尋晚我結果係傾電話傾到4點..傑佬上左黎睇波..(好彩有個人肯陪我傾電話傾到4點o姐^^)

唉..和左..不過好彩..唔係我隊愛隊o姐

同傑佬睇波睇到6點幾..佢走左之後..我睇左陣電視就訓喇..

7點到..一直訓到2點..期間都俾d電話嘈醒左ok多次-.-

起左身之後..無乜野做..玩左陣icq..都無人online-.-..咪傾電話囉

2點8到..等到傑佬起身..約左佢出去食野

食完佢話想去灣仔188睇下games喎

ok..我正煩惱緊今日到底去邊先唔會悶

又咁耐未買過新games喎..銀包又有少少水咁

去到之後..係行囉..都ok無聊咁行左陣

見到想買o既games又無乜動力買喎..但係..就發現返一隻game..

行左陣..去埋298行..不過都係(無聊行)

走果陣..無啦啦好想玩石器時代..結果我地都一致決定..玩返哩一隻由中1
就開始o係我地o既生活中出現o既game

買左300蚊玩哩隻game要買o既野..走喇(我俾左錢先醒起..我今個月o既電話費o既問題><..我之所以有水..原來係要黎交錢@@><)

不過買左咯..無辦法啦..唯有再諗計

買完就返鋪頭喇..返到去6點到..hea到收鋪..

(我見老豆話今晚家姐會返黎打邊爐..咪返鋪頭食囉..如果唔係我都會同傑佬食架..)

打緊果陣..咁開頭我都無乜野架..但係細傑無啦啦提電話費哩個問題..><

佢開頭口口聲聲話幫我..實牙實齒咁..之後問我家姐要交幾多錢..

我家姐一講左個數目出黎..佢就話..唔得呀唔得呀..你都係自己節衣縮食啦..我幫唔到你架喇!!

我頂..你如果係咁o既話..你就唔好出聲話幫手啦..我都無諗過你會幫到我..我自己諗就有計架啦

你開左口話幫..但係又反口..我最唔鍾意就係d人咁

咁我咪立刻話..我唔係一定要你幫先得o既..我都仲係o係哩間鋪頭行出黎7百幾蚊我唔會拎唔到出黎o既

之後我就一直都無出聲..心情一路變差

咁我咪入左老豆房..爆囉..勁多粗口咁..老豆叫我..算吧啦..之後俾左200
蚊我..

出到黎..去左個廁所..之後家姐行左入黎..

佢問我係咪嬲細傑..我都唔係好想講..o姐係有d野..你話幫..好ok我好感激你..但係你唔好聽左幾多之後就(縮沙)先得架

我無諗過佢係會幫到我..但係佢一聽到幾多錢之後果下反應..真係好黑人憎!!!

我係用多左錢呀..哩期..但係..我都仲係一間金鋪o既老闆個仔囉..我想話!!!!!

之後家姐就話..其實佢好關心你架..之類果d啦..講講下..細傑入左黎..佢同家姐講..話叫家姐幫我俾住先..佢27號出糧俾返家姐

我聽完..覺得..你咁做咩意思o姐..頭先第一下反應你又咁講

不過家姐都講得o岩o既..如果佢係唔幫我o既..佢無須要行入黎咁講囉..又講左陣..(都o岩o既..好似果晚咁..我真係ok..buy佢講o既野架)

算啦..佢第2次行入黎..都say左sorry咯..話語氣問題..

我都覺得..做人o既野..太計較真係唔好..咪只會唔開心

我出左去之後..佢細細聲同我講..就係因為佢識左我咁耐..佢發覺到..我媽咪..我d屋企人平時係點樣(種)我

佢咁做係想我知道..哩個世界係無不勞而獲哩樣野架..出到黎做野..唔會再有人對你係好似屋企人對你咁架喇..

(我覺得..佢講得ok岩..我係真係ok有少爺o既脾氣..不勞而獲哩個問題..我真係要好好反省一下..)

佢問我要幾多..我都唔想問佢要咁多喇..我同佢講200蚊夠喇..但係佢俾左240我..我好多謝佢..可能..真係我對佢o既了解唔夠啦..

(我要交7xx..老豆交17x..而家我有200+240..o既係6xx..咁o既係死多舊幾水返黎就夠啦..)

之後我再食多陣野..就走喇..果陣9點幾..

返到屋企..拎左d野俾傑佬..之後我地就傾住電話玩石器喇..

一直係咁樣..真到點幾..收線喇

我本身諗住去沖涼..打日記..不過一同傑佬收左線無幾耐之後..

無啦啦有個佢話係女仔o既人o係icq..add左我..我咪同佢傾左陣囉..最後仲換埋電話..

咁我沖完涼..準備打日記o既時候..又有第二個o係icq識o既女仔chat我(咁巧合-.-)..咁咪又吹左陣囉..(佢..同我表妹係讀同一間ive..同一樣野架@@@@!!!!)

之後回返個massage俾yukey..[你都真係ok耐無online-.-..不過你要考試..咁我地都係等你考完試..搵日再詳談啦^^]

2點半到..我先可以打日記..打完真係要訓喇..唔通聽日又唔返學咩-.-

(今日已經係第4個人..係我唔識o既..而o係icq..add我..不過我硬係覺得..除左阿盈之外..其他都應該係我識o既人咁o姐-.-)係就要小心d喇---.---

今日12點半起身

食野..之後睇左套哥c拉..之後又打左陣機

玩左陣..(愈)南戰爭..打爆左一次

睇左一集新電視播o既神鵰

4點..落鋪頭..學人做生意..睇下老豆地點樣sell客

又睇下報紙咁..就係咁..去到收鋪

今日老豆又話自己煮..唔出去食喎

又係我同老豆o既製作..

我今日有d異常..因為..我食左斤幾菜-.-

食完..睇左紀曉嵐..又o係鋪頭睇左2個神鵰o既碟

睇到10點10..要高速返屋企

因為我隊愛隊---利物浦有比賽

我今日由鋪頭行返屋企..用左10分鐘..平時係要20分鐘架

返到上去..睇遲左6分鐘-.-

唉..場波><和左..停止左10連win

睇完..沖涼..打日記..

(我聽日好似係要返學架..不過..我o既內心意願係唔返架..再加上聽日d堂都ok無聊-.-)

今日..12點起身..(唉..日日都唔記得自己幾點起身)

起左身..打左陣機

點幾..落鋪頭..,本身諗住今日老豆同家姐都放假

可以去下街咁..不過..一落到去就見到老豆準備執野


等埋個妹..去食lunch..(唔知點解..我哩個星期..食親野..飽左之後個胃都會勁勁勁痛><)

返到鋪頭就見到家姐落左黎喇

佢都幫手喎@@!!!..真係估佢唔到佢都會幫手

咁之後我地就由3點幾..執到6點幾..

放左狗..就去左家姐男朋友屋企打邊爐..

打打下..就飽果陣..個胃已經開始痛痛地

又食多陣..個胃變得超痛><(果種痛..真係好難頂..因為係裡面痛..)

講真..都可以算係我最痛o既一次..痛到冷汗都出埋><

真係唔掂..想嘔又嘔唔到><

家姐個男朋友話可能係胃潰瘍..一定要打針先得

結果決定去睇醫生..去到..等等下..又唔痛喇-.-

見左醫生同佢講左之後..佢話係胃淡..種痛法同胃潰瘍唔同..

睇完醫生之後就返屋企喇

返到去..睇左2隻神鵰o既碟

就睇叱吒喇..同傑佬傾住睇..睇完..

繼續傾..傾住打日記..不過都無乜有建設性o既話題..

打日記之前..祝大家..
新年快樂..有乜唔開心o既野..除住2005o既離開..一齊跟住走晒∼∼∼

今朝10點半..傑佬打黎嘈醒左我..

不過我都係訓到11點先真正起身

起身之後打左陣機..打到1點幾

約左傑佬食野..所以要準備下..

砌圖..幫個妹砌佢個1000塊o既砌圖..砌左10幾塊-.-

就落街喇..傑佬約我1點半..不過我等到佢成2點都未得

o係樓下等-.-..一路等一路同shirley傾電話..

等等下..都係唔等喇..行落鋪頭

落到去..hea左陣..傑佬先打返黎..

我要去到3點幾先去食lunch-.-

食完..上左停車場睇下部車@@

睇睇下..三舅父打黎..話佢要睇下部車..因為舅父仔話有d問題><

之後同傑佬坐住三舅父車..去試車..

點知..真係好有問題><..係都ok大獲果隻..

不過..三舅父話拎去整o既時候都無哩d問題..

大家都唔係好知點好..保守估計..要全整..至少要5個位><

試完車..泊返架車之後..(我揸返車o既一刻-.-)

傑佬返屋企..我繼續o係鋪頭hea..果陣5點幾

又同shirley傾左陣..有d野..發生左係唔可以當無發生過..

會有改變囉..(色)目以待啦!!!

收左鋪之後..同老豆..妹去食野..食完

老豆話去遊車河..咁咪陪佢囉..

遊左去長沙灣果頭@@..搭118..原來總站轉左都唔知

所以落左車之後行左好耐先至搵到車搭返鋪頭..

等等下車o既時候..阿雞打黎話去我鋪頭打痳雀喎-.-

返到鋪頭都11點3喇..(我仲約左傑佬11點添><)

立刻拎車..車完敖敖之後就搵傑佬喇..

車埋個妹返屋企..諗唔到去邊..返左鋪頭..

係咁易倒一倒數咁..就去食野喇..傑佬話肚餓..

12點幾喇..傑佬今日心情都ok超唔好..又話要飲啤酒..

咁咪陪下佢囉..點知..食完野..我地都係返左鋪頭打痳雀..

不過敖敖無啦啦話唔打喎-.-佢咁就返左屋企..

咁我見同老豆話我地會開台佢咁開心..好似想打埋一份咁(不過如果開..都
要佢一齊打先夠4隻腳)

雖然敖敖走左..不過我同傑佬都係決定陪下我老豆..同佢打架

個結果係..3個人打..原來都得架喎^^

打左個幾2個鍾..3點到..返屋企喇

走o既時候..三舅父問我萬事得泊左去邊..

因為..部Benz真係揸唔到..佢要揸返萬事得..

咁我見佢攞車..咪叫佢順便車埋我同傑佬返屋企囉..

返到屋企..3點..沖涼..打日記..打完就訓喇

我睇黎..部車今次都真係ok好大獲@@..不過..好彩今次唔係幾關我事o姐

咁就一個除夕喇..18歲o既除夕..不過..可以同2個好兄弟一齊過..已經係好多人(恨)都(恨)唔到架喇..我覺得..咁就足夠

(我今日發現左五月天首[知足]都ok好聽..同埋..光良首[約定],[天堂]..都好正..)

頭先o係我等緊老豆去食dinner..o既時候..睇左亞視o既一套光良o既野..咁我有d覺得..佢已經成為左我o既偶像..因為..佢d歌..大部份我都覺得好識..同覺得好正!!!

今朝6點先訓..訓到下午3點起身

起身無幾耐老豆就打上黎..叫我去上環

等左陣..打返篇超短o既日記

打完就差唔多ok喇

上左去..落返黎差唔多5點(o係車度..兩個舅父講d野超搞笑)

我都未食過野..好餓><

就去左seven買燒賣食..

食完..hea多陣..收鋪

等左陣..等埋個妹..去食野

食完..就返屋企喇

打機..個妹勁down新歌..正!!!

11點幾..錄歌!!!!!!!

大換呀..差唔多換晒所有歌^^

12點幾..打日記

(今日..見個妹o係度down歌..令到我記得要down一首歌..[天堂]..不過..d歌詞..唔係好明-.-)

今朝一點3起身..起身就打機喇

打到3點幾..打俾傑佬..傾左陣

就睇神鵰..一睇就睇到..7點幾

食左飯..又睇過

睇到11點幾..傑佬打黎

我又同佢傾計..又轉打機喇..

一打就打到4點..出左去睇波

睇到6點..去訓了

好野..我隊愛隊又贏喇..
(我個日記網最短o既日記..)

今日1點起身..俾我家姐打黎嘈醒左我><

佢叫我上網幫細傑預約換智能身分證..

之後打返日記..

又轉下日記歌咁

打左陣機..就落鋪頭喇..果陣3點幾

落到去..食左d野..又食左野粥

然後就hea..hea..hea喇

hea到5點幾..有d眼訓..食左d藥

去訓..訓到..7點幾

今日要同老豆地去睇king..kong

等下家姐地..等左陣..去食野

食完..就去戲院喇..行去..因為仲有好多時間..

去到..又hea左陣..入場

套戲..好正..雖然開頭有少少悶..不果之後好好睇

個結局都ok感動

睇完..都成點半喇..因為套戲3個鍾..

搭的士返home..返到去..睇下傑佬之前o既日記

同佢傾住電話打日記..打完..都2點半喇..

(今日突然鍾意返..[我難過]哩首歌..d歌詞呀!!!而家..比我之前聽o既時候o岩好多..)

http://mp3.uiuni.com/103/0312412.wma
哩條係[你到低愛誰]o既Link
鍾意聽o既人..可以去down