尋晚4點先訓..不過..

今朝11點幾就俾老豆打黎嘈醒左= =

佢叫我今日早d落左喎..唔好等到食飯先落..

都唔知點解..= =我靜係知俾人嘈醒好痛苦><

之後我再訓多半個鍾..就落去喇..

落到去我先知道..原來今日要做節..

等齊人..食飯..好好送^^

食完..我就開始hea喇..因為今日係中秋節(我知道通常節日生意都會差d架)
今日都係一樣

所以我都無乜野好做..咁我係好無野做o既情況之下..

睇左電視做o個套正將(雖然我知道重播過n次..不過我係未睇過架)

睇完之後都差唔多3點喇..我地鋪頭如果係星期日開鋪

本身係收4點架 不過老豆話今日係中秋 收早d

咁咪o係3點收囉..收鋪o個陣..

我見到我老豆無啦啦飲緊灌卑酒(佢不嬲都係食飯之類o個d時間先飲架..)咁
我咪問佢做乜無啦啦飲囉..

佢o既答案好鬼正..佢話---因為口渴-.-

咁我見到仲有一罐..就飲埋佢喇^^

我都好少可日光日白無啦啦飲卑酒架..(可能我又口渴啦)

飲完..見到老豆走左去訓覺..我又無野做..

就決定訓一訓先..(不過好鬼慘..我今日訓覺..多次o係就訓著個一刻俾人整
醒..><)

訓訓下..小璇打黎..(佢發生左d好驚險o既野..-.-)

同佢傾左陣..繼續訓

之後我o係好痛苦o既環境之下訓左個幾鍾..

到6點到..老豆話佢有牌打..

咁我今日又有一場波睇..(7點開波----大戰)

我就決定返屋企先喇..(同左佢地講..食飯先叫我)

返到去..等到開波..傑佬今日都有上黎睇

好正o既一場波..雖然無波入..不過我都覺得好好睇^^
(利物浦主場對曼聯..踢成0:0)

睇完場波之後佢地就打黎喇..落左去食飯(o個陣9點幾)

食飯o個陣..有人想考我牌..(佢勁倒酒俾我..想整醉我..如果俾著以前..我一早就玩完..不過..今時唔同往日喇!!!)

食完飯之後..見食得太多..咪諗住行返屆企囉

不過佢地一個二個都以為我去搵...-.-

返到屋企之後..覺得太早喇..無野做..

就決定好白痴咁自己一個..搭巴士去海邊吹下風咁＝＝

搭左半個鍾．．到喇．．係海邊行左個幾鍾．．

又好白痴咁自己一個搭巴士返屋企．．

不過我覺得雖然好白痴．．但係夜晚ｏ係海邊吹海風隻ｆｅｅｌ好正．．如果第時有機會．．我希望可以自己車．．自己ｏ既ｇｄ做呢樣野~~~（我好希望咁做．．因為隻ｆｅｅｌ真係好正．．如果我而家有車〔牌〕就好喇．．．＞＜）

搭車返到屋企之後．．沖涼．．睇日記．．打日記．．訓

今日我繼續係7點鍾起身架..

食左個腸仔包..就返學喇

當我搭巴士去到sogo o個頭o個陣..

alice 打電話俾我...話佢係金鍾..

仲約我一陣o係灣仔MTR個ok等..(大家需知道..由我架巴士落車   o既地方行
到去MTR係有成3,4個街口架-.-)

不過..都要行架..到左之後.佢見到我身水身汗

有d唔好意思..(不過算啦^^)

今日頭2堂普通話..上堂之前

本來我o係同佢一齊坐架(諗住)

但係..有條友走黎叫我起身俾佢坐..(我好無奈= =)

不過當alice返黎之後..個條友就俾人鬧喇^^
(你做乜坐呢度呀!!!你坐左呢度..我咪同唔到阿財坐囉..你又唔識普通話..點教我呀..走呀!!!)

最後 佢都係無走到..alice話 佢唔走 我地走..

咁我地就走左去第2度坐喇^^

上完2堂之後..英文堂..

因為今日要默書..不過老師又未到..咁alice就話同我鬥快默喇

我又接受挑戰..不過今次..我lose左(錯左一個字><)

正式默完之後..佢錯左一個字..唔開心><

miss叫我地交換黎對..咁其中一個女仔o個張呢..

就去左阿Nic度(變態佬)咁當Nic交張野俾佢o個陣
個女仔驚到..喊><

上上下英文堂o個陣..alice話好唔舒服..

我都唔知點算..佢又無藥 我見到佢咁..好唔開心

又擔心佢..又唔知點喎..><咪惟有不停安慰佢囉

搞到我都緊張埋..><不過好采佢最後無事o姐^^

上完英文堂就lunch喇(有對孖仔好煩..)

本身alice諗住同我行下..然後買野返去食加ma

不過對孖仔又跟住黎..alice勁想飛開佢地..不過失敗

返到去之後見到o個3個女仔 咪坐埋一齊食囉..

alice未開始食..就俾左一大野麵我= =..佢又買左野通菜..

不過好似靜係我地2個食咁 因為位置問題..
(我見到其他人d眼神..feel到佢地諗緊乜...)

食完之後見到有人o係度整d測體能o個d野

咁alice咪去試下囉..(我就唔試喇..咁o既身形-.-_

試完 佢好急不及待咁同我講個結果..不過當o個對孖仔想睇

佢就點都唔俾佢地睇(唔知點解呢= =)

行上去4樓o個陣 佢行到好勀..咁就借左我一邊行喇..

返到課室..上(建築物料及科技)堂(班主任教)

不過佢未上堂之前..就問左有無人想做班長..先= =

..最後佢都係選左我同alice做架= =(我都估到架喇-.-)

不過 算啦..(都叫做唔係同其他人合作丫^^)

上完呢堂之後..雖然覺得有d悶..

不過我亦覺得 呢科算係最接近建築學架喇-.-

上完2堂..放學∼∼∼

出到門口之後..alice勁醒咁飛開左孖仔..

咁我就同佢去行下d商場喇..(佢o既性格真係好似佢o既星座^^)

行完..佢話見我陪左佢咁耐..請我食野喎(不過係M記)

食完..就同佢o係M記傾計喇.. (傾左個幾鍾^^傾左好多野呀)

傾傾下..講到溫書..佢就話以後日日放左學都去圖書館溫書..

問我得唔得閒喎..咁我話去囉(留意..以前要我去圖書館溫書真係難過登天..不過..可能而家重視左d成績啦^^又有人陪)

之後我送埋佢搭車就走喇..(佢上車o個陣..)

因為佢係最後上車..咁佢就好大膽地..唔俾個司機關門開車..企o係車門度好大聲咁同已經行左好遠o既我講...............hehe

送完佢走之後..我就搭巴士返鋪頭喇~~~

返到去..hea到去食飯(因為知道左用左5百幾蚊電話費..好驚>m<)

今晚做節好多送..我地仲叫到之前同老豆鬧翻左o既一個人落黎食

好奇怪佢會落黎..(不過都希望佢同老豆無事o既)

放狗o個陣..我同老豆講用爆左..佢好奇怪地無鬧我..@@

放完 同家姐出去買左野西瓜汁..飲完就行返屋企喇

返到去..打左陣機..沖完涼..用電腦..訓覺~~~

好正..聽日唔洗返..不過..就見唔到...喇

可能我今日個日記會有d悶 大家唔睇都無所為 不過呢一篇野..未睇過就一定要睇喇

好鬼正(我係o係人地個msn分享空間攞過黎架)大家慢慢睇啦 可能要用d想像力架

今日又變左返8點半..所以我要7點起身><

不過我早訓左 都無乜問題o既

食埋尋朝o個半個月餅做早餐^^

返到去學校門口o個陣．．見到alice 咪同佢一齊行囉^^

今日第一堂中文堂 其實係普通話堂**

咁對於我黎講 普通話當然完全無問題啦

但係..全班就有超多人因為聽唔明..(zzzzzz)

我隔離o個個alice都係唔多明 要我做一做翻譯咁啦

上完2堂普通話之後 上測量堂..好似好勁咁(個名)

教o個個阿sir 我本身以為佢好惡(個樣o既問題..)

點知佢非常搞笑!!!(好鬼正)

又上完2堂之後..就係lunch喇∼∼∼

今日..得我同alice兩個人食o姐

我地好快咁食完..佢話想飲西(油)汁..咁我咪又買番野試下囉..

唔知點解..佢話好好飲 我就覺得..好酸..><

飲完 仲有好多時間 就行左去..

春田花花幼稚園喎(其實係一間精品店..但係好似話o個個位o係套野出現過架喎)

行到去 發現無開到..咁佢就走左去隔離睇貓喇..

睇完之後 我同佢都收到中 文老師打黎

話聽日要掉堂喎..叫我地話俾班d人知= =
(我覺得我同佢好似不知不覺做左班長咁-.-)

之後我地又發現..仲有半粒鍾= =

咁就上圖書館睇下野 然後借左隻大家都唔識玩o既game玩

結果自己研究個玩法(好搞笑!!)

lunch之後係2堂英文..o係上堂之前

俾我知道左原來我地班有個變態佬>m<

咁我班係有4個女仔加ma 上英文堂又係3,4個一組咁上

咁不嬲alice都係同我一組加多2個男仔

而o個3個女仔就自己一組咁啦..但係今日上堂前

佢地3個走黎同我地講可唔可以同佢地掉位..???

佢地話因為有個男仔上一堂o個陣勁望佢地喎(佢地好鬼驚..)
(o個個男仔就係我話好囂張..洒自己有錢o個個)

咁alice就話掉俾佢地啦..(佢地叫alice都要小心d???)

上堂o個陣 我發現左 原來真係架= =

好得人驚(佢望個樣好鬼賤架@@)

因為掉左坐o既關係 佢唔多望到o個3個 咁佢就..

轉左望alice喇..咁可能因為我留意緊佢..

咪同佢有眼神接觸囉(我頂佢個肺..)

當佢見到我望到佢o個陣 佢兇我= =(我頂@#$%)

其實我好想同佢講..好心你咪鬼以為自己好有米啦..

講真如果我要同你鬥..我靜係隻鑽石耳環都貴過你全身d野啦

不過我無咁做 因為好幼稚^^

到落堂o個陣..alice仲要同我講:唔知係咪因為你o係度呢 所以我feel到佢唔多敢望我喎= = 我無野講-.-

跟住去左上通識堂---勁行都行唔到去個班房-.-(因為唔識行)
(不過我終於都知道咩叫通識喇!!!)

話就話分組議論o姐..其實咪又係得我同alice講(我地組有7個人..不過得2個人做野= =)

到左落堂..因為我地知道d人唔多滿意掉堂..(因為會有2堂空堂)

咁我咪同alice落去搵班主任囉..(因為佢可以將空堂變佢o既堂)

唉..不出我所料..miss見到得我地問佢呢d野..

就狂叫我地做班長= =

搞掂左之後..我就同佢走喇..

走o個陣..我地講起測量堂阿sir話要分組..
(3個人一組..每組唔可以有多過2個女仔)

alice o係一開始就同我講左唔想2女1男

但係走o個陣 有2條友勁同佢講:不如你搵多個女仔..我地分2組丫
本身alice都唔想理佢地架喇 但係佢地勁講..

咁alice就同佢地講..如果我組左你地 咪無得同阿財一組囉..

咁o個2條友就ok無引咁唔再講喇

alice再同我講:我地都有2個人..要搵多個都唔係好難o姐

我話哦..到時先算啦@@!!!

出到學校門口 o個2個人都仲跟住喎..

咁我同alice就有意無意之下飛開左佢地..(因為我地有野傾^^”)

落到MTR分開左行之後 我就自己返鋪頭喇

hea到食飯..今日終於都出去食喇..

食完 自己走 返到屋企

都係睇下人地d msn分享空間咁啦

之後就打日記喇(打左好耐= =)

打完..訓

今日10點半先上堂 所以我成9點先起身

唔知係咪尋晚早左訓  起身隻feel好正!!!

食左半個美心月餅..好好味..就返學喇

返到去之後..見到個班房得2個人= =(o個陣10點3)

入到課室..alice一見到我 又唔知點解..好興奮-.-

佢又問我點解唔聽佢電話..(我都唔知佢打過俾我= =)

佢話好悶喎..所以打俾我想叫我早d返(哦~~~)

佢叫我坐佢隔離..咪坐囉(本身我仲擔心緊唔知坐邊^^)

上堂o個陣..我見到 alice寫o個d筆記好靚架..

用左5顏6色o既筆抄..

2個鍾之後 放lunch o係放之前 我地同班主任吹左幾句..

班主任問alice做唔做班長..但係佢話= =(如果阿財做..我就做)
-.-我本身係好唔想做架-.-因為之前已經做左3年學生長= =

我同佢同埋2個fd去左吉野家食(超多人)要等位- -

食完之後 仲有半個鍾..不過我地都返去喇

返去hea 好過o係街hea丫ma

返到去 上英文堂 本來以為一定好悶啦 原來都唔係喎^^

抄筆記o個陣 我同alice講 話佢o個d好靚..

之後 佢就好好人地 幫我修飾左少少我份筆記^^

上完2堂之後 到電腦堂喇..(我本來以為好開心架..點知..悶到死)

其實都唔可以話悶 只不過係個阿sir講o個d我知道洒好耐= =

總之佢就講電腦內部o個d野啦 (我成部電腦都切到出黎啦~~~)

佢上左一個鍾之後就無野講喇= =(仲有一個鍾先放學)

好悶好悶 悶左一陣之後 alice叫我同佢鬥快打字(亨亨!!)

我接受挑戰..結果當然係我win啦^^

鬥完之後 大家都發現 個(九)字唔識打

咁2個人就o係度狂試 結果又係我試到..係 大弓1

搞左一陣之後 都差唔多放學喇∼∼∼

放左學之後．．我又同佢好衰地．．

跟係一個成日認叻ｏ既人後面　講佢是非＾＾”

不過好２條友講ｄ野勁搞笑∼∼∼

到在ＭＴＲ之後就同佢分開行喇

自己返到鋪頭後　ｏ係度ｈｅａ到收鋪．．

食飯　洗碗　行返屋企

今日俾我發現左　原來．．洗碗都係運動ｏ既一種-.-

因為..我洗碗洗到身水身汗= =

返到屋企之後 都係做o個d野啦 到左10點半 打完日記

訓∼∼∼∼∼∼（今日好ｈａｐｐｙ呀　識左個ｆｄ＾＾）

今朝9點起身 睇左陣電視

跟住走左去down歌(down番小春d歌)

無幾耐傑佬打黎..話去唱k= =

不過我老豆今日放假..都唔知點好..

咁咪諗住 同老豆食左早餐先算啦

之後拉埋傑佬去食^^

食完..老豆話要返屋企整野..

咁咪返囉 整整下 佢去左買野 話我唔洗跟埋去喎

我就同傑佬出去喇

2個人去左Neway唱..

一唱就唱左幾粒鍾喇(我本身以為要去飲 我先走炸)

如果唔係 仲唱得耐d呀~~~

今日好正 唱左好多歌 發洩左好多情緒..
(不過唔知點解 今日唱極都仲有氣..好勁呀)

當我地走左之後 我先發現原來今晚飲酒無我份..
之後∼∼∼

首先係去左d舅父度諗住..咩啦..不過都係無出到聲-.-
(見到嘉嘉 佢超搞笑^^ 嘉嘉係我一個好細o既表妹)

然後就惟有同傑佬去ok食野喇..今日好窮= =

食完 唔想咁早返屋企(因為會好悶..)

就想住同傑佬由炮台山行返屋企啦..

點知佢行行下 因為一d事唔可以繼續行

咁就惟有o係太古搭車走啦-.-(我本身想繼續自己行架..不過佢話唔好喎><唔知點解 佢覺得我唔開心= =)

我只不過係唔想返屋企o姐 唔係唔開心喎

之後同佢搭車返左home..如我所料..

真係好悶><><><

咁咪去人地d留言板行下　睇下日記咁囉

ｈｅａ　ｈｅａ下　真係悶得好緊要　咪諗住打俾ｄ　ｆｄ傾下計囉

打左俾一個．．佢平時一到夜晚就唔開電話．．ｏ既ｆｄ

今次打俾佢　奇怪地　通左．．不過我就好驚咁收左線（係咪好低能＞＜）（我本身係有好多野想同佢傾架．．不過算啦＞ｍ＜）

我都知佢夜晚唔傾得架喇　不過諗住博下ｏ姐＾＾”

唉．．聽日終於都正式開學喇．．

都有少少緊張架　話洒無乜人識喎∼∼學校又好唔同

本身我聽日係要６點半起身架　但係我一ｄ都唔想訓＝　＝

今日成12點先起身..因為今朝5點幾先訓

食完(早)餐就上網睇人地msn d分享空間

有d好得意 有d好靚 有d好感動..

我勁睇 睇到2點幾成3點~~~

隻眼有d勀 就去左訓喇..

本身諗住訓個幾鍾去攞野俾人..

點知一野就訓到5點幾..攞唔到俾佢添(sorry ar)

又再hea左陣 之前唔覺 原來方力申首(我們不是朋友)好好聽架

不過我勁搵都搵唔到佢做日記o既音樂= =

然後又俾我發現左Esmon首浮誇同 古巨基首天才與白痴都好正

到左6點半到 落鋪頭喇~~~

落到去 見到老豆傾緊電話 咁我咪聽住mp3

等佢一齊去食野囉 等等下 家姐打黎叫同埋佢一齊食

咁咪又等多陣囉..到左8點幾

行喇 行到去搭電車..

唔知點解 突然又俾老豆鬧= =

我都唔記得講左d乜喇(好似同尋日有關)

講講下 佢又話我今日得閒又唔落去幫手= =

咁我番左成個星期學 尋晚又夜訓 唔勀架咩><

一路唔多好掂咁行到去同家姐會合..

跟住我實在忍唔住 咪爆左句粗囉(但唔係話人 自己爆o姐)

咁老豆就勁火 不過好在有家姐幫下口

最後講講下 好似無事咁啦= =

佢主要都係唔滿意我唔落多d鋪頭o姐

食完 行路走 行行下3個人入在投注站..

每人(簡)幾個字咁買在張六合彩(如果中就好喇^^)

行到番屋企 當我一見到個msn轉左新板之後..

我發現左  我d圖圖唔見洒 好傷心><
     
之後等到開波 就去左睇波喇~~~

見半場咪入去玩下電腦囉

跟住見到我表妹send左個佢去camp同人影o個d相o既網俾我

(見到有幾個女仔好靚＾＾”)又同佢吹左陣

出去睇埋場波 就諗住訓喇∼∼∼