今朝返10點半..上完2堂補習班之後(好驚呀..聽日考喇>m<)

alice今日又唔返喎..搞到無得練-.-

要我同第2個一組=.=

上完2堂就lunch喇

同左孖仔o既大孖去食M記..食食下..阿洗打俾我

話星期六4T班有個聚會(第一年o既4T我同d人都真係唔係好熟=.=)
都唔知去唔去好添......

好悶地食完個lunch之後..無去到上電腦堂..同阿玲去左傾計..

我本身都覺得佢無乜點架..但係慢慢地..覺得佢有d煩..

傾左半個鍾到..佢就返返去上電腦堂喇..

而我..就自己行下行下咁..都ok悶..

之後我決定坐o係公園..傾電話..打俾shirley..吹下水咁

諗下星期三有咩野做..

到左3點半..要上返去上堂喇..

同阿玲地食左d野先上去..

都無乜心機上呢2堂CMT..都係同d同學傾下計咁啦

我都同左ok多人講野..好似都無乜聽書><

上完之後就放學喇..又係同阿玲地一齊走(搞到我有d..俾人o既感覺係..女班長無返..我就同其他女仔玩咁=.=)

不過同其他3個女仔一齊..都ok岩feel..佢地個個都係咁話..我好正?_?

之後我就搭車去拎個人八達通喇..

返到去..hea左陣..就決定左去邊食野喇..

我首先去左揸車..到左8點到..車埋老豆..家姐去食飯

食到好飽..食完之後就去左練車..老豆同我練拍S位(因為我學o既時候係拍L
位架..)

都ok唔識拍..不過練左個幾鍾..好好多啦^^

練練下..架車個水廂無水..(又學識多一樣野喇^^)

練到10點幾..夠喇..拍返架車上停車場..(我記得上一次同老豆拍車上停車
場..係我第2日揸車..仲整花左架車..不過..今日唔同往日喇!!!)

今日老豆坐o係我隔離..不停重複一句..揸咁快做咩呀-.-

練完我就返home喇..返到去..打俾阿玲..

一傾又傾左個幾鍾喇-.-(不過傾黎傾去都係果幾樣><)

點幾我先去打日記..打完日記都2點喇..

又見到有人留左個言喎..咁咪回囉..回回下..打左好多野..因為..唔知點解=.=

之後沖涼..高速去訓喇><

(呢一個女仔..雖然好好傾..不過佢俾我o既感覺..唔知點解都係怪怪地咁..我就覺得有d距離..不過佢就覺得我好岩feel-.-)

今朝7點就起身喇..因為約左d人7點9上山

7點幾..落到去..食左早餐..等下人咁..去到8點幾..

就上山喇..我揸車..今次有好多人坐我架車..

坐滿洒人..所以要小心d..

因為太過小心..所以俾d車係咁過我><

不過..算啦..唔開得太快..

老豆今日話我揸得好左好多..緊係啦..自己揸都揸左咁耐啦..

雖然..佢地都唔知我自己揸o既時候o既情況

上到去之後..做返應該做o既野..

整左個幾鍾..出現左個[拾荒者]^^

就走o既時候..個肚突然好鬼痛..就去左廁所喇..

之後就走喇..都係我揸返落去..

落到去鋪頭..同家姐傾下計咁..

傾傾下..又去返(錢)果個話題..又開始發窮惡..

講到好激動..不過佢地都明白我o既感受..

過左一陣..老豆返到黎..又同佢講呢個話題..(就黎不歡而散o既時候..)

有個客黎左..佢出左去吹水..我咪打俾shirley傾計囉..又開始傻傻地喇..我-.-

之後隔左一陣..又同老豆講過..今次講講下..講左去揸車o既話題-.-

好興高采烈=.=講左陣..佢去左訓覺..我又訓

訓左2個鍾到..3點幾4點..大家都醒左..

咪過海去深水踄果頭行下囉..食左蛇(跟)又買左d野..

去緊果陣..我好努力咁記低去旺角o既路點行..

7點到..走喇..返到去..去左食飯..

之後就返屋企喇..返到去..收左個電話..

一傾..就傾到點幾><其實我真係唔多想同佢傾..不過收唔到佢線..

佢講黎講去都係果幾樣..總之都ok煩啦><

(如果係阿邊個..同我傾到幾晚..我都唔會悶..唔會眼訓..不過呢個..傾到11點幾我就想..喇)

入去打左篇日記..終於可以訓喇><

(sorry ar我今日真係無車．．所以車唔到你呀．．ｓｏｒｒｙ　ａｒ．．如果第時我有車．．你話要用．．我幾忙都會出現啦＾＾)

今朝好努力咁訓到11點幾先起身><

到左12點幾果頭..阿公煮左野我食..

之後睇左陣電視..hea左陣..打返篇日記

打打下..見到shirley..online..就plan下去邊喇..

一路打日記..一路plan..令一方面又一路換衫..

今日有效率左好多架喇^^

我換好左衫..同我傾緊果個都未知^^

因為同佢plan o既同時..我已經決定練車喇∼∼∼

咪問下佢想唔想遊車河囉..(好彩佢去o姐..如果唔係一個人好悶加ma)

之後燒埋隻碟..要放o係車度聽呀!!!

落到鋪頭..大約3點到

之後上停車場攞車..(無問題啦!!!)

不過舅父仔話要車一車去車房..(要嘖返d油..問下價..)

去緊o既時候..俾我知道左..原來我整花左架車..都ok大獲架><又知道..原來用完車係要入返油架..

等到舅父整完..都成4點幾喇..咪去車shirley囉

去到..佢都未得..咁我就車一車去文理..再o係文理對面間士多買左枝水^^(可能我尋晚揸到順順地..所以有少少囂><)

車左佢之後..車左一轉鋰景灣..就諗住去銅鑼灣果邊喇..

不過..經過太古d路o既時候..有一個急灣..轉完之後例後鏡度有樣野跌左落
黎..

之後去到我小學附近o既時候..發生左一件超級..極度唔好o既事..就係..我衝左..紅燈..仲差d撞到人><

果一刻..好驚好驚..不過好彩無警車..但係d人就好驚喇..

好彩我無撞到人炸..如果唔係..我諗我都唔知要到幾耐先可以再揸車..

之後都ok快咁逃離現場><去到灣仔..

諗住搵師傅..不過佢唔o係教開車果度..但係我去到..就有好多感受..因為
見到好多人學緊車..

咁我就好型咁o係人地學車果度掉左個頭..

再行多轉..都係見唔到師傅><..咪諗住走囉..不過就走極都唔識走..

期間..阿雞打黎..約我地食飯..咪去灣仔搵佢囉..

之後諗左陣..決定去杏花村食..不過又係唔識出銅鑼灣..又行錯路咁..俾人
困左o係銅鑼灣..

之後終於出到去..不過..我個內心就好唔開心..因為..我不嬲都好高評價..因為一次過..但係..我今日衝左紅燈都唔只..

仲要唔識行..果下錯敗感真係><

之後去左入油(小西灣果頭..)再去藍灣間杏花樓食..

拍位又拍左一陣..唉><

食野又唔係好夠$喎..唔多開心..食食下..遇上大風吹事件..我都唔知咩
事..不過佢地就勁笑-.-

食完..阿雞見到個故人..佢幫我地拎左拍車紙..咁我地就唔駛俾$拍車喇..
佢地又見到文理o既一個同學..見到佢..令我諗返..3年前大家先一齊返緊學..不過而家..幾唔同呀!!!

可能因為我唔開心俾佢地見到..多謝你地o既安慰啦^^

無錯..有好多野都係之前憧憬..而家又可以做到..今日o既事..可能真係要
挫一挫我o既銳氣..

不過..提下提下都真係ok驚..450蚊+減3分..

之後行左陣..睇下d人咁啦^^就走喇∼∼∼

去到停車場..搵左一陣先搵到架車..出停車場果陣..阿雞講果句..都幾岩
聽..(阿財..我見到你揸車..好似覺得你大個左好多咁^^)

之後車左阿雞返屋企..再同shirley去下其他地方..

決定左..去一去鋰景灣..再去今日困過我o既地方..

但係..我每一次經過一個紅綠燈位..都會有少少問題出現

有一次..差d又停唔切><停得好難睇..不過都要講一句啦..多謝你o既安慰
呀..如果唔係..我o既信心一定會愈跌愈落><

之後去到銅鑼灣果頭..行返d路..就走喇..

我問果一個問題..真係好驚佢會答個悶字..因為..

返到去太古果頭..行左2轉d路..睇下見唔見到佢媽媽..不過唔見..

之後就再入一入鋰景灣..(真情係要將條路練到最熟!!!)

上左耀東..我拎左200蚊..去左入返d油..就走喇..

不過果時我feel到自己有d傻傻..講野有d語無倫次^^”

咁樣揸左一晚..好返d啦><..之後送左佢返home..都係有d美中不足feel-.-

之後我飛返鋪頭..返到去..食埋飯..等左舅父仔一陣..

佢走o既時候..我車佢地同自己返屋企..再俾架車舅父仔車走..(我d技術係
咪好左好多呢!!!)

如果唔係見有咁多人坐左o係度..我會咁易俾其他車過到!!!

返到home..打俾shirley..同佢傾左陣..都唔知講左幾耐..靜係知道好搞笑
^^(有d人好勁咁將d句子組合呀=.=)

傾到佢訓..我就沖涼..因為太夜..未打日記..就訓喇><
(要好好準備..聽朝上山..)

今朝7點幾就醒左><唔記得左唔駛返

所以下一個步驟就係..訓返^^

訓到11點幾..今次真係醒喇..打左兩鋪機

就落鋪頭喇..落到去hea左陣..

等三舅父陪我練車..練左個幾鍾..(哇><都ok好多問題=.=)

我仲以為自己未學過車添呀><

練完之後..1點半..去左搵傑佬接佢放學..

然後返返鋪頭..因為老豆要用車..所以我同傑佬就食住野等部車返黎喇(因
為我要用車..去買野^^)

不過..等到成2點幾..因為有生意..要用錢..

先至叫老豆返..但係返到黎之後..又要用車上中環賣野><

開車之前..有個女同學打俾我..我仲估咩事添-.-..原來..佢只係想傾計..
都ok搞笑喎..佢第一次打黎..就同佢傾左個幾鍾..

佢勁話我了解佢..明白佢諗乜..^^緊係啦..魚魚不嬲都善解人意架啦∼∼∼

上到去..搞完都3點幾喇><(我又俾人贊勁喇..一次過..仲要同個唔識o既人
吹左一陣水..講揸車)

唉><><唔夠時間買野喇><sorry呀

咁我就叫舅父仔去到銅鑼灣放低我同傑佬..

之後我同傑佬去買左一樣野..不過仲有2樣要買..但係..買完都4點幾喇><

搭到車返去..5點2..攞埋車..就去搵人喇..(哇..今次係我自己一個人揸..
仲要有個唔識揸車o既人o係隔離..)

所以行行下..就發現..行錯路喇><

行左好耐..終於去到接人果度喇..等左陣..主角出場^^

然後去左永利攞野..(又係諗左陣先識行><)

整完..就開始去我地o係目的地..康山果頭喇..

行下行下咁..無啦啦..又行錯路喎><

首先係係太古果頭行左好耐好耐..先搵到路..去..

去到北角果頭先返到黎(又彩有路返o姐..)

噫..我今日終於第一次(必)人喇..頂..條路你行洒咩!!!

當我地(合力)咁搵到路返去果一刻..大家都好感動=.=

之後車傑佬去送禮物俾人..見到阿楊同佢男友..(我仲以為傑佬無咩反應咁添..果一刻..不過..原來..唔係o既..佢都..ok感觸)

拍埋車傑佬就走喇..(要佢落車幫手睇位..差d拍唔到..不過..我話叫人幫手都係吹下水o姐..我咁勁..跟本唔駛..哼哼!!!)

我就同阿主角去睇戲..都ok型囉..買壽司去睇戲@@

我個人就覺得..套戲雖然有深度..不過就悶左少少..

唔知點解今日線路好繁忙..果個女仔又打黎..唔知點解..我會講大話..

睇睇下戲..食完壽司果陣..有人好大意..搞到我件衫有d..不過件衫係佢送o
既..如果唔係..係第2個人將我呢件衫整到咁o既話..佢下場都ok唔好過!!!

睇完戲..諗去邊食野..一路車一路諗..

行左ok多地方..都未諗到..搞到好似遊車河咁..

又去柴灣..又去鋰景灣..又去下小西灣咁..都未諗到..(不過我手車就愈來
愈好^^)

結果..係去返戲院附近..食架..都ok啦..食食下^^

覆個電話果陣..hehe..(不過如果係真o既..幾好呢..不過..都係等下先啦)

食完..車到返去果陣..大家都有d依依不捨咁..咪再去下其他地方囉..

之後去左銅鑼灣果頭..手車愈黎愈好..我覺得..(今次真係遊車河喇)

上到東廊..仲開到好快添..開到100@@

之後去左食糖水..果陣點幾..

食完就真係送佢返屋企喇..

之後我自己走..哇..今鋪仲勁..開到120!!!

拍埋架車..行返屋企..之後沖涼..訓..好累呀!!!!!

(我諗經過今日..有咁多驚險鏡頭..我o既技術同路面經驗..一定會有所提升架喇∼∼∼∼∼)

不過講開又講..夜晚..揸住架黑色Benz..隔離有個咁得o既人..然後週圍去..隻feel都真係..ok好正!!!

不過..真係sorry呀..下次..有機會一定ok!!!我真係唔夠時間呀><

尋晚收左線之後..沖左涼..又訓左o係張床度冥想><

冥到好夜..3點到..先去訓 所以今朝起身超痛苦

結果遲到左半個鍾..返左去之後..上英文補習班

我同我partner都好唔精神..又加上做埋d無聊野..

所以效果唔係幾好囉..上完之後又係英文..

可能..唔知點解..心情唔係幾好..做乜都無咩衝勁

搞到差d同alice鬧交(有時..我會覺得佢..俾到好o既感覺我..但係有時候..我會覺得佢好討厭...好野蠻..)

好多時見到佢發脾氣..我會好自然咁諗起另一個人..會覺得原來d人都唔係咁野蠻架炸喎..^^

又或者我今日忟啦..同alice做speaking無洒果野默契..d氣氛仲好差添..

上上下堂..有d人真係好唔合作..miss呢期心情已經唔係幾好架啦..

佢地仲要上英文堂溫其他野..想miss唔發脾氣都難啦..

miss好嬲地趕左佢地..@@!!!今次佢地又合作..自己行出去..

之後miss心情都唔係好穩定..但係上上下堂..

o係我去左廁所o既時間..miss佢地無啦啦講星座..(我最尊果樣野..)miss話..最難頂..最煩..最黑人憎o既星座..係..雙魚座..因為要佢地做決定好
難喎..好幽柔寡斷喎><

不過..我都知o既-.-

但係咁喎..魚魚係最浪漫..最溫柔..最善解人意o既星座喎^^

我今日又發現..原來真係有好多女仔都鍾意星座呢味野架..所以..我同班d女仔就多左個話題喇^^

上完2堂之後lunch喇..今日pungpung黎左搵我..

咪同我地去左M記囉..食完之後..

我超唔想返學..同pungpung去左唱k囉..(一星期唱2次..)

唱完..5點..佢要寄野..不過收左

之後佢同我去左銅鑼灣地帶睇左d野..唔唔..好岩feel!!!

不過都仲有d野未搵到..佢話叫我去荃灣陪佢同佢女友食dinner..

本身我真係唔係好想做電燈膽架..不過佢話..荃灣果頭會有我想買o既野..咁我又無野做..咪去囉..

點知..係後悔架><..因為..真係好電燈膽><

同佢地食左野..送左佢女友返學..我地就去搵野喇..

搵就搵到o既..不過..唔係好岩feel囉..

所以我地決定..聽日再搵下啦..

7點幾..返去喇..

8點到..返到鋪頭..就叫老豆同我去練下手車..

練左都ok耐..練到10點幾..因為聽日要車人呀!!!

整個過程都無問題..但係到最後o既時候..入左停車場之後..我整花左部車><

ok大獲啦..不過我諗都無事o既..

之後我就返home喇..返到home樓下o既時候..坐左o係公園同小璇傾左陣..(聽日丫ma..ok啦..不過..我諗聽日你會無手拎個電話o姐^^)

之後返home..hea左陣..就打日記喇..

之後..........唔知做乜..........

(我諗我聽日都要早d起身..因為我聽日都真係ok busy@@!!!)

今朝又係做果d野啦7點起身..又訓返..訓左2個鍾

9點先準備返學..返到去..alice叫我等埋佢先去上堂

因為佢會遲少少..咁我咪坐左o係樓下等囉..

見到幾個同學仔..吹下水咁啦..大家都唔係好想咁快上去上堂

因為頭2堂真係好悶..lifeskill呀-.-

我同alice遲左半個鍾先上堂..不過話就話上堂o姐..

其實..個幾鍾我地都係o係度傾計=.=

落堂之後就lunch喇..

去左食魚蛋粉..不過當我地落到樓下果陣..見到一對情侶..

佢地都用LV袋..名牌手鏈..著名牌衫褲..但係..2個個樣都好seven..

食完之後..就返去喇..期間..我知道左原來攞車牌果度收4點-.-

等我仲約左人3點半黎搵我同我去添..

到左1點40分到..miss黎喇..要考試喇..

不過考之前都搞左一陣..有d人唔合作呀><

考完listening..都ok啦^^

考完都成3點喇..約左o既人都到左喇..但係miss又唔俾我早走..

因為要做speaking..下星期二考..

終於都係要等到3點半先走到..有個fd同我講..叫我算吧啦..下次先拎啦><

但係..我老豆就話..只要入左去..就算過左時間都可以幫我整埋..

咁我就決定去喇..不過就搭的士..

之後等埋小璇行過黎..好型地上的士去喇..

去到..個司機岩岩停左o係我o既目的地前面..正

咁我地就好快地上去喇..上到去都3點8喇..

仲要搵錯地方..岩返岩之後..d人又俾我整喎..

咁整整下..都唔駛2個字..就攞到個牌喇∼∼∼

拎完之後都未到4點-.-(個野feel..真係..好正!!!)

不過我地走左之後..因為太早..都唔知去邊度好..

咪行下行下咁囉..又坐低吹下水..諗下去邊..

最後..決定..去返太古果邊..

去到太古..又唔知做咩喇-.-

諗住睇戲..不過又唔岩時間..仲搞到有d煩躁添..

之後我地去左仙跡岩飲野..傾計..

[唉..我都唔知自己講乜..果一d諗法..唔知呀..呢d咁價值觀o既問題..都係
遲下先諗啦..而家..做好自己算喇..我都唔想自己變..]

傾左陣之後我發現愈黎愈多人..咪再諗過去邊囉..打俾阿雞又唔聽電話-.-

我地諗過..打邊爐..唱k..最後決定..去M記..

去M記之前..我地上左一間coffeeshop 坐-.-

坐左陣..大約7點半..再去食M記..

食完..又吹水喇..佢又講阿邊個喇=.=(我知道人比人比死人呢個道理..不
過..我覺得..到時..都係會發生我講過o既野><)

傾到成9點..閃人..今日搭巴士..因為想睇下d路點行..

坐到去佢屋企果頭果度..佢好似一個導遊咁..(介紹)俾我聽d路點行-.-(不過都好o既..好等我以後唔駛唔識路丫)

送左佢返屋企之後..我又走喇..本身諗住搵人陪我揸車..不過..無人得閒..算啦..聽日先揸啦∼∼∼

返到屋企..都10點喇..打左陣機..就打日記喇..

唉..好慘呀..當我諗住沖涼果陣..alice題我要send..e_mail俾人-.-班長係咁架喇><

之後咪又係咁..

(到底..我係星期3丫..星期4定星期5先可以車人呢..唔知呀>m<..有好多野要諗架..又要諗下時間..又要諗下有咩準備..又要諗下去邊..由其係準備o既野..第一次車人..緊係要有d特別架啦..)

今日有人挑戰我..問我可唔可以一個星期唔搵佢..哼哼!!!

不過我諗都..^^"

o係打今日o既日記之前..等我講我尋晚發果個惡夢俾大家聽先..

呢個係一個恐怖到我嚇醒o既惡夢>m<(因為要整成一個故事..所以要修改少少..)

首先..........個夢一開始..係..我o既角色係一組特種部隊o既一個成員..
我地接到任務..要去拯救一個地方o既居民..因為佢地受到病毒o既感染..好多人都變左活死人>m<..到處食人..

俾佢地咬過或傷過o既人..都會變成佢地咁..

好喇..咁我呢..就要同幾個成員(5,6個啦)去消滅佢地..

鏡頭一轉..已經係我地搭直昇機..去到果個地方喇..原來開始有活死人o既地點係..我而家間ive..MH ive..

我地幾個人由直昇機落去..每個人都有好多武器(好幾技唔同o既搶..好多的子彈..)

咁我地分2個人2個人一組..我開頭都唔記得同我一組果個人係咩樣

我地一路行..一路打..一路救人..我地將救左o既人安排o係飯堂(但係..我真實o既校舍係無飯堂架-.-)

咁我就同我o既同伴一齊向頂樓打上去..去到3樓o既時候..

唔知道解..變左一間老人院..雖然有好多人..不過都未被d野咬到

但係我地就o係呢層見到有一個特種警察o係度同d野打緊..

當佢就黎唔夠打o既時候..我地黎到..咁我同伴就分左一d武器俾佢..我地決定左由佢守住老人院..

咁我就同我伙伴再上去喇..當上到6樓(期間4,5樓果d..我唔記得左..好似係..4樓教員室..5樓醫院..)

上到6樓之後..發現..原來係課室o既一層..不過係十室九空..

我地行到去最後一間房果陣..發現..原來係我自己班-.-

仲要係o係度上緊堂..英文果隻-.-

咁我見佢地唔知發生咩事..就話左俾佢地聽喇..我記得..當時佢地大部份人都好驚..不過有一個女仔(我記得個樣..係我地班o既..不過唔係成日題果個)佢一d都唔驚..仲主動要我俾武器佢..要留守

咁我就俾左我最多子彈果樣佢..機關搶..

之後我就同我同伴(呢個moment都未記得佢個樣係邊個..)埋伏o係一角..準備殺上黎頂樓o既(果d野)..唔知點解..我地係feel到d野o既目的地係頂樓

等左一段時間..見到佢地喇!!!

不過係有一大班..源源不絕咁上黎..最恐怖o既..係帶頭o既2隻野..

已經唔係活死人咁簡單..而係戰鬥力好高..好強o既血獸!!!(如果大家有睇異獸戰or鐵血戰士o既..就會知咩野係血獸>m<)

我地決定由我同伴打血獸..而我就打後面果d野..我諗住頂一頂..好等我班同學唔好咁快頂唔住..

好喇..打左一陣之後(個夢度真係有打果d場面架!!!)我同伴雖然win左..不過就受左傷..同埋無洒子彈..

而我..就同機關搶的女同學頂住d野..頂到我同伴殺左2隻血獸之後

果d野唔知點解突然唔攻擊我地..自己向下面行落去..

咁我見同伴受左傷..又無武器..雖然我地無救援o既野..不過我就分左一把搶俾佢..攻擊力好高o既..散彈搶..

之後我同伙伴去追擊d野..女同學就留守..我地一路打..一路落..

去到4,5樓o既時候..之前未變野o既人都變洒..不過都無攻擊我地

任打..不過落到3樓o既時候..我地已經見唔到任何人.只係見到有戰鬥過o既痕跡..我地諗..警察都兇多吉少喇..(呢個moment..我終於諗到警察係邊個做..係..傑佬-.-)

之後我地一路殺落去地牢一樓o既飯堂..不過落到去o既時候..

我見到o既..就係一個血肉阿修羅場..o姐係..有好多好多o既活死人o係度食緊我地救o既居民(個場面超級極度恐怖..好噁心><)

我地都覺得..其他o既同伴都已經罹難喇><

我諗住o係佢地未發現到我地之前..落多一層睇下有無生還者..不過當我一見到地牢2樓o既走廊o既時候..就知道..唔會有..

當我想行多幾步睇真d係咪無生還者o既時候..我同伴就o係上面好大聲咁叫我..話佢地發現左我地..叫我快d走..佢頂住..

咁我就極快咁上去幫手..不過..痛苦o既係..我上到去o既時候..已經見到我同伴..佢已經..俾d野咬緊喇..(呢個moment又記得返佢係邊個做..原來係..敖敖><)

咁我就打死左幾隻..因為我果時已經無子彈喇..同埋..得返一技手搶><

我決定..用最大o既奮力跑上地面一樓..諗住走出呢個恐怖o既地方..而果一個moment..我只係諗住去搵我心裡o既果個人..去保護佢..因為..我地已經控制唔到d活死人喇..佢地可能會擴散去其他區域

好喇..我好奮力咁上到地面..去到大門o既時候..又俾我見返警察同一d未被感染o既居民..佢地正o係度打緊個大門..希望走出呢個地方..而果d野呢個時候已經就黎上到黎喇..

咁我就同警察幫手整開隻門..我地好辛苦咁整開左之後..已經見到d活死人同血獸上到地面喇!!!

而d未被感染o既人..就爭先x後咁衝出去..因為果d正常人多數係老人家..所以..當d野追到佢地o既時候..我地只可以聽到痛苦o既聲音><

出到去..我同警察分散左..我見到左右都有路..左邊路有一間ok..右邊路有一間seven..咁我就選左seven果條路..

當我行左過去之後..我聽到..見到..我後面有d直昇機聲..原來..救援到喇!!!有好多特種部隊落左黎..我滿以為無事o既時候..

我發現..特種部隊只可能阻止活死人行動..不過血獸就..

我見到d血獸向四方八面走..咁因為我無受傷..所以我決定追..

唔知點解..我無問到其他人拎搶..又唔知點解..seven會有子彈賣..咁我就買左好多我技手搶o既子彈..去追殺血獸喇!!!

我一路追..一路追..殺左3,4隻..子彈就用得7788喇..

咁我行行下..見到前面有一架警車..咁滿心歡喜..以為有子彈..

我仲見到有2個警察坐左o係度..我諗住叫佢地幫手..不過.

佢地突然間落車..攻擊我@@..打打下..我發現..原來佢地都係血獸黎架>m<..我好努力咁戰鬥..結果殺左佢地..不過就受左重傷..

咁我一面走一面打其他血獸(因為有返子彈..)而當時我o既內心..只係得一個信念..就係..去搵一個人..我希望見到佢一面..係我..之前

我一路走一路走..走到去海邊..聽到有d熟悉o既聲音..原來..我其他o既同伴之中..除左飯堂果2個同我另外果個咩左之外..其他人都無事..而且..仲叫埋救兵添..

而我果一組人..就可以搭船離開..而警察..都o係度..

咁當佢地幫我醫療緊o既時候..警察就整緊隻船開..我地大家都發現..大家都無洒子彈喇><

醫醫下o既時候..突然..海裡有一隻怪物..佢將警察一野就ko左

之後一個一個咁ko我地..當到我o既時候..我就.........醒左><

醒左之後..成身都係汗..好恐怖..個心跳得勁快..仲有d以為..我真係o係一個咁o既世界上>m<..超驚!!!(因為我起身o既時候個天又黑黑地呢><)

我發個咁o既夢..可能係同我玩緊果隻resident evil 4(生化危機4)有關
爆難玩o既一隻game..

因為呢篇野太長所以日記打另一篇..

發完個惡夢醒左之後..準備..返學..

返到去..遲左少少..結果我都係返到去先知邊個班房..

一連上完4堂英文..又做listening..又做speaking..

因為..我聽日考listening..下星2考speaking..

之後就lunch喇..今日lunch..去左..Neway唱k

唱lunchK..不過..得2個人..我發現..原來k lunch d野食都ok喎

2個人..唱2個幾鍾..加野食..野飲..都係果82蚊(仲平過味千-.-)

我又發現..原來alice可以唱到好高音..不過佢都ok多歌未聽過..

我點o既歌..佢好多唔識..佢點o既歌..我差唔多all識

唱完之後(我最經典係唱童話同浮誇)又要返學..

我都未試過唱完k係要返學o既-.-

返到去..上左2堂CMT..都無乜心機..因為諗緊第一次車(人)要點整架車..

又同孖仔地講下車經..原來佢地都識ok多車o既野喎^^

上完2堂..放學..放左之後..

我知道左一樣野..唔係幾開心啦..一開頭..唔講喇..

返到鋪頭..都真係ok唔開心..咪飲左2罐囉..空肚飲急酒..超傷身><

放狗果陣..仲係好唔開心..老豆問我做咩想醉..做咩想嘔..

我本身都唔係好想講..不過..佢講左d道理..我咪同佢講少少囉..

之後佢又同我講左好多野..有一句..超中point..[講好過唔講啦]

佢又解釋埋..我覺得..某程度上..係我錯..太小器..又唔識將心比心..sorry..ar(但係都係因為我重視..先會有咁o既反應..)

同老豆傾左一陣..要上去人地屋企食飯..

上到去..又飲左技幾..哇..有d..咩添..

食食下野..都係唔得..決定打返電話俾人..不過唔聽..sorry

咁咪send sms囉..一封道歉o既sms..

又食多陣..8點幾..走喇..之後返home..

睇阿旺..睇完..再打俾人..今次聽喇..

講左陣..我諗..forgive左我喇..可???

之後沖涼..用電腦..見到人online..咪約佢傾日囉..(好野..痛苦o既7日..過埋今日就完喇..聽日..我就有真正o既車牌喇!!!)

[真心話..我真係有d私心架..真係有d想你做返上次黎搵我做o既野..可唔可以o姐???]

之後我就打左果個夢......打左好耐..正唔正呢..不過我諗會有d悶囉..

跟住打埋日記..要訓喇..聽日仲要考試架@@!!!