朝alice約左我早半個鍾(8點鍾)返去..

因為要練8點半個普通話考試..

不過..我就遲左15分鐘..sorry><

同佢極速咁練左幾次之後..就上去考喇..

我地係第2組考..都ok啦..我就無問題喇..

我地考完之後..由於係班長..所以要留低..幫老師手..

叫下人入去考呀..叫下人唔好嘈呀..講下d考試程序呀咁啦..

不過其實都唔係好多野做o姐..我地都係行行企企..吹下水咁^^

其間..alice俾人串親..就勁o係度鬧@@

好喇..考左2個鍾..考完喇..

之後係測量堂..今日超攰..我真係病左-.-

所以上堂都無乜心機..又好眼訓><

而家諗諗下..都唔記得阿sir今日講左d乜><><

12點落堂..早左半個鍾..

今日同alice地又係去左delifrince食^^

好正!!!不過又係o個句..好貴=.=

孖仔佢地都仲係未識o係delifrince食野..(好鄉下仔feel-.-)

食完..買左個班locker鎖..返學校..hea左陣..

alice話個鎖15蚊..都要叫人夾返架..結果係每人俾返5毫俾我地=.=

1點半..上英文堂..今日教考試d野..又係搵多個人組一組..

考2人對話(接線生o個d)咁我自然..我同alice都唔駛搵人喇~~~

今日miss仲要叫我地圍喧..面對面..好多人望住咁做對話..

佢話要俾我地feel下壓力喎-.-

我同alice都無問題..練開架ma(miss仲讚我地好..請我地食糖^^)

alice又俾人串親..都唔係串呀..係俾人..唔識講=.=

總之條友講左d好難入耳啦..!!!

上完2堂之後..落堂..放學..

送alice去搭巴士o個陣..佢又問左我d唔知點答o既問題..

送完佢..走人..(我約左佢聽朝食早餐..佢約左我放學去游水..)

之後我就等車返鋪頭喇..等左好耐好耐><

返到鋪頭..超攰..(sorry ar..我唔係唔想幫你打個電話架..只不過我真係
太攰..到最後我都有打呀..希望你見諒啦)

睇左陣小說 就去訓左陣..直到食飯..

今日老豆心情好差..因為我個妹o係學業上出左問題..

放完狗..hea多陣..就走喇~~~

返到home..打左陣機..用電腦..同人吹下水咁..

打完日記..訓了...好攰...好攰(我話洒都係一個病人黎架喎..)

尋日o個篇日記去左新日記網呀..不過..今日又返返黎喇~~~

今朝10點幾起左身本來諗住落鋪頭(因為今朝家姐放假..family day喎)

不過都係hea到11點9先出去^^

落到去 等左家姐落黎 之後再等妹..

等左好耐好耐..成個鍾=.=

到左2點到..去食野喇~~~

食到3點..之後過左去深水踄--鴨寮街...

行左陣之後再行西九龍...又行..行洒全部..(食左野好飽o既雪糕)

今日好勁呀!!!行左咁多地方..都無買過野呀-.-

見到而家o既市道...乜好好咩=.=

發現左好多(新野)..太耐無同family行過街..

感覺好好..至少買下野食都唔駛自己俾hehe∼∼

行到7點幾..返去喇..返到西灣河o個頭食飯..

今日好奇怪..我飲左一杯仔..就有d好醉o既feel喇><

食完走o個陣..仲勁語無論次添@@

好彩無fd o係度o姐..

之後行返鋪頭..hea左陣

突然想睇武俠小說..就搵返d金庸出黎喇~~~

9點幾..返屋企..之後研究左個新日記網一陣..

12點到..見到小璇online..

同佢傾計..傾到點半..(又講下第時有車牌之後點啦)..好鬼想遊車河呀..
點解我唔一18歲就考呢..等左成半年先考-.-

傾完我..去沖涼..訓架喇~~~

係呀!!我今日終於都搵到首..我搵左好耐o既歌喇∼∼∼

今日11點去左學車..

好ok喎..同個師傅吹左好耐水..

一路揸一路吹..仲講埋d好岩佢口味o既野添喎..

12點半..學完..本身shirley話11點幾打俾我..

點知無..(我地約左今日去黃大仙..)我睇死佢都係唔知醒架喇

當我由灣仔搭車返到筲箕灣o個陣..1點到

佢終於知醒起身喇-.-..咁佢話要等佢(準備)出門口..

我就返左鋪頭等喇~~~因為太肚餓..咪買左d野食囉=.=
(我本來諗住佢會11點到打俾我..然後咪同佢去食d野囉..點知..)

我等左好耐..因為太餓..等唔到先買野食架=.=

到左2點3..得喇..咁我咪去柴灣同佢一齊搭巴士去囉..

點知..原來搭巴士係錯架><搭左好耐好耐都未到(由3點搭到4點半)

去到左黃大仙廟..當我地買左野之後..除左點香..就乜都唔識做

咁咪問人囉..之後就求籤喇∼∼∼

求完..去搵人解籤..點知搵左個..=.=

搞到我好鬼內疚..小璇一心諗住黎求籤..但係因為我選錯人解..搞到..唉!!唔識講呀..總之唔係幾好啦><

算啦..下次求先再搵個個好d架啦..

當我地搭地鐵返去o個陣..見到個好大陸o既大陸人(佢一入到車廂就坐左o係地下..)

呢條友..佢仲用d好揋押o既眼神望住小璇..

咁我同得我o個咁(得)o既姊妹出街..見到咁o既情況..唔做返d野點得呀!!!

咁我就決定左..走位^^

之後搭車整體黎講都(商)安無事o既..除左..遲左一個站轉車同轉車o個陣差d上錯車之外(好似係直情上左車..不過出得切黎=.=)

可能大家都唔係咁(精神)掛..

返到西灣河..都6點3喇..

同佢好快咁食完個dinner-.-之後..送左佢返part time就自己走喇

咁我聽到佢話今晚自己一個人放..好驚喎..咁我咪o係鋪頭等埋佢放囉..鬼叫我今日做錯野咩><

o係鋪頭等到10點幾(睇左陣哈利波特)..去搵佢喇..

去到..約埋阿雞..一齊食宵夜-.-

吹左好耐水..之後就走喇~~~

我就送小璇返屋企啦(又係的士=.=)

然後再返屋企(都係的士=.=)o個陣點幾

搭返去o個陣..同的士佬傾左陣計(對我第時揸車都ok有幫助架^^)

返到去..諗住hea到2點半睇波..

但係小璇打俾我..問左我一個都ok難答o既問題..答唔到><

然後評論與分析下佢養唔養狗好

跟住再傾多陣(我又講我o既故事喇^^)

到左2點半..諗住開電視睇波..點知開o個陣個電視俾左d好嚇人o既反應我..

都係唔睇喇>m<..入返房..見到電視做緊射雕英雄傳

咪睇囉..一路睇一路打日記..睇到4點幾..打埋日記..訓

今朝本身諗住10點先起身架(因為11點學車)

但係點知..9點幾o個陣..師傅突然打黎..話我點解未到@@

我明明記得自己約11點學..佢就話我約左9點半=.=

我都費是同佢嘈..咪起身出去囉

去到..佢仲要勁話我明明約左9點半..而家要佢白等..

我真係o洒咀囉..不過算啦..學車要緊!!!

我本身諗住聽日約9點半加ma..不過佢又好串咀咁話

費是你又記錯喇..都係約11點啦..頂

不過我忍..我學車..考牌緊要好多..哩d小事..唔理喇

佢只不過係一個教我車好等我合格o既人..我無須要同佢嘈哩d小事

學完之後返鋪頭..(鋪頭今日有d生意..)老豆心情好d

因為無食到早餐..所以好肚餓><

又唔知食乜喎..諗左半個鍾..都係M記-.-

食完無幾耐..我諗起要入數..報會考o個d錢(今日最後)

但係我張入數紙又係學校喎..咪要返去拎囉..

我本來以為自己一個人搞..點知老豆又俾左其他任務我喎..
(上會計師樓同賣野..)

好彩有車坐o姐..唔駛搭地鐵巴士..

我地一開始第一站就係我學校..之後係會樓..之後..賣野

不過由於我入數o個陣要排大隊..所以佢地做埋之後o個2樣野

佢地搞掂之後再搵返我..

不過我得左好耐佢地都未得..咁我咪行下..又返學校坐下咁囉

坐坐下..想打俾小璇o個陣..發現自己個電話因為唔記得交電話費..俾人cut
左><

所以我就好悶喇..悶左一陣..小璇打俾我(好開心><)同佢講左幾句
又悶過><

之後等左一段時間..佢地黎接返我喇

然後我地去左北角..要換車同交電話費

搞掂之後..返鋪頭..hea左陣..收鋪..食飯

放狗..放完..返屋企~~~(老豆心情都無乜點丫..)

返到去..無得用電腦(妹用..)

咁去左打機..打到11點..用電腦..

(見到d好嚇人o既野@@!!!到底咩事呀..我好驚呀!!!)

之後沖涼..打日記..見到姊妹個留言..好感動..

原來我個好姊妹係咁support我架∼∼∼

回原留言之後..唔想咁早訓..不過好眼訓><

今日我又發現左原來劉若英首<<後來>>好好聽架(不過唔係新架喎)