今日係o個個英文班o係開學前o既最後一日喇..

所以早左少少起身

今日又分別用左2個唔同o既老師教..

上完朝早堂---放lunch

今日我地為左唔好有咁多時間(靜)

就突登去左個遠d o既地方食..不過結果都係無變><

但係今日我地無行到商場..而係走左去機鋪
(但係我無打,一來媽咪o個陣唔鍾意,二來自己都無乜興趣)

睇左人一陣 番學了..換左第2個老師 一直去到放學

唔知點解 好奇怪..我以前上英文堂基本上係一定訓架

但係呢幾堂 除左o個一堂gammer之外 其他都無乜點訓wor(可能我對英文有左興趣＾＾)

到放學　我見到ａｌｉｃｅ係咁ｏ係度問人知唔知銅鑼灣

地鐵站點去．．但係根據我所知　我地班無乜人住ｏ係東區個面架

咁我咪決定帶佢去囉（反正我又好鬼得閒＾＾”）

一路行一路吹下水咁啦（唔講唔知原來佢ｄ成績都ｏｋ勁架）

一路行．．佢一路ｏ係度話我好人　帶佢行= =

到左之後　佢又同我講唔該-.-（呢d野無所為啦　大家同學ｍａ）

然後我就要去左柴灣等小瑽喇..(陪下佢咁啦^^)

之後同佢一齊o係M記買左野食..再走左去大快活食-.-

食完 同佢番左去 我就走喇~~~

到食飯..老豆又用左o個個方法整飯..

好正^^ 不過= = 唔夠飽><

無計啦 咪打俾傑佬諗住同佢出去食下野咁囉

打左2次..無人聽 我惟有自己番屋企..

不過番到去無幾耐 佢就打番俾我喇..

我咪去搵佢同佢一齊食野囉 咁岩佢又話未食..而我又未俾生日禮物佢..咁就..請佢食餐飯la)

我地去左我有一個fd係o個度做o既餐廳食

都ok好食啦 不過就...........2個人食左26x

坐下 吹下水咁 搞到11點幾(人地收鋪 我地先走^^)

之後無乜野做咁(o係傾計o既時候又諗左d唔開心野)

我咪諗住不如去唱k啦 我請

然後2個人去左銅鑼灣green box

不過都係因為太貴..諗諗下 決定唔唱

咁2個咪傻下傻下咁行銅鑼灣囉

行行下 見有d勀 就去左許留山坐下 食左d野

然後又再買左2串(燒買)食..食完 又去左7仔..

佢買左2技唔知咩 而我就買左2技藍妹飲(總之都係有酒精o既野)

飲完 出到去 見到d泥x的士好低能咁俾警察捉到= =

之後我地hea hea下就去左等巴士番屋企喇..(有人飲醉又唔認..)

不過 當我地等等下巴士o個陣 唔知點解..

俾警察查身份證= = ><(我第2次炸><)

仲要查到我地走左班車wor..又要等過--

到呢一刻 終於有人認醉喇^^”

之後好痛苦咁等到車 上車之後(勁語無倫次係街講野)

2個又眼訓..又要o係度語無倫次= =

搭到番屋企留下個站之後 各自回家..

我一路係度hea hea hea到而家先打日記..(打完績訓><)

好勀呀><><><><><(因為太勀 唔知會唔會打錯字架)

好勀好勀 好唔想起身= =

不過都係要起..番學..上堂(好奇怪..我今日唔知點解..帶左把遮出街= =)

今朝好悶好悶 悶要真係頂唔順..

勁訓(不過都唔係得我一個訓架..o姐係唔係個人問題啦)

到左lunch 同2個fd去食左碗雲吞麵-.-

食完 見仲有好多時間 咪行下188囉

番去喇 我本身以為又要悶多一個下午

但係點知原本教o個個老師有野做 搵左第2個教

可能講d野唔同啦..今日講o個d係如果o係公司接電話要講d乜(當然係英文
啦)所以唔眼訓

到左3點 要落去電腦房上堂..

我地要用個耳筒同對面o個個人對話..

結果 搞左好多搞笑野出黎^^(勁好笑)

玩左一個鍾 之後就走喇∼∼∼

今日番去我都ｏｋ開心　

因為識多左幾個同學（你地明啦　去到一間新學校　如果唔識多ｄ人會好唔個引架！！！）

放學　同ｄ　ｆｄ一齊行去搭ＭＴＲ俾我發現左個快ｄ　ｏ既出口

我今日又係唔洗搵人ｏ既情況下早左一個站落車．．

可能又掛住條路啦＝　＝

當我落左車行行下o個陣 見到間萬寧

醒起佢地講過天少o係o個度做 咪行去吹下水囉

知道左佢原來讀番書..(好丫 祝佢好運啦^^)

跟住就俾我老豆吹我番鋪頭喇..><

行番去..hea..幫手買送..

今晚係由老伙計煮..不過雖然佢煮..但係佢唔食-.-

本來得番我同老豆2個食 但係老豆話等埋家姐一齊食wor

我家姐今日約左我同我去換袋(因為買左無幾日就爛左..佢又話驚我唔夠惡..要同我一齊去= =)

佢本身約左我7點9 不過我因為要睇小時候 遲到..

我覺得今日套小時候好搞笑^^(可能因為我有個家姐 又有個妹 知道做細o個個同做大o個個o既感覺所以覺得特別搞笑^^)

去到 發覺原來個袋唔係爛= = 咁就好無奈地走喇

當走個陣 上左架個司機好(火)o既小巴

事情係咁o既 通常小巴都會將去邊度o既價錢放o係車頭

但係今日搭小巴o個d人 明明知道自己要俾幾多

都突登俾少d 想搏個司機睇唔到 但係佢就睇到

咁緊係鬧人啦..(仲要唔止一個係咁喎)

雖然我知道係o個d人唔岩 不過我真係覺得個司機鬧得有d..

咁我咪諗住玩下野囉..我問家姐有無500or1000紙(我地只雖俾12蚊)(我諗大家明我想點架啦^^)不過我家姐無..

番到鋪頭 同老豆家姐3個食飯..都ok好食喎

食飽..我洗碗 洗完番honme 睇人地d日記..^^

hea下 聽下歌咁 沖完涼 打日記 訓覺..(超勀!!!!!!)

ps.有陣時我諗番細個o個陣..當仲係得我同家姐2個o個陣 佢就好似乜都要就我咁..因為佢大個我^^

雖然我要聽佢話 不過我知道佢係一路都以我為先 乜都為我著想 但係當有埋個妹 就好似要我就佢咁(d屋企人成日咁叫我)因為到我做大o個個

不過 我並唔覺得自己係一個稱職o既哥哥..><至少我一定無我家姐咁好..(不過已經好努力咁改緊架喇-.-)

由本身受人保護變成保護人 由家姐教我野 到我教個妹野 感覺真係好唔同 不過亦因為咁令我知道左係屋企內 每一個人都有佢o既位

有陣時當你諗番細個o既時候可能會好想有一個哥哥或者姐姐 錫自己 乜都以自己行先. 但係編編自己就係最大 會好無奈 不過你要明白 做大同做細 其實都係一樣　各有各o既得著架

一個family就係要由咁樣而組成架ma　就係由唔同ｏ既人　o係唔同ｏ既位　做唔同ｏ既野　咁樣　一個family先會完整 但係一但少左其中一個..就會..><(呢d係我睇完小時候o既感想)(你明唔明我講乜呀..如果你真係希望可以有一個大哥哥保護你 錫你　乜都以你為先　我諗..呢一方面..我都可以幫到你^^")

今朝起身 發覺個肚唔多掂

feel 到有好多胃氣..><(可能尋晚飲左o個d撈下撈下o既野)

不過要去學英文 唔掂都要上架啦..

唔講番學經過喇..

不過講真丫 今日都ok悶下

因為miss又講番tenes o個d野-.-

搞到我好眼訓 雖然我好努力咁頂住．．．

但係最終都敵唔過周生．．訓左＞＜

雖然我訓左　不過訓得一ｄ都唔耐

只係２個字ｏ姐．．就俾ｍｉｓｓ發現左

有少少痛苦地等到４點（今日真係好悶＞＜）

走人∼∼∼∼∼∼

本身有個人叫我放左學打俾佢喎．．

但係唔知點解　我打左１０幾次　都打唔通＝　＝
好無奈－．－

之後悶悶地搭ＭＴＲ番鋪頭．．

番到去　好勀好勀　乜都唔理　就去左訓覺喇＾＾

不過訓訓下　電話打唔通ｏ個個人打黎．．

佢問我做乜唔打俾佢．．．．．．＞＜

咁我點知ｏ姐　都打唔到　唔係我ｏ既錯ｗｏｒ＞＜

同佢傾左一陣　繼續ｈｅａ到食飯．．

今日．．．．又係我同老豆２個食　今日終於到佢煮＾＾

好正好正　雖然佢無煮送　ｊｕｓｔ買左２灌灌頭．．
（我本身好唔滿意＞＜）

但係　原來佢煮ｄ飯ｏ個陣係用（乾瑤柱）水整架．．
超級好食　唔洗送都ｏｋ洒＾＿＾

食完　我洗碗　洗完　番屋企∼∼∼

番到去　用電腦∼∼∼　

咁我通常都係上網睇左人地ｄ日記呀　留言板呀先ｏ既

當我睇到盈個日記ｏ個陣．．．．．．

真係有ｄ自愧不如．．＞＜　佢個日記網好鬼ｂｅａｕｔｉｆｕｌ好充實．．除左．．唔係日日打之外^^"

一睇就知用左好多心機整＝　＝　呢個就－．－

不過佢好好人咁話如果得閒ｏ既話會幫我整下喎ｈｅｈｅ^^
多謝洒佢呀^^

同佢講左幾句之後..我就繼續睇其他人d野喇..
(睇到人地個日記網..知道左d野咁啦)

see左陣 突然想睇下(第一次)同(童話)個MV

就down 左落黎睇喇(原來..童話o個個MV唔係好結局架><)

不過當我睇完之後 發覺自己更鍾意呢2首歌^3^(好好睇)

11點幾醒起要做功課(上網查字= =)

之後用好快o既速度做完..

沖涼---打日記---訓覺(好勀呀!!!!!!!!!!!)

今日因為唔洗上補習班 所以無咁早起身

好奇怪..原來我呢2朝o既早餐都係食..月餅

可能因為食早餐過於慢條斯理..

所以差d遲到><(今日學校迎新日)

10點幾o個陣..就入左去一個講室度聽人講野..

一聽就聽左粒幾鍾><悶_悶

聽完之後就行下校園..介紹下d野咁啦

（原來．．我地ｉｖｅ個外 籍老師都真係ｏｋ帥架∼∼）

介紹下野．．玩下遊戲咁　就過左２個鍾喇．．

再o係個講室吹多陣..就放學喇

番到筲箕灣因為未lunch 就打俾家姐約佢去食喇..

食o個陣 我地講左好多老豆o既是非^^

食飽飽之後 番鋪頭la

ｈｅａ左一陣．．都成２點幾３點ｌａ
（今日約左以前班５Ｔ幫蔡ｓｉｒ慶祝生日）

之後就約傑佬一齊番（以前）間學校

但係　好衰唔衰　

就係ｏ係我地行到無遮ｏ既地方先黎落大雨（好大好大）

咁咪惟有等雨細ｄ先行囉＝　＝

不過等等下　都係決定唔等喇

衝吧．．番到學校　成身都．．．

番到去我地就上去搵ｄ阿ｓｉｒ　ｍｉｓｓ喇．．

搵到蔡ｓｉｒ先．．同佢吹左一陣．．

原來呢．．老師都唔係鐵飯碗架＾＾

之後見到好多老師　不過唔知點解．．

可能我以前係學生長ｏ既關係．．好乖咁啦　

ｄ老師見到我穿左隻耳環　都有ｄ唔係好好ｏ既反應　

佢地覺得好怪ｗｏｒ＝　＝（乜真係好怪咩．．＞＜）

其實　男仔穿耳．．都唔係一定會（串）ｄ　架ｏ姐

我都係貪得意ｏ姐．．

不過見佢地ｄ反應咁　都係唔帶算喇

之 後同ｄ老師傾左一陣　就同蔡ｓｉｒ切蛋糕喇

然後ｏ係學校度玩　玩左２個幾鍾

阿蔡ｓｉｒ　話不如直落啦

問我地去唔去唱ｋ之類咁啦

不過最後我地都係決定左去酒樓食餐飯

我本身都無問題架　不過我今晚要幫外婆慶祝生日　又係要去食飯

咁咪惟有　去左外婆度先囉．．

到我食完第一餐飯．．已經好飽＝　＝（我又飲左成技酒喇＞＜）

不過咁難得同阿ｓｉｒ慶祝　一定要直落啦＾＾

去到　係咁易食左ｄ野　就有人玩野喇．．

有人將ｄ汽水撈下撈下咁　猜輸左ｏ個個飲＝　＝

好不幸　第一個係我＞＜

之後佢地仲玩開口中添＝　＝好采我唔洗飲ｏ姐

之後吹下水咁　ｈｅａ多陣就走喇

佢地話去食糖水　不過我有ｄ勀　唔去ｌａ

跟住傑佬打俾我　叫我陪佢ｗｏｒ∼∼

佢要買１８歲之後ｏ既第一次酒

咁佢買左一樣無乜酒精成份ｏ既野　而我．．

就買左灌ｂｌｕｅ　ｇｉｒｌ飲

跟住佢黎我屋企打機．．我就做埋ｄ功課．．．＞＜

佢２點到就走左喇．．．我就訓喇．．．．．．．．．

今日耍番學學英文 好早起身 好勀

因為訓得o個5個鍾都無..

事情係咁o既 當我尋晚o係 點半正準備訓o既時候..

突然有個人打俾我..話佢同隻蟑螂打緊交= =

好驚咁wor 仲想叫我上佢屋企幫手= =

不過因為我要番學 幫佢唔到

咁我就為有o係電話度用我o既意志力支持佢啦

結果我係俾佢 搞住左粒幾鍾架..(無得訓><)

起左身 搞掂之後 唔鬼想等小巴 就搭的士轉MTR喇

好快過左一朝..

lunch o個陣..記得miss叫我地去搵同中秋有關o既一樣野..

我就要勁打電話問人d英文喇..(不過無人幫到我)

咁只好死死地氣去百佳抄野囉...(勁睇d價錢..好似人地d格價佬咁)

當miss叫我地寫出去o個陣..我係決定寫湯圓..

但係唔知中秋有冇人食湯圓架呢

好專心咁上堂 直到4點放學∼∼

唔知點解　當架ＭＴＲ行到西灣河ｏ個陣

我突然好掛住條長路＝　＝好想行行佢．．

但係我今日唔洗搵人　其實可以係後一個站落車．．

不過我最後都係決定行條好掛住ｏ既長路架．．（唔知我會唔會由今日開始　
日日行一次呢＝　＝）行完．．個feel好正-.-

番到鋪頭 睇番尋晚場巴西對智利

雖然我知道賽果係5:0 不過依然好想睇

結果無錯..場波非常好睇~~~

到左食飯時間..今晚老豆突然話自己煮..但我地得2個人..

雖然佢話自己煮o姐 不過我就覺得今晚餐飯係我煮俾佢食

我今晚好威水呀!!!自己一個人煮左餐飯＾＾

由洗米．．切野．．煮送．．拎ｄ野出去．．食．．拎ｄ野番黎．．直到洗
碗．．都係我一個人搞掂．．（覺得自己有ｄ似家庭主婦＝　＝）

我老豆靜係好幫得手咁丁左２樣送．．

佢食飽之後就留低一句：你自己搞掂佢喇ｂｏｒ．．

咁我就要身水身汗咁洗碗．．洗獲

不過講開又講　自己煮到一餐飯出黎都幾有成功感架＾＾（仲要ｄ野真係煮架ｗｏｒ）好似我呢ｄ咁ｏ既人都煮到野飯出黎．．好正

其實我老豆好榮幸架　食到我１８歲以黎第一餐煮ｏ既飯．．下次都唔知幾時再煮俾邊個食喇．．希望．．佢啦

搞掂之後　我就一個人行番屋企喇∼∼∼行得好慢好慢∼∼∼(十分鍾路程.行左半個鍾..)

番到去　好悶　同個新ｆｄ吹左一陣．．又同師傅聊左一陣

就等待１２點ｏ既來臨　因為傑佬生日．．

大個仔架喇　蟑螂俠　要醒醒定定呀∼∼∼

生日快樂啦^3^

可能我尋晚真係醉左= =(未試過..可能因為有野諗啦)

今朝個頭好鬼痛= =(尋晚又夢到阿媽><)

然後一早 阿公就話要換床單喇 咁咪換囉..

換完 打陣機咁 見個icq同msn都無咩有興趣同佢講野o既人online

之後到左11點半到 落鋪頭∼∼∼

又係食飯 食完仲要又係我洗碗．．

跟住睇報紙 睇睇下 見到個好beautiful o既

女士入左黎(同埋另一個熟客..)

咁我仲以為佢 好細個啦 可能係個熟客o既親戚之類咁

但係..當我望望下佢o個陣 突然見到..

佢隻右手無名指..有隻戒指= =

同埋佢係講普通話架..超奇怪因為佢睇落得10 6,7,8歲= =

跟住當我向老豆查詢o既時候..知道左原來佢係..

個熟客ｏ既仔ｏ既老婆= =我好驚 仲知道原來佢得19歲= =來自內地
(個熟客個仔好似都30幾喇= =)

之後hea hea下 又3點喇 有個人要落場

問我去唔去同佢吹水 咁佢叫到 我一定會去架^^

不過當今次我又經過條長路o個陣..我又想跑

結果一跑 大獲><抽筋= = 好痛><

之後抽住咁行到去 同佢o係M記聊左陣 見多人唔好意思

就走左去大快活喇..跟住傾左陣

我突然間醒起 聽日要番學

自己又未買袋(無理由好似o個日咁 用紙袋咁樣衰加ma)

咁我諗住問傑佬借黎用用啦 不過..

有人話 不如買個啦(咁又係..自己用開o個個爛左都唔知= =唔通次次問人借咩><)

之後佢好有心咁同我去左買

(不過我今日個銀包好少錢>< 少到進入赤字-.-得百幾蚊..買咩袋丫..咁就
係無咩選擇o既情況之下買左個..都ok啦^^)

跟住見到金至尊同周生生..都唔係好好生意o姐..

有人叫我入到睇下d野..(自己做o個行..仲睇 俾d(行街)見到就大獲喇><)

不過 我個人覺得..雖然係大集團o姐..d野洗唔洗咁貴呀= =
(貴過我鋪頭o個d成個馬位= =)

之後睇左陣 走喇 我送左佢番工之後

自己就番鋪頭喇(今次唔跑喇= =)

番到去 放狗 同老豆一路行去食野
一路交心^^咁傾計

食完野 行番屋企(好熱 行到身水身汗><)

跟住等個妹用電腦 用完到我用..

但係 當我一用o個陣 俾我知道左

我o既一個fd 唔知因為乜事唔開心 仲.......

唉..唔知咩事呢 希望佢無野啦..

唔好唔開心啦　萬大事有我阿財丫ｍａ
（講到自己好似好勁咁添＾＾”）

今朝一早俾個電話嘈醒左...

好黑人憎..不過都未嘗唔係一件好事

因為我尋晚發左個好怪好怪o既夢..

(地點:森林+爛泥灣,人物:好多= = 角色:紅火蟻,蟑螂.吳工.

事件:山洪暴發>m<) 係咪好怪呢..

醒左之後 玩電腦

上網睇d fd o既日記 留言板 又搞下自己個日記咁啦∼∼

之後打下機 聽下歌 訓下咁

突然個內心有d感興 就改下info咁啦

(個info無咩意思架 只係諗到d乜 就打左出黎喇^^)

直到4點幾 落鋪頭~~~

落到去o個陣 睇到我表妹

佢帶左個小學同學黎我鋪頭..

真係一d都唔認得佢= =完全唔識..

跟住我見到老豆今日心情好似好好咁

我就問咩事啦 原來今日鋪頭生意好好^^

咁都放心d  因為有時真係靜得好恐怖><

之後又係收鋪 放狗咁囉..

放完..去食飯喇(今晚食d野都ok丫^^)

之後番鋪頭 睇左陣電視 番home喇

突然醒起 屋企無卑酒 就走去買喇..

去左鋪頭對面間士多買 一去到..個度d人就太子太子咁叫我= =

之後又見到個女人勁sell一款酒

咁我見平平地(3技24蚊) 未飲過咪試下囉

跟住番到屋企 o係度睇海底奇兵

雖然係戲院睇過 不過都覺得好搞笑..

睇完 就睇埸波啦..(開左技卑酒飲~~)

埸波好正 係我睇過最有heart o既英格蘭!!!

本身都覺得無乜野 都ok好飲啦

不過........原來呢d酒係會上腦架><

所以我飲完之後 就有d暈暈地喇(我未試過飲完酒會咁架==)

跟住我就抱住好暈眩o既精神打呢篇日記..><

所以可能會好怪 同埋我而家對今日o既經過已經有d忘記喇...

可能會打少好多野 同有d語無倫次>/////<

ZZZZZZZZZZZzzzzzzzzzzzz,,,,,,,,,,,,,,,,,................... 

因為尋日知道左今日要番學o既關係><

今朝o係好唔願意o既情況下起身><

因為要好早起= =

跟住轉左2次車 番到去

(哇 原來朝早 MTR真係好“ｂｉｇ”架)

到左之後　由於第一次入間學校

完全唔識路　搵左都ｏｋ耐

先上到間班房（差ｄ遲到＝　＝）

我本身以為會好悶啦

一定訓ｏ個隻啦

但係　點知原來係出奇地正＾＾

個ｍｉｓｓ講ｄ野都唔同中學教ｏ個ｄ

係一ｄ有用好多ｏ既野

上堂又ｃｈｏｏｓｅ（好似串錯　不過唔識串＝　＝）ｗｏｒ

總之就ｏｋ啦

因此　我可能會對英文發生番少少感情啦．．（希望．．）

今日番去上英文　我有一個個人ｏ既突破做左出黎

就係　上左６個鍾英文都無訓過一秒＾＾（好勁架！！）

跟本無乜可能　不過真係出現左∼∼∼

咁ｏ係ｏｋ開心ｏ既心情之下上左６個鍾之後

就去左個ｆｄ屋企．．陪佢（番工？？？）

陪完佢之後　走ｏ個陣　又行番尋日條長路．．

不過今日就無跑喇（尋日都跑到就死咁ｌａ）

番到鋪頭　好勀　可能太耐無上堂．．

訓左陣　就同老豆去食野喇

食完　歸家喇＾＾

唔知點解　可能因為諗左ｄ煩野ｌａ

番到ｈｏｍｅ　心情好低落　

就自己ｄｒｉｎｋ左灌卑酒．．（因為得番一灌＝　＝）

如果唔係　我一定又唔知會酒到幾天昏地暗咁架喇＝　＝

酒完　都唔係好得．．直到　見到一個ｆｄ　ｏｎｌｉｎｅ

咁同佢講講下其他野先好似無乜野咁囉．．．＞＜

今次都可以叫做傾耐左架喇＝　＝

傾完　因為佢無得用個電腦　我就繼續做番平時ｏ既野喇．．

直到．．．．．．．訓

今日酒左一灌就好似…..咁可能:酒入愁腸愁更愁啦!!!(= =)

起身 見到又做緊流星花園2......

悶左陣 我今日本身諗住係屋企休息架

係諗住休息到3點到就去搵人

但係 我老豆o係11點幾就叫左我落鋪頭喇><

12點幾食完飯 就等到2點到

之後幫三舅父去左搞d野(佢又想換車喇...)

搞到3點到 佢就車左我去搵我想搵o既人喇

見到佢之後 就去左M記聊天喇

佢好似有d唔開心咁 好煩咁∼∼∼

同佢傾左個幾2個鍾到(希望佢會好d架啦)

有ｄ野　唔洗咁煩架　船到橋頭自然直．．（不過我咁講好似唔多岩．．因
為我連自己都．．．．．＞＜）

當我行到一條好長ｏ既路．．望到前面無乜人行（其實條路話長又唔係好
長．．我諗．． 4百米都有掛．．）留意　我係一個好唔鍾意跑ｏ既人黎架．．（因為身型問題．．＞＜）

突然間（係好突然間）

好想好想好想用最快ｏ既速度　跑過條路　

咁之後呢　我就放好個ｍｐ３機落袋

放好個手提　整好條鞋帶

就好快好快咁跑　真係快到我都唔知自己可以咁快

跑完　我發覺　原來我跑得都ｏｋ快架＾＾

之後　行左一陣　回左氣

又跑過　但係今次再跑　我第一時間諗起

我之前ｐｏｓｔ個ｄ問題　其中一個係

同巴士鬥快　但係我今次　係同貨車鬥（一架岩岩開ｏ既車）

我用最快ｏ既速度跑．．當就追到ｏ個陣　

就到左鋪頭喇＝　＝（我發覺當時條街好多人望住我．．．．）

跟住我就身水身汗咁走入有冷氣ｏ既鋪頭∼∼∼∼

之後突然覺得好勀　唔知係咪已經．．．

當我坐低左之後　突然醒起．．．．

原來　我係有哮喘架．．．唔怪得喘左咁耐氣啦
好采無發作炸．．．．如果唔係．．．因為我無藥ｏ係身

跟住　食飯　食完飯．．我洗碗-----好少有架!!!

然後番屋企 見到個fd online 想同佢傾計...

但係佢話因為佢要番學 所以以後都會少on wor......><(有d...)

我想講......不過.......都係算啦(唔可以係度講架~~~)

唉 聽日要番新學校上堂 仲要係上6個鍾英文...><(最屎o個樣)
希望唔會訓著啦.........

今朝一早起身 唔係幾開心......

因為遲左起身 睇唔到追開o個套野><

之後 做下d無聊野咁 去到12點到

就落鋪頭喇

落到去 食飯 睇報紙

睇睇下報紙 見到一個初中同學．．．＞＜

我見到佢帶住一個好美麗的女朋友經過我鋪頭（我真係點諗都諗唔到佢會有
一個．．．．．）而我．．仲係２袖清風咁＞＜

跟住無幾耐傑佬打黎.......(傻仔一個∼∼∼)

佢打黎同我講:我又有一個好難o既問題要問你喇

= =我一估就估到佢想做乜啦= =(識左佢太耐喇)

之後佢2點到黎左鋪頭搵我(拎野..！！)

佢拎完野　我就陪左佢去搭ＭＴＲ喇

但係當我番到鋪頭ｏ個陣-.-

老豆同我講　佢叫我自己一個人拎鋪頭ｄ野去上環賣（搭ＭＴＲ）

咁我就好悶＋好無聊咁搭ＭＴＲ去一去上環喇
（因為平時如果要賣呢d野　多數都有私家車坐　而且亦都係至少要２個人架　不過今次　無車坐之外　仲要我一個人上．．真係有Ｄ驚）

賣完　我又一個人搭番ＭＴＲ走喇．．．（死都唔敢訓＞＜）

袋住咁鬼多錢ｏ係袋．．仲敢訓咩！！！

番到鋪頭都成４點喇∼∼

見到無乜人　咁我就同老豆玩ｏ個條問題喇＝＝

不過．．．．佢都係ｏ個９８％架喇>///<

之後行行企企咁又關鋪喇∼∼∼

今日好開心　因為好多人黎買野　好好生意呀＾＾

跟住又係放狗啦　再同老豆２個人去左食野

食完　我地就番鋪頭２個人ｏ係度吹水喇

直到佢有長途電話打黎．．我就走喇

番到屋企都係打下機　上下網就過左一晚喇．．

今年ｏ係我第一年唔洗同其他學生ｏ係同一日番學．．

不過都唔知開心定唔開心好＝　＝

係喇　關於尋晚個問題呢　個答案係德國

不過知道答案唔代表乜　最重要係個答案係點搵出黎＾＾